Ўзбекистон Республикаси Президентининг 20.03.2018 й. ПФ-5383-сон "Ўзбекистон Республикаси Президентининг айрим ҳужжатларига ўзгартишлар киритиш, шунингдек баъзиларини ўз кучини йўқотган деб ҳисоблаш тўғрисида"ги Фармони

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

20.03.2018 й.

N ПФ-5383

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ АЙРИМ ҲУЖЖАТЛАРИГА

ЎЗГАРТИШЛАР КИРИТИШ, ШУНИНГДЕК

БАЪЗИЛАРИНИ ЎЗ КУЧИНИ ЙЎҚОТГАН

ДЕБ ҲИСОБЛАШ ТЎҒРИСИДА

(Ўзбекистон Республикаси Президентининг

"Тўқимачилик ва тикув-трикотаж саноатини жадал

ривожлантириш чора-тадбирлари тўғрисида" 2017 йил

14 декабрдаги ПФ-5285-сонли Фармони)

Ўзбекистон Республикаси Президентининг "Тўқимачилик ва тикув-трикотаж саноатини жадал ривожлантириш чора-тадбирлари тўғрисида" 2017 йил 14 декабрдаги ПФ-5285-сонли Фармонига мувофиқ:

1. Ўзбекистон Республикаси Президентининг айрим ҳужжатларига 1-иловага мувофиқ ўзгартишлар киритилсин.

2. Ўзбекистон Республикаси Президентининг баъзи ҳужжатлари 2-иловага мувофиқ ўз кучини йўқотган деб ҳисоблансин.

3. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари - "Ўзагротехсаноатхолдинг" АЖ бошқаруви раиси Н.С. Отажонов ва "Ўзтўқимачиликсаноат" Уюшмаси раиси И.У. Хайдаров зиммасига юклансин.

Ўзбекистон Республикаси Президенти                                         Ш. Мирзиёев

Ўзбекистон Республикаси

Президентининг

2018 йил 20 мартдаги

ПФ-5383-сон Фармонига

1-ИЛОВА

Ўзбекистон Республикаси Президентининг

айрим ҳужжатларига киритиладиган

ўзгартишлар

1. Ўзбекистон Республикаси Президентининг "2015-2019 йилларда ишлаб чиқаришни таркибий ўзгартириш, модернизациялаш ва диверсификациялашни таъминлаш чора-тадбирлари дастури тўғрисида" 2015 йил 4 мартдаги ПФ-4707-сонли Фармонининг 2- ва 3-иловаларидаги ""Ўзбекенгилсаноат" ДАК" сўзлари ""Ўзтўқимачиликсаноат" Уюшмаси" сўзлари билан алмаштирилсин.

4. Ўзбекистон Республикаси Президентининг "Тўқимачилик ва тикув-трикотаж саноатини жадал ривожлантириш чора-тадбирлари тўғрисида" 2017 йил 14 декабрдаги ПФ-5285-сонли Фармонининг 15-бандидаги "20" рақами "20а" рақами билан алмаштирилсин.

5. Ўзбекистон Республикаси Президентининг ""Қўқон тўқимачилик комбинати" ДКнинг қурилиши тугалланмаган мулкий комплекси негизида замонавий тўқимачилик ишлаб чиқаришини ташкил этиш чора-тадбирлари тўғрисида" 2010 йил 6 майдаги ПҚ-1333-сонли қарори 2-бандининг еттинчи хатбоши, 9, 10 ва 11-бандларидаги ""Ўзбекенгилсаноат" ДАК" сўзлари ""Ўзтўқимачиликсаноат" Уюшмаси" сўзлари билан алмаштирилсин.

6. Ўзбекистон Республикаси Президентининг "Замонавий тўқимачилик ускуналари ишлаб чиқаришни ташкил этиш чора-тадбирлари тўғрисида" 2011 йил 21 февралдаги ПҚ-1484-сонли қарорининг 7, 8 ва 9-бандларидаги ""Ўзбекенгилсаноат" ДАК" сўзлари ""Ўзтўқимачиликсаноат" Уюшмаси" сўзлари билан алмаштирилсин.

7. Ўзбекистон Республикаси Президентининг "Тўқимачилик саноати корхоналарини жадал ривожлантиришни рағбатлантириш борасидаги қўшимча чора-тадбирлар тўғрисида" 2011 йил 28 мартдаги ПҚ-1512-сонли қарорида:

а) 1-бандидаги ""Ўзбекенгилсаноат" АЖ корхоналари" сўзлари ""Ўзтўқимачиликсаноат" Уюшмасига аъзо корхоналар" сўзлари билан алмаштирилсин;

б) 1-1-бандидаги ""Ўзбекенгилсаноат" АЖ корхоналари" сўзлари ""Ўзтўқимачиликсаноат" Уюшмасига аъзо корхоналар" сўзлари билан алмаштирилсин.

8. Ўзбекистон Республикаси Президентининг "Замонавий тўқимачилик ускуналари ишлаб чиқаришни кенгайтириш чора-тадбирлари тўғрисида" 2015 йил 4 декабрдаги ПҚ-2444-сонли қарори 6-бандидаги ""Ўзбекенгилсаноат" АЖ" сўзлари ""Ўзтўқимачиликсаноат" Уюшмаси" сўзлари билан алмаштирилсин.

9. Ўзбекистон Республикаси Президентининг "2017-2019 йилларда тўқимачилик ва тикув-трикотаж саноатини янада ривожлантириш чора-тадбирлари дастури тўғрисида" 2016 йил 21 декабрдаги ПҚ-2687-сонли қарори 1-бандининг иккинчи хатбошидаги ""Ўзбекенгилсаноат" АЖ" сўзлари ""Ўзтўқимачиликсаноат" Уюшмаси" сўзлари билан алмаштирилсин.

10. Ўзбекистон Республикаси Президентининг "2017-2019 йилларда тайёр маҳсулот турлари, бутловчи буюмлар ва материаллар ишлаб чиқаришни маҳаллийлаштиришнинг истиқболли лойиҳаларини амалга оширишни давом эттириш чора-тадбирлари тўғрисида" 2016 йил 26 декабрдаги ПҚ-2698-сонли қарори 1-иловасининг "Ташкилотлар номи" графаси 335-340-позицияларидаги, бўлими номланишидаги ""Ўзбекенгилсаноат" АЖ" сўзлари ""Ўзтўқимачиликсаноат" Уюшмаси" сўзлари билан алмаштирилсин.

11. Ўзбекистон Республикаси Президентининг "Тошкент тўқимачилик ва енгил саноат институти ҳузурида Корея Республикаси Ҳукуматининг беғараз кўмагини жалб этган ҳолда Ўқув-амалий тўқимачилик технопаркини ташкил этиш чора-тадбирлари тўғрисида" 2017 йил 7 февралдаги ПҚ-2759-сонли қарори:

а) 1-бандининг иккинчи хатбошидаги, 4-бандининг иккинчи ва учинчи хатбошиларидаги "Ўқув-амалий тўқимачилик технопарки" сўзлари "Ўзбек-Корея Ўқув-амалий тўқимачилик технопарки" сўзлари билан алмаштирилсин;

б) 5-бандининг бешинчи хатбошидаги, 9, 13, 14 ва 15-бандларидаги ""Ўзбекенгилсаноат" АЖ" сўзлари ""Ўзтўқимачиликсаноат" Уюшмаси" сўзлари билан алмаштирилсин;

в) 1-иловасининг номланишидаги "Ўқув-амалий тўқимачилик технопарки" сўзлари "Ўзбек-Корея Ўқув-амалий тўқимачилик технопарки" сўзлари билан алмаштирилсин:

г) 2-иловасининг:

номланишидаги "Ўқув-амалий тўқимачилик технопарки" сўзлари "Ўзбек-Корея Ўқув-амалий тўқимачилик технопарки" сўзлари билан алмаштирилсин;

1-бандидаги ""Ўзбекенгилсаноат" АЖ бошқаруви раиси" сўзлари ""Ўзтўқимачиликсаноат" Уюшмаси раиси" сўзлари билан алмаштирилсин.

