Ўзбекистон Республикаси Президентининг 29.09.2020 й. ПҚ-4844-сон "Халқаро шартномани тасдиқлаш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

29.09.2020 й.

N ПҚ-4844

ХАЛҚАРО ШАРТНОМАНИ

ТАСДИҚЛАШ ТЎҒРИСИДА

1. Ўзбекистон Республикаси Ҳукумати ва Германия Федератив Республикаси Ҳукумати ўртасида 2019 йил 24 декабрь куни Тошкент шаҳрида имзоланган Тошкент шаҳрида Иқтисодиётни қайта тиклаш бўйича кредит институтининг (KfW) маҳаллий бюросини ташкил этиш тўғрисидаги битим тасдиқлансин.

2. Инвестициялар ва ташқи савдо вазирлиги юқорида кўрсатилган халқаро шартномани амалга ошириш юзасидан масъул ваколатли орган этиб белгилансин.

3. Ташқи ишлар вазирлиги:

Ўзбекистон Республикаси томонидан мазкур халқаро шартнома кучга кириши учун зарур бўлган давлат ички тартиб-таомиллари бажарилганлиги ҳамда унинг амалга оширилиши учун масъул бўлган ваколатли орган ҳақидаги тегишли билдиришномани Германия Федератив Республикаси томонига юборсин;

Тошкент шаҳрида Иқтисодиётни қайта тиклаш бўйича кредит институтининг (KfW) маҳаллий бюроси хорижий давлатнинг иқтисодий ва техник ҳамкорлик бўйича Ҳукумат ташкилоти ваколатхонаси сифатида белгиланган тартибда аккредитациядан ўтказилишини таъминласин.

4. Вазирлар Маҳкамаси ҳамда тегишли вазирлик ва идораларнинг раҳбарлари мазкур халқаро шартнома кучга киргандан кейин Ўзбекистон Республикасининг мажбуриятлари бажарилиши юзасидан белгиланган тартибда назоратни таъминласин.

5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти                                              Ш. Мирзиёев

Қонун ҳужжатлари маълумотлари миллий базаси (www.lex.uz),

2020 йил 30 сентябрь

"Ўзбекистон Республикаси қонун ҳужжатлари тўплами",

2020 йил 5 октябрь, 39-сон, 436-модда