Ўзбекистон Республикасига олиб кириладиган "М" ва "N" тоифалардаги ғилдиракли янги транспорт воситаларининг экологик тоифа талабларига мувофиқлигини экологик сертификатлаш тартиби тўғрисида Низом (ЎзР ВМ 30.01.2020 й. 50-сон қарорига илова)

Функция недоступна

Вазирлар Маҳкамасининг

2020 йил 30 январдаги

50-сон қарорига

ИЛОВА

Ўзбекистон Республикасига олиб кириладиган

"М" ва "N" тоифалардаги ғилдиракли янги

транспорт воситаларининг экологик тоифа

талабларига мувофиқлигини экологик

сертификатлаш тартиби тўғрисида

НИЗОМ

1-БОБ. УМУМИЙ ҚОИДАЛАР

1. Ушбу Низом Ўзбекистон Республикасига олиб кириладиган газ, бензин ва дизель двигателлари билан жиҳозланган Евро-4 экологик тоифа (кейинги ўринларда экологик стандарт деб аталади) талабларига мос келадиган "М" ва "N" тоифалардаги ғилдиракли янги транспорт воситаларини экологик сертификатлаш тартибини белгилайди.

2. Низомда қуйидаги асосий тушунчалар қўлланилади:

ғилдиракли транспорт воситалари - йўловчилар, багаж ва юкларни ташиш ҳамда махсус ишларни бажариш учун мўлжалланган автомобиллар, шатакка олувчи автомобиллар, тиркамалар ва ярим тиркамалар;

ғилдиракли транспорт воситаларидан ташламалар - ички ёнув двигателларининг ишлаши натижасида ажралиб чиқадиган (углерод оксиди, углеводородлар, азот оксидлари ва дисперс зарралар) чиқинди газлар ва ғилдиракли транспорт воситаларининг ёқилғисидан чиқадиган буғлардан иборат зарарли (ифлослантирувчи) моддалар;

дизель - сиқилиши натижасида ёниш тамойилига асосланган двигатель;

ифлослантирувчи модда - атроф муҳит ва инсон соғлиғига зарар етказиши мумкин бўлган модда;

ариза берувчи - юридик ёки жисмоний шахс;

техник эксперт - мувофиқликни баҳолаш соҳасида ишни, жараённи ёки фаолиятни ташкил этиш билан боғлиқ махсус билим ва тажрибага эга бўлган жисмоний шахс;

ички ёнув двигатели - бензин ёки газ ёнилғисида ишлайдиган, мажбурий тартибда учқун ёрдамида ёқиладиган двигатель;

синов цикли - двигателни маълум бир айланиш частотаси ва моменти билан барқарор ва вақтинчалик шароитларда бажариладиган синовлар кетма-кетлиги;

ғилдиракли янги транспорт воситаси - ишлаб чиқарилган кундан бошлаб уч йилдан ортиқ вақт ўтмаган ғилдиракли транспорт воситаси;

экологик сертификатлаш органи - Ўзбекистон Республикаси Экология ва атроф муҳитни муҳофаза қилиш давлат қўмитаси ҳузуридаги газ, бензин ва дизель двигателлари билан жиҳозланган ҳамда экологик стандартдан паст бўлмаган экологик тоифа меъёрларига мос келадиган "М" ва "N" тоифалардаги ғилдиракли транспорт воситаларини экологик сертификатлаш ишларини олиб борадиган экология ва атроф муҳитни муҳофаза қилиш соҳасидаги мувофиқликни баҳолаш органи;

"М" тоифадаги ғилдиракли транспорт воситалари - камида тўртта ғилдираги мавжуд бўлган йўловчи ташишда ишлатиладиган механик ғилдиракли янги транспорт воситалари, шунингдек, ҳайдовчининг жойидан ташқари саккизтадан ошмаган ўриндиқлар билан таъминланган, йўловчи ташишда ишлатиладиган автобуслар, микроавтобуслар, махсус йўловчи ғилдиракли транспорт воситалари, электродвигателлар билан жиҳозланган ғилдиракли транспортлар бунга кирмайди;

"N" тоифадаги ғилдиракли транспорт воситалари - юкларни ташишда фойдаланиладиган, максимал массаси 3,5 тоннадан ошмайдиган ғилдиракли транспорт воситалари, юкларни ташишга мўлжалланган, максимал массаси 3,5 тоннадан ошадиган, лекин кўпи билан 12 тоннадан ошмайдиган, юкларни ташишга мўлжалланган, максимал массаси 12 тоннадан ошадиган ғилдиракли транспорт воситалари;

экологик даража - зарарли ифлослантирувчи моддалар ташламалари даражасига қараб ғилдиракли транспорт воситасини тавсифловчи тасниф коди.

2-БОБ. ҒИЛДИРАКЛИ ЯНГИ ТРАНСПОРТ ВОСИТАЛАРИНИ

ЭКОЛОГИК СЕРТИФИКАТЛАШНИ АМАЛГА

ОШИРИШ ТАРТИБИ

3. Ғилдиракли янги транспорт воситаларини экологик сертификатлаш ушбу Низомга 1-иловага мувофиқ схема бўйича амалга оширилади.

4. Ғилдиракли янги транспорт воситасига мувофиқлик ҳақидаги экологик сертификатни олиш учун ариза берувчи экологик сертификатлаш органига қуйидаги ҳужжатларни тақдим этади:

ушбу Низомга 2-иловада келтирилган шаклдаги ариза;

Ўзбекистон Республикаси божхона ҳудудига кирганлиги тўғрисида белги қўйилган юк ташиш ҳужжатларининг нусхаси (юк хати, инвойс, ҳисоб-фактура);

ғилдиракли янги транспорт воситасининг паспорти (ғилдиракли транспорт воситаси ишлаб чиқарилган ва унга тақдим этилган санаси кўрсатилган ҳужжат) ёки ҳисоб-маълумотномаси;

ғилдиракли янги транспорт воситалари учун - экологик стандартдан паст бўлмаган экологик тоифа меъёрларига ғилдиракли янги транспорт воситаларининг мослигини тасдиқловчи ҳужжатлар нусхаси (синов баённомаси, хулоса, сертификатлар, гувоҳнома).

5. Экологик сертификатлаш органи экологик сертификат олиш учун ушбу Низомнинг 4-бандида назарда тутилганидан ташқари ортиқча маълумотлар ва ҳужжатларни талаб қилишга ҳақли эмас.

6. Aриза берувчи экологик сертификат олиш мақсадида тақдим этилган маълумотлар ва ҳужжатларнинг тўғрилиги учун тўлиқ жавобгар ҳисобланади.

7. Ушбу Низомнинг 4-бандида кўрсатилган ҳужжатлар экологик сертификатлаш органига "Ягона дарча" божхона ахборот тизими ёки тўғридан-тўғри экологик сертификатлаш органига мурожаат қилиш орқали тақдим этилади.

8. Экологик сертификатлаш органи тақдим этилган ғилдиракли янги транспорт воситасининг ҳужжатларини таҳлил қилади ва экологик сертификатлаш тўғрисида қарор қабул қилади ёки агар тақдим этилган ҳужжатлар ушбу Низомнинг 4-банди талабларига жавоб бермаса, бир иш куни мобайнида тегишли камчиликлар кўрсатилган ҳолда ариза берувчини хабардор қилади.

Бунда ариза берувчи ҳужжатлар билан боғлиқ камчиликларни ўн календарь кунда бартараф этиши ва тегишли ҳужжатларни экологик сертификатлаш органига тақдим этиши лозим, акс ҳолда ариза берувчига экологик сертификатлаш органи ҳужжатларни "Ягона дарча" божхона ахборот тизими воситалари билан ёки алоқа почтаси орқали унинг манзилига қайтаради.

9. Aгар ғилдиракли янги транспорт воситасини экологик сертификатлаш тўғрисида қарор қабул қилинса, экологик сертификатлаш органи томонидан:

ғилдиракли янги транспорт воситасини бир иш кунидан кўп бўлмаган муддатда божхона омбори вакили ва ариза берувчи ёки ариза берувчининг вакили иштирокида тегишли аккредитациядан ўтган синов лабораторияси томонидан идентификациялаш, унинг натижаси бўйича ушбу Низомга 3-иловага мувофиқ шаклда идентификация далолатномасини расмийлаштириш;

ғилдиракли янги транспорт воситаларининг кўрсаткичлари газ, бензин ва дизель двигателлари бўлган ғилдиракли янги транспорт воситалари учун белгиланган ифлослантирувчи моддалар ташламалари меъёрларига мувофиқлигини таҳлил қилиш амалга оширилади.

10. Ғилдиракли янги транспорт воситасини идентификациялаш натижалари бўйича экологик сертификатлаш органининг техник эксперти ариза берувчига ғилдиракли янги транспорт воситасига экологик сертификат бериш тўғрисида ёки ушбу Низомга 4-иловага мувофиқ шаклда уни беришни рад этиш тўғрисида хулоса беради.

11. Экологик сертификат бериш учун:

экспорт қилувчи мамлакатда ушбу давлатнинг ҳудудида ғилдиракли янги транспорт воситаларини ишлаб чиқаришда экологик стандарт талаблари жорий этилганлиги тўғрисида (ишлаб чиқарувчи томонидан ғилдиракли янги транспорт воситаларини ишлаб чиқариш пайтида) қонунчилик ҳужжатларининг мавжудлиги;

ишлаб чиқарувчининг ёки унинг ваколатли вакилининг ғилдиракли янги транспорт воситалари экологик стандарт талабларига мувофиқлиги тўғрисида расмий хати;

"М" ва "N" тоифадаги ғилдиракли янги транспорт воситаларининг экологик стандарт меъёрларига мувофиқлигини тасдиқловчи бошқа техник ҳужжатлар асос бўлади.

12. Aгар аккредитациядан ўтган синов лабораторияси мавжуд бўлса экологик сертификатлаш органи ғилдиракли янги транспорт воситасининг экологик хавфсизлик мезонларига мувофиқлигини баҳолаш тўғрисида қарор қабул қилгандан кейин бир иш кунидан кўп бўлмаган муддатда экологик сертификатлаш дастурини ишлаб чиқади ва тасдиқлайди.

Синовларни амалга ошириш учун аккредитациядан ўтган синов лабораторияси мавжуд бўлмаган тақдирда ғилдиракли янги транспорт воситаларини экологик сертификатлаш ҳужжатларни эътироф этиш орқали идентификациялаш йўли билан ўтказилади.

13. Экологик сертификатлаш органи ғилдиракли янги транспорт воситасининг экологик хавфсизлик мезонларига мувофиқлигини баҳолаш бўйича ишларни олиб боришда:

техник жиҳатдан тартибга солиш соҳасидаги норматив ҳужжатлар талабларига мувофиқ намуналарни олиш ва уларни лабораторияга етказиб бериш;

намуналарни аккредитациядан ўтган синов лабораториясида синовдан ўтказишни амалга оширади.

14. Ғилдиракли янги транспорт воситаларининг муайян турига синов баённомасини расмийлаштириш ва тақдим этиш муддати ушбу турдаги ғилдиракли янги транспорт воситалари учун техник жиҳатдан тартибга солиш соҳасидаги норматив ҳужжатлар билан белгиланган усулларга мувофиқ ўтказиладиган синовларнинг умумий давомийлиги асосида белгиланади.

15. Намуналарнинг синов натижалари сифати ва ишончлилиги, шунингдек, синов баённомаларининг сақланиши учун синовларни ўтказган аккредитациядан ўтган синов лабораторияси жавобгар ҳисобланади. Синов баённомалари техник эксперт томонидан имзоланади ва аккредитациядан ўтган синов лабораториясининг раҳбари томонидан тасдиқланади.

16. Aккредитациядан ўтган синов лабораторияси экологик сертификатлаш органига баённомани тақдим этади. Aгар ғилдиракли янги транспорт воситалари синовлари маълум кўрсаткичлар бўйича турли хил аккредитациядан ўтган синов лабораторияларда ўтказилган бўлса, ғилдиракли янги транспорт воситаларининг белгиланган экологик хавфсизлик мезонларига мувофиқлигини ижобий баҳолаш барча баённомалар билан тасдиқланган ижобий синов натижаларининг мавжудлиги ҳисобланади.

17. Aгар синов натижалари салбий бўлса экологик сертификатлаш органи ариза берувчига ғилдиракли янги транспорт воситасига экологик сертификат беришни рад этиш тўғрисида хулоса беради.

18. Aгар аккредитациядан ўтган синов лабораториясида ўтказилган лаборатория синовлари таҳлили натижаси ижобий бўлса, экологик сертификатлаш органи ҳужжатларни экологик сертификатлаш органининг техник экспертига бир иш куни мобайнида юборади.

19. Экологик сертификатлаш органининг техник эксперти ариза берувчи томонидан ариза билан биргаликда тақдим этилган ҳужжатлар тўпламини ўрганиб, ғилдиракли янги транспорт воситасига экологик сертификат бериш ёки уни беришни рад этиш тўғрисида қарор қабул қилади.

Техник эксперт томонидан ижобий қарор қабул қилинганда, экологик сертификатлаш органи томонидан экологик сертификат расмийлаштирилади ва у сертификатларни қайд этиш реестрида рўйхатга олинади.

20. Экологик сертификат "Ягона дарча" божхона ахборот тизимининг электрон маълумотлар базасига киритиш орқали ёки тўғридан-тўғри ариза берувчи (ариза берувчининг ишончли вакили)га тақдим этиш билан берилади.

21. Экологик сертификат ғилдиракли янги транспорт воситасини божхонада расмийлаштиш мақсадида божхона органига тақдим этилади.

22. Aризани кўриб чиқиш, экологик сертификатлаш жараёнини амалга ошириш ва экологик сертификат бериш ёки уни беришни рад этиш бўйича ишларнинг қиймати томонлар келишуви асосида тузилган шартнома асосида белгиланади.

23. Экологик сертификат:

экологик сертификатлаш органининг имзоси ва муҳрининг асл нусхалари;

экологик сертификатни қайд этиш тартиб рақамлари ва саналари экологик сертификатлар бланкаларини рўйхатдан ўтказиш реестрида мавжуд бўлган ҳолатларда ҳақиқий ҳисобланади .

24. Экологик сертификат ушбу Низомга 5-иловага мувофиқ шаклда берилади.

3-БОБ. ЯКУНЛОВЧИ ҚОИДАЛАР

25. Ғилдиракли янги транспорт воситаларини экологик сертификатлашда юзага келадиган низолар Ўзбекистон Республикаси қонун ҳужжатларида белгиланган тартибда кўриб чиқилади.

26. Ушбу Низом талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.

Низомга

1-ИЛОВА

Ғилдиракли янги транспорт воситаларини

экологик сертификатлаш

СХЕМАСИ

       

Низомга

2-ИЛОВА

Экологик сертификатлаш ўтказиш бўйича

АРИЗА

воситасини (ларини)экологик сертификатлаштириб беришингизни сўрайди.

20___ й. "___"____________

Низомга

3-ИЛОВА

Идентификациялаш далолатномаси

2. Ғилдиракли янги транспорт воситасининг эгаси (юридик ёки жисмоний шахс)нинг номи ва унинг почта манзили ёки яшаш жойи манзили

Хулоса:

Тақдим этилган ғилдиракли янги транспорт воситаси техник ёзувлар ва маълумотлар билан идентификацияланди

           

Низомга

4-ИЛОВА

Экологик сертификатлаш органи

техник экспертининг хулосаси

бўйича экологик сертификатлаштириш ишлари натижаларини кўриб чиқиб, юқорида қайд этилган объектга экологик сертификат расмийлаштирилсин ва берилсин (ёки бериш рад этилсин).

        

Низомга

5-ИЛОВА

ЎЗБЕКИСТОН РЕСПУБЛИКАСИ

ЭКОЛОГИЯ ВА АТРОФ МУҲИТНИ МУҲОФАЗА

ҚИЛИШ ДАВЛАТ ҚЎМИТАСИ

N 000000

ЭКОЛОГИК СЕРТИФИКАТ

Рўйхат рақами _____________ берилган санаси 20__ й. "___"_____________

Ушбу сертификат, экологик сертификатлаштириладиган объект

лозим равишдаги идентификацилашга жавоб бериши ва норматив-услубий жиҳатлари

Экологик сертификатлаштиришдаги қўлланилган талаблар ҳақида маълумотлар:

       

      

М.Ў

Қонун ҳужжатлари маълумотлари миллий базаси (www.lex.uz),

2020 йил 31 январь