ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Хўжалик ва тадбиркорлик фаолиятининг умумий масалалари / Инвестициялар / Алоҳида корхоналар ва лойиҳалар бўйича ҳужжатлар / Маҳаллий саноат /

Ўзбекистон Республикаси Президентининг 29.03.2018 й. ПҚ-3638-сон "Тошкент металлургия заводини қуриш" инвестиция лойиҳасини амалга оширишни давом эттиришга оид қўшимча чора-тадбирлар тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

29.03.2018 й.

N ПҚ-3638



"ТОШКЕНТ МЕТАЛЛУРГИЯ ЗАВОДИНИ

ҚУРИШ" ИНВЕСТИЦИЯ ЛОЙИҲАСИНИ АМАЛГА

ОШИРИШНИ ДАВОМ ЭТТИРИШГА ОИД ҚЎШИМЧА

ЧОРА-ТАДБИРЛАР ТЎҒРИСИДА


"Тошкент металлургия заводини қуриш" инвестиция лойиҳасини амалга оширишни давом эттириш ва ички бозорнинг юқори сифатли металлургия маҳсулотига бўлган эҳтиёжини таъминлаш мақсадида:

Маълумот учун қабул қилинсинки, Ўзбекистон Республикаси Президентининг ""Тошкент металлургия заводини қуриш" инвестиция лойиҳасини амалга ошириш чора-тадбирлари тўғрисида" 2017 йил 7 апрелдаги ПҚ-2874-сонли қарори (кейинги ўринларда - инвестиция лойиҳаси)ни рўёбга чиқариш доирасида "Toshkent Metallurgiya Zavodi" МЧЖ томонидан:

умумий қиймати эквивалентда 233,0 миллион еврога тенг металлургия заводини батамом тайёр ҳолда қуриб бериш тўғрисида "МетПром" (Россия Федерацияси) компаниялар гурухи таркибига кирувчи "МетПромПроект" МЧЖ билан 2017 йил 3 майдаги ГЗРР-1-сонли бош пудрат шартномаси тузилган;

қурилиш, молиявий ва техникавий назорат функцияларини бажариш тўғрисида "СЕСТ Инфраструктурный Консалтинг" МЧЖ (Россия Федерацияси) билан 2017 йил 15 августдаги ФГК-17 142-сонли шартнома тузилган;

жами қиймати эквивалентда 286,7 миллион еврога тенг инвестиция лойиҳасининг техник-иқтисодий асосланиши ишлаб чиқилган ҳамда "Ўзбекистон Республикаси Президенти ҳузуридаги Лойиҳа бошқаруви миллий агентлигининг Лойиҳаларни ва импорт контрактларини комплекс экспертиза қилиш маркази" ДУКда унинг экспертизаси ўтказилди.


2. Қуйидагилар:

объектни 2019 йил декабрида фойдаланишга топшириш муддати белгиланган ҳолда "Тошкент мателлургия заводи қурилиши" инвестиция лойиҳасининг техник-иқтисодий асосланиши асосий техник-иқтисодий параметрлари билан 1-иловага* мувофиқ;

"Тошкент мателлургия заводи қурилиши" инвестиция лойиҳасини амалга ошириш доирасида жалб этилаётган буюртмачилар, лойиҳа ва пудрат ташкилотлари рўйхати 2-иловага* мувофиқ тасдиқлансин.

4. Тошкент шаҳар ҳокимлиги ва "Ўзбекэнерго" АЖнинг:

""Тошкент металлургия заводи" МЧЖнинг ташқи электр таъминот объектлари қурилиши" (кейинги ўринларда - 1 лойиҳа);

"Тошкент шаҳар Сирғали тумани ва унга туташ ҳудудларнинг истиқболдаги ривожланишини ҳисобга олган ҳолда уларнинг энергия таъминоти объектларини қуриш" (кейинги ўринларда - II лойиҳа) лойиҳаларини амалга ошириш тўғрисидаги таклифи қабул қилинсин.


