Ўзбекистон Республикаси Вазирлар Маҳкамисининг 14.04.2020 й. 199-Ф-сон "Кўчмас мулк объектларидан самарали фойдаланишни таъминлаш тўғрисида"ги Фармойиши

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМИСИНИНГ

ФАРМОЙИШИ

14.04.2020 й.

N 199-Ф

Кўчмас мулк объектларидан самарали фойдаланишни таъминлаш мақсадида:

1. Ўзбекистон Республикаси Давлат активларини бошқариш агентлиги (кейинги ўринларда - Агентлик), Ўзбекистон Республикаси Транспорт вазирлиги ҳузуридаги Автомобиль йўллари қўмитаси, "Тошшаҳартрансхизмат" АЖ, "5-avtobus saroyi" МЧЖ ва "2-avtobus saroyi" МЧЖнинг:

"5-avtobus saroyi" МЧЖга тегишли Тошкент вилояти, Юқори Чирчиқ тумани, Миробод МФЙ, Оҳангарон кўчаси, 4-уй манзилида жойлашган бино ва иншоотларини тегишли ҳудуди билан биргаликда (кейинги ўринларда - объект) "Трансйўлқурилиш" ДУКга оператив бошқарув ҳуқуқи билан бериш;

"5-avtobus saroyi" МЧЖни "2-avtobus saroyi" МЧЖнинг Тошкент вилояти, Қибрай тумани, Гулзор-1 МФЙ, Шаббода кўчаси, 2-уй манзилидаги бино ва иншоотларга текин фойдаланиш ҳуқуқи асосида жойлаштириш тўғрисидаги таклифига розилик берилсин.

2. Агентлик, "Тошшаҳартрансхизмат" АЖ билан биргаликда:

"Тошшаҳартрансхизмат" АЖ ва "5-avtobus saroyi" МЧЖнинг устав капитали (жамғармаси) берилаётган объектнинг қолдиқ (баланс) қийматига камайтирилиши масаласини жамиятларнинг бошқарув органларида кўриб чиқилишини;

объект ўн кун муддатда "Трансйўлқурилиш" ДУКга топширилишини таъминласин.

3. Мазкур фармойишнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Ўзбекистон Республикаси Давлат активларини бошқариш агентлиги директори С.Х. Бекенов зиммасига юклансин.

Ўзбекистон Республикасининг Бош вазири                              А. Арипов

Қонун ҳужжатлари маълумотлари миллий базаси (www.lex.uz),

2020 йил 15 апрель