ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Ер ва бошқа табиий ресурслар. Атроф-муҳит муҳофазаси / Ўсимлик дунёси тўғрисидаги қонунчилик / Ўрмон хўжалигини ташкиллаштириш /Ўзбекистон Республикаси Вазирлар Маҳкамасининг 24.12.2019 й. 1031-сон "Орол денгизи тубидаги суви қуриган ҳудудларда "яшил қопламалар" - ҳимоя ўрмонзорлари барпо этиш бўйича қўшимча чора-тадбирлар тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
24.12.2019 й.
N 1031
ОРОЛ ДЕНГИЗИ ТУБИДАГИ
СУВИ ҚУРИГАН ҲУДУДЛАРДА "ЯШИЛ
ҚОПЛАМАЛАР" - ҲИМОЯ ЎРМОНЗОРЛАРИ
БАРПО ЭТИШ БЎЙИЧА ҚЎШИМЧА
ЧОРА-ТАДБИРЛАР ТЎҒРИСИДА
Орол денгизи тубидаги суви қуриган ҳудудларда "яшил қопламалар" - ҳимоя ўрмонзорлари барпо этиш, экологик муҳитни барқарорлаштириш ҳамда табиий мувозанатни тиклаш мақсадида тизимли ишлар олиб борилмоқда.
Натижада ушбу ҳудудда 1 126 минг гектар майдон экишга тайёрланиб, 461 минг гектарда ўрмон барпо қилиш ишлари амалга оширилди, жумладан, 93 км масофада ҳимоя тўсиқлари ташкил этилиб, келгуси экиш мавсумларида ушбу ҳудудда экиш ишларини давом эттириш учун 420 гектар майдонда саксовул ниҳолхоналари ташкил этилди.
Орол денгизининг суви қуриган тубидан кўтарилаётган қум, туз ва чанг заррачаларининг салбий таъсирини камайтириш, ушбу ҳудудларда чўл ўсимликларидан "яшил қопламалар" - ҳимоя ўрмонзорлари барпо этиш ишларини изчиллик билан давом эттириш ҳамда глобал иқлим ўзгаришлари ва Орол денгизи қуришининг қишлоқ хўжалиги ривожланиши ҳамда аҳолининг ҳаёти ва фаолиятига салбий таъсирини янада юмшатиш, шунингдек, 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни тизимли амалга ошириш мақсадида Вазирлар Маҳкамаси ҚАРОР ҚИЛАДИ:
1. Ўзбекистон Республикаси Ўрмон хўжалиги давлат қўмитаси ва Қорақалпоғистон Республикаси Вазирлар Кенгашининг Орол денгизининг суви қуриган тубида "яшил қопламалар" - ҳимоя ўрмонзорлари (кейинги ўринларда "яшил қопламалар" деб аталади) барпо этишни давом эттириш тўғрисидаги таклифига розилик берилсин.
2. Қуйидагилар:
Орол денгизининг суви қуриган ҳудудида 2019 йилнинг куз-қиш ва 2020 йилнинг баҳор ва куз-қиш мавсумлари давомида "яшил қопламалар" барпо этиш ҳажмлари 1-иловага мувофиқ;
Орол денгизининг суви қуриган ҳудудида 2019 йилнинг куз-қиш ва 2020 йилнинг баҳор ва куз-қиш мавсумлари давомида "яшил қопламалар" барпо этиш учун чўл ўсимликлари уруғларини тайёрлаш ҳажмлари 2-иловага мувофиқ;
Орол денгизининг суви қуриган ҳудудларида 2019 йилнинг қиш 2020 йил баҳор мавсумида ўрмон мелиорация тадбирларини амалга ошириш бўйича "Йўл харита"си 3-иловага мувофиқ тасдиқлансин.
3. Қорақалпоғистон Республикаси Вазирлар Кенгаши Ўзбекистон Республикаси Ер ресурслари, геодезия, картография ва давлат кадастри давлат қўмитаси ҳамда Ўрмон хўжалиги давлат қўмитаси билан биргаликда бир ой муддатда Орол денгизининг суви қуриган ҳудудини белгиланган тартибда хатловдан ўтказсин, бунда:
тупроқ типларини ва шўрланиш даражасини ўрганишга алоҳида эътибор қаратилсин;
2019-2020 йилларда "яшил қопламалар" барпо этиладиган майдонларни аниқласин ва харитасини ишлаб чиқсин;
2019-2020 йилларда "яшил қопламалар" барпо этиладиган ер майдонлари доимий фойдаланиш ҳуқуқи асосида давлат ўрмон фондига берилишини таъминласин.
4. Ўзбекистон Республикаси Ўрмон хўжалиги давлат қўмитаси:
а) "яшил қопламалар" барпо этиладиган ҳудудларни ўрмон хўжаликларининг имкониятидан келиб чиқиб бириктирилишини, "яшил қопламалар" амалга ошириладиган ҳудудларда ҳимоя ўрмонзорлари ўз муддатида ва сифатли барпо этилиши назорат қилинишини;
"яшил қопламалар" барпо этиладиган ўрмон хўжаликлари ходимларига Ўзбекистон Республикаси Ўрмон хўжалиги давлат қўмитаси ва унинг тизимига кирувчи ташкилотлар ходимлари меҳнатига ҳақ тўлаш тартибига асосан белгиланган тартибда компенсация харажатлари тўланиши назарда тутилишини таъминласин;
б) Қорақалпоғистон Республикаси Вазирлар Кенгаши билан биргаликда Орол денгизининг суви қуриган ҳудудида 2019 йилнинг куз-қиш ва 2020 йилнинг баҳор ва куз-қиш мавсумлари давомида жами 700 минг гектар майдонда "яшил қопламалар" барпо этилишини ташкил этсин.
5. Қуйидагилар "яшил қопламалар" барпо этишнинг молиялаштириш манбалари этиб белгилансин:
Қорақалпоғистон Республикаси республика бюджетининг прогнозга нисбатан ошириб бажарилган қисми ҳисобидан ажратиладиган маблағлар;
юридик ва жисмоний шахсларнинг, шу жумладан Ўзбекистон Республикаси норезидентларининг ҳомийлик хайриялари;
халқаро молия институтлари ва донор ташкилотлар маблағлари;
қонун ҳужжатларида тақиқланмаган бошқа манбалар.
6. "Ўзбекнефтгаз" акциядорлик жамияти Ўзбекистон Республикаси Вазирлар Маҳкамасининг "Орол денгизи тубидаги суви қуриган ҳудудларда "яшил қопламалар" - ҳимоя ўрмонзорлари барпо этишни жадаллаштириш чора-тадбирлари тўғрисида" 2019 йил 15 февралдаги 132-сон қарорининг 1-банди учинчи хатбошисида назарда тутилган маблағларнинг қолдиқ қисми 2019-2020 йиллар давомида "яшил қопламалар" барпо этиш учун Ўрмон хўжалиги давлат қўмитасининг банкдаги ҳисобварағига 10 кун муддатда график асосида ўтказиб берилишини таъминласин.
7. Ўзбекистон Республикаси Ўрмон хўжалиги давлат қўмитаси Инвестициялар ва ташқи савдо вазирлиги билан биргаликда "яшил қопламалар" барпо этишга мўлжалланган лойиҳа таклифларини ишлаб чиқиб, халқаро молия институтлари ва донор ташкилотларнинг маблағларини жалб этиш чораларини кўрсин.
8. Ўзбекистон Республикаси Ўрмон хўжалиги давлат қўмитаси "яшил қопламалар" барпо этиш учун:
ўрмон хўжаликларидан қўшимча 1000 нафар ходим жалб этилишини;
ишчилар озиқ-овқат ва махсус кийим-кечаклар билан таъминланишини;
чўл ўсимликлари уруғлари захирасини жамғариш ва экиш учун узлуксиз етказиб беришни;
касаллик ва зараркунандаларга қарши курашиш воситалари билан таъминлашни;
вақтинча бино ва иншоотлар қуришни;
авиация, алоқа ва бошқа хизматларни жалб этишни;
зарур техника ва асбоб-ускуналарни сотиб олиш ва бошқа тадбирларни мувофиқлаштириб борсин.
9. Қорақалпоғистон Республикаси Вазирлар Кенгаши:
а) "яшил қопламалар" барпо этиш учун жалб этилган ишчи ходимларни ичимлик суви билан узлуксиз таъминлаш чораларини кўрсин;
б) Ўзбекистон Республикаси Транспорт вазирлиги билан биргаликда:
заруратга кўра, кичик аэродромлар ташкил этилишини;
ишчи ходимларни ҳудуддаги яшаш жойидан "яшил қопламалар" барпо этиш жойигача бўлган масофага ташиш учун тадбиркорлик субъектларидан шартнома асосида 20 та автобус ва уруғ ташиш учун 10 та юк ташишга мўлжалланган транспорт воситалари ажратилишини таъминласин.
10. Ўзбекистон Республикаси Иқтисодиёт ва саноат вазирлиги Энергетика вазирлиги, "Ўзбекнефтгаз" акциядорлик жамияти билан биргаликда икки ҳафта муддатда Ўрмон хўжалиги давлат қўмитаси тизимидаги тегишли ўрмон хўжаликларига зарур талабдан келиб чиқиб, суюлтирилган углеводород газини, ёқилғи-мойлаш маҳсулоти лимити ажратилишини белгиланган тартибда ҳал этиш чораларини кўрсин.
11. "Ҳудудгазтаъминот" акциядорлик жамияти Қорақалпоғистон Республикаси Вазирлар Кенгаши билан биргаликда Ўзбекистон Республикаси Ўрмон хўжалиги давлат қўмитаси тизимидаги тегишли ўрмон хўжаликларига ишчи ходимлар жойлашган вақтинча яшаш масканларини мавсум давомида газ баллонлари ва суюлтирилган углеводород газ билан узлуксиз таъминлаш чораларини кўрсин.
Бунда газ баллонлари ва суюлтирилган углеводород газ "Ҳудудгазтаъминот" акциядорлик жамияти томонидан ва ёқилғи-мойлаш маҳсулотлари "Ўзбекнефтгаз" акциядорлик жамияти томонидан Ўрмон хўжалиги давлат қўмитаси талаби асосида тасдиқланган график асосида етказиб берилиши инобатга олинсин.
12. Ўзбекистон Республикаси Ахборот технологиялари ва коммуникацияларини ривожлантириш вазирлиги Ўрмон хўжалиги давлат қўмитасининг сўровига асосан "яшил қопламалар" барпо этилаётган ҳудудда зарур алоқа воситаларидан фойдаланиш учун белгиланган тартибда шарт-шароитлар яратилишини таъминласин.
13. Ўзбекистон Республикаси Инновацион ривожланиш вазирлиги илмий-техник дастурлар доирасида эълон қилинган илмий-техник лойиҳалар танлови натижаларига асосан Оролбўйи минтақасида экологик ҳолатни яхшилаш, Орол фожиасининг салбий оқибатларини камайтириш, ўсимлик ва ҳайвонот дунёсини самарали муҳофаза қилиш ҳамда ўрмон хўжалигини ривожлантириш муаммолари билан боғлиқ фундаментал, амалий, илмий-тадқиқот ва инновацион ишланмаларга белгиланган тартибда экспертиза хулосалари олингандан кейин грантлар йўналтирилишини таъминласин.
14. Мўйноқ шаҳрини кўкаламзорлаштириш учун мос бўлган дарахт кўчатларини етиштириш, тайёрлаш, экиш ва парваришлаш ишларини тизимли ташкил этиш мақсадида:
а) Ўзбекистон Республикаси Ўрмон хўжалиги давлат қўмитаси:
Мўйноқ давлат ўрмон хўжалигида 20 гектар майдонда кўчатхона ташкил этилишини;
манзарали дарахт ва бута кўчатлари шартнома асосида етказиб берилишини таъминласин;
б) Қорақалпоғистон Республикаси Вазирлар Кенгаши:
Ўзбекистон Республикаси Ўрмон хўжалиги давлат қўмитаси ва Ер ресурслари, геодезия, картография ва давлат кадастри давлат қўмитаси биргаликда бир ой муддатда Мўйноқ шаҳрининг тупроқ-иқлим шароитига мос бўлган манзарали дарахт ва бута кўчатлари экилишини ва агротехник талаблар асосида парваришланишини ташкил этиш бўйича молиялаштириш манбаларини аниқ кўрсатган ҳолда комплекс чора-тадбирлар режасини ишлаб чиқиб, тасдиқласин.
15. Қуйидагилар Мўйноқ шаҳрини кўкаламзорлаштиришнинг молиялаштириш манбалари этиб белгилансин:
Қорақалпоғистон Республикаси республика бюджетининг прогнозга нисбатан ошириб бажарилган қисми ҳисобидан ажратиладиган маблағлар;
Ўзбекистон Республикаси Ўрмон хўжалиги давлат қўмитасининг Ўрмон хўжалигини ривожлантириш жамғармаси маблағлари;
юридик ва жисмоний шахсларнинг, шу жумладан Ўзбекистон Республикаси норезидентларининг ҳомийлик хайриялари;
халқаро молия институтлари ва донор ташкилотлар маблағлари;
қонун ҳужжатларида тақиқланмаган бошқа манбалар.
16. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Д. Вахабов, Ўзбекистон Республикаси Ўрмон хўжалиги давлат қўмитаси раиси Н.Ж. Бакиров, Қорақалпоғистон Республикаси Вазирлар Кенгаши Раиси Қ.Р. Сариев зиммасига юклансин.
Ўзбекистон Республикасининг Бош вазири А. Арипов
2019 йил 24 декабрдаги
1031-сон қарорига
1-ИЛОВА
Орол денгизининг суви қуриган ҳудудида
2019 йилнинг куз-қиш ва 2020 йилнинг баҳор ва
куз-қиш мавсумлари давомида "яшил қопламалар"
барпо этиш ҳажмлари
минг гектар
Т/р |
Дарахт ва бута турлари |
2019-2020 йилларда ўрмон барпо қилиш тадбирлари: |
шу жумладан:
|
||||||||||
2019 йил куз-қиш |
2020 йил баҳор
|
2020 йил куз-қиш |
|||||||||||
жами |
шундан: |
жами |
шундан: |
жами |
шундан:
|
жами |
шундан: |
||||||
уруғдан |
кўчатдан |
уруғдан |
кўчатдан |
Уруғдан
|
кўчатдан |
уруғдан |
кўчатдан |
||||||
1. |
Саксовул (қандим билан бирга)
|
500 |
400 |
100 |
109 |
80 |
29 |
212 |
180 |
32 |
179 |
140 |
39 |
2. |
Қорабуроқ
|
200 |
200 |
- |
60 |
60 |
- |
70 |
70 |
- |
70 |
70 |
- |
Жами:
|
700 |
600 |
100 |
169 |
140 |
29 |
282 |
250 |
32 |
249 |
210 |
39 |
|
2019 йил 24 декабрдаги
1031-сон қарорига
2-ИЛОВА
Орол денгизининг суви қуриган ҳудудида
2019 йилнинг куз-қиш ва 2020 йилнинг баҳор ва
куз-қиш мавсумлари давомида "яшил қопламалар"
барпо этиш учун чўл ўсимликлари уруғларини
тайёрлаш ҳажмлари
тонна
Т/р |
Дарахт ва бута турлари |
Жами 2019-2020 йилларда тайёрланадиган уруғ миқдори |
шу жумладан:
|
||
2019 йил куз-қиш мавсумларида
|
2020 йил баҳор мавсумида |
2020 йил куз-қиш мавсумларида |
|||
1. |
Саксовул
|
1064 |
376 |
332 |
356 |
2. |
Қандим
|
536 |
280 |
- |
256 |
3. |
Қорабуроқ
|
800 |
150 |
300 |
350 |
Жами:
|
2400 |
806 |
632 |
962 |
|
2019 йил 24 декабрдаги
1031-сон қарорига
3-ИЛОВА
Орол денгизининг суви қуриган ҳудудларида
2019 йилнинг қиш 2020 йил баҳор мавсумида ўрмон
мелиорация тадбирларини амалга ошириш бўйича
"ЙЎЛ ХАРИТАСИ"
Т/р |
Амалга ошириладиган тадбирлар
|
Амалга ошириш механизми |
Муддати |
Масъуллар |
1. |
700 минг гектар майдонда ўрмон мелиорация тадбирларини амалга ошириш бўйича учун ер майдонларини аниқлаш. |
1. Ўрмон мелиорация тадбирларини амалга ошириш бўйича ер майдонларини хатловдан ўтказиш. 2. Хатлов натижасидан аниқланган ер майдонларини ўрмон фонди ер балансига ўтказилишини таъминлаш.
|
2019 йил декабрь |
Қорақалпоғистон Республикаси Вазирлар Кенгаши, Ер ресурслари, геодезия, картография ва давлат кадастри давлат қўмитаси, Ўрмон хўжалиги давлат қўмитаси
|
2. |
Орол денгизининг суви қуриган тубида ўрмон мелиорация тадбирларини амалга ошириш учун ер майдонларининг тупроқ таркиби ва денгиз чўкиндилари турларини аниқлаш. |
1. Орол денгизининг суви қуриган тубида ўрмон мелиорация тадбирлари ўтказиладиган майдонларни координатларини аниқлаш ва денгиз чўкиндилари турини ўрганиш. 2. Суви қуриган денгиз ости чўкинди ётқизиқларининг турларидан келиб чиқиб, ўрмон мелиорация тадбирлари бажариладиган ҳудудларни карта - схемасини тайёрлаш. 3. Ҳудудда ўрмон мелиорация тадбирларини ўтказиш технологиясини ва экиладиган дарахт ва бута турларини аниқлаш. 4. Ўрмон мелиорация тадбирларини амалга ошириш усулларини ишлаб чиқиш.
|
2019 йил декабрь |
Ўрмон хўжалиги давлат қўмитаси |
3. |
Орол денгизининг суви қуриган тубида ўрмон мелиорация тадбирларини амалга ошириш учун талаб этиладиган уруғлик захирасини жамғариш. |
1. Чўл ва яйлов ўсимликлари уруғлари тайёрланадиган ўрмонзорларни ва бутазор майдонларини аниқлаш. 2. Ўрмон мелиорация тадбирларини амалга ошириш бўйича лойиҳа ҳужжатларидан келиб чиқиб, чўл ва яйлов ўсимликлари уруғларини турлари бўйича уруғлик жамғариш ҳажмини аниқлаш.
|
2019 йил декабрь |
Ўрмон хўжалиги давлат қўмитаси |
4. |
Ўрмон мелиорация тадбирларини амалга ошириш учун талаб этиладиган техника, транспорт воситалари, агрегатлар ва механизмлар, эҳтиёт қисмлар, вагон уйлар, ёқилғи-мойлаш маҳсулотлари, алоқа воситалари, ишчи кучи, озиқ-овқат ва кийим-кечаклар дислокациясини белгилаш. |
1. Ўрмон мелиорация тадбирларини амалга ошириш учун талаб этиладиган техника, транспорт воситалари, агрегатлар ва механизмлар, эҳтиёт қисмлар, вагон уйлар, ёқилғи-мойлаш маҳсулотлари, алоқа воситалари, ишчи кучи, озиқ-овқат ва кийим-кечаклар ва зарур маблағларни миқдори ва манбасини ишлаб чиқиш. 2. Ишчи кучи дислокациясини ишлаб чиқиш.
|
2019 йил декабрь |
Ўрмон хўжалиги давлат қўмитаси, Фавқулодда вазиятлар вазирлиги, Қорақалпоғистон Республикаси Вазирлар Кенгаши |
5. |
Ўрмон мелиорация тадбирларини амалга ошириш учун талаб этиладиган техникалар билан таъминлаш ҳамда жалб этиладиган ишчи-ходимларга қулай шарт-шароитлар яратиш. |
1. Ўрмон мелиорация тадбирларини амалга оширишда қатнашаётган ишчи-ходимлар яшашлари, уларнинг ҳордиқ чиқаришлари ва овқатланишлари учун махсус мослаштирилган мобил вагончалар (кўчма ётоқлар)ни таъмирлаш ва мавсум давомида соз ҳолатда сақлаш мақсадида зарур эҳтиёт қисмлар билан бирга тегишли мутахассисларни юбориш.
|
2019 йил декабрь |
Қорақалпоғистон Республикаси Вазирлар Кенгаши ва вилоятлар ҳокимликлари |
2.Ҳудуднинг совуқ об-ҳаво шароитини инобатга олиб, ишчи-ходимлар учун қишки кийим-кечак, қўлқоплар, захира оёқ кийимлар, термос ҳамда бошқа зарур жиҳозлар билан таъминлашни ташкил этиш.
|
Мавсум даврида |
|||
3. Ҳудудлардан сафарбар этилаётган техникаларнинг соз ҳолатда бўлиши, ишчи-ходимларнинг оилаларидан хабар олиб туриш ва уларни ижтимоий қўллаб-қувватлаш чораларини кўриш.
|
Доимий |
|||
6. |
Ўрмон мелиорация тадбирларини амалга ошириш учун ҳудудлардан жалб этиладиган трактор ва бошқа техникаларни Қорақалпоғистон Республикасининг Мўйноқ туманига етказиш. |
1. Тадбирга жалб этиладиган трактор ва бошқа техникаларни Қорақалпоғистон Республикасининг Мўйноқ туманига етказиб бериш юзасидан Қорақалпоғистон Республикаси Вазирлар Кенгаши ва вилоят ҳокимликлари билан биргаликда ҳудудлар жойлашувини инобатга олган ҳолда график ишлаб чиқиш. 2. Тасдиқланган график асосида трактор ва бошқа техникаларнинг Қорақалпоғистон Республикасининг Мўйноқ туманига етказилишини ташкил этиш.
|
2019 йил декабрь |
Транспорт вазирлиги, "Ўзбекистон темир йўллари" АЖ, Қорақалпоғистон Республикаси Вазирлар Кенгаши ва вилоятлар ҳокимликлари |
7. |
Ўрмон мелиорация тадбирларини амалга оширишда АН-2 самолётларидан фойдланишни ташкил этиш. |
1. Ўрмон мелиорация тадбирларини амалга ошириш учун шартнома асосида АН-2 самолётларини жалб этиш. 2. Ҳудудда авиация учун зарур аэродромлар ва йўлларни ташкил этиш. 3. Ўрмон мелиорация тадбирларини амалга ошириш учун жалб этилган АН-2 самолётларини узлуксиз ёқилғи-мойлаш маҳсулотлари ва эҳтиёт қисмлар билан таъминлаш.
|
Экиш мавсумида |
Ўрмон хўжалиги давлат қўмитаси, Қорақалпоғистон Республикаси Вазирлар Кенгаши, Транспорт вазирлиги, "Uzbekistan Helicopters" МЧЖ |
8. |
Ўрмон мелиорация тадбирларини амалга ошириш (саксовул ва бошқа чўл ўсимликлари уруғларини сепиш, ниҳолларини экиш). |
1. Аниқланган ҳудудлардан уруғ теришни ташкил этиш ва ушбу тадбирларга маҳаллий аҳолини жалб этиш чоралар кўриш. 2. Терилган уруғларни техникалар билан экиладиган ҳудудларга ва вақтинча аэродромларга етказиш. 3. Уруғларни АН-2 самолётларида экишни ташкил этиш. 4. Техникалар ёрдамида уруғ экиладиган ҳудудларни белгилаб чиқиш. 5. Уруғларни экишни ташкил этиш. 6. Саксовул ва бошқа чўл ўсимликлари ниҳолларни қазиш бўйича гуруҳлар тузиш. 7. Саксовул ва бошқа чўл ўсимликлари экиладиган ҳудудларга ниҳолларни, кўчат экиш агрегатларини ва кўчат экиш мосламаларини (меч Колесева) етказиш. 8. Қум билан тўлган ариқларни аниқлаш. 9. Уруғ ва ниҳолларни сифатли экилишини мониторинг қилиш.
|
2019 йил декабрь - 2020 йил март |
Ўрмон хўжалиги давлат қўмитаси, Қорақалпоғистон Республикаси Вазирлар Кенгаши, Транспорт вазирлиги, "Uzbekistan Helicopters" МЧЖ |
9. |
Қорақалпоғистон Республикаси ўрмон хўжаликларида чўл ўсимликлари ниҳоларини етиштириш учун кўчатхоналар ташкил этиш. |
1. Кўчатхоналар ташкил этиш учун ер майдонларини аниқлаш ва уларни экишга тайёрлаш. 2. Кўчатхоналарга саксовул ва бошқа чўл ўсимликлари уруғларини экиш.
|
2019 йил декабрь- 2020 йил февраль
|
Ўрмон хўжалиги давлат қўмитаси |
10. |
3 минг гектар майдонда маҳсулдор яйловзорлар барпо этиш. |
1. Яйлов ўсимликлари ўсадиган ҳудудларни аниқлаш. 2. Аниқланган ҳудудлардан уруғларни тайёрлашни ташкил этиш. 3. Тайёрланган уруғларни экиладиган ҳудудларга етказиш. 4. Яйлов ўсимликлари уруғларини уруғларини алоҳида турма-тур экишни ташкил этиш.
|
2019 йил декабрь Экиш мавсумида |
Ўрмон хўжалиги давлат қўмитаси |
11. |
Ўрмон мелиорация тадбирларини узлуксиз молиялаштиришни ташкил этиш. |
Ишлаб чиқилган лойиҳа смета харажатларига асосан молиялаштиришни ташкил этиш. |
2019 йил IV чорак ва 2020 йил I чоракда |
Молия вазирлиги, Ўрмон хўжалиги давлат қўмитаси, Қорақалпоғистон Республикаси Вазирлар Кенгаши, Инвестициялар ва ташқи савдо вазирлиги
|
12. |
Орол денгизининг суви қуриган ҳудудида "Яшил воҳа" барпо этишни ташкил этиш. |
1. "Яшил воҳа" барпо этиш учун 3 гектар ер майдонини аниқлаш. 2. Танланган ер майдонини экишга тайёрлаш.
|
2019 йил декабрь
|
Ўрмон хўжалиги давлат қўмитаси |
3. "Яшил воҳа" барпо этиш учун талаб этиладиган манзарали ва мевали дарахт ва бута турларини аниқлаш. 4. Танланган манзарали ва мевали дарахт ва бута кўчатларини экиш.
|
2020 йил, март-апрель |
|||
13. |
Ўрмон мелиорация тадбирларини амалга оширишни ташкил этишни мониторинг қилиш. |
1. Ўрмон мелиорация тадбирларини амалга оширишни ташкил этишни мониторинг қилиш мақсадида масъул ходимлардан иборат ишчи гуруҳ тузиб, Қорақалпоғистон Республикаси Мўйноқ туманида махсус "Штаб" фаолиятини ташкил этиш. 2. Ҳар бир ҳудудларга бириктирилган масъуллар томонидан тақдим этилган кунлик маълумотларни тўплаш, таҳлил қилиш, умумлаштириш ва Ўзбекистон Республикаси Президенти Администрацияси ҳамда Вазирлар Маҳкамасига тақдим этиб борилишини таъминлаш.
|
Мавсум давомида |
Ўрмон хўжалиги давлат қўмитаси, Фавқулодда вазиятлар вазирлиги, Қорақалпоғистон Республикаси Вазирлар Кенгаши |
Қонун ҳужжатлари маълумотлари миллий базаси (www.lex.uz),
2019 йил 25 декабрь
78-150-11-72 
Мобильная версия сайта