5. Белгилансинки:

I ва II лойиҳаларни рўёбга чиқаришда молиялаштириш 68,0 миллон. АҚШ долларидан кўп бўлмаган, "Ўзсаноатқурилишбанк" АТБ томонидан қайта молиялаштириладиган ва "Ўзбекэнерго" АЖга босқичма-босқич ажратиладиган, 10 йил муддатга, шу жумладан имтиёзли даври 2 йил бўлган, қайта молиялаштирадиган банкнинг 0,25 фоиз миқдордаги маржаси қўшилган ҳолда, йиллик 2,5 фоизли фоиз ставкаси билан тақдим этиладиган Ўзбекистон Республикаси Тикланиш ва тараққиёт жамғармасининг кредитлари ҳисобидан амалга оширилади;

I ва II лойиҳаларни амалга ошириш доирасида Ўзбекистон Республикаси Тикланиш ва тараққиёт жамғармасининг жалб этилаётган кредитидан мақсадли фойдаланилишида "Ўзбекэнерго" АЖ қарз олувчи ва ижро этувчи жавобгар орган ҳисобланади;

I лойиҳани амалга ошириш доирасида жалб этилаётган Ўзбекистон Республикаси Тикланиш ва тараққиёт жамғармасининг кредитларини сўндириш, фоизлар, воситачилик ҳақи ва бошқа ҳаражатларни тўлаш билан боғлиқ сарф-харажатлар Ўзбекистон Республикасининг Давлат бюджети маблағлари ҳисобидан амалга оширилади.


6. "Ўзбекэнерго" АЖ, Тошкент шаҳар ҳокимлиги II лойиҳа - "Тошкент шаҳар Сирғали тумани ва унга туташ ҳудудларнинг истиқболдаги ривожланишини ҳисобга олган ҳолда уларнинг энергия таъминоти объектларини қуриш" лойиҳасини ишлаб чиқиш ва экспертизадан ўтказиш якунларига кўра Ўзбекистон Республикаси Тикланиш ва тараққиёт жамғармаси кредитининг II лойиҳани амалга оширишни молиялаштириш билан боғлиқ сарф-харажатлари қисмида сўндириш манбалари бўйича Ўзбекистон Республикаси Вазирлар Маҳкамасига таклифлар киритсин.


7. Ўзбекистон Республикаси молия вазири Ўзбекистон Республикаси Тикланиш ва тараққиёт жамғармасининг қайта молиялаштириладиган, I ва II лойиҳалар қурилишини амалга ошириш учун жалб этиладиган кредити юзасидан "Ўзбекэнерго" АЖнинг "Ўзсаноатқурилишбанк" АТБ олдидаги мажбуриятлари бўйича белгиланган тартибда Давлат кафолатини беришга вакил этиб тайинлансин.


8. Белгилаб қўйилсинки, инвестиция лойиҳасини амалга ошириш доирасида шохобча темир йўл қурилиши, шунингдек, I ва II лойиҳаларни амалга ошириш доирасида - ташқи электр таъминоти объектлари қурилиши ҳудудига тушадиган ер майдонлари олиб қўйилиши муносабати билан компенсациялар тўлаш Тошкент шаҳри ва Тошкент вилояти ҳокимликларининг маҳаллий бюджетлари маблағлари ҳамда қонун ҳужжатларида тақиқланмаган бошқа манбалар ҳисобидан амалга оширилади.


9. Истисно тариқасида:

а) инвестиция лойиҳасини амалга ошириш доирасида - "Асака" АТБ ва "Ўзсаноатқурилишбанк" АТБга бош пудрат шартномаси бўйича "Toshkent Metallurgiya Zavodi" МЧЖнинг талаб қилиш ҳуқуқлари гаровини тақдим этилаётган кредитларни таъминлашга қабул қилиб, кейинчалик у фойдаланишга топширилгандан сўнг мулкий комплекс сифатида "Toshkent Metallurgiya Zavodi" МЧЖга гаровга топширишга рухсат берилсин;

б) I лойиҳани амалга ошириш доирасида:

