Ўзбекистон Республикаси Президентининг 08.10.2020 й. ПҚ-4857-сон "Тошкент шаҳрида "А.И. Герцен номидаги Россия давлат педагогика университети" Федерал давлат бюджети олий таълим муассасаси филиалини ташкил этиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

08.10.2020 й.

N ПҚ-4857

ТОШКЕНТ ШАҲРИДА "А.И. ГЕРЦЕН НОМИДАГИ

РОССИЯ ДАВЛАТ ПЕДАГОГИКА УНИВЕРСИТЕТИ"

ФЕДЕРАЛ ДАВЛАТ БЮДЖЕТИ ОЛИЙ ТАЪЛИМ

МУАССАСАСИ ФИЛИАЛИНИ ТАШКИЛ

ЭТИШ ТЎҒРИСИДА

Мактабгача таълим соҳаси учун юқори малакали педагог кадрлар тайёрлаш тизимини янада такомиллаштириш, ривожланган хорижий мамлакатларнинг етакчи олий таълим ташкилотлари билан ҳамкорликни кенгайтириш, таълим муассасаларининг олий маълумотли педагог кадрларга бўлган эҳтиёжларини қондириш мақсадида:

1. Мактабгача таълим вазирлиги, Олий ва ўрта махсус таълим вазирлиги ҳамда "А.И. Герцен номидаги Россия давлат педагогика университети" Федерал давлат бюджети олий таълим муассасасининг (Россия Федерацияси) (кейинги ўринларда - Университет) Тошкент шаҳрида "А.И. Герцен номидаги Россия давлат педагогика университети" Федерал давлат бюджети олий таълим муассасаси филиалини (кейинги ўринларда - Филиал) ташкил этиш тўғрисидаги таклифига розилик берилсин.

2. Қуйидагилар Филиал фаолиятининг асосий йўналишлари этиб белгилансин:

ҳудудлар, таълим ташкилотлари ва таълим соҳасидаги бошқарув органларининг олий маълумотли кадрларга бўлган эҳтиёжлари асосида халқаро таълим стандартларига мувофиқ бакалавриат таълим йўналишлари ва магистратура мутахассисликлари бўйича юқори малакали педагог кадрларни тайёрлаш;

замонавий таълим дастурлари, ўқитиш услубларини ишлаб чиқиш ва амалиётга жорий қилиш, ўқув жараёнига илғор педагогик ва ахборот технологияларини ҳамда фаннинг сўнгги ютуқларини татбиқ этиш, педагогик салоҳиятни ривожлантириш;

мактабгача таълим, коррекцион педагогика, психология соҳалари ҳамда бошқа илмий-методик тармоқлар бўйича тадқиқотлар ўтказиш, ўқув жараёни сифатини яхшилашга йўналтирилган мақсадли инновацион лойиҳаларни ишлаб чиқиш ва амалга ошириш;

ўқув жараёнига масофавий таълим технологияларини кенг жорий этиш, электрон таълим ресурсларини ишлаб чиқиш ва амалиётга татбиқ қилиш;

хорижий мамлакатларнинг етакчи таълим ташкилотлари, илмий-тадқиқот марказлари ва бизнес-ҳамжамиятлари билан таълим ҳамда илм-фан соҳаларида узоқ муддатли ҳамкорликни мустаҳкамлаш ва ривожлантириш.

3. Белгилаб қўйилсинки, Филиал:

кадрларга бўлган эҳтиёжларни инобатга олган ҳолда дунёда умумэътироф этилган олий таълимнинг сифатига қўйиладиган талабларга мос таълим дастурлари асосида барча даражадаги мутахассислар ва илмий-педагогик кадрлар тайёрлаш, қайта тайёрлаш ва уларнинг малакасини оширишни амалга оширади;

таълим жараёнини Олий ва ўрта махсус таълим вазирлиги ҳамда Мактабгача таълим вазирлиги билан келишган ҳолда Университет томонидан тасдиқланадиган ўқув режа ва дастурлари асосида рус тилида, кейинчалик бошқа тилларда ҳам олиб боради;

кадрлар тайёрлашни кундузги, кейинчалик сиртқи таълим шаклида олиб боради;

таълим фаолиятини 2021/2022 ўқув йилидан бошлайди;

абитуриентларни қабул қилиш ва битирувчиларни аттестациядан ўтказишни Олий ва ўрта махсус таълим вазирлиги билан келишган ҳолда Университет томонидан белгиланган талаблар ва қоидаларга мувофиқ амалга оширади;

битирувчиларга Ўзбекистон Республикасида олий маълумот тўғрисидаги ҳужжат сифатида тан олинадиган Университетнинг белгиланган намунадаги дипломини беради.

4. Маълумот учун қабул қилинсинки, Университет:

Филиалга таълим жараