ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Хўжалик ва тадбиркорлик фаолиятининг умумий масалалари / Маҳсулот сифати. Стандартлаштириш. Сертификатлаштириш. Метрология / Умумий қоидалар /Ўзбекистон Республикаси Президентининг 18.05.2020 й. ПФ-5995-сон "Қишлоқ хўжалиги маҳсулотларининг сифат ва хавфсизлик кўрсаткичларини халқаро стандартларга мувофиқлигини таъминлашга доир қўшимча чора-тадбирлар тўғрисида"ги Фармони
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ФАРМОНИ
18.05.2020 й.
N ПФ-5995
ҚИШЛОҚ ХЎЖАЛИГИ МАҲСУЛОТЛАРИНИНГ
СИФАТ ВА ХАВФСИЗЛИК КЎРСАТКИЧЛАРИНИ
ХАЛҚАРО СТАНДАРТЛАРГА МУВОФИҚЛИГИНИ
ТАЪМИНЛАШГА ДОИР ҚЎШИМЧА
ЧОРА-ТАДБИРЛАР ТЎҒРИСИДА
Сўнгги йилларда ер ва сув ресурсларидан самарали фойдаланиш, маҳсулот ишлаб чиқариш ҳажмини ошириш ва экспорт географиясини кенгайтириш бўйича изчил ислоҳотлар амалга оширилмоқда.
2016-2019 йиллар давомида ялпи қишлоқ хўжалиги маҳсулоти ҳажми - 171,2 фоизга, жумладан, мева-сабзавотчилик - 172,6 фоизга, чорвачилик маҳсулотлари - 170 фоизга, ўрмон ва балиқчилик маҳсулотларини ишлаб чиқариш - 177,5 фоизга ошди.
Мева-сабзавот маҳсулотларининг экспорт ҳажми 1,4 миллион тоннадан ошиб, 2016 йилга нисбатан 1,5 баробарга ўсишга эришилди.
Шу билан бирга, жаҳон бозорида маҳсулотларга қўйилган сифат ва хавфсизлик талабларининг тобора кучайиб бориши, республикамизда етиштирилаётган маҳсулотларнинг халқаро бозорлардаги ўрнини мустаҳкамлаш учун қўшимча чоралар кўришни талаб қилмоқда.
Республикада Organic ва Global G.A.P. халқаро стандартлари талабларига мувофиқ маҳсулот ишлаб чиқариш, тартибга солиш ва мувофиқлаштириш тизимларини ривожлантириш, қишлоқ ва ўрмон хўжалиги маҳсулотларининг сифат ва хавфсизлик кўрсаткичларини яхшилаш, экспорт географиясини кенгайтириш, шунингдек, мамлакатимизнинг органик маҳсулот ишлаб чиқариш салоҳиятидан тўлиқ фойдаланиш имкониятини ошириш мақсадида:
1. Қуйидагилар:
Ўзбекистон Республикасида органик қишлоқ хўжалиги ва органик озиқ-овқат маҳсулотлари ишлаб чиқаришни ривожлантириш концепцияси (кейинги ўринларда - Концепция) 1-иловага мувофиқ;
Ўзбекистон Республикасида органик қишлоқ хўжалиги ва органик озиқ-овқат маҳсулотлари ишлаб чиқаришни ривожлантириш концепциясини амалга ошириш бўйича "Йўл харитаси" 2-иловага мувофиқ;
2020-2025 йилларда қишлоқ хўжалиги ва ўрмон фонди ерларида босқичма-босқич органик ишлаб чиқаришга ўтишнинг прогноз кўрсаткичлари 3-иловага мувофиқ;
2020-2025 йилларда мақбул қишлоқ хўжалиги амалиёти (Global G.A.P.) халқаро стандарти талаблари бўйича сертификатланадиган ер майдонларининг асосий экспортбоп экин турлари бўйича прогноз кўрсаткичлари 4-иловага мувофиқ;
Пахта-тўқимачилик ишлаб чиқариши корхоналари ва кластерлари томонидан органик пахта хомашёси етиштириш ҳамда органик тўқимачилик маҳсулотларини ишлаб чиқаришни ташкил этиш бўйича амалий чора-тадбирлар режаси 5-иловага мувофиқ;
Республика ҳудудларида агроэкотуризм жозибадорлигини янада ошириш учун органик бозорлар ва ресторанлар ташкил этиш бўйича чора-тадбирлар режаси 6-иловага мувофиқ тасдиқлансин.
2. Белгилансинки:
а) Ўзбекистон Республикаси Қишлоқ хўжалиги вазирлиги органик маҳсулотларни ишлаб чиқариш ва мақбул қишлоқ хўжалиги амалиёти (Global G.A.P.) доирасидаги барча манфаатдор ташкилотлар фаолиятини мувофиқлаштириш ва тартибга солиш бўйича ваколатли давлат органи ҳисобланади;
б) Ўзбекистон Республикаси Қишлоқ хўжалиги вазирлигига:
барча манфаатдор вазирликлар, идоралар, ҳокимликлар, хўжалик юритувчи субъектлар ва тадбиркорлардан органик ишлаб чиқариш ва мақбул қишлоқ хўжалиги амалиёти (Global G.A.P.) доирасидаги зарурий маълумотларни олиш;
органик маҳсулот ва хом ашёларни ишлаб чиқариш, қайта ишлаш, ташиш, сақлаш, сотиш ва сертификатлаш билан шуғулланувчи хўжалик субъектлари фаолиятининг эквивалентлигини баҳолаш ва авторизациялаш тизимини яратиш ҳуқуқи берилади.
3. Шундай тартиб ўрнатилсинки, унга мувофиқ органик қишлоқ хўжалигига ўтказилган ер участкаларида экинларни жойлаштириш органик стандарт талабларини ҳисобга олган ҳолда илмий асосланган алмашлаб экиш схемаларига мувофиқ амалга оширилади ва экинларни жойлаштиришда давлат аралашувига йўл қўйилмайди.
4. Ўзбекистон Республикаси Қишлоқ хўжалиги вазирлиги:
а) Соғлиқни сақлаш вазирлиги, Ўрмон хўжалиги давлат қўмитаси, Ветеринария ва чорвачиликни ривожлантириш давлат қўмитаси, Экология ва атроф-муҳитни муҳофаза қилиш давлат қўмитаси, "Ўзбекозиқовқатхолдинг" холдинг компанияси, Фанлар академияси билан биргаликда 2020 йил 1 октябрга қадар органик қишлоқ хўжалиги ва ишлаб чиқариш тизимларини халқаро стандартлар асосида ташкил этиш бўйича Ўзбекистон Республикасининг "Органик қишлоқ хўжалиги маҳсулотларини етиштириш тўғрисида"ги қонуни лойиҳасини;
"Ўзстандарт" агентлиги билан биргаликда икки ой муддатда органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлашдан ўтказиш тартиби тўғрисидаги низомни Вазирлар Маҳкамасига киритсин;
б) Олий ва ўрта махсус таълим вазирлиги билан биргаликда Тошкент давлат аграр университетида "Органик қишлоқ хўжалиги маҳсулотларини етиштириш, сақлаш ва қайта ишлаш" йўналишида мутахассислар тайёрлаш учун ўқув-услубий материалларни ишлаб чиқсин ва 2021-2022 ўқув йилидан бошлаб ушбу йўналишда талабалар қабул қилишни йўлга қўйсин;
в) бир ой муддатда вазирлик тузилмасида белгиланган штатлар доирасида 4 та штат бирлигидан иборат органик ишлаб чиқариш ва мақбул қишлоқ хўжалиги амалиётини ривожлантириш бошқармасини ташкил этсин;
д) 2021 йил 1 январга қадар қишлоқ хўжалиги йўналишидаги илмий-тадқиқот институтларида мавжуд лабораторияларни замонавий юқори технологик асбоб-ускуналар билан жиҳозласин ва бирламчи органик уруғ етиштирувчи хўжаликлар фаолиятини йўлга қўйсин;
е) 2020 йил 31 декабрга қадар Жаҳон банкининг қишлоқ хўжалигини модернизациялаш ва рақобатбардошлигини ошириш бўйича кредит маблағлари ҳисобидан "Қишлоқ хўжалигида стандартлаштириш маркази" давлат унитар корхонаси қошида Organic ва Global G.A.P. халқаро стандартлари талабларига мувофиқ комплекс синов лабораторияси мажмуасини ташкил этиш чораларини кўрсин.
5. Ўзбекистон Республикаси Инновацион ривожланиш вазирлиги, Қишлоқ хўжалиги вазирлиги билан биргаликда икки ой муддатда органик маҳсулотларни етиштириш (ишлаб чиқиш), қайта ишлаш, сақлаш ва қадоқлашга ҳамда органик уруғчиликни ривожлантиришга йўналтирилган беш йиллик давлат илмий-техник дастурларни ишлаб чиқсин ва лойиҳаларни танловлар асосида шакллантирсин.
6. "Ўзстандарт" агентлиги:
Экология ва атроф-муҳитни муҳофаза қилиш давлат қўмитаси Соғлиқни сақлаш вазирлиги, Ветеринария ва чорвачиликни ривожлантириш давлат қўмитаси, Вазирлар Маҳкамаси ҳузуридаги Ўсимликлар карантини давлат инспекцияси, "Ўзбекозиқовқатхолдинг" холдинг компанияси, Қишлоқ хўжалиги вазирлиги, Инновацион ривожланиш вазирлиги, Инвестициялар ва ташқи савдо вазирлиги, Ташқи ишлар вазирлиги билан биргаликда бир ой муддатда Кодекс Алиментариус Комиссияси стандартлари талабларига мувофиқ Европа Иттифоқи билан савдо фаолиятини жадаллаштириш бўйича 2020-2024 йилларга мўлжалланган чора-тадбирлар дастурлари режасини ишлаб чиқсин;
2020 йил 1 сентябрга қадар ISO 28000 Етказиб бериш занжирида хавфсизликни бошқариш тизимлари халқаро стандартлари серияларини қабул қилсин;
уч ой муддатда қишлоқ хўжалиги ва озиқ-овқат маҳсулотларининг қўшимча қиймат занжирини ташкил этишда иштирок этувчи барча корхона ва ташкилотлар фаолиятларида бажариладиган жараёнларни ISO 28000 "Етказиб бериш занжирида хавфсизликни бошқариш тизимлари" халқаро стандарти талабларига мувофиқлигини баҳолашнинг белгиланган тартибда амалга оширилишини таъминласин.
7. Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси Қишлоқ хўжалиги вазирлиги билан биргаликда икки ой муддатда органик маҳсулотларни зарарсизлантириш бўйича халқаро тажрибада қўлланилаётган усуллар ва воситалар рўйхатини шакллантирсин ҳамда экспортга йўналтирилаётган органик маҳсулотларни зарарсизлантириш ишларининг халқаро талабларга мувофиқ амалга оширилишини таъминласин.
8. Ўзбекистон Республикаси Қишлоқ хўжалиги вазирлиги манфаатдор вазирлик ва идоралар билан биргаликда икки ой муддатда қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Ўзбекистон Миллий ахборот агентлиги ва Ўзбекистон Миллий телерадиокомпанияси Қишлоқ хўжалиги вазирлиги билан биргаликда ушбу Фармон мазмун-моҳияти ҳамда мақсад ва вазифаларининг оммавий ахборот воситаларида кенг ёритилишини таъминласин.
10. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари Ў.И. Барноев зиммасига юклансин.
Ўзбекистон Республикаси Президенти Ш. Мирзиёев
Президентининг
2020 йил 18 майдаги
ПФ-5995-сон Фармонига
2-ИЛОВА
Ўзбекистон Республикасида органик қишлоқ хўжалиги
ва органик озиқ-овқат маҳсулотлари ишлаб чиқаришни
ривожлантириш концепциясини амалга ошириш бўйича
"ЙЎЛ ХАРИТАСИ"
Президентининг
2020 йил 18 майдаги
ПФ-5995-сон Фармонига
3-ИЛОВА
2020-2025 йилларда қишлоқ хўжалиги ва
ўрмон фонди ерларида босқичма-босқич
органик ишлаб чиқаришга ўтишнинг
ПРОГНОЗ КЎРСАТКИЧЛАРИ
фоиз ҳисобида
Т/р |
Йўналишлар |
Кўрсаткичлар |
Босқичлар
|
||||
2021 йил
|
2022 йил |
2023 йил |
2024 йил |
2025 йил |
|||
1. Қишлоқ хўжалигига мўлжалланган ерларда
|
|||||||
1. |
Пахта хомашёси етиштиришда |
Ғўза экини экилган умумий майдонга нисбатан
|
1 |
2 |
3 |
4 |
5 |
2. |
Дон, дуккакли ва мойли экинлар етиштиришда |
Дон, дуккакли ва мойли экинлар экилган умумий майдонга нисбатан
|
1 |
2 |
3 |
4 |
5 |
3. |
Боғдорчиликда |
Ҳосилли боғзорлар умумий майдонига нисбатан
|
2 |
4 |
6 |
8 |
10 |
4. |
Узумчиликда |
Ҳосилли узумзорлар умумий майдонига нисбатан
|
2 |
5 |
8 |
12 |
15 |
5. |
Сабзавот-полизчиликда |
Сабзавот-полиз етиштириладиган умумий майдонга нисбатан
|
0,5 |
1 |
1,5 |
2,5 |
3 |
2. Ўрмон фонди ерларида
|
|||||||
6. |
Экин ерларда |
Экин экилган умумий майдонга нисбатан
|
2 |
3 |
5 |
6 |
8 |
7. |
Писта ва бодомзорларда |
Писта ва бодомзорлар умумий майдонига нисбатан
|
3 |
7 |
10 |
12 |
15 |
8. |
Ковул (каперс) йиғишда |
Ковул йиғиладиган умумий майдонга нисбатан
|
10 |
15 |
20 |
25 |
30 |
9. |
Резаворлар йиғишда |
Резаворлар ўсадиган умумий майдонга нисбатан
|
5 |
10 |
15 |
20 |
25 |
10. |
Коврак (ферула) йиғишда |
Коврак йиғиладиган умумий майдонга нисбатан
|
5 |
6 |
7 |
8 |
10 |
11. |
Доривор ўсимликларни йиғишда |
Доривор ўсимликлар йиғиладиган умумий майдонга нисбатан
|
3 |
4 |
7 |
8 |
10 |
3. Чорвачилик йўналишида
|
|||||||
12. |
Гўшт етиштиришда |
Гўшт етиштиришнинг умумий ҳажмига нисбатан
|
1 |
2 |
3 |
4 |
5 |
13. |
Сут етиштиришда |
Сут етиштиришнинг умумий ҳажмига нисбатан
|
2 |
3 |
5 |
6 |
8 |
14. |
Курка гўшти етиштиришда |
Парранда бош сонига нисбатан
|
5 |
10 |
15 |
20 |
25 |
Президентининг
2020 йил 18 майдаги
ПФ-5995-сон Фармонига
4-ИЛОВА
2020-2025 йилларда мақбул қишлоқ хўжалиги
амалиёти (Global G.A.P.) халқаро стандарти талаблари
бўйича сертификатланадиган ер майдонларининг
асосий экспортбоп экин турлари бўйича
ПРОГНОЗ КЎРСАТКИЧЛАРИ
Т/р |
Ҳудудлар номлари |
Умумий майдон, га |
Шу жумладан, йиллар бўйича (умумий майдонга нисбатан фоиз ҳисобида)
|
|||||||||||||||
2020-2021 йилларда
|
2021-2022 йилларда |
2022-2023 йилларда |
2023-2025 йилларда |
|||||||||||||||
боғ |
узум |
саб- завот
|
по- лиз |
боғ |
узум |
саб- завот |
по- лиз |
боғ |
узум |
саб- завот |
по- лиз |
боғ |
узум |
саб- завот |
по- лиз |
|||
1. |
Қорақалпоғистон Республикаси
|
23 410 |
- |
- |
1 |
1 |
1 |
1 |
2 |
2 |
2 |
2 |
3 |
3 |
4 |
3 |
5 |
5 |
2. |
Андижон
|
30 404 |
2 |
3 |
4 |
5 |
4 |
5 |
7 |
8 |
7 |
8 |
10 |
10 |
10 |
11 |
12 |
13 |
3. |
Бухоро
|
23 161 |
2 |
1 |
1 |
2 |
3 |
2 |
3 |
3 |
4 |
3 |
4 |
5 |
5 |
5 |
5 |
5 |
4. |
Жиззах
|
20 597 |
5 |
4 |
3 |
3 |
7 |
8 |
5 |
5 |
10 |
10 |
7 |
8 |
12 |
12 |
10 |
10 |
5. |
Қашқадарё
|
30 420 |
6 |
6 |
3 |
5 |
8 |
8 |
7 |
6 |
10 |
10 |
12 |
15 |
15 |
15 |
15 |
20 |
6. |
Навоий
|
11 041 |
2 |
2 |
1 |
1 |
3 |
3 |
2 |
2 |
4 |
4 |
3 |
3 |
5 |
5 |
5 |
5 |
7. |
Наманган
|
25 760 |
8 |
8 |
5 |
5 |
10 |
10 |
7 |
7 |
12 |
12 |
8 |
8 |
15 |
15 |
10 |
10 |
8. |
Самарқанд
|
66 668 |
7 |
8 |
3 |
2 |
10 |
12 |
4 |
4 |
13 |
14 |
5 |
5 |
15 |
15 |
7 |
7 |
9. |
Сурхондарё
|
41 541 |
3 |
3 |
5 |
3 |
6 |
6 |
10 |
6 |
10 |
10 |
15 |
9 |
15 |
12 |
25 |
15 |
10. |
Сирдарё
|
16 379 |
- |
- |
2 |
5 |
1 |
1 |
4 |
10 |
2 |
2 |
6 |
15 |
3 |
3 |
8 |
20 |
11. |
Тошкент
|
68 937 |
5 |
5 |
4 |
2 |
8 |
8 |
7 |
3 |
12 |
12 |
13 |
4 |
15 |
15 |
20 |
5 |
12. |
Фарғона
|
49 420 |
6 |
6 |
4 |
2 |
10 |
10 |
6 |
3 |
15 |
15 |
8 |
4 |
20 |
20 |
10 |
5 |
13. |
Хоразм
|
12 970 |
- |
- |
1 |
3 |
1 |
1 |
3 |
5 |
2 |
2 |
5 |
7 |
3 |
3 |
8 |
10 |
Жами:
|
420 709 |
4 |
4 |
3 |
3 |
6 |
6 |
5 |
5 |
8 |
8 |
8 |
8 |
10 |
10 |
11 |
10 |
Президентининг
2020 йил 18 майдаги
ПФ-5995-сон Фармонига
5-ИЛОВА
Пахта-тўқимачилик ишлаб чиқариши корхоналари
ва кластерлари томонидан органик пахта хомашёси
етиштириш ва органик тўқимачилик маҳсулотларини
ишлаб чиқаришни ташкил этиш бўйича амалий
ЧОРА-ТАДБИРЛАР РЕЖАСИ
Т/р |
Чора-тадбирлар номлари
|
Ижро муддати |
Масъул ижрочилар |
1. |
Мавжуд пахта тўқимачилик кластерлари орасидан органик пахта хомашёси етиштириш ва органик тўқимачилик маҳсулотларини ишлаб чиқариш бўйича ташаббускорларни аниқлаш ва уларнинг рўйхатини шакллантириш.
|
2020 йил июль |
Қорақалпоғистон Республикаси Вазирлар Кенгаши ва вилоятлар ҳокимликлари, "Ўзтўқимачиликсаноат" уюшмаси, Қишлоқ хўжалиги вазирлиги
|
2. |
Ташаббускор пахта-тўқимачилик кластерлари билан органик пахта хомашёси етиштириш ва органик тўқимачилик маҳсулотларини ишлаб чиқариш йўналишда самарали фаолият юритаётган чет эл корхоналари билан ҳамкорликни йўлга қўйиш ишларини ташкил этиш.
|
2020 йил давомида |
Қорақалпоғистон Республикаси Вазирлар Кенгаши ва вилоятлар ҳокимликлари, "Ўзтўқимачиликсаноат" уюшмаси, Қишлоқ хўжалиги вазирлиги, Инвестициялар ва ташқи савдо вазирлиги, Ташаббускор пахта-тўқимачилик кластерлари |
3. |
Ташаббускор пахта-тўқимачилик кластерларида органик пахта хомашёси етиштириш ва органик тўқимачилик маҳсулотларини ишлаб чиқаришни ташкил қилиш учун миллий ва халқаро консультантларни ёллаш бўйича тадбирларни амалга ошириш. |
2021-2023 йиллар |
Қорақалпоғистон Республикаси Вазирлар Кенгаши ва вилоятлар ҳокимликлари, "Ўзтўқимачиликсаноат" уюшмаси, Ташқи ишлар вазирлиги, Инвестициялар ва ташқи савдо вазирлиги, Қишлоқ хўжалиги вазирлиги, Ташаббускор пахта-тўқимачилик кластерлари
|
4. |
Глобал органик тўқимачилик стандарти (Global Organic Textile Standard - GOTS) талабларига мувофиқ маҳсулот ишлаб чиқариш учун мутахассислар тайёрлаш. |
2021-2022 йиллар |
Қорақалпоғистон Республикаси Вазирлар Кенгаши ва вилоятлар ҳокимликлари, Олий ва ўрта махсус таълим вазирлиги, "Ўзтўқимачиликсаноат" уюшмаси, "Ўзстандарт" агентлиги, Қишлоқ хўжалиги вазирлиги, Ташаббускор пахта-тўқимачилик кластерлари
|
5. |
Сертификатлаштириш ишларини бошлаш ва сертификатлаштириш идорасини танлаш. |
2021 йилнинг 1 апрелига қадар |
Қорақалпоғистон Республикаси Вазирлар Кенгаши ва вилоятлар ҳокимликлари, "Ўзстандарт" агентлиги, "Ўзтўқимачиликсаноат" уюшмаси, Қишлоқ хўжалиги вазирлиги, Ташаббускор пахта-тўқимачилик кластерлари
|
6. |
Органик ишлаб чиқаришга ўтиш учун зарур ҳужжатларни ишлаб чиқиш, расмийлаштириш ва ёзувларни юритиш ишларини ташкил этиш. |
2021 йил давомида |
Қорақалпоғистон Республикаси Вазирлар Кенгаши ва вилоятлар ҳокимликлари, "Ўзтўқимачиликсаноат" уюшмаси, Қишлоқ хўжалиги вазирлиги, Ташаббускор пахта-тўқимачилик кластерлари
|
7. |
Органик пахта хомашёсини етиштириш учун био ўғитлар ва ўсимликларни ҳимоя қилишнинг биологик усулларини қўллаш. |
2021 йил вегитация давридан |
Қорақалпоғистон Республикаси Вазирлар Кенгаши ва вилоятлар ҳокимликлари, Қишлоқ хўжалиги вазирлиги, "Ўзагрокимёҳимоя" АЖ, Ташаббускор пахта-тўқимачилик кластерлари
|
8. |
Органик пахта хомашёсидан органик тўқимачилик ва бошқа маҳсулотлар ишлаб чиқаришни бошлаш. |
2023 йил 1 январдан бошлаб |
Қорақалпоғистон Республикаси Вазирлар Кенгаши ва вилоятлар ҳокимликлари, "Ўзтўқимачиликсаноат" уюшмаси, Инновацион ривожланиш вазирлиги, Ташаббускор пахта-тўқимачилик кластерлари
|
9. |
Ишлаб чиқарилган маҳсулотларни тамғалашда Глобал органик тўқимачилик стандарти (GOTS) талабларига мувофиқ савдо белгисидан фойдаланиш. |
2024 йил 1 январдан бошлаб |
Қорақалпоғистон Республикаси Вазирлар Кенгаши ва вилоятлар ҳокимликлари, Қишлоқ хўжалиги вазирлиги, "Ўзтўқимачиликсаноат" уюшмаси, Ташаббускор пахта-тўқимачилик кластерлари
|
10. |
Пахта-тўқимачилик соҳасига алоқадор илмий-тадқиқот институтлари ва олий таълим муассасалари олимлари томонидан бепул маслаҳат хизматлари кўрсатишни, услубий материаллар билан таъминлашни ҳамда ушбу йўналишда илмий-тажриба йўналишида ҳамкорлик қилишни таъминлаш.
|
2020 йил вегитация даври бошидан |
Фанлар Академияси, Қишлоқ хўжалиги вазирлиги, Олий ва ўрта махсус таълим вазирлиги, Ташаббускор пахта-тўқимачилик кластерлари |
11. |
Органик тўқимачилик маҳсулотларини экспорт қилиш имкониятига эга давлатлар ва бозорларни аниқлаш ва ўрганиш. |
2021 йилдан бошлаб |
"Ўзтўқимачиликсаноат" уюшмаси, Инвестициялар ва ташқи савдо вазирлиги, Ташаббускор пахта-тўқимачилик кластерлари
|
12. |
Глобал органик тўқимачилик стандарти (GOTS) талабларига мувофиқ сертификатланган маҳсулотларни экспорт қилиш ва ташқи бозорларда сотиш ишларини ташкил этиш. |
2023 йилдан бошлаб |
Қорақалпоғистон Республикаси Вазирлар Кенгаши ва вилоятлар ҳокимликлари, "Ўзтўқимачиликсаноат" уюшмаси, Инвестициялар ва ташқи савдо вазирлиги,Қишлоқ хўжал иги вазирлиги, Ташаббускор пахта-тўқимачилик кластерлари
|
Президентининг
2020 йил 18 майдаги
ПФ-5995-сон Фармонига
6-ИЛОВА
Республика ҳудудларида агроэкотуризм
жозибадорлигини янада ошириш учун органик
бозорлар ва ресторанлар ташкил этиш бўйича амалий
ЧОРА-ТАДБИРЛАР РЕЖАСИ
Т/р |
Чора-тадбирлар
|
Ижро муддати |
Ижро учун масъуллар |
1. |
Органик бозорлар ва ресторанлар ташкил этиш учун мақбул ер майдонларини "E-IJRO AUKSION" савдо майдончасига киритиш ҳамда тадбиркорлар ва инвесторлар ўртасида электрон онлайн-аукцион ташкил этиш. |
2020 йил III чорак |
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Туризмни ривожлантириш давлат қўмитаси
|
2. |
Танлов натижаларига мувофиқ танланган ер участкаларида замонавий-тарихий уйғунликдаги миллий анъаналаримиз акс эттирилган ўзига хос жозибадорликка эга органик бозор ва ресторанлар қурилиши ишларини амалга ошириш. |
2020-2021 йиллар |
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Туризмни ривожлантириш давлат қўмитаси, Қишлоқ хўжалиги вазирлиги
|
3. |
Органик сертификатга эга фермер хўжаликларининг органик бозорларда маҳсулотларини сотишлари учун қулай шароитлар яратиб бериш. |
2021 йилдан бошлаб |
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Туризмни ривожлантириш давлат қўмитаси, Қишлоқ хўжалиги вазирлиги
|
4. |
Органик қишлоқ хўжалиги маҳсулотларини етиштирувчи фермер хўжаликлари билан Тошкент, Қўқон, Марғилон, Шаҳрисабз, Самарқанд, Бухоро ва Хива шаҳарларидаги машҳур меҳмонхоналар ва ресторанлар ўртасида ҳамкорлик ўрнатишини таъминлаш.
|
2021 йилдан бошлаб |
Туризмни ривожлантириш давлат қўмитаси, Фарғона, Қашқадарё, Самарқанд, Бухоро, Хоразм вилоятлари ва Тошкент шаҳри ҳокимликлари |
5. |
Тошкент, Қўқон, Марғилон, Шаҳрисабз, Самарқанд, Бухоро ва Хива шаҳарларида органик бозор ва ресторанлар ташкил этилганлиги тўғрисида давлат ва хорижий тилларда тарғибот ва реклама қилиш ишларини ташкил этиш.
|
доимий |
Туризмни ривожлантириш давлат қўмитаси, Фарғона, Қашқадарё, Самарқанд, Бухоро, Хоразм вилоятлари ва Тошкент шаҳри ҳокимликлари |
Қонун ҳужжатлари маълумотлари миллий базаси (www.lex.uz),
2020 йил 19 май
"Халқ сўзи", 2020 йил 19 май
"Ўзбекистон Республикаси қонун ҳужжатлари тўплами",
2020 йил 25 май, 19-20-сон, 201-модда