Ўзбекистон Республикаси Ҳукумати билан Тожикистон Республикаси Ҳукумати ўртасида ҳарбий-техникавий ҳамкорлик тўғрисида Битим (Тошкент, 2018 йил 17 август)

Функция недоступна

Ўзбекистон Республикаси Ҳукумати билан

Тожикистон Республикаси Ҳукумати ўртасида

ҳарбий-техникавий ҳамкорлик тўғрисида

БИТИМ

Тошкент, 2018 йил 17 август

Ўзбекистон Республикаси Ҳукумати билан Тожикистон Республикаси Ҳукумати, кейинги ўринларда "Томонлар" деб аталувчилар,

2000 йил 15 июнда имзоланган Ўзбекистон Республикаси билан Тожикистон Республикаси ўртасида абадий дўстлик тўғрисидаги Шартномага таяниб,

Томонларнинг тенг ҳуқуқлилигига асосланган ҳарбий-техник соҳадаги ўзаро манфаатли, узоқ муддатли ҳамкорликка тайёрликни билдирган ҳолда,

қурол-яроғ ва ҳарбий техниканинг илғор намуналари билан таъминлаш тизимини такомиллаштириш, Томонлар давлатларининг қуролли кучлари, бошқа қўшинлари, ҳарбий тузилмалари, ҳуқуқни муҳофаза қилиш органлари ва махсус органлари (хизматлари) манфаатлари юзасидан ҳарбий мақсадга мўлжалланган маҳсулотларни яратиш, ишлаб чиқариш, таъмирлаш, модернизация қилиш, хизмат кўрсатиш ва утилизация қилиш соҳасидаги Томонларнинг илмий-техникавий ва ишлаб чиқариш-технологик салоҳиятини қўллаб-қувватлашни