12. Ўзбекистон Республикаси Президентининг "2017-2021 йилларда Оролбўйи минтақасини ривожлантириш давлат дастури тўғрисида" 2017 йил 18 январдаги ПҚ-2731-сонли қарори 2-иловасининг 15-бандидаги ""Ўзбекенгилсаноат" АЖ" сўзлари ""Ўзтўқимачиликсаноат" Уюшмаси" сўзлари билан алмаштирилсин.

14. Ўзбекистон Республикаси Президентининг "Навоий вилоятининг Томди, Учқудуқ, Конимех, Нурота туманлари ва Зарафшон шаҳрини комплекс ривожлантириш ҳамда аҳолиси бандлигини таъминлашга доир қўшимча чора-тадбирлар тўғрисида" 2017 йил 29 сентябрдаги ПҚ-3301-сонли қарори 1-иловаси "Масъул ижрочилар" графасининг 5-позициясидаги ""Ўзбекенгилсаноат" АЖ" сўзлари ""Ўзтўқимачиликсаноат" Уюшмаси" сўзлари билан алмаштирилсин.

15. Ўзбекистон Республикаси Президентининг "Ўзбекистон Республикаси Вазирлар Маҳкамасининг фаолиятини янада такомиллаштиришга доир қўшимча чора-тадбирлар тўғрисида" 2017 йил 27 ноябрдаги ПҚ-3403-сонли қарори 7-иловасининг "Мутасаддилик қилинадиган идоралар, хўжалик бирлашмалари ва бошқа ташкилотлар" бўлими 13-бандидаги ""Ўзбекенгилсаноат" АЖ" сўзлари ""Ўзтўқимачиликсаноат" Уюшмаси" сўзлари билан алмаштирилсин.

16. Ўзбекистон Республикаси Президентининг "Тўқимачилик маҳсулотларини ишлаб чиқариш учун "Ўзтўқимачиликсаноат" Уюшмаси аъзолари бўлган тўқимачилик саноати корхоналари ва тўқимачилик ҳамда тикув-трикотаж тармоғининг хўжалик юритувчи субъектлари томонидан олиб келинадиган товарларни олиб киришда уларни божхона тўловларидан озод этиш рўйхатларини тасдиқлаш тўғрисида"" 2018 йил 2 февралдаги Ф-5194-сонли фармойиши 1-иловасидаги изоҳнинг учинчи хатбоши ва 2-иловасидаги изоҳнинг иккинчи хатбоши қуйидаги таҳрирда баён этилсин:

"Ушбу ҳисоб-китоб кўрсаткичлари божхона тўловлари бўйича имтиёзларни қўллашда чекловлар учун асос деб бўлмайди".

Ўзбекистон Республикаси

Президентининг

2018 йил 20 мартдаги

ПФ-5383-сон Фармонига

2-ИЛОВА

Ўзбекистон Республикаси Президентининг

ўз кучини йўқотган баъзи ҳужжатлари

РЎЙХАТИ

1. "Ўзбекистон Республикаси Президентининг айрим ҳужжатларига қўшимча ва ўзгартишлар киритиш тўғрисида" Ўзбекистон Республикаси Президентининг 2014 йил 8 июлдаги ПФ-4631-сонли Фармони иловасининг 52-банди.

2. Ўзбекистон Республикаси Президентининг ""Ўзбекенгилсаноат" давлат-акциядорлик компанияси ҳузурида Дизайн маркази ташкил этиш тўғрисида" 2011 йил 17 июндаги ПҚ-1554-сонли қарори.

Қонун ҳужжатлари маълумотлари миллий базаси (www.lex.uz),

2018 йил 20 март