Давлат солиқ қўмитасининг 2004-52-сон, Давлат божхона қўмитасининг 01-02/19-30-сон, Марказий банк Бошқарувининг 240-В-1-сон "Юридик ва жисмоний шахслар томонидан валюта операциялари амалга оширилишининг асосланганлиги юзасидан мониторинг олиб бориш тартиби тўғрисидаги низомга ўзгартиришлар киритиш ҳақида"ги 22.07.2004 й. Қарори (АВ томонидан 04.08.2004 й. 1281-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

04.08.2004 й.

N 1281-1

ЎЗБЕКИСТОН РЕСПУБЛИКАСИ

МАРКАЗИЙ БАНКИ БОШҚАРУВИНИНГ

22.07.2004 й.

N 240-В-1

ҚАРОРИ

Юридик ва жисмоний шахслар томонидан валюта

операциялари амалга оширилишининг асосланганлиги

юзасидан мониторинг олиб бориш тартиби тўғрисидаги

низомга ўзгартиришлар киритиш ҳақида

(2004 йил 14 августдан кучга киради)

"Хўжалик юритувчи субъектлар фаолиятини давлат томонидан назорат қилиш тўғрисида"ги Ўзбекистон Республикаси қонуни ва Ўзбекистон Республикаси Вазирлар Маҳкамасининг 2003 йил 15 августдаги 355-сонли "Ташқи иқтисодий фаолиятни амалга оширишда валюта операцияларини эркинлаштириш чора-тадбирлари тўғрисида"ги қарорига мувофиқ, Ўзбекистон Республикаси Давлат солиқ қўмитаси, Давлат божхона қўмитаси ва Марказий банки Бошқаруви ҚАРОР ҚИЛАДИ:

1. "Юридик ва жисмоний шахслар томонидан валюта операциялари амалга оширилишининг асосланганлиги юзасидан мониторинг олиб бориш тартиби тўғрисида"ги низомнинг (2003 йил 4 октябрь, рўйхат рақами 1281 - Меъёрий ҳужжатлар ахборотномаси 2003 й, 19-20-сон) 5-бандига, уни қуйидаги таҳрирда баён қилган ҳолда, ўзгартириш киритилсин.

"5. Давлат солиқ хизмати органлари божхона органлари ва ваколатли банклардан олинган маълумотларни таҳлил қилиб, валюта операциялари (экспорт-импорт операциялари, пул маблағларини ўтказиш ва бошқалар)ни амалга оширишнинг белгиланган тартибини бузиш аломатлари аниқланганда, мазкур контрактни тузган хўжалик юритувчи субъект фаолияти текширувини ўтказиш тўғрисидаги масаласини ўрнатилган тартибда кўриб чиқиш учун Назорат қилувчи органлар фаолиятини мувофиқлаштирувчи Республика кенгаши ёки унинг ҳудудий комиссияларига ариза берадилар."

2. Мазкур қарор Ўзбекстон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Давлат солиқ қўмитаси раиси                           Б. Парпиев

Давлат божхона қўмитаси раиси                      Б. Матлюбов

Марказий банк Бошқаруви раиси                     Ф. Муллажонов

"Ўзбекистон Республикаси қонун ҳужжатлари тўплами", 2004 йил, 31-сон, 360-модда.