"Ўзбекэнерго" АЖга - лойиҳа олди ҳужжатларини бир босқичли тартибда техник-иқтисодий ҳисоб-китобни ишлаб чиқиш билан бирга кейинчалик уни "Ўзбекистон Республикаси Президента ҳузуридаги Лойиҳа бошқаруви миллий агентлигининг Лойиҳаларни ва импорт контрактларини комплекс экспертиза қилиш маркази" ДУКда экспертизадан ўтказган ҳолда ишлаб чиқишга;

"Ўзбекэнерго" АЖга - 2018 йилнинг 1 сентябрига қадар лойиҳа-смета ҳужжатларини параллел равишда ишлаб чиқиш билан бирга қурилиш-монтаж ишларини амалга оширишга;

"Ўзсаноатқурилишбанк" АТБ ва "Ўзбекэнерго" АЖга - Ўзбекистон Республикаси Тикланиш ва тараққиёт жамғармасининг жалб этиладиган кредит маблағларидан I лойиҳа доирасида тузилган ва белгиланган тартибда экспертизадан ўтказилган импорт контрактлари, маҳаллий маҳсулот етказиб бериш ва хизматлар кўрсатиш бўйича контрактлар ҳақини ички валюта бозорида хорижий валютани сотиш орқали тўлаш учун фойдаланишга рухсат берилсин.


10. Қуйидагилар:

а) инвестиция лойиҳасини амалга ошириш доирасида:

2021 йил 1 январгача "Toshkent Metallurgiya Zavodi" МЧЖ - ягона солиқ тўлови, юридик шахсларнинг фойда солиғи, ер солиғи ва жалб этиладиган хорижий ишчиларнинг меҳнат ҳақи фондидан ягона ижтимоий тўловларни тўлашдан;

2021 йил 1 январгача "МетПромПроект" МЧЖ, "СЕСТ Инфраструктурный Консалтинг" МЧЖ ва инвестиция лойиҳасини амалга оширишда иштирок этувчи нерезидент бўлган бошқа юридик шахслар - 2017 ҳисобот йили фойдасидан бошлаб юридик шахсларнинг фойда солиғини ҳамда юридик шахсларнинг тўлов манбаларидан оладиган фойда солиғини тўлашдан;

2021 йил 1 январгача "Toshkent Metallurgiya Zavodi" МЧЖнинг хорижий ходимлари - жисмоний шахсларнинг даромад солиғини тўлашдан;

тақдим этилган кредитлар бўйича барча мажбуриятлар бажарилгунга қадар - "Росэксимбанк" АЖ "Toshkent Metallurgiya Zavodi" МЧЖга такдим этилаётган, "Асака" АТБ ва "Ўзсаноатқурилишбанк" АТБ орқали қайта молиялаштирилаётган кредитлар бўйича олинган воситачилик ҳақи ва бошқа даромадлар бўйича кўрилган фойда солиғини тўлашдан, шунингдек, "Экспорт кредитлари ва инвестицияларини суғурталаш бўйича Россия агентлиги" ОАЖ (Россия Федерацияси) - кредитларни суғурталаш бўйича олган даромадлари солиқ тўлашдан озод қилинсин;

б) I ва II лойиҳаларни амалга ошириш доирасида "Ҳудудий электр тармоқлари" АЖ ва унинг таркибидаги корхоналар:

2019 йил 1 январгача бўлган муддатда белгиланган тартибда тасдикланадиган рўйхатлар бўйича олиб келинадиган, Ўзбекистон Республикасида ишлаб чиқарилмайдиган, Тикланиш ва тараққиёт жамғармасининг кредит маблағлари ҳисобига олиб келинадиган ускуналар, машиналар, бутловчи буюмлар, материаллар божхона тўловлари (божхона расмийлаштируви йиғимларидан ташқари) тўлашдан;

Иқтисодиёт ва молия вазирлиги ҳузуридаги Кадастр агентлиги ҳудудий бошқармаларининг ҳисобварақларига ўтказилиши лозим бўлган, ташқи электр таъминоти объектлари қурилиши учун ажратиладиган ерлар олиб қўйилиши муносабати билан қишлок хўжалиги ишлаб чиқаришининг нобудгарчилигини қоплашга товон пули тўлашдан озод қилинсин.

11. Ўзбекистон Республикаси Ички ишлар вазирлиги, Молия вазирлиги Инвестициялар бўйича давлат қўмитаси билан биргаликда 2019 йилда Ўзбекистон Республикасини ривожлантириш давлат дастурини шакллантиришда "Toshkent Metallurgiya Zavodi" МЧЖга хизмат кўрсатувчи ўт ўчириш депосини қуриш лойиҳаси белгиланган тартибда унга киритилишини ва у барча зарур бўлган ёнқин-техник ускуналари, замонавий техника билан марказлаштирилган инвестицияларнинг ажратиладиган лимитлари доирасида жиҳозланишини таъминласин.


12. Ўзбекистон Республикаси Президентининг ""Тошкент металлургия заводини қуриш" инвестиция лойиҳасини амалга ошириш чора-тадбирлари тўғрисида" 2017 йил 7 апрелдаги ПҚ-2874-сонли қарорига 3-иловага мувофиқ ўзгартишлар ва қўшимча киритилсин.


13. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари - "Ўзбекнефтгаз" АЖ бошқаруви раиси А.С. Султонов, Ўзбекистон Республикаси Бош вазирининг ўринбосари - Ўзбекистон Республикаси Инвестициялар бўйича давлат қўмитаси раиси С.Р. Холмуродов ва Тошкент шаҳри ҳокими Р.Ж. Усмонов зиммасига юклансин.



Ўзбекистон Республикаси Президенти                                     Ш. Мирзиёев



*) 1 ва 2-иловалар рус тилидаги матнда берилган.






Ўзбекистон Республикаси

Президентининг

2018 йил 29 мартдаги

ПҚ-3638-сонли қарорига

3-ИЛОВА



Ўзбекистон Республикаси Президентининг

""Тошкент металлургия заводили қуриш" инвестиция

лойиҳасини амалга ошириш чора-тадбирлари тўғрисида"

2017 йил 7 апрелдаги ПҚ-2874-сонли қарорига

киритиладиган ўзгартишлар ва қўшимча


1. 1-бандида:


а) иккинчи хатбошидаги "2019 йил августда" сўзлари "2019 йил декабрда" сўзлари билан алмаштирилсин;


б) учинчи хатбошидаги "Тошкент металлургия заводи" МЧЖ" ва "197,8 млн. евро" сўзлари тегишлича "Toshkent Metallurgiya Zavodi" МЧЖ" ва "эквиваленти 130 млн. евро" сўзлари билан алмаштирилсин.


2. 2-бандида:


а) биринчи хатбошидаги "қиймати 278,25 млн. еврога тенг" сўзлари "қиймати 286,7 млн. еврога тенг" сўзлари билан алмаштирилсин;


б) иккинчи хатбошидаги "Тошкент металлургия заводи" МЧЖ устав капиталига 99,1 млн. еврога тенг" сўзлари "Toshkent Metallurgiya Zavodi" МЧЖ устав капиталига эквиваленти 65,13 млн. еврога тенг" сўзлари билан алмаштирилсин;


в) учинчи хатбошидаги "Тошкент металлургия заводи" МЧЖ устав капиталига 98,70 млн. евро миқдорида" сўзлари "Toshkent Metallurgiya Zavodi" МЧЖ устав капиталига 64,87 млн. евро миқдорида" сўзлари билан алмаштирилсин;


г) тўртинчи хатбоши қуйидаги таҳрирда баён этилсин:

"банк синдикатини ташкил этиш орқали "Асака" АТБни етакчи банк этиб белгилаган ҳолда Россия Федерациясининг "Росэксимбанк" АЖ билан кредит шартномалари тузилган санадан бошлаб имтиёзли даври 36 ой бўлган 10 йил муддатга, фоиз ставкаси Euribor 6m плюс йиллик 5,25 фоиздан ошмайдиган, шу жумладан, қайта молиялаштирувчи банкларнинг йиллик 0,5 фоиз миқдордаги маржаси билан тақдим этиладиган, "Асака" АТБ ва "Ўзсаноатқурилишбанк" АТБ орқали қайта молиялаштириладиган 141,56 миллион евро миқдоридаги кредити, шу жумладан, "Экспорт кредитлари ва инвестицияларини суғурталаш бўйича Россия агентлиги" ОАЖ (Россия Федерацияси)нинг 11,56 миллион евро миқдоридаги мукофоти";


д) қуйидагича мазмундаги бешинчи хатбоши билан тўлдирилсин:

""Асака" АТБнинг молиялаштириш очилган санадан бошлаб имтиёзли даври 36 ой бўлган йиллик 7 фоизли фоиз ставкаси билан хорижий валютада бериладиган эквивалента 15,14 миллион евро миқдоридаги кредити".


3. 3-бандида:


а) иккинчи хатбошидаги "Тошкент металлургия заводи" МЧЖ" сўзлари "Toshkent Metallurgiya Zavodi" МЧЖ" сўзлари билан алмаштирилсин;


б) учинчи ва тўртинчи хатбошилар чиқариб ташлансин.


4. 4- ва 5-бандлари ўз кучини йўқотган деб ҳисоблансин.


5. 6-бандининг биринчи хатбоши қуйидаги таҳрирда баён этилсин:

"Toshkent Metallurgiya Zavodi" МЧЖ".


6. 7-бандида:


а) "а" кичик бандида:

биринчи хатбошидаги "Тошкент металлургия заводи" МЧЖга" сўзлари "Toshkent Metallurgiya Zavodi" МЧЖга" сўзлари билан алмаштирилсин;

иккинчи хатбошидаги "2017 йил 1 октябргача" сўзлари "2019 йил 1 декабргача" сўзлари билан алмаштирилсин;


б) "в" кичик банди қуйидаги таҳрирда баён этилсин:

"в) "Асака" АТБ ва "Ўзсаноатқурилишбанк" АТБга бир қарз олувчи ёки бир-бирлари билан боғланган қарз олувчилар гуруҳига максимал даражадаги таваккалчилик бўйича ва валюта позицияси бўйича нормативларни қўлламаган ҳолда "Toshkent Metallurgiya Zavodi" МЧЖ билан кредит шартномасини тузиш";


в) "г" кичик бандидаги ""Тошкент металлургия заводи" МЧЖ" сўзлари ""Toshkent Metallurgiya Zavodi МЧЖ" сўзлари билан алмаштирилсин.


7. 8-бандининг "г" кичик бандида:


а) биринчи хатбошидаги ""Тошкент металлургия заводи" МЧЖ" сўзлари ""Toshkent Metallurgiya Zavodi" МЧЖ" сўзлари билан алмаштирилсин;


б) тўртинчи хатбоши қуйидаги таҳрирда баён этилсин:

""Асакабанк" АТБ, "Ўзсаноатқурилишбанк" АТБ ва "Росэксимбанк" АЖ (Россия Федерацияси) томонидан кредитлар бўйича таъминлаш сифатида тақдим этиладиган гаров шартномалари гувоҳномаларини нотариал тасдиқлаши учун тўланадиган давлат божидан".


8. 9-банднинг биринчи хатбошидаги ""Тошкент металлургия заводи" МЧЖ" сўзлари ""Toshkent Metallurgiya Zavodi" МЧЖ" сўзлари билан алмаштирилсин.


9. 12-банднинг иккинчи хатбоши чиқариб ташлансин.


10. 13-банднинг биринчи ва иккинчи хатбошиларидаги, 18 - 21-бандларидаги ""Тошкент металлургия заводи" МЧЖ" сўзлари ""Toshkent Metallurgiya Zavodi" МЧЖ" сўзлари билан алмаштирилсин.


11. 1-илова ўз кучини йўқотган деб ҳисоблансин.



Қонун ҳужжатлари маълумотлари миллий базаси (www.lex.uz),

2018 йил 29 март




































































Время: 0.1575
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск