ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Қишлоқ ва сув хўжалиги / Фермер хўжаликлари /

Қоракўлчилик қишлоқ хўжалиги кооперативлари (ширкатлари)ни фермер хўжаликлари ва масъулияти чекланган жамиятлар этиб қайта ташкил қилиш тартиби тўғрисидаги Низом (ЎзР Президентининг 16.03.2017 й. ПҚ-2841-сон қарорига 4-илова)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Ўзбекистон Республикаси

Президентининг

2017 йил 16 мартдаги

ПҚ-2841-сон қарорига

4-ИЛОВА



Қоракўлчилик қишлоқ хўжалиги кооперативлари

(ширкатлари)ни фермер хўжаликлари ва масъулияти

чекланган жамиятлар этиб қайта ташкил

қилиш тартиби тўғрисидаги

НИЗОМ


1-БОБ. УМУМИЙ ҚОИДАЛАР


1. Ушбу Низом қоракўлчилик қишлоқ хўжалиги кооперативлари (ширкатлари)ни фермер хўжаликлари ва масъулияти чекланган жамиятлар этиб қайта ташкил қилиш тартибини белгилайди.


2. Ушбу Низомда қуйидаги асосий тушунчалар қўлланилади:


аукцион - қоракўлчилик ширкатлари мулкларини сотиш мақсадида ташкил этиладиган аукцион савдолари;


талабгор - аукционда иштирок этиш ҳуқуқига эга бўлган, 18 ёшга тўлган Ўзбекистон Республикаси фуқароси ва юридик шахсларнинг вакиллари;


мулк - сотувга қўйиладиган ҳайвонлар, ўтарлар, қўтонлар, молхоналар, чўпонлар уйи, ҳайвонларни сўйишда фойдаланиладиган насос ускунаси, шахта қудуқлари ва скважиналар, шунингдек, хатловда аниқланган бошқа мулклар;


аванс закалати - аукционда иштирок этиш учун сотувга қўйиладиган мулк дастлабки баҳосининг 10 (ўн) фоизи миқдорида олдиндан амалга ошириладиган тўлов.


3. Қоракўлчилик ширкатларини фермер хўжаликлари ва масъулияти чекланган жамиятлар этиб қайта ташкил қилиш ушбу Низомнинг 1-иловасига мувофиқ схема, ушбу Низомнинг 2-иловасига мувофиқ ҳоким қарори билан ташкил этиладиган намунавий таркиб бўйича Қоракўлчилик ширкатларини фермер хўжаликлари ва масъулияти чекланган жамиятлар этиб қайта ташкил қилиш Комиссияси (кейинги ўринларда - Комиссия) томонидан амалга оширилади.


4. Комиссия ўз фаолиятини Ўзбекистон Республикаси Вазирлар Маҳкамасининг 2002 йил 5 январдаги 8-сон қарори билан тасдиқланган Қишлоқ хўжалиги корхонасини фермер хўжаликларига айлантириш бўйича комиссия тўғрисидаги намунавий низомга мувофиқ амалга оширади.



2-БОБ. АУКЦИОНГА ҚЎЙИЛАДИГАН

ФЕРМЕР ХЎЖАЛИКЛАРИНИ ТАШКИЛ

ЭТИШ ЛОЙИҲАЛАРИНИ ШАКЛЛАНТИРИШ


5. Аукционга қўйиладиган фермер хўжаликларини ташкил этиш лойиҳалари (кейинги ўринларда - лойиҳалар)ни шакллантиришда қуйидаги асосий мезонларга алоҳида эътибор қаратилади:

қоракўлчилик ширкатларидаги чорва молларнинг сони, суви бор шахта қудуқлари ва скважиналар миқдори, ҳайвонларни улардан сув билан таъминлаш мумкинлиги, ушбу ҳудудда ҳайвонларни боқиш учун ажратилган яйловларнинг ҳосилдорлиги;

ҳайвонлар ўтарлари, қўтонлар, молхоналар, чўпонлар уйи ва бошқа воситалар мавжудлиги ҳамда уларнинг жойлашуви;

"Давергеодезкадастр" қўмитасининг ҳудудий бўлинмалари томонидан ўтказилган хатлов натижаларига кўра аниқланган ер майдонлари контурини ҳамда мулкнинг бошланғич баланс қиймати асосида реализация қилинадиган лойиҳаларни ишлаб чиқиш ва уларнинг хариталарини тайёрлаш.


6. Ҳайвонлар икки ва ундан ортиқ лойиҳаларда бир шахта қудуғи ёки скважинадан сув билан таъминланган тақдирда, аукционга қўйилаётган ушбу шахта қудуғи ёки скважиналарнинг нархи ҳар бир лойиҳа бўйича тенг қисмда тақсимланади.


7. Ҳайвонлар умумий фойдаланишдаги суғориш тармоқлари (ариқлар, дарёлар, каналлар, булоқлар ва бошқалар) ёки сув келтириш орқали сув билан таъминланган тақдирда ҳар бир ўтардаги мулк ва унга бириктирилган ер майдонлари битта лойиҳа ҳисобланади.


8. Йил фасллари ва яйловларнинг ҳосилдорлигидан келиб чиқиб, бир ўтардаги ҳайвонларни (лойиҳадаги) бир ҳудуддан бошқа ҳудудга ўтказган тақдирда иккала ҳудуднинг мулки ва ажратилган ер майдонлари битта лойиҳага киритилади ва битта лойиҳа сифатида савдога қўйилади.


9. Аукционга қўйилган ҳар бир лойиҳадаги қўй ва эчкилар сони 300 (уч юз) бошдан кам бўлмаслиги шарт.


10. Мулкнинг лойиҳадаги баланс қийматини баҳолаш суммаси аукционда ушбу лойиҳанинг бошланғич баҳоси ҳисобланади.



3-БОБ. АУКЦИОННИ ТАШКИЛ ЭТИШ


11. Комиссия аукцион ўтказилишидан бир ой олдин аукционга қўйиладиган лойиҳалар тўғрисида оммавий ахборот воситаларида белгиланган тартибда эълон жойлаштиради.

Эълон, қоидага биноан, қоракўлчилик ширкатининг маъмурий биносида бемалол танишиб чиқиш учун очиқ жойда ҳам жойлаштирилади.

Аукцион ўтказилишидан то тугатилгунига қадар эълонни олиб ташлаш тақиқланади.

Аукцион ўтказилиши тўғрисидаги эълон қўшимча равишда маҳаллий оммавий ахборот воситалари ҳамда Интернет тармоқларининг веб-сайтларига ҳам жойлаштирилиши лозим.


12. Эълонда мажбурий тартибда қуйидагилар кўрсатилади:

аукционга қўйилган мулкнинг тури, сони ва дастлабки нархи;

аукционга қўйилган лойиҳанинг жойлашиши ва унга бириктирилган ер майдони схемаси;

аукционни ўтказиш жойи, вақти (бошланиш ва тугаш соатлари кўрсатилади) уни ўтказиш тартиби;

аукционда иштирок этиш учун тақдим этиладиган ҳужжатлар рўйхати;

талабгор томонидан тўланадиган аванс закалатининг миқдори, муддати ва шакли, аванс закалатини ўтказиб бериш учун банк ҳисоб рақамининг реквизитлари.


13. Аукциондаги иштироки учун талабгор томонидан лойиҳа қийматининг 10 (ўн) фоизи миқдорида аванс закалати тўланади.

Талабгор аукционда ғолиб бўлган тақдирда, у лойиҳа қийматининг қолган 90 (тўқсон) фоизини аукцион ўтказилган кундан бошлаб 1 (бир) ой ичида тўлаши шарт.


14. Аукционни ташкил этиш ва ўтказиш билан боғлиқ сарф-ҳаражатлар қайта ташкил этилаётган қоракўлчилик ширкатлари маблағлари ҳисобига қопланади.



4-БОБ. АУКЦИОНДА ИШТИРОК ЭТИШ


15. Жисмоний шахслар ва юридик шахсларнинг вакиллари аукционда иштирок этиш учун Комиссияга қуйидаги ҳужжатларни тақдим этадилар:

аукционда иштирок этиш учун икки нусхада ариза (аризада лойиҳа рақами аниқ кўрсатилиши керак);

аванс закалати тўланганлигини тасдиқловчи квитанция нусхаси;

юридик шахслар учун - давлат рўйхатидан ўтганлиги тўғрисида гувоҳнома, унинг номидан ишончли шахс қатнашган тақдирда эса - белгиланган тартибда расмийлаштирилган ишончнома;

жисмоний шахслар учун - унинг номидан ишончли шахс қатнашган тақдирда эса - белгиланган тартибда расмийлаштирилган ишончнома.

16. Ариза Комиссия котиби томонидан қабул қилинади. Аризанинг иккинчи нусхаси эса рўйхатга олиш рақами, санаси ва унга ҳужжатлар рўйхати илова қилиниб аризачига қайтариб берилади.

Комиссия раиси ва аъзолари аукционда иштирок этиш учун ариза топширишга ҳақли эмас, қайта ташкил этилаётган ширкат раҳбари ва бошқа ходимлари бундан мустасно.

Қайта ташкил этилаётган ширкатларнинг Комиссия таркибига киритилган раҳбарлари ва бошқа ходимлари аукционда иштирок этиш ҳуқуқига эга.


17. Ушбу Низомнинг 15-бандига мувофиқ, тўлиқ бўлмаган ҳажмдаги ҳужжатлар тақдим этилганда, ариза қабул қилинмайди.


18. Ушбу Низомнинг 3-иловасига биноан шакл бўйича Комиссия томонидан аукцион савдоларида иштирок этиш тўғрисидаги аризаларни рўйхатдан ўтказиш китоби юритилади.

Рўйхатдан ўтказиш китоби шнурланган (тикиб боғлаб қўйилган), рақамланган ва қоракўлчилик ширкатининг муҳри билан маҳкамланган бўлиши керак. Барча аризалар Комиссия котиби томонидан кечиктирилмай рўйхатдан ўтказиш китобига қайд қилиниши лозим.


19. Комиссия аризачиларни аукцион ўтказиш учун зарур бўлган ҳужжатлар намунаси билан таъминлашга ҳамда уларни тўлдириш ва расмийлаштиришда маслаҳат кўмагини кўрсатишга мажбурдир.


20. Комиссия тақдим этилган ариза ва унга илова қилинган ҳужжатларнинг бус-бутун сақланиши ҳамда аризачилар ва тақдим этилган ҳужжатларнинг сир тутилишини таъминлаш бўйича чоралар кўриши лозим.


21. Аукцион бошлангунга қадар аризачи Комиссияга ёзма мурожаат қилган ҳолда аризани қайтариб олиш ҳуқуқига эга. Бу ҳолатда аванс закалати Комиссияга тегишли ариза келиб тушган пайтдан бошлаб банкнинг уч иш кунидан кечиктирмай қайтариб берилиши лозим.


22. Аукционда иштирок этиш учун аризаларни қабул қилиш аукцион ўтказиладиган кун эълон қилинган санадан икки кун олдин Комиссия томонидан тўхтатилади.


23. Комиссия аризачилар томонидан тақдим этилган ҳужжатларни тўлиқ ўрганиб чиқиб, аукционда иштирок этувчи аниқ талабгорлар рўйхатини белгилайди.


24. Аукционда иштирок этувчи талабгорлар рўйхати Комиссия баённомаси билан тасдиқлангандан сўнг талабгорлар аукционнинг расмий иштирокчилари ҳисобланадилар.


25. Талабгорга барча лойиҳалар бўйича аукционга қўйилган, сотиладиган мулк кўрсатилган ҳолда билет ва савдо вақтида фойдаланиш учун махсус рақамли белги берилади ва у савдолар тугаганидан сўнг қайтарилиши лозим бўлади.



5-БОБ. АУКЦИОННИ ТАШКИЛ ЭТИШ ТАРТИБИ


26. Аукцион эълонда кўрсатилган сана ва вақтда Комиссия томонидан ўтказилади.


27. Аукционда талабгорлардан ташқари бошқа шахслар, шу жумладан қишлоқ ва маҳалла фуқаролар йиғини вакиллари ҳамда маҳалла фаоллари кузатувчи сифатида қатнашишлари мумкин.


28. Комиссия баённомасида белгиланган талабгорлар иштирок этадиган савдолар аукционга қўйилган ҳар бир лойиҳа бўйича алоҳида ўтказилади.

Бунда старт бериладиган аукцион бошланғич нархи максимал бўлган аукцион лойиҳаси бўйича, кейинги аукцион лойиҳалари бўйича эса - навбати билан, бошланғич нархи имкони борича камайтириб борилган ҳолда ўтказилади.


29. Аукцион ҳар бир лойиҳа учун камида иккита талабгорнинг ҳужжатлари тақдим этилган тақдирда ўтказилади.


30. Аукционни ўтказиш жараёни бошланғич баҳосининг эълон қилиниши билан бошланади. Навбатдаги баҳоси эълон қилинганидан сўнг савдони ўтказаётган шахс махсус рақамли белгини биринчи кўтарган талабгорни кўрсатади. Агар бошқа талабгорлар сотиб олиш хоҳишини билдирса, савдолар ташкилотчиси аукцион баҳосининг кейинги қадамини эълон қилади.

Аукцион баҳосининг қадами Комиссия томонидан белгиланиб, аукционга қўйилган лойиҳа бошланғич баҳосининг 5 (беш) фоизидан кам ва 10 (ўн) фоизидан кўп бўлиши мумкин эмас.

Аукцион лойиҳа бўйича максимал нархни таклиф этадиган талабгор аниқлангунга қадар давом этади.

Нарх уч марта эълон қилинганидан кейин бошқа талабгорлар махсус рақамли белгиларни кўтармасалар, аукционда бу нарх бўйича савдолар тўхтатилади. Охирги бўлиб махсус рақамли белгини кўтарган талабгор эълон қилинади ва аукцион ғолиби ҳисобланади.

Аукционда сотиб олинган ҳайвонларни тўғри парваришлаш, боқиш ва сув билан таъминлаш мақсадида аукцион ғолиби лойиҳанинг қолган 90 (тўқсон) фоиз пул миқдорини тўлиқ тўлаганидан сўнг эгалик ҳуқуқини қўлга киритгунига қадар қоракўлчилик ширкати ишчиларига мазкур ўтарда ҳайвонларни назорат қилувчи ўзининг ишончли вакилини бириктириб қўйиши мумкин.


31. Аукционда ғолиб бўлган талабгор Комиссия баённомасини имзолашдан ва тўлов бўйича ўзининг мажбуриятларини бажаришдан бош тортса, унинг ғолиб бўлгани тўғрисидаги қарор Комиссия томонидан аванс закалати қайтарилмасдан бекор қилинади ҳамда мазкур лойиҳа бўйича қайтадан аукцион эълон қилинади.


32. Аукционда талабгорлар мавжуд бўлмаган ёки битта талабгор иштирок этган тақдирда, аукцион бўлиб ўтмаган ҳисобланади ва Комиссия қарори билан унинг такроран ўтказилиши бир ҳафта муддатга сурилади.


33. Агар муайян лойиҳага фақат битта талабгор ҳужжат топширган бўлса, бунда аукцион яна икки марта қолдирилган бўлса ҳамда учинчи марта ҳам битта талабгор бўлса, Комиссия қарори билан мазкур лойиҳа унинг бошланғич баҳосига 5 (беш) фоиз қўшилган ҳолда ушбу талабгорга сотилади.


34. Аукцион тугаганидан сўнг Комиссия лойиҳанинг сотилганини, унинг нархи ва ғолибнинг рақамини эълон қилади.


35. Аукцион ўтказилган кунда Комиссия томонидан аукцион натижалари ва ғолиб тўғрисида уч нусхада баённома тузилади.

Баённоманинг бир нусхаси аукционда ғолиб бўлган талабгорга берилади, иккинчи баённома белгиланган тартибда ер майдони ажратилиши тўғрисида қарор қабул қилиш учун туман ҳокимлигига юборилади, учинчи нусха аукцион бўйича ҳужжатлар йиғмажилдига тикилади.


36. Аукцион якунларига кўра тузилган баённомада қуйидаги маълумотлар ўз аксини топади:

сотилган лойиҳа бўйича мулклар рўйхати;

ушбу лойиҳага бириктирилган яйловлар майдони;

лойиҳанинг сотилиш нархи, тўлов тартиби ва шакли;

сотиб олувчи тўғрисида маълумот ва унинг манзили;

лойиҳа бўйича сотилган мулкка бўлган эгалик ҳуқуқини қонунчиликда белгиланган тартибда расмийлаштириш.


37. Комиссия уч кун муддатда аниқ талабгорнинг ғолиблиги тўғрисидаги баённомани, лойиҳа бўйича мулк ҳақи батамом тўланганлигини тасдиқловчи ҳужжат ҳамда бошқа тегишли ҳужжатларни туман ҳокимиятлигига юборади.


38. Тақдим этилган ҳужжатлар асосида фермер хўжалигини ташкил этиш тўғрисида туман ҳокими белгиланган тартибда қарор қабул қилади.


39. Лойиҳага бириктирилган ер майдони (яйловлар)да жойлашган ер участкасининг узоқ муддатли ижара шартномасини расмийлаштириш ва рўйхатдан ўтказиш қонунчиликда белгиланган тартибда амалга оширилади.


40. Ер участкасининг узоқ муддатли ижара шартномасида, фермер хўжалиги мажбуриятларидан ташқари қуйидагилар ҳам назарда тутилади:

мавжуд ихтисосликни сақлаб қолиш;

ажратилган яйловларни бошқа шахсларга ижарага бермаслик;

яйловлар ҳосилдорлигини ошириш тадбирларини бажариш;

яйловлар таназзулга учрашининг олдини олиш;

аукционда сотиб олинган мулкдан оқилона фойдаланиш.

Ер участкасининг узоқ муддатли ижара шартномасида фермер хўжалигининг бошқа мажбуриятлари ҳам назарда тутилиши мумкин.


41. Аукционда иштирок этиш учун тўланган аванс закалати Комиссия томонидан қуйидагиларга қайтариб берилади:

аукционда иштирок этишга рад жавобини олган шахсларга - рад этилган кундан бошлаб уч банк иш кунидан кечиктирмасдан;

аукционда ғолиб бўлмаган талабгорларга - аукцион ўтказилган кундан бошлаб уч банк иш кунидан кечиктирмасдан.

Ушбу бандда кўрсатилган ҳолларда нақд пул билан тўланган аванс закалати нақд пул шаклида, пул ўтказиш йўли билан тўланган аванс закалати эса - пул ўтказиш орқали қайтарилади.


42. Аукционда қоракўлчилик ширкатлари мулки сотилиши билан боғлиқ барча ҳужжатлар бўйича қонунчиликда белгиланган тартибда сақлаш лозим бўлган алоҳида йиғмажилдлар юритилади.


43. Йиғмажилдга аукцион тўғрисидаги эълон, талабгорлар томонидан тақдим этилган ҳужжатлар, аукцион натижаси бўйича баённоманинг бир нусхаси ҳамда аукцион ўтказиш билан боғлиқ барча ҳужжатлар солиниши керак.


44. Аукцион орқали қоракўлчилик ширкати мулкини сотишдан тушган маблағлар биринчи навбатда қоракўлчилик ширкатининг кредиторлик қарзини қоплашга йўналтирилади, маблағнинг қолган қисми ушбу хўжаликнинг пайчилари орасида уларнинг пайлари миқдорига мутаносиб равишда тақсимланади.



6-БОБ. НАСЛЧИЛИК ҚОРАКЎЛЧИЛИК

ШИРКАТЛАРИНИ МАСЪУЛИЯТИ ЧЕКЛАНГАН

ЖАМИЯТЛАР ЭТИБ ҚАЙТА ТАШКИЛ ҚИЛИШ ТАРТИБИ


45. Комиссия наслчилик қоракўлчилик ширкатларини масъулияти чекланган жамиятлар этиб қайта ташкил қилишни Ўзбекистон Республикасининг "Масъулияти чекланган ҳамда қўшимча масъулиятли жамиятлар тўғрисида"ги Қонуни ва ушбу Низомга мувофиқ амалга оширади.


46. Комиссия наслчилик қоракўлчилик ширкатларини масъулияти чекланган жамиятлар этиб қайта ташкил қилиш масаласини мулкий пайлар кўринишидаги улуши бўлган қоракўлчилик ширкатлари аъзоларининг умумий йиғилишида кўриб чиқади.


47. Наслчилик қоракўлчилик ширкатларини масъулияти чекланган жамиятлар этиб қайта ташкил этишда хўжалик аъзоларининг мулкий пайлар улушидан келиб чиқиб, уларнинг умумий йиғилишидаги розилиги билан икки ёки ундан кўп масъулияти чекланган жамиятлар ташкил қилиниши мумкин. Масъулияти чекланган жамиятларни ташкил этишда мулкий улуши бўлган иштирокчиларнинг сони 50 нафардан ошмаслиги керак.


48. Наслчилик қоракўлчилик ширкатларини икки ёки ундан кўп масъулияти чекланган жамиятлар этиб қайта ташкил этишда қоракўлчилик ширкатларининг мулки асосий ва бошқа воситалари бириктирилган ер участкалари жойлашувининг ҳудудий бутунлиги сақланган ҳолда масъулияти чекланган жамиятларнинг улуш билан қатнашувчилари ўртасида мутаносиб тартибда тақсимланади.


49. Ташкил этилаётган масъулияти чекланган жамиятлар орасида қоракўлчилик ширкатларининг умумий фойдаланишдаги асосий воситалари (маъмурий бинолар, машина-трактор парклари, турли техник воситалар, омборхона ва бошқалар)ни тенг қисмда тақсимлашнинг иложи бўлмаган тақдирда, мазкур воситалар аукцион орқали қонунчиликда белгиланган тартибда сотилиши мумкин. Бунда тушган маблағлар уларнинг пай улушларига мутаносиб миқдорда тақсимланиши мумкин.


50. Қоракўлчилик ширкатининг кредиторлик қарзи янги ташкил этилаётган масъулияти чекланган жамиятлари мулкий улуш қатнашувчиларининг пай улушларига мутаносиб равишда тақсимланади.


51. Барча тайёрланган ҳужжатлар Комиссия томонидан наслчилик қоракўлчилик ширкати аъзоларининг умумий йиғилиши муҳокамасига киритилади.

Наслчилик қоракўлчилик ширкатининг умумий йиғилиши аъзолари умумий йиғилишда масъулияти чекланган жамият устави лойиҳасига ўзгартириш ва қўшимчалар киритиш хусусида ўзларининг фикрлари ва таклифларини билдиришлари ва келишилган уставни тасдиқлашлари, шунингдек, жамият бошқарувини, раис (директор)ни ва тафтиш комиссияси (тафтишчи)ни сайлашлари мумкин. Бундай ҳолда умумий йиғилиш таъсис йиғилиши ҳисобланади.

Умумий таъсис йиғилишида кўриб чиқиш учун тақдим этилган ҳужжатларда камчиликлар аниқланган тақдирда, улар камчиликлар бартараф этилганидан сўнг қайтадан тақдим этиш учун муддати кўрсатилган ҳолда Комиссияга қайтариб берилади.


52. Наслчилик қоракўлчилик ширкатини масъулияти чекланган жамият этиб қайта ташкил қилишда пай улушлари бўлган шахслар томонидан масъулияти чекланган жамиятнинг устав жамғармасига ўз улушларини киритишни рад қилган тақдирда Комиссия пай улушларининг мансублиги бўйича белгиланган тартибда қайтарилишини таъминлайди.


53. Масъулияти чекланган жамият аъзолари таъсис йиғилиши ўтказилганидан сўнг масъулияти чекланган жамиятни ташкил этиш билан боғлиқ барча зарур ҳужжатларни қабул қилиш-топшириш тўғрисида далолатнома тузадилар.

Қабул қилиш-топшириш далолатномаси қоракўлчилик ширкати мулкини топшираётган моддий масъул ходимлари ва масъулияти чекланган жамиятнинг қабул қилиб олаётган масъул ходимлари томонидан имзоланади ҳамда Комиссия раиси ва масъулияти чекланган жамиятнинг сайланган раиси (директори) томонидан тасдиқланади.


54. Масъулияти чекланган жамият раиси (директори) уч кун мобайнида қабул қилинган ҳужжатлар асосида давлат рўйхатидан ўтказиш учун туман ҳокимлигига таъсис ҳужжатларини тақдим этади.

Масъулияти чекланган жамиятни давлат рўйхатидан ўтказиш ва ер участкасининг узоқ муддатли ижара шартномасини расмийлаштириш қонунчиликда белгиланган тартибда амалга оширилади.


55. Масъулияти чекланган жамият давлат рўйхатидан ўтказилганидан бошлаб наслчилик қоракўлчилик ширкати масъулияти чекланган жамият этиб қайта ташкил қилинган ҳисобланади.



7-БОБ. ЯКУНИЙ ҚОИДА


56. Ушбу Низомнинг талабларини бузганликда айбдор бўлган шахслар қонунчиликда белгиланган тартибда жавоб берадилар.






Низомга

1-ИЛОВА



Қоракўлчилик қишлоқ хўжалиги кооперативлари

(ширкатлари)ни фермер хўжаликлари ва масъулияти

чекланган жамиятлар этиб қайта ташкил қилиш

СХЕМАСИ

Босқичлар

Тадбирлар


Масъуллар


Муддатлар



I. УМУМИЙ АМАЛГА ОШИРИЛАДИГАН ТАШКИЛИЙ ЧОРА-ТАДБИРЛАР







I босқич

Қоракўлчилик ширкатларини фермер хўжаликлари ва масъулияти чекланган жамиятлар этиб қайта ташкил қилиш бўйича Комиссия тузиш.


Туман ҳокимлиги


2 кун







II босқич

Қоракўлчилик ширкатларини фермер хўжаликлари ва масъулияти чекланган жамиятлар этиб қайта ташкил қилиш бўйича иш режасини ишлаб чиқиш.


Туман ҳокимлиги, Комиссия


3 кун







II. ҚОРАКЎЛЧИЛИК ШИРКАТЛАРИНИ ФЕРМЕР ХЎЖАЛИКЛАРИ

ЭТИБ ҚАЙТА ТАШКИЛ ҚИЛИШ СХЕМАСИ







I босқич

Қоракўлчилик ширкатларини фермер хўжаликлари этиб қайта ташкил қилиш тўғрисида умумий йиғилиш қарорини қабул қилиш.


Комиссия, қоракўлчилик ширакатлари


5 кун







II босқич

Қоракўлчилик ширкатларининг ер участкалари ва мулкини хатловдан ўтказиш, уларнинг баланс қийматини аниқлаш ва фермер хўжаликларини ташкил қилиш лойиҳаларини шакллантириш.


Комиссия, туман ер ресурслари ва давлат кадастри бўлими


2 ой







III босқич

Хатлов якунига кўра қоракўлчилик ширкатлари мулкини сотиш бўйича аукцион савдолар ўтказиш тўғрисида эълон қилиш.


Комиссия


Лойиҳалар шакллангандан кейин 2 кун давомида







IV босқич

Аукцион савдоларида иштирок этиш учун берилган аризаларни қабул қилиш ва кўриб чиқиш.


Комиссия


Эълон берилган кундан бошлаб 1 ой давомида







V босқич

Шакллантирилган лойиҳалар асосида қоракўлчилик ширкатлари мулкини сотиш бўйича аукцион савдоларини ўтказиш.


Комиссия


Комиссия томонидан тасдиқланган Жадвал асосида аризаларни қабул қилиш тугаганидан кейин 2 кун ўтгач







VI босқич

Лойиҳада назарда тутилган мулк учун аукцион савдоларида ғолиб деб эълон қилинган талабгор томонидан тўловлар суммасини тўлиқ киритиш.


Ғолиб деб топилган талабгор


Аукцион ўтказилган кундан кейин 1 ой давомида







VII босқич

Фермер хўжалигини ташкил қилиш учун ғолиб деб топилган талабгорнинг тегишли ҳужжатларини туман ҳокимлигига тақдим этиш.


Комиссия


3 кун







VIII босқич

Фермер хўжалигини ташкил қилиш ва Комиссия томонидан тақдим қилинган ҳужжатлар асосида ер участкасини бириктириш тўғрисида туман ҳокимининг қарорини қабул қилиш.


Туман ҳокими


5 кун







III. ҚОРАКЎЛЧИЛИК ШИРКАТЛАРИНИ МАСЪУЛИЯТИ ЧЕКЛАНГАН

ЖАМИЯТЛАР ЭТИБ ҚАЙТА ТАШКИЛ ҚИЛИШ СХЕМАСИ







I босқич

Қоракўлчилик ширкатларини масъулияти чекланган жамиятлар этиб қайта ташкил қилиш тўғрисида умумий йиғилиш қарорини қабул қилиш.


Комиссия, қоракўлчилик ширкатлари


Иш режаси тасдиқланганидан кейин 5 кун давомида







II босқич

Қоракўлчилик ширкатларининг ер участкалари ва мулкини хатловдан ўтказиш, уларнинг баланс қийматини аниқлаш ва масъулияти чекланган жамиятлар ташкил қилиш лойиҳаларини шакллантириш.


Комиссия, туман ер ресурслари ва давлат кадастри бўлими


1 ой







III босқич

Ташкил этилаётган масъулияти чекланган жамиятнинг устави ва бошқа зарур ҳужжатларини тайёрлаш ва унинг таъсис мажлисини ўтказиш.


Комиссия


5 кун







IV босқич

Масъулияти чекланган жамиятни ташкил этиш билан боғлиқ барча ҳужжатларни қабул қилиш-топшириш тўғрисида далолатнома тузиш.


Комиссия, қоракўлчилик ширкатлари ва масъулияти чекланган жамиятлар раислари


2 кун







V босқич

Масъулияти чекланган жамиятни ушбу жамият раиси тақдим этган ҳужжатлар асосида давлат рўйхатидан ўтказиш ҳамда жамиятга ер участкаларини бириктириш тўғрисида туман ҳокимининг қарорини қабул қилиш.


Туман ҳокими


5 кун

       





Низомга

2-ИЛОВА



Қоракўлчилик қишлоқ хўжалиги кооперативларини

(ширкатларини) фермер хўжаликлари ва масъулияти чекланган

жамиятлар этиб қайта ташкил қилиш комиссиясининг

НАМУНАВИЙ ТАРКИБИ

1. Туман ҳокимининг иқтисодиёт ва тадбиркорлик масалалари бўйича биринчи ўринбосари, Комиссия раиси


2. Туман қишлоқ ва сув хўжалиги бўлими бошлиғи, Комиссия раисининг ўринбосари


3. Туман ер ресурслари ва давлат кадастри бўлими бошлиғи


4. Туман молия бўлими бошлиғи


5. Туман Фермерлар кенгаши раиси


6. Туман давлат солиқ инспекцияси бошлиғи


7. Туман бандликка кўмаклашиш маркази директори


8. Туман электр таъминоти корхонаси бошлиғи


9. Туман газ таъминоти ташкилоти филиалининг раҳбари


10. "Ўзагрокимёҳимоя" АЖ ҳудудий бўлинмаси бошлиғи


11. Туман "Агротехсервис" МТП МЧЖ раиси


12. Туман "Сувоқава" филиали бошлиғи


13. Туман статистика бўлими бошлиғи


14. Туман давлат ветеринария бўлими бошлиғи


15. Хизмат кўрсатувчи тижорат банки бўлими бошқарувчиси


16. Қоракўлчилик ширкати раиси


17. Қоракўлчилик ширкати бош бухгалтери


18. Қоракўлчилик ширкати бош иқтисодчиси


19. Қоракўлчилик ширкати бош зоотехниги


20. Қоракўлчилик ширкати ветеринария врачи


21. Қоракўлчилик ширкати омбори мудири


22. Қоракўлчилик ширкатини қуриш бўйича мутахассис


23. Қоракўлчилик ширкати бош муҳандиси


24. Туман қишлоқ ва сув хўжалиги бўлими мутахассиси, Комиссия котиби


Изоҳ: Комиссия таркибига туман ҳокими томонидан ўзгартиришлар киритилиши мумкин.






Низомга

3-ИЛОВА



Аукцион савдоларида иштирок этиш

аризаларини рўйхатдан ўтказиш

КИТОБИ

Т/р

Ариза

берув-

чининг

Ф.И.Ш.


Лойи-

ҳанинг

тартиб

рақами


Мулк-

нинг

бош-

ланғич

нархи


Аук-

цион

савдо-

ларини

эълон

қилиш

санаси


Ари-

зани

қабул

қилиш

санаси


Закалат

тўлан-

ганлиги

тўғри-

сида

ҳужжат-

нинг

сана-

си ва

рақами


Ариза

берув-

чининг

имзоси

ҳамда

билет ва

махсус

рақамли

белги

берил-

ган

санаси


Аук-

ционда

ишти-

рок

этиш-

ни рад

қилиш

тўғри-

сидаги

хатнинг

санаси

ва ра-

қами


Аук-

ционни

ўтка-

зиш

куни


Аук-

цион

нати-

жаси

(ғолиб

бўлди

ёки

бўлма-

ди),

шуни-

нгдек,

лойиҳа

рақами


Мулк

тўлови,

тўлов

ҳужжа-

тининг

сана ва

рақами


Ер

участ-

каси

бери-

лиши

учун

туман

ҳоким-

лигига

юбо-

рилган

ҳуж-

жатлар

ва сана


Бошқа

маъ-

лу-

мот*






























































   

*) Устунларда бошқа маълумотлар: аукцион савдосининг кечикиши ёки такрор ўтказилишига (такрор ўтказишга асос кўрсатилган ҳолда) доир аванс закалатини қайтариш тўғрисида (тўлов ҳужжатининг санаси ва рақами кўрсатилган ҳолда) ҳамда аукционга тегишли бошқа барча маълумотлар ҳам кўрсатилиши мумкин.



"Ўзбекистон Республикаси қонун ҳужжатлари тўплами",

2017 йил 3 апрель, 13-сон, 200-модда





































Время: 0.1590
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск