ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Иқтисодиётнинг айрим соҳалари / Ўз кучини йўқотган ҳужжатлар / Қишлоқ ва сув хўжалиги /Наслчилик хўжаликлари мақомини бериш тартиби ҳамда улар фаолиятига қўйиладиган талаблар тўғрисидаги Низом (АВ томонидан 28.04.2014 й. 2578-сон билан рўйхатга олинган қишлоқ ва сув хўжалиги вазирининг 26.03.2014 й. 66-сонли буйруғи билан тасдиқланган)
Полный текст документа доступен в платной версии. По вопросам звоните на короткий номер 1172
Ўзбекистон Республикаси
Адлия вазирлигида
2014 йил 28 апрелда 2578-сон
билан рўйхатга олинган
Ўзбекистон Республикаси
қишлоқ ва сув хўжалиги вазирининг
2014 йил 26 мартдаги
ИЛОВА
Наслчилик хўжаликлари мақомини бериш тартиби ҳамда
улар фаолиятига қўйиладиган талаблар тўғрисидаги
НИЗОМ
Мазкур Низом Ўзбекистон Республикасининг "Наслчилик тўғрисида"ги Қонуни ва Ўзбекистон Республикаси Президентининг 2006 йил 23 мартдаги ПҚ-308-сонли "Шахсий ёрдамчи, деҳқон ва фермер хўжаликларида чорва молларни кўпайтиришни рағбатлантириш чора-тадбирлари тўғрисида"ги қарорига мувофиқ наслчилик хўжаликлари мақомини бериш тартиби ҳамда улар фаолиятига қўйиладиган талабларни белгилайди.
1. Мазкур Низомда қуйидаги асосий тушунчалар қўлланилади:
наслчилик - селекция мақсадида наслдор ҳайвонларни урчитиш, наслли маҳсулот етиштириш ва ундан фойдаланиш;
наслдор ҳайвон - келиб чиқиши ҳужжатлар билан тасдиқланган, муайян зотни такрор кўпайтириш учун фойдаланиладиган ва белгиланган тартибда рўйхатга олинган ҳайвон;
наслли маҳсулот (материал) - наслдор ҳайвон, унинг уруғи ва эмбрионлари, наслдор тухум, ипак қурти уруғи;
бонитировка - ҳайвонларнинг наслдорлик ва маҳсулдорлик сифатларини баҳолаш;
генофонд (кам сонли) зот - муайян зотга мансуб ва йўқ бўлиб кетиш хавфи остидаги кам учрайдиган ҳайвонлар гуруҳи;
наслчилик объектлари - наслдор ҳайвонлар - қорамоллар, қўйлар, эчкилар, отлар, туялар, чўчқалар, шунингдек паррандалар, балиқлар, асаларилар, ипак қурти, ёввойи ҳайвонлар ва уларнинг наслли маҳсулот (материал)лари;
наслчилик субъектлари - наслчилик иши билан шуғулланувчи илмий-тадқиқот муассасалари, корхоналар ва хўжаликлар, селекция марказлари, ипподромлар, иммуногенетик назорат лабораториялари, назорат-синов станциялари, эмбрионларни кўчириб ўтказиш (трансплантация) марказлари ҳамда бошқа юридик ва жисмоний шахслар - наслли маҳсулот эгалари;
наслдор ҳайвонлар ва наслдор подаларни давлат рўйхатига олиш - келиб чиқишини аниқлаш ва маҳсулдорлигини белгилаш мақсадида наслдор ҳайвонлар ҳамда наслдор подалар ҳақидаги маълумотларни ҳисобга олиш.
2. Наслчилик хўжалиги мақоми наслчилик билан шуғулланадиган юридик ва жисмоний шахсларга (бундан буён матнда талабгорлар деб юритилади) қишлоқ хўжалиги ҳайвонларининг муайян тури бўйича уларнинг мурожаатига асосан берилади.
3. Наслчилик хўжалиги мақоми Ўзбекистон Республикаси Қишлоқ ва сув хўжалиги вазирлигининг Чорвачиликда наслчилик ишлари бош давлат инспекцияси (бундан буён матнда Чорвачиликда наслчилик ишлари бош давлат инспекцияси деб юритилади) томонидан берилади.
4. Наслчилик хўжаликлари мақоми қуйидаги тоифалар бўйича берилади:
1) наслчилик хўжалиги сифатида камида уч йил фаолият юритаётган ҳамда маълум бир соф зот бўйича юқори маҳсулдорлик хусусиятига эга бўлган ҳайвонлар подасини урчитиш, янги линия, оила ва типлар яратиш бўйича фаолият олиб бораётган талабгорларга - наслчилик заводи мақоми;
2) камида уч йил давомида наслдор ҳайвонларни соф зотли урчитиш усулида урчитиб, наслчилик заводлари билан ҳамкорликда муайян зотни такомиллаштириш бўйича фаолият олиб бораётган талабгорларга - наслчилик хўжалиги мақоми;
3) маълум бир ҳайвон зотларини замонавий усулларда такомиллаштириш, уларнинг янги зотларини яратиш ва кўпайтириш бўйича фаолият олиб бораётган талабгорларга - селекция маркази мақоми;
4) наслдор отларни синовдан ўтказиш бўйича фаолият олиб бораётган талабгорларга - ипподром мақоми;
5) такомиллаштирилаётган наслдор ҳайвонларни генетик усулда баҳолаш бўйича фаолият олиб бораётган талабгорларга - иммуногенетик назорат лабораторияси мақоми;
6) наслчилик субъектларига наслдор ҳайвонларнинг қиймати, маҳсулдорлиги ва сифатини баҳолаш, назорат қилиш ва олинган маълумотларни расмийлаштириш бўйича хизмат кўрсатадиган талабгорларга - назорат-синов станцияси мақоми;
7) турли зотлардаги юқори генетик маҳсулдорлик хусусиятларига эга бўлган наслни яхшиловчи наслдор эркак ҳайвонларни сақлаш ва улардан олинган уруғ билан ҳайвонларни сунъий уруғлантириш бўйича фаолият олиб бораётган талабгорларга - қишлоқ хўжалиги ҳайвонларини сунъий уруғлантириш корхонаси мақоми;
8) турли зотлардаги юқори генетик маҳсулдорлик хусусиятларига эга бўлган наслни яхшиловчи наслдор она ҳайвонларни сақлаш ва улардан эмбрионлар тайёрлаш бўйича фаолият олиб бораётган талабгорларга - эмбрионларни кўчириб ўтказиш (трансплантация) маркази мақоми;
9) она ҳайвонларни сунъий уруғлантириш учун наслдор эркак ҳайвонларнинг музлатилган уруғлари банкини ташкил этиш ва сотиш бўйича фаолият олиб бораётган талабгорларга - эркак ҳайвонлар уруғларини сақлаш ва сотиш корхонаси мақоми;
10) кам сонли ва йўқолиб бораётган қишлоқ хўжалиги ҳайвонларининг турлари ва зотлари, маълум бир эволюцион хусусиятини наслдан-наслга ўтказиш қобилиятига эга бўлган ҳайвонларни шакллантириш, урчитиш, сақлаш янги зот ва типлар яратиш бўйича фаолият олиб бораётган талабгорларга - генофонд хўжалиги мақоми.
5. Бир тоифадаги наслчилик хўжаликлари мақомини бошқа тоифага ўтказиш мазкур Низомда белгиланган тартибда умумий асосларда амалга оширилади.
2-БОБ. НАСЛЧИЛИК ХЎЖАЛИКЛАРИ МАҚОМИНИ
БЕРИШ БЎЙИЧА ҲУДУДИЙ АТТЕСТАЦИЯ
КОМИССИЯЛАРИНИ ТАШКИЛ ЭТИШ
6. Талабгорларнинг наслчилик хўжалиги мақомига лойиқлигини баҳолаш мақсадида Ўзбекистон Республикаси қишлоқ ва сув хўжалиги вазирининг буйруғи билан Наслчилик хўжаликлари мақомини бериш бўйича ҳудудий аттестация комиссиялари (бундан буён матнда Комиссиялар деб юритилади) ташкил этилади. Комиссиялар таркиби Ўзбекистон Республикаси қишлоқ ва сув хўжалиги вазирининг буйруғи билан ҳар уч йилда қайта тасдиқланади.
7. Комиссиялар таркибига ҳудудий чорвачиликда наслчилик ишлари давлат инспекциялари (бундан буён матнда ҳудудий инспекциялар деб юритилади) бошлиқлари (Раис) ва мутахассислари, ҳудудий давлат ветеринария бошқармалари ходимлари, шунингдек келишув асосида наслчилик бўйича тажрибали мутахассислар киритилади.
8. Комиссия аъзоси бўлган инспекция бошлиқлари (Раис) ва мутахассислар бошқа ишга ўтган тақдирда, ушбу лавозимларга янгидан тайинланган шахслар ёки тегишли мажбуриятларни бажариш зиммасига юкланган шахслар Комиссия таркибига киритилади.
Зарур ҳолларда, Комиссия раиси томонидан наслдор ҳайвонларнинг алоҳида турлари бўйича мутахассислар Комиссиялар ишига эксперт сифатида жалб этилиши мумкин.
9. Комиссия раиси:
Комиссия фаолиятига умумий раҳбарлик қилади;
Комиссия иш тартибини тасдиқлайди;
Комиссия йиғилиши ўтказиладиган санани белгилайди;
Комиссия йиғилишини олиб боради, у томонидан қабул қилинган қарорлар ва бошқа ҳужжатларни имзолайди.
Комиссия раиси меҳнат таътили, касаллик ёки бошқа сабабларга кўра бўлмаган ҳолларда унинг вазифаларини бажариш Комиссия аъзоларидан бирининг зиммасига юклатилади.
10. Комиссиянинг барча ҳужжатлари унинг аъзолари умумий сонининг оддий кўпчилик овози билан қабул қилинади. Овозлар тенг бўлган тақдирда, Комиссия раисининг овози ҳал қилувчи ҳисобланади.
3-БОБ. НАСЛЧИЛИК ХЎЖАЛИКЛАРИ МАҚОМИНИ БЕРИШ
11. Талабгор наслчилик хўжалиги мақомини олиш учун Комиссияга қуйидаги ҳужжатларни тақдим этади:
ўз номи (юридик шахс учун - унинг номи, жисмоний шахс учун - фамилияси, исми ва отасининг исми) ҳамда манзилини кўрсатган ҳолда Чорвачиликда наслчилик ишлари бош давлат инспекцияси бошлиғи номига ариза;
жисмоний шахслар учун - шахсини тасдиқловчи ҳужжатнинг, юридик шахслар учун - таъсис ҳужжати ва давлат рўйхатидан ўтказиш тўғрисидаги гувоҳноманинг нусхаси;
ходимлари ва уларнинг чорвачилик соҳасидаги маълумоти ҳамда иш стажини тасдиқловчи ҳужжатларнинг (диплом, меҳнат дафтарчасининг) нусхалари;
наслчилик заводи, наслчилик хўжалиги, қишлоқ хўжалиги ҳайвонларини сунъий уруғлантириш корхонаси, эмбрионларни кўчириб ўтказиш (трансплантация) маркази ҳамда генофонд хўжалиги мақомини олишга талабгорлар учун - охирги уч йил давомида ўтказилган наслли маҳсулот (материал) бонитировкаси натижалари бўйича маълумотномаларнинг нусхалари. Бунда наслчилик хўжалиги мақомига эга бўлган хўжаликлардан сотиб олинган ёки хорижий давлатлардан келтирилган наслдор ҳайвонлар сони мазкур Низомнинг 1 - 13-иловаларида белгиланган минимал талабларга мувофиқ бўлган ҳамда талабгор томонидан уларнинг наслдорлигини тасдиқловчи ҳужжатлар тақдим этилган тақдирда, охирги уч йил давомида ўтказилган наслли маҳсулот (материал) бонитировкаси натижалари бўйича маълумотномаларнинг нусхаларини тақдим этиш талаб этилмайди;
тегишли қишлоқ хўжалиги ҳайвонлари турлари бўйича наслчилик хўжалиги мақомини олиш учун мазкур Низомнинг 1 - 13-иловаларида белгиланган минимал талабларга жавоб бериши ҳақида талабгор томонидан тасдиқланган маълумотлар.
12. Ариза қабул қилинган кундан бошлаб тақдим этилган ҳужжатлардаги маълумотларнинг тўғрилиги етти кун ичида Комиссия томонидан талабгорнинг хўжалигига борган ҳолда ўрганилади. Бунда талабгорнинг фаолияти тегишлилиги бўйича қуйидаги йўналишларда аттестациядан ўтказилади:
наслчилик ҳисоб-китобини ва ҳужжатларини юритиш;
наслчилик ресурсларининг яхшиланиши, сақланиши, такрор кўпайтирилиши ва улардан оқилона фойдаланилишини таъминлаш;
ҳайвонлар маҳсулдорлиги ҳисоб-китобини юритиш, типи бўйича таснифлаш, келиб чиқишини генетик экспертиза қилиш (иммуногенетик назорат лабораторияси бўлмаган ҳудудларда уларнинг генетик келиб чиқишини (генотипини) таҳлил қилиш) ва уларни ўз маҳсулдорлиги ҳамда авлодининг сифати бўйича баҳолаш талабларини бажариш;
уруғ олиш учун фақат такрор кўпайтириладиган наслдор эркак ҳайвонлардан фойдаланиш, уруғ ва эмбрионларни технологик ва ветеринария-санитария талабномаларида белгиланган шарт-шароитда тайёрлаш, идентификациялаш ва сақлаш;
наслли маҳсулотнинг (материалнинг) сифатини кафолатлаш.
13. Талабгорнинг фаолиятини аттестациядан ўтказиш вақтида Комиссия томонидан ҳудудий ветеринария бўлимлари орқали талабгорнинг эпизоотик барқарорлиги ҳам ўрганилади.
14. Талабгорнинг наслчилик хўжалиги сифатида доимий фаолият олиб бориш имкониятлари қуйидаги йўналишлар бўйича таҳлил қилинади ва маълумотнома тузилади:
штатида наслчилик ишлари бўйича зоотехник (бонитёр) ва сунъий уруғлантирувчи техник ходимларнинг мавжудлиги;
қишлоқ хўжалиги ҳайвонлари наслини такомиллаштириш, ўз подасини тўлдиришда наслчилик заводларида етиштирилган ёки хориждан олиб келинган наслдор ҳайвонлар билан тўлдириб бориши, селекция ютуқларидан самарали фойдаланиши;
ўзи етиштирган наслли маҳсулотларни (материалларни) наслдорлигини тасдиқловчи ҳужжатлар билан бирга аукционлар ёки шартнома асосида турли юридик ва жисмоний шахсларга етказиб бериши;
селекция-наслчилик ишларида илмий-тадқиқот усулларидан фойдаланиши, пода селекциясида ўзининг наслчилик ишлари режаси мавжудлиги;
ҳар бир наслдор ҳайвон замонавий усулларда тамғаланган ёки уларнинг келиб чиқишини аниқ идентификация қилиш имконини берадиган бирон-бир бошқа йўсинда белги қўйилганлиги;
наслли маҳсулот (материал) бонитировкасининг ўз вақтида ўтказилиб борилиши, уларнинг натижаларини таҳлил қилиш асосида поданинг маҳсулдорлигини ошириш бўйича чора-тадбирларнинг амалга оширилиши;
Давлат наслдор ҳайвонлар китобларига киритиш учун тақдим этган ва киритилган наслдор ҳайвонларининг мавжудлиги;
қишлоқ хўжалиги ҳайвонларини сунъий уруғлантириш корхонаси учун наслдор ҳайвонларнинг хусусий маҳсулдорлиги ва авлодларининг сифати бўйича баҳоланиши;
наслчилик бўйича давлат тармоқ дастурларига мувофиқ ўзларининг наслчилик режаларини ишлаб чиқиши ва уларни амалга ошириши;
наслли маҳсулотнинг келиб чиқиши, сақланиши, баҳоланиши ва насл сифатини тасдиқловчи зоотехник ҳужжатлари мавжудлиги;
наслли ҳайвонларни асраш ва парваришлашда мустаҳкам озуқа таъминоти (йил давомида бир хил озиқлантириш типи) яратилган бўлиши;
соғин сигирлар тўлиқ замонавий соғиш ускуналари билан соғилиши;
ўз фаолиятида зоотехника, ветеринария ва санитария талабларига риоя қилинишини таъминлаши.
15. Комиссия томонидан ўрганилган ва таҳлил қилинган маълумотлар унинг йиғилишида муҳокама қилинади ҳамда мазкур Низомнинг 14-иловасида белгиланган шаклга мувофиқ наслчилик хўжалиги мақомини бериш тўғрисидаги аризани кўриб чиқиш натижалари бўйича далолатнома тузилади.
Мазкур далолатнома Комиссиянинг талабгорни наслчилик хўжалиги мақомини бериш учун тавсия этиш ёки рад этиш ҳақидаги қарори ҳисобланади ҳамда Комиссия раиси ва аъзолари томонидан имзоланади. Комиссиянинг ҳар бир аъзоси далолатномага ўз фикр-мулоҳазаларини киритишга ҳақли.
16. Наслчилик хўжалиги мақомини бериш учун тавсия этиш рад этилганда, тақдим этилган ҳужжатлар талабгорга уч кун ичида ёзма равишда асослантирилган жавоб билан қайтарилади. Талабгор Комиссия томонидан кўрсатилган камчиликларни бартараф этган тақдирда, мазкур Низомда белгиланган тартибда қайта мурожаат қилишга ҳақли. Бунда тақдим этилган ҳужжатларни илгари кўрсатилмаган янги асослар билан қайтаришга йўл қўйилмайди.
17. Талабгор наслчилик хўжалиги мақомини бериш учун тавсия этилган тақдирда, бу ҳақда тузилган далолатнома талабгор томонидан берилган ариза ва талабгорнинг мазкур Низомнинг 1 - 13-иловаларида белгиланган минимал талабларга жавоб бериши ҳақида талабгор томонидан имзоланган маълумотларни илова қилган ҳолда уч кун ичида Чорвачиликда наслчилик ишлари бош давлат инспекциясига тақдим этилади.
18. Комиссиялар томонидан тақдим этилган ҳужжатлар Чорвачиликда наслчилик ишлари бош давлат инспекцияси томонидан ўн кун ичида экспертизадан ўтказилади.
19. Тақдим этилган ҳужжатларга асосан Чорвачиликда наслчилик ишлари бош давлат инспекцияси бошлиғининг талабгорга наслчилик хўжалиги мақомини бериш тўғрисидаги буйруғи қабул қилинади.
20. Наслчилик хўжалиги мақоми берилган талабгор ҳайвонларининг алоҳида тури кўрсатилган ҳолда Давлат наслчилик регистрига киритилади ҳамда унга мазкур Низомнинг 15-иловасига мувофиқ шаклда Наслчилик хўжалиги мақоми берилганлиги ҳақидаги гувоҳнома расмийлаштирилади.
21. Наслчилик хўжалиги мақоми берилганлиги ҳақидаги гувоҳнома тегишли талабгорга топшириш учун уч кун ичида ҳудудий инспекцияга юборилади.
22. Чорвачиликда наслчилик ишлари бош давлат инспекциясига тақдим этилган далолатнома, ариза ва маълумотномаларнинг нусхалари ҳамда талабгор томонидан тақдим этилган ҳужжатлар тегишли ҳудудий инспекцияларда наслчилик хўжалиги мақоми тўғрисидаги гувоҳноманинг амал қилиш муддати давомида сақланади.
23. Наслчилик хўжалиги мақоми беш йил муддатга берилади. Бунда наслчилик хўжалиги ўз мақомини сақлаб қолиш учун наслчилик хўжалиги мақоми берилганлиги ҳақидаги гувоҳноманинг амал қилиш муддати тугашидан бир ой олдин ҳудудий инспекцияга қайта аттестациядан ўтиш ҳақида мурожаат қилиши зарур. Қайта аттестация мазкур Низомда белгиланган талаблар асосида ўтказилади.
24. Наслчилик хўжалиги мақомини бериш бўйича аризани кўриб чиққанлик, наслчилик хўжалиги мақомини берганлик ҳамда наслчилик хўжалигини қайта аттестациядан ўтказганлик учун йиғим ундирилмайди.
4-БОБ. НАСЛЧИЛИК МАҚОМИ БЕРИЛГАНЛИГИ
ҲАҚИДАГИ ГУВОҲНОМАНИ БЕКОР ҚИЛИШ
25. Ҳудудий инспекциялар барча тоифадаги хўжаликларда наслчилик ишининг юритилишини назорат қилади.
26. Наслчилик хўжаликларида наслчилик ишининг юритилишини назорат қилиш жараёнида уларга қўйилган талаблар бузилганлиги ёки унда сурункали юқумли касалликлар тарқалганлиги аниқланган тақдирда, Комиссия томонидан наслчилик мақоми берилганлиги ҳақидаги гувоҳномани бекор қилиш тўғрисидаги масала кўриб чиқилади.
Юқоридаги ҳолатларнинг мавжудлиги Комиссия томонидан тасдиқланган тақдирда, бу ҳақда наслчилик мақоми берилганлиги ҳақидаги гувоҳномани бекор қилиш тўғрисида далолатнома тузилади ва у уч кун ичида Чорвачиликда наслчилик ишлари бош давлат инспекциясига тақдим этилади.
27. Наслчилик мақоми берилганлиги ҳақидаги гувоҳномани бекор қилиш тўғрисида далолатнома Чорвачиликда наслчилик ишлари бош давлат инспекцияси бошлиғининг наслчилик мақоми берилганлиги ҳақидаги гувоҳномани бекор қилиш тўғрисидаги буйруғини қабул қилиш учун асос бўлади.
28. Наслчилик мақоми берилганлиги ҳақидаги гувоҳнома бекор қилинган тақдирда, мазкур хўжалик Давлат наслчилик регистридан чиқарилади ҳамда унга берилган гувоҳнома бекор қилинади.
29. Мазкур Низом Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси билан келишилган.
1-ИЛОВА
Сут-гўшт йўналишидаги қорамоллар зотларини
урчитиш ва селекция-наслчилик ишлари билан
шуғулланувчи хўжаликларга қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи |
Наслчилик хўжалиги |
Генофонд хўжалиги |
Сигирлар сони, бош |
100 |
30 |
30 |
Соф зотли сигирлар улуши, % |
100 |
100 |
50 |
Умумий подадаги элита рекорд ва элита классга мансуб она моллар сони |
90 |
80 |
- |
Бир йилда бир сигирнинг зотлар бўйича I класснинг минимал кўрсаткичларига нисбатан сут миқдори, сут ёғи, оқсили ишлаб чиқариш (ўртача пода бўйича), % |
150 |
130 |
100 |
Бир ойда сут маҳсулдорлигини назорат қилиш даврийлиги, марта |
1 |
1 |
1 |
Зотлар бўйича сут маҳсулдорлиги: |
|||
қора-ола зотлар, кг қизил зотлар, кг қўнғир зотлар, кг бушуев зоти, кг симменталь (флегфих) зоти, кг бошқа зотлар, кг |
5000 4100 4000 3100 4800 6000 |
4000 3500 3300 2900 4400 4500 |
|
Сунъий уруғлантирилган сигирлар ва ғунажинлар, % |
100 |
100 |
- |
Шундан, яхшиловчи наслдор буқалар билан сунъий уруғлантирилган сигир ва ғунажинлар, % |
100 |
100 |
- |
100 сигирдан бузоқ олиш, бош |
85 |
83 |
80 |
Тирик вазни бўйича зот талабининг I классига жавоб берадиган урғочи ғунажинлар, % |
100 |
100 |
80 |
Жами 100 сигирдан тайёрлаб сотилган насл, бош |
10 |
10 |
- |
Шу жумладан, наслли буқалар |
2 |
- |
- |
Жами насл учун сотилган молларда элита рекорд ва элита класс зотлар: |
|||
буқалар ғунажин ва таналар I класс ғунажин ва таналар |
100 80 20 |
100 70 30 |
- - - |
Лактация даврининг якуни бўйича 7000 кг ва ундан кўп сут берган сигирлар сони, % |
15 |
10 |
- |
Буқа берувчи сигирлар гуруҳлари, % |
60 |
40 |
100 |
Насл учун сотиладиган ёш моллар, % |
100 |
100 |
100 |
2-ИЛОВА
Қорамолчиликда гўшт йўналишидаги зотларни
урчитиш ва селекция-наслчилик ишлари билан
шуғулланувчи хўжаликларга қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи |
Наслчилик хўжалиги |
Генофонд хўжалиги |
Сигирлар бош сони, бош |
100 |
30 |
30 |
Соф зотли ҳайвонлар улуши, % |
|||
наслли буқалар сигирлар IV авлод сигирлар улуши, % |
100 100 - |
100 70 30 |
100 50 - |
Элита-рекорд ва элита классга мансуб ҳайвонлар улуши, % |
|||
наслли буқалар сигирлар |
100 70 |
100 50 |
90 40 |
Ёш молларни тирик оғирлиги бўйича: элита-рекорд ва элита класслар улуши, % |
|||
эркакларда: 6 ойликда 15 ойликда |
60 60 |
50 50 |
40 40 |
урғочиларда: 6 ойликда 15 ойликда |
65 60 |
50 50 |
40 40 |
100 сигирдан бузоқ олиш, бош |
80 |
80 |
77 |
Тирик вазни бўйича зотнинг I класс талабидан кам бўлмаган ғунажинлар улуши, % |
90 |
80 |
50 |
100 она мол ҳисобига насл учун жами сотилган ёш моллар, бош |
15 |
10 |
- |
Шу жумладан, буқачалар |
5 |
2 |
- |
Сотилган наслли ёш молларнинг элита рекорд ва элита класслари сони, % |
|||
буқачалар ғунажин ва таналар |
100 55 |
95 50 |
50 30 |
Келиб чиқиши бўйича генетик экспертизаси ўтказилган ҳайвонлар улуши, % |
|||
Наслдор буқалар Буқа берувчи сигирлар гуруҳи |
100 100 |
100 100 |
100 100 |
3-ИЛОВА
Қўй ва эчки зотларини урчитиш билан шуғулланувчи
наслчилик хўжаликларига қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи |
Наслчилик хўжалиги |
Генофонд хўжалиги |
Она қўйлар (она эчкилар) ва бир ёшдан катта тўқлилар сони, бош |
1500 |
300 |
500 |
Шундан, элита ва I класс, % |
80 |
70 |
70 |
Наслдор қўчқорлар сони (такалар) - элита класс, % |
100 |
100 |
100 |
100 бош онадан олинган қўзи (эчки), бош |
100 |
95 |
95 |
Онасидан ажратишгача бўлган даврда ёш қўзиларнинг сақланиш даражаси, % |
95 |
95 |
95 |
Наслдор қўчқор (така)ларни авлодларининг сифати бўйича баҳолаш, асосий наслдор қўчқорларга нисбатан, % |
100 |
- |
- |
Она қўйларни сунъий уруғлантириш, бош |
100 |
100 |
- |
Тирик оғирлиги, I классга нисбатан, % |
|||
Наслдор қўчқорлар (такалар) |
125 |
115 |
115 |
Селекция ўзагидаги она қўйлар (она эчкилар) |
125 |
115 |
115 |
Селекция гуруҳи ўзгагидаги она қўйлар (она эчкилар) |
115 |
110 |
110 |
100 бош она қўйга нисбатан тайёрлаб сотилган наслли ёш қўйлар, бош |
15 |
15 |
- |
Шу жумладан, қўчқорчалар (такачалар) |
10 |
5 |
- |
Шундан элита класс, % |
50 |
40 |
|
I класс ва элита класс тўқлилар, % |
50 |
40 |
|
Жун қирқими (пух тарами), I класс талабига нисбатан, % |
|||
наслли қўчқорлар (такалар) она қўйлар |
110 105 |
105 100 |
105 100 |
Онасидан ажратиш пайтидаги тирик оғирлиги, I класс талабига нисбатан, % |
|||
қўчқорчалар (такачалар) тўқличалар (эчкичалар) |
110 105 |
100 100 |
100 100 |
Наслдор қўчқорларнинг келиб чиқишини тасдиқлаш бўйича генетик экспертиза ўтказилганлиги, % |
100 |
100 |
100 |
4-ИЛОВА
Қоракўл қўй зотларини урчитиш билан
шуғулланувчи хўжаликларга қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи |
Наслчилик хўжалиги |
Жами она қўйлар сони, бош |
2500 |
300 |
Шундан, соф зотли, % |
100 |
100 |
Подага нисбатан она қўй ва тўқлиларнинг улуши, % |
60 |
62 |
Шундан, элита класс ва I класс, % |
90 |
80 |
Подага нисбатан наслли қўчқорлар улуши, % |
2 |
2 |
Шундан, элита класс, % |
100 |
100 |
Авлодларининг сифати бўйича баҳоланган қўчқорлар, % |
100 |
- |
100 бош она қўйдан олинган қўзи, бош |
100 |
90 |
Сунъий қочирилган она қўйлар, % |
100 |
100 |
100 бош она молга нисбатан насл учун сотилган қўзилар, бош |
15 |
10 |
Шу жумладан, қўчқорчалар, бош |
10 |
5 |
Шундан, элита класс, % |
100 |
100 |
Йирик ва ўрта ўлчамдаги қоракўл териларининг чиқиши, % |
95 |
95 |
Қоракўл териларда ихтисослаштирилган рангнинг улуши, % |
||
қора кулранг сур оқ бинафша |
100 45 60 50 40 |
98 40 50 45 35 |
I навли қоракўл терилари, % |
||
қора ранг бўйича шу жумладан, жакет гуруҳи кулранг бўйича сур |
86 37 85 88 |
84 35 82 86 |
Келиб чиқиши бўйича генетик нуқсонлари экспертиза қилинган қўчқорлар, % |
100 |
- |
5-ИЛОВА
Йилқиларни урчитиш билан шуғулланувчи
ташкилотларга қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи |
Наслчилик хўжалиги |
Генофонд хўжалиги |
Наслли айғир ва биялар сони, бош Шу жумладан, отхона-яйловда сақланганда: |
|||
айғирлар биялар |
3 50 |
2 30 |
3 30 |
Маданийлаштирилган уюрларда сақланганда: |
|||
айғирлар биялар |
7 100 |
5 80 |
7 100 |
Уюрда сақланганда: |
|||
айғирлар биялар |
30 300 |
15 200 |
8 120 |
Мавжуд отларга нисбатан соф зотли отлар, % |
|||
айғирлар биялар |
100 100 |
100 100 |
100 100 |
Бонитировка бўйича зотли ҳайвонлар улуши, % |
|||
элита классли наслли айғирлар элита классли биялар I класс |
100 60 40 |
100 50 40 |
100 20 50 |
Жами сотилган тойчаларга нисбатан элита класс наслли ёш тойларни сотиш, % |
|||
Салт минилувчи ва йўртоқи зотлар Оғир юк тортувчи Қорабайир зотлари |
80 70 50 |
60 55 45 |
- - - |
100 биядан қулун олиш Шу жумладан: |
|||
Салт минилувчи ва йўртоқи зотлар Оғир юк тортувчи Қорабайир зотлари |
60 75 75 |
60 75 75 |
60 70 70 |
Мавжуд отларга нисбатан келиб чиқишида генетик нуқсон мавжудлигини генетик экспертизаси ўтказиш ва паспортлаштириш, % Шу жумладан: |
|||
айғирлар биялар айғирчалар биячалар |
100 100 100 100 |
100 100 100 100 |
100 100 100 100 |
6-ИЛОВА
Чўчқа зотларини урчитиш билан шуғулланувчи
наслчилик хўжаликларига қўйиладиган
МИНИМАЛ ТАЛАБЛАР
Кўрсаткичлар |
Наслчилик заводлари |
Наслчилик хўжаликлари |
||
1-зот гуруҳи |
2-зот гуруҳи |
1-зот гуруҳи |
2-зот гуруҳи |
|
Асосий она чўчқалар сони, бош |
200 |
200 |
50 |
50 |
Шу жумладан, соф зотли, % |
100 |
100 |
100 |
100 |
Асосий подага нисбатан класслар таркиби, % |
||||
она чўчқалар: элита-рекорд ва элита класс наслдор эркак чўчқалар: элита-рекорд ва элита класс барча эркак чўчқаларга нисбатан соф зотлилари, % |
75 100 100 |
75 100 100 |
70 85 100 |
70 85 100 |
Она чўчқаларни баҳолаш: |
||||
бир йилда бир бош асосий она чўчқадан бола олиш, бош пуштдорлар, бош 21 кунликда уядаги болалар оғирлиги, кг 35 кунликда уядаги болалар оғирлиги, кг 60 кунликда уядаги болалар оғирлиги, кг бўрдоқилашда кунлик ўсиши, гр |
20 11 52 85 180 500 |
18 9 52 80 170 550 |
18 10 48 75 160 500 |
15 9 48 70 150 500 |
Асосий подага нисбатан назорат усулида бўрдоқига боқишни баҳолаш, % |
||||
эркак чўчқалар она чўчқалар |
100 50 |
100 50 |
- - |
- - |
Ёш чўчқаларни ўстириш усулида баҳолаш, % |
||||
эркак чўчқалар урғочи чўчқалар |
100 100 |
100 100 |
100 40 |
100 40 |
Барча олинган болага нисбатан наслга сотилган ёш чўчқалар, % |
20 |
20 |
25 |
20 |
Селекция ишида ахборотлаштириш технологиясидан фойдаланиш |
+ |
+ |
+ |
+ |
Келиб чиқишини генетик аномалия мавжудлиги бўйича генетик экспертиза қилиш, % |
||||
наслдор эркак чўчқалар эркак чўчқалар урғочи чўчқалар |
100 100 100 |
100 100 100 |
- - - |
- - - |
7-ИЛОВА
Мўйначиликда зотларни урчитиш ва наслчилик ишлари
билан шуғулланувчи хўжаликларга қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи |
Наслчилик хўжалиги |
Асосий подадаги эркак ҳайвонлар, бош |
||
норка нутрия |
1000 200 |
300 100 |
Асосий подадаги элита классли (I ва II класс) ҳайвонлар улуши, % |
||
катта ёшдаги эркаклар катта ёшдаги урғочилар ёш эркаклар ёш урғочилар |
90 85 95 90 |
80 75 90 85 |
Ёш ҳайвонларнинг тана узунлиги*, см |
||
эркак норка урғочи норка |
48 41 |
46 39 |
Ёш ҳайвонлар тирик вазни**, кг |
||
эркак норка урғочи норка эркак нутрия урғочи нутрия |
2,7 1,4 4,4 4,0 |
2,6 1,3 4,4 3,9 |
Бир онадан олинган бола, бош |
||
норка нутрия |
4,5 6,0 |
4,8 6,5 |
Ўстириш даврида сақланиши, % |
||
норка нутрия |
97 92 |
97 92 |
Олинган болалардан насл учун сотилганлар улуши, % |
5 |
5 |
Насл учун сотилган ёш ҳайвонларнинг элита класслари, % |
90 |
85 |
*) ҳар бир ҳайвон бўйича насл учун ажратишда тана ўлчами, тирик вазни кўрсатилади.
**) сунъий уруғлантиришда бола олиш 25 фоизгача камайишига йўл қўйилади.
8-ИЛОВА
Қуёнчиликда наслчилик ишлари билан
шуғулланувчи хўжаликларга қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи |
Наслчилик хўжалиги |
Асосий она қуёнлар сони, бош |
300 |
200 |
Асосий подадаги соф зотли қуёнлар, % |
||
эркак урғочи |
100 100 |
100 100 |
Элита ва I классга мансуб қуёнлар, % |
||
эркак урғочи |
100 80 |
95 70 |
Ёш қуёнлар |
80 |
60 |
Асосий она қуёндан 1 марта бола олиш, бош |
6 |
6 |
Асосий она қуёндан 3 марта бола олиш, бош |
18 |
18 |
Зотлар бўйича 3 ойлик ёш қуёнларнинг тирик вазни*, кг |
||
оқ великан кулранг великан, совет шиншилласи, қора-қўнғир кумушсимон, вена ҳаворанги, совет мардери, калифорния, оқ оқ момиқ ва ангор |
2,4 2,3 2,0 2,3 1,9 |
2,4 2,3 2,0 2,3 1,9 |
Зотлар бўйича 4 ойлик ёш қуёнларнинг тирик вазни*, кг |
||
оқ великан кулранг великан, совет шиншилласи, қора-қўнғир кумушсимон, вена ҳаворанги, совет мардери, калифорния, оқ оқ момиқ ва ангор |
3,0 2,9 2,6 2,8 2,4 |
3,0 2,9 2,6 2,8 2,4 |
Олинган қуёнлардан насл учун сотилганлар улуши, % |
25 |
25 |
Сотилган ёш қуёнчаларнинг элита ва I классга мансублари улуши, % |
100 |
90 |
Ўстириш жараёнида сақланиши, % |
75 |
75 |
*) насл учун ажратилган ҳар бир ҳайвон бўйича минимал тирик вазни кўрсатилади.
9-ИЛОВА
Балиқчилик зотларини урчитиш билан шуғулланувчи
наслчилик хўжаликларига қўйиладиган
МИНИМАЛ ТАЛАБЛАР
Кўрсаткичлар |
Карп |
Сазан |
Форель |
Ўтхўр балиқлар |
Наслчилик заводи |
||||
Жами ота-она балиқлар сони, бош |
600 |
200 |
600 |
600 |
Шу жумладан, соф зотли, % |
100 |
100 |
100 |
100 |
элита-рекорд, элита класс, % |
70 |
60 |
80 |
60 |
I класс, % |
30 |
40 |
20 |
40 |
Эркак балиқлар, бош |
300 |
100 |
400 |
300 |
Шу жумладан, соф зотли, % |
100 |
100 |
100 |
100 |
Шундан: элита-рекорд, элита класс, % |
70 |
60 |
80 |
60 |
I класс, % |
30 |
40 |
20 |
40 |
Урчитиш мавсумида қатнашган ҳар бир ота балиқдан тайёрлаб сотилган наслли маҳсулот (чавоқ, увилдириқ), минг доза |
200 |
25 |
2,5 |
250 |
Сотилган наслли ота-она балиқ, бош |
30 |
20 |
100 |
30 |
Зотнинг I класс талабига нисбатан, зичлиги, % |
100 |
100 |
100 |
100 |
Зотнинг I класс талабига нисбатан, маҳсулдорлиги, % |
100 |
100 |
100 |
100 |
Наслчилик хўжалиги |
||||
Жами ота-она балиқлар сони, бош |
600 |
200 |
400 |
600 |
Шу жумладан, соф зотли, % |
80 |
80 |
90 |
80 |
элита-рекорд, элита класс, % |
60 |
50 |
70 |
50 |
I класс, % |
40 |
50 |
30 |
50 |
Эркак балиқлар, бош |
300 |
100 |
200 |
300 |
Шу жумладан, соф зотли, % |
80 |
80 |
90 |
80 |
Элита-рекорд, элита класс, % |
60 |
50 |
70 |
50 |
I класс, % |
40 |
50 |
30 |
50 |
Урчитиш мавсумида қатнашган ҳар бир ота балиқдан тайёрлаб сотилган наслли маҳсулот (чавоқ, увилдириқ), минг доза |
160 |
20 |
2,0 |
200 |
Сотилган наслли ота-она балиқ, бош |
- |
- |
- |
- |
Зотнинг I класс талабига нисбатан, зичлиги, % |
80 |
80 |
80 |
80 |
Зотнинг I класс талабига нисбатан, маҳсулдорлиги, % |
80 |
80 |
80 |
80 |
10-ИЛОВА
Парранда зотларини урчитиш билан шуғулланувчи
наслчилик хўжаликларига қўйиладиган
МИНИМАЛ ТАЛАБЛАР
Наслчилик заводлари
Кўрсаткичлар |
Товуқлар |
Кур- калар |
Ўрдак- лар |
Ғоз- лар |
Цесар- калар |
Беда- налар |
||
тухум йўналиши |
гўшт-тухум йўналиши |
гўшт йўналиши |
||||||
Тухум берувчилар сони, минг бош |
30 |
30 |
30 |
5 |
15 |
10 |
5 |
5 |
Умумий бош сонга нисбатан насл гуруҳининг класс таркиби, % |
60 |
60 |
60 |
60 |
60 |
60 |
60 |
60 |
элита-рекорд ва элита класс |
||||||||
Бир йилда товуқ тухумдорлиги, дона |
285 |
180 |
170 |
120 |
180 |
40 |
110 |
220 |
Пода айланиши |
1.1 |
1.2 |
1.4 |
|||||
Жами ишлаб чиқарилган тухумга нисбатан насл учун фойдаланилган тухум, % |
35 |
40 |
60 |
70 |
75 |
80 |
40 |
40 |
Ёш жўжа чиқиши, % |
75 |
75 |
65 |
60 |
70 |
60 |
65 |
70 |
Ёш жўжанинг сақланиши, % |
95 |
95 |
95 |
90 |
93 |
93 |
94 |
93 |
Катта товуқларнинг сақланиши, % |
96 |
96 |
96 |
95 |
95 |
94 |
95 |
95 |
Тизимдаги селекция уялари сони, дона |
60 |
60 |
60 |
60 |
60 |
60 |
60 |
60 |
Тизим ичида чатиштиришдан бир уядаги она товуқлардан ажратиб олинган ёш жўжалар |
12 |
15 |
15 |
15 |
10 |
10 |
15 |
15 |
11-ИЛОВА
I ва II тартибли паррандачилик наслчилик хўжаликлари
Кўрсаткичлар |
Товуқлар |
Кур- калар |
Ўрдак- лар |
Ғоз- лар |
Цесар- калар |
Беда- налар |
||
тухум йўналиши |
тухум- гўшт йўналиши |
гўшт йўналиши |
||||||
Тухум берувчилар сони, минг бош |
20 |
20 |
15 |
5 |
15 |
10 |
3 |
4 |
Умумий подага нисбатан насл гуруҳи, %: |
||||||||
I класс (авлод-аждодлари) |
70 |
70 |
70 |
70 |
70 |
70 |
70 |
70 |
II класс (ота-она) |
100 |
100 |
100 |
100 |
100 |
100 |
100 |
100 |
Товуқнинг бир йилда тухум бериши, дона |
270 |
185 |
165 |
110 |
170 |
35 |
100 |
200 |
Пода айланиши |
1.1 |
1.2 |
1.4 |
|||||
Жами ишлаб чиқарилган тухумга нисбатан насл учун фойдаланилган тухум, % |
50 |
50 |
60 |
60 |
70 |
80 |
40 |
30 |
Ёш жўжа чиқиши, % |
75 |
75 |
65 |
60 |
70 |
60 |
60 |
70 |
Ёш жўжаларнинг сақланиши, % |
90 |
90 |
90 |
90 |
92 |
92 |
94 |
92 |
Катта товуқларнинг сақланиши,% |
95 |
95 |
95 |
95 |
94 |
94 |
95 |
94 |
12-ИЛОВА
Асалари зотларини урчитиш билан шуғулланувчи
наслчилик хўжаликларига қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи |
Наслчилик хўжалиги |
Асалари оилалари сони, дона |
1600 |
200 |
Шу жумладан, соф зотли, дона |
1600 |
200 |
Юқори класс билан баҳоланган оилалар сони, % |
60 |
40 |
Наслли маҳсулот сотиш, йил бошидаги оилага нисбатан сотилган асалари пакети, % |
50 |
50 |
Она асалари оиласига, дона |
10 |
10 |
Бир оиладан ялпи асал ишлаб чиқариш, кг |
20 |
20 |
Қишга чидамлилиги (қишдаги асалари чиқими), % |
10 |
10 |
13-ИЛОВА
Тут ипак қурти зотлари билан
шуғулланувчи хўжаликларга қўйиладиган
МИНИМАЛ ТАЛАБЛАР
Кўрсаткичлар |
Ўлчов бирлиги |
Энг кам талаб |
Оилалар питомнигида |
||
Зотлар сони |
дона |
4-6 |
Барча зотлар бўйича боқиладиган оилалар |
дона |
250 - 300 |
Барча зотлар бўйича тайёрланаётган дастлабки тухум қуймалари |
дона |
3000 |
Инкубаторга қўйиладиган тухум қуймалари |
дона |
2000 |
Танлаш жадаллиги |
фоиз |
50 - 60 |
Тухумнинг жонланиши |
фоиз |
95 - 98 |
Пилланинг ўртача вазни |
гр |
1,8 - 2,0 |
Супер элита босқичида |
||
Супер элита пиллаларини тайёрлаш учун инкубаторга қўйилган тухумлар миқдори |
қути |
10 - 15 |
Супер элита қуртларидан олинган ялпи ҳосил |
кг |
650 - 700 |
Бир қути супер элита қуртидан олинган пилла |
кг |
60 - 70 |
Супер элита пиллаларини танлаш жадаллиги |
фоиз |
60 - 70 |
Супер элита тухумларини тайёрлаш |
қути |
280 - 300 |
Бир кг пилладан тухум чиқиши |
гр |
45 - 60 |
Тухумларнинг жонланиши |
фоиз |
95 - 98 |
Пилланинг ўртача вазни |
гр |
1,8 - 2,0 |
Элита босқичида |
||
Элита тухумларини тайёрлаш учун боқиладиган қуртлар ҳажми |
қути |
280 - 300 |
Етиштирилган элита пиллалари ҳажми |
M |
16 - 20 |
Бир қути тут ипак қуртидан олинган пила |
кг |
65 - 70 |
Элита пиллаларини танлаш жадаллиги |
фоиз |
60 - 70 |
Элита тухумларни тайёрлаш ҳажми |
қути |
3000 |
Элита тухумларининг жонланиши |
фоиз |
95 - 98 |
Пилланинг ўртача вазни |
гр |
1,8 - 2,0 |
14-ИЛОВА
"ТАСДИҚЛАЙМАН" Чорвачиликда наслчилик ишлари бош давлат инспекцияси бошлиғи ______________________________ (Ф.И.О.) 20__ йил "___" ______________ |
Наслчилик субъектининг аттестация натижалари бўйича
ДАЛОЛАТНОМА
_____-сон
____________ тумани (шаҳри) 20__ йил "___" ___________
Ўзбекистон Республикаси қишлоқ ва сув хўжалиги вазирининг 20__ йил "___" ____________даги _____-сонли буйруғига асосан тузилган Наслчилик хўжаликлари мақомини бериш бўйича ҳудудий аттестация комиссияси:
Раис: __________________________________________________________
Аъзолари: ______________________________________________________
______________________________________________________
иштирокида ____________________________________________________
(вилоят, туман ва хўжалик номи)
наслчилик хўжалиги тоифасига ўтказиш учун:
наслчилик ҳисоб-китобини ва ҳужжатларини юритиш;
наслчилик ресурсларининг яхшиланиши, сақланиши, такрор кўпайтирилиши ва улардан оқилона фойдаланилишини таъминлаш;
ҳайвонлар маҳсулдорлиги ҳисоб-китобини юритиш, типи бўйича таснифлаш, келиб чиқишини генетик экспертиза қилиш (иммуногенетик назорат лабораторияси бўлмаган ҳудудларда уларнинг генетик келиб чиқишини (генотипини) таҳлил қилиш) ва уларни ўз маҳсулдорлиги ҳамда авлодининг сифати бўйича баҳолаш талабларини бажариш;
уруғ олиш учун фақат такрор кўпайтириладиган наслдор эркак ҳайвонлардан фойдаланиш, уруғ ва эмбрионларни технологик ва ветеринария-санитария талабномаларида белгиланган шарт-шароитда тайёрлаш, идентификациялаш ва сақлаш;
наслли маҳсулотнинг (материалнинг) сифатини кафолатлашга доир масалалар кўриб чиқилди ҳамда талабгорнинг наслчилик хўжалиги сифатида доимий фаолият олиб бориш имкониятлари таҳлил қилиниб:
га |
|
(талабгор юридик шахснинг номи, жисмоний шахснинг Ф.И.О.) |
бўйича |
|
(наслдор ҳайвон тури) |
мақомини бериш тавсия қилинди/қилинмади. |
|
(наслчилик хўжалиги тоифаси) |
(кераклисининг тагига чизилсин) |
Комиссиянинг (аъзосининг) қўшимча мулоҳазаси:
|
|
|
Мазкур далолатномага __________________________________ хўжалигининг асосий кўрсаткичлари ва ветеринария аҳволи тўғрисидаги ҳужжатлар илова қилинади.
Комиссия раиси: _______________________________________
Аъзолари: ______________________________________
______________________________________
15-ИЛОВА
O`ZBEKISTON RESPUBLIKASI
QISНLOQ VA SUV XO`JALIGI VAZIRLIGI
CНORVACНILIKDA NASLCНILIK ISНLARI
BOSН DAVLAT INSPEKTSIYASI
GUVOНNOMA ___-son
Davlat naslchilik registridagi raqami: ________
Kimga: |
|
(xo`jalik manzili, viloyat, tuman, xo`jalik nomi) |
bo`yicha |
|
(nasldor hayvonning turi, zoti) |
maqomi berildi. |
|
(naslchilik xo`jaligi toifasi) |
ASOS: O`zbekiston Respublikasi Qishloq va suv xo`jaligi vazirligi Chorvachilikda naslchilik ishlari bosh davlat inspektsiyasi boshlig`ining _______-yil ___ __________ dagi ___-sonli buyrug`i. |
Guvohnoma berilgan sana: |
____-yil "___" ________ |
Guvohnomaning amal qilish muddati: |
____-yil "___" ________dan |
___-yil "___" _______gacha. |
Chorvachilikda naslchilik ishlari bosh davlat inspeksiyasi boshlig`i |
|||
(imzo) |
(F.I.О.) |
M.O`. |
"Ўзбекистон Республикаси қонун ҳужжатлари тўплами",
2014 йил 5 май, 18-сон, 203-модда
78-150-11-72 
Мобильная версия сайта