Ички ишлар вазирининг 15.06.2020 й. 195-сон "Йўл ҳаракати қоидаларининг бузилишига доир маъмурий ишларни кўриб чиқиш тартиби тўғрисидаги йўриқномага ўзгартириш ва қўшимчалар киритиш ҳақида"ги Буйруғи (АВ томонидан 15.07.2020 й. 2240-4-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

15.07.2020 й.

N 2240-4

ЎЗБЕКИСТОН РЕСПУБЛИКАСИ

ИЧКИ ИШЛАР ВАЗИРИНИНГ

15.06.2020 й.

N 195

БУЙРУҒИ

Йўл ҳаракати қоидаларининг бузилишига доир

маъмурий ишларни кўриб чиқиш тартиби

тўғрисидаги йўриқномага ўзгартириш

ва қўшимчалар киритиш ҳақида

Ўзбекистон Республикасининг 2019 йил 28 августдаги ЎРҚ-558-сон "Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги ва 2020 йил 17 мартдаги ЎРҚ-612-сон "Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги қонунларига мувофиқ БУЮРАМАН:

1. Ўзбекистон Республикаси ички ишлар вазирининг 2011 йил 31 майдаги 68-сон буйруғи (рўйхат рақами 2240, 2011 йил 5 июль) (Ўзбекистон Республикаси қонун ҳужжатлари тўплами, 2011 й., 27-сон, 286-модда) билан тасдиқланган Йўл ҳаракати қоидаларининг бузилишига доир маъмурий ишларни кўриб чиқиш тартиби тўғрисидаги йўриқномага иловага мувофиқ ўзгартириш ва қўшимчалар киритилсин.

2. Мазкур буйруқ расмий эълон қилинган кундан эътиборан кучга киради.

Вазир                                                                          П. Бобожонов

Буйруққа

ИЛОВА

Йўл ҳаракати қоидаларининг бузилишига доир

маъмурий  ишларни  кўриб  чиқиш  тартиби

тўғрисидаги йўриқномага киритилаётган

ўзгартириш ва қўшимчалар

1. 13-банднинг иккинчи хатбошиси қуйидаги таҳрирда баён этилсин:

"Мазкур шахсни текширишга юбориш ва бу текширувни ўтказиш Транспорт воситалари ҳайдовчиларининг маст ҳолатда эканлигини аниқлаш тартиби тўғрисидаги низом (рўйхат рақами 3099, 2018 йил 14 декабрь) талаблари асосида амалга оширилади.".

2. 16-банддаги "суриштирув органлари" деган сўзлар "терговга қадар текширувни амалга оширувчи органнинг мансабдор шахси, суриштирувчи" деган сўзлар билан алмаштирилсин.

3. 45-банднинг ўн иккинчи хатбошиси қуйидаги таҳрирда баён этилсин:

"Тезкор ва махсус хизматларнинг транспорт воситалари, шунингдек улар кузатиб келаётган транспорт воситалари томонидан Қоидаларга мувофиқ имтиёздан фойдаланган ҳолда содир этилган маъмурий ҳуқуқбузарликлар махсус фото ва видео қайд этишнинг автоматлаштирилган техник воситалари орқали қайд этилган тақдирда ҳамда кечиктириб бўлмайдиган хизмат вазифаларини бажарганликни тасдиқловчи ҳужжатлар тақдим этилганда ҳайдовчиларнинг маъмурий қоидабузарлиги охирги зарурат ҳолатларида содир этилган деб топилади ва маъмурий иш Кодекснинг 271-моддасига мувофиқ тугатилади.".

4. 58-банднинг иккинчи хатбошиси қуйидаги таҳрирда баён этилсин:

"Маъмурий ҳуқуқбузарлик тўғрисидаги иш юзасидан чиқарилган қарор устидан юқори турувчи органга (мансабдор шахсга) ёки туман (шаҳар) маъмурий судига, маъмурий суднинг қарори устидан эса кассация инстанцияси судига шикоят қилиниши (протест келтирилиши) мумкин.".

5. 70-бандда:

биринчи хатбоши қуйидаги таҳрирда баён этилсин:

"70. Жарима ҳуқуқбузар томонидан унга жарима солиш тўғрисидаги қарор топширилган кундан бошлаб ўттиз кундан кечиктирмай, бундай қарор хусусида шикоят берилган ёки протест билдирилган тақдирда - шикоят ёки протест қаноатлантирилмаганлиги тўғрисида хабар берилган кундан бошлаб ўн беш кундан кечиктирмай тўланиши лозим, бундан мазкур банднинг иккинчи хатбошиси мустасно.":

қуйидаги мазмундаги бешинчи - саккизинчи хатбошилар билан тўлдирилсин:

"Ҳуқуқбузар унга жарима солиш тўғрисидаги қарор топширилган кундан бошлаб ўн беш кун ичида жарима миқдорининг етмиш фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади, қуйидаги ҳоллар бундан мустасно:

маъмурий ҳуқуқбузарлик содир этганлик учун суд томонидан жарима солинганда;

жарима солиш тўғрисидаги қарор устидан шикоят қилинганда ёки протест билдирилганда;

худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилганда.".

6. 74-банд қуйидаги мазмундаги иккинчи хатбоши билан тўлдирилсин:

"Мажбурий ижрога қаратилган жарима солиш тўғрисидаги қарор ижро этилганидан сўнг давлат ижрочиси ижро ишини юритишни тамомлаш тўғрисида қарор чиқаради ва унинг бир нусхасини уни чиқарган органга (мансабдор шахсга) ёки судга юборади.".

7. 1-1-илова мазкур ўзгартириш ва қўшимчаларнинг 1-иловасига мувофиқ таҳрирда баён этилсин.

8. 2-илова мазкур ўзгартириш ва қўшимчаларнинг 2-иловасига мувофиқ таҳрирда баён этилсин.

9. 4-илова мазкур ўзгартириш ва қўшимчаларнинг 3-иловасига мувофиқ таҳрирда баён этилсин.

10. 6-8-иловалар тегишли равишда мазкур ўзгартириш ва қўшимчаларнинг 4-6-иловаларига мувофиқ таҳрирда баён этилсин.

11. 13-илова мазкур ўзгартириш ва қўшимчаларнинг 7-иловасига мувофиқ таҳрирда баён этилсин.

Ўзгартириш ва қўшимчаларга

1-ИЛОВА

"Йўл ҳаракати қоидаларининг бузилишига

доир маъмурий ишларни кўриб чиқиш

тартиби тўғрисидаги йўриқномага

1-1-ИЛОВА

GA 00000000000 - рақамли Жарима солиш тўғрисидаги қарор

махсус автоматлаштирилган фото ва видео қайд этиш техника воситалари орқали қайд этилган йўл ҳаракати қоидаларини бузилиши тафсилотларини кўриб чиқиб, қуйидагиларни АНИҚЛАДИМ:

Ўзбекистон Республикаси МЖтКнинг 17-1, 248, 304, 307 ва 309-1-моддаларига асосланган ҳолда ҚАРОР ҚИЛАМАН:

           

___________________ русумли ___________________ давлат рақам белгили транспорт воситаси мулкдори _____________________________________га Ўзбекистон Республикаси МЖтКнинг ____-моддаси ______ қисмига асосан ____________ (__________________сўзларда ёзилади) сўм миқдорида жарима белгилансин.

Ҳуқуқ ва мажбуриятларингиз:

Тайинланган жаримани қарор чиқарилган кундан бошлаб олтмиш (60) кундан кечиктирмай, ушбу қарор хусусида шикоят берилган ёки протест билдирилган тақдирда эса, шикоят ёки протест қаноатлантирилмаганлиги тўғрисида хабар берилган кундан эътиборан ўттиз (30) кундан кечиктирмай тўлашингиз лозим.

Мазкур қарор чиқарилган кундан эътиборан олтмиш (60) кун ўтгач жарима тўланмаган тақдирда транспорт воситангиз қарорнинг ижроси юзасидан иш юритиш тугагунига қадар ушлаб турилади.

Мазкур қарор устидан юқори турувчи органга (мансабдор шахсга ёки туман (шаҳар) маъмурий судига унинг нусхасини олган кунингиздан бошлаб (10) ўн кун ичида шикоят беришингиз мумкин. Шикоят маъмурий ҳуқуқбузарлик тўғрисидаги иш юзасидан қарор қабул қилган орган (мансабдор шахс) орқали ёки бевосита шикоят йўлланган судга юборилади.

Ўзбекистон Республикасининг Маъмурий жавобгарлик тўғрисидаги кодекси 332-1-моддасига мувофиқ ҳуқуқбузар жарима солиш тўғрисидаги қарор топширилган кундан бошлаб ўн беш кун ичида жарима миқдорининг етмиш фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади, қуйидаги ҳоллар бундан мустасно:

маъмурий ҳуқуқбузарлик содир этганлик учун суд томонидан жарима солинганда;

жарима солиш тўғрисидаги қарор устидан шикоят қилинганда ёки протест билдирилганда;

худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилганда.

   

".

Ўзгартириш ва қўшимчаларга

2-ИЛОВА

"Йўл ҳаракати қоидаларининг бузилишига

доир маъмурий ишларни кўриб чиқиш

тартиби тўғрисидаги йўриқномага

2-ИЛОВА

КВИТАНЦИЯ

ВАРАҚАСИ

______ серияли N Х-000000

Базавий ҳисоблашнинг ___________ миқдорида

(_____________) сўм

МЖтКнинг _____-моддасини ____ қисми

Мен йўл қўйган ҳуқуқбузарликни тан оламан ва берилган жазога эътирозим йўқ.

"_____" ______________ 20__ й.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

қирқиш чизиғи

ЎЗБЕКИСТОН РЕСПУБЛИКАСИ

ИЧКИ ИШЛАР ВАЗИРЛИГИ

Йўл ҳаракати қоидаларини бузганлиги

учун жарима тўлаганлиги ҳақида

КВИТАНЦИЯ _____ N Х-000000

Базавий ҳисоблашнинг ___________ миқдорида

(______________) сўм

Жарима жойида тўланган вақтда квитанциянинг қуйи қисми ҳуқуқбузарга йиртиб берилади.

         

".

Ўзгартириш ва қўшимчаларга

3-ИЛОВА

"Йўл ҳаракати қоидаларининг бузилишига

доир маъмурий ишларни кўриб чиқиш

тартиби тўғрисидаги йўриқномага

4-ИЛОВА

ТРАНСПОРТ ВОСИТАЛАРИ

ШИКАСТЛАНГАНЛИГИ ТЎҒРИСИДА

МАЪЛУМОТНОМА

хабар қилади 20__ йил "___" ______________ соат _____ мин. ўтганда

Йўл-транспорт ҳодисасида қатнашдилар:

1. Транспорт воситасининг русуми _______ давлат белгиси ______________

2. Транспорт воситасининг русуми _______ давлат белгиси ______________

Транспорт воситасининг ташқи кўриниши текширилган вақтда қуйидаги шикастланиш аниқланди:

  

М.Ў.

".

Ўзгартириш ва қўшимчаларга

4-ИЛОВА

"Йўл ҳаракати қоидаларининг бузилишига

доир маъмурий ишларни кўриб чиқиш

тартиби тўғрисидаги йўриқномага

6-ИЛОВА

М А Ъ Л У М О Т Н О М А

Берилди ушбу маълумотнома шу ҳакдаким, _____йилда туғилган ҳайдовчи

__________нинг _____серияли _______ рақамли ҳайдовчилик гувоҳномаси талонининг амал қилиш муддати

кунига қадар узайтирилди.

_____________ шаҳар (туман) ИИБ ЙҲХБ (ЙҲХГ) маъмурий амалиёт инспектори

М.Ў.   

Ушбу маълумотнома ҳайдовчилик гувоҳномаси олиниб, ҳайдовчи истиқомат қилаётган ёки транспорт воситаси рўйхатга олинган жойдаги ДЙҲХХга ўттиз кун ичида етиб келмаган ва талоннинг амал қилиш муддати тугаб қолган ҳолларда берилади. Маълумотнома ўн кун муддатга уч маротаба берилиши мумкин ва амал қилиши муддати тугагандан сўнг қайтарилиши шарт.

Агар ҳайдовчи сафарда бўлган вақтда талоннинг амал қилиш муддати тугаб қолса, унинг муддати ҳайдовчи тақдим этган тегишли ҳужжатлар ёки маълумотлар асосида ўша ҳудуддаги ДЙҲХХнинг фақатгина маъмурий амалиёт инспектори ёки бундай вазифа юклатилган ходими томонидан узайтириб берилади. Бунда ушбу маълумотномага "Яшаш жойига етиб олгунга қадар" деб ёзилиб, ўн кунгача муддат қўйиб берилиши мумкин.

Маълумотнома ҳайдовчилик гувоҳномаси талони ва шахсни тасдиқловчи ҳужжат билан ҳақиқий ҳисобланади.".

Ўзгартириш ва қўшимчаларга

5-ИЛОВА

"Йўл ҳаракати қоидаларининг бузилишига

доир маъмурий ишларни кўриб чиқиш

тартиби тўғрисидаги йўриқномага

7-ИЛОВА

Х А Б А Р Н О М А

Сиз томондан содир этилган маъмурий ҳуқуқбузарлик тўғрисидаги ишни кўриб чиқиш учун 20___ йил "____" _____куни соат _______да қуйидаги манзилга__________________________________________________

        

келишингиз сўралади.

Ўзингиз билан шахсий паспортингиз (шахсни тасдиқловчи ҳужжат) бўлиши керак.

Кўрсатилган муддатда келмасангиз йўл ҳаракати қоидасини бузганлигингиз тўғрисидаги иш Сизнинг иштирокингизсиз кўриб чиқилади.

М.Ў.

Х А Б А Р Н О М А   В А Р А Қ А С И

(ҳужжатларга тикиб қўйилади)

".

Ўзгартириш ва қўшимчаларга

6-ИЛОВА

"Йўл ҳаракати қоидаларининг бузилишига

доир маъмурий ишларни кўриб чиқиш

тартиби тўғрисидаги йўриқномага

8-ИЛОВА

ДАЛОЛАТНОМА _______-сон

   

Ташқи кўриниши:

Салон:

Багажда:

          

Ўзгартириш ва қўшимчаларга

7-ИЛОВА

"Йўл ҳаракати қоидаларининг бузилишига

доир маъмурий ишларни кўриб чиқиш

тартиби тўғрисидаги йўриқномага

13-ИЛОВА

UZ-______ серияли ___________ рақамли баённома бўйича

маъмурий жазо қўллаш тўғрисида

қарор

  

нисбатан тўпланган маъмурий ишни кўриб чиқиб, уни 20____ йилнинг "____" ____ куни ____________ русумли ________________________ давлат рақам белгили транспорт воситасини бошқариб Йўл ҳаракати қоидаларининг ___________________________________банд (лар)и талабларини бузиб, яъни ______________

__________________________________________________________________________________________________

_________________________________________________________________________________________ бу билан

              

назарда тутилган хуқуқбузарлик(лар)ни содир этганлигини аниқладим.

Юқоридагиларга ҳамда Ўзбекистон Республикаси МЖтКнинг

248, 304, 305, 306, 307-моддаларига асосланган ҳолда

ҚАРОР ҚИЛАМАН

Ўзбекистон Республикаси МЖтКнинг ____-моддаси _____-қисми, _____-моддаси ______________________ қисми, _____-моддаси _____-қисми ҳамда ______-моддасини қўллаб, унга нисбатан

        

Қарор устидан 10 кунлик муддат ичида юқори турувчи органга (мансабдор шахсга) ёки туман (шаҳар) маъмурий судига, маъмурий суднинг қарори устидан эса кассация инстанцияси судига шикоят қилиниши (протест келтирилиши) мумкин.

Қарор нусхаси хуқуқбузарга ___________ куни алоқа хизмати орқали юборилди.

Қонун ҳужжатлари маълумотлари миллий базаси (www.lex.uz),

2020 йил 15 июль

"Ўзбекистон Республикаси қонун ҳужжатлари тўплами",

2020 йил 27 июль, 28-29-сон, 336-модда