Ўзбекистон алоқа ва ахборотлаштириш агентлиги бош директорининг 28.06.2004 й. 180-сон "Ўзбекистон Республикаси норезидентлар томонидан радиоалоқани ташкил этиш учун рухсатнома ҳужжатларини расмийлаштириш тартиби тўғрисида йўриқномани тасдиқлаш ҳақида"ги Буйруғи (АВ томонидан 21.07.2004 й. 1388-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

21.07.2004 й.

N 1388

ЎЗБЕКИСТОН

АЛОҚА ВА АХБОРОТЛАШТИРИШ

АГЕНТЛИГИ БОШ ДИРЕКТОРИНИНГ

28.06.2004 й.

N 180

БУЙРУҒИ

Ўзбекистон Республикаси норезидентлар

томонидан радиоалоқани ташкил этиш учун

рухсатнома   ҳужжатларини   расмийлаштириш

тартиби тўғрисида йўриқномани тасдиқлаш ҳақида

(2004 йил 31 июлдан кучга киради)

Ўзбекистон Республикасининг "Радиочастоталар спектри тўғрисида"ги Қонуни, Ўзбекистон Республикаси Президентининг 2003 йил 9 декабрдаги "Республика давлат бошқаруви органлари тизимини такомиллаштириш тўғрисида"ги ПФ-3358-сон Фармони ва Ўзбекистон Республикаси Вазирлар Маҳкамасининг 2004 йил 7 майдаги "Ўзбекистон алоқа ва ахборотлаштириш агентлиги фаолиятини такомиллаштириш чора-тадбирлари тўғрисида"ги 215-сон қарорига мувофиқ, БУЮРАМАН:

1. "Ўзбекистон Республикаси норезидентлари томонидан радиоалоқани ташкил этиш учун рухсатнома ҳужжатларини расмийлаштириш тартиби тўғрисида йўриқнома" иловага* мувофиқ тасдиқлансин.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кундан кейин кучга киради.

3. Мазкур буйруқ кучга кирган кундан бошлаб амалда бўлган Ўзбекистон почта ва телекоммуникация агентлигининг 1999 йил 28 августдаги 319-сон буйруғи билан тасдиқланган ҳамда Ўзбекистон Республикаси Адлия вазирлигида 1999 йил 6 августда 796-сон билан рўйхатдан ўтган "Ўзбекистон Республикаси норезидентлари томонидан радиоалоқа ташкил қилиш учун рухсатномаларни расмийлаштириш тартиби ҳақидаги йўриқнома" ўз кучини йўқотган деб ҳисоблансин.

4. Мазкур буйруқнинг бажарилишини назорат қилиш Бош директор ўринбосари А.Ж. Хаджаев зиммасига юклансин.

Ўзбекистон алоқа ва ахборотлаштириш

агентлиги Бош директори                                                    А. Арипов

*) Илова рус тилидаги матнда берилади.

"Ўзбекистон Республикаси қонун ҳужжатлари тўплами", 2004 йил, 29-сон, 340-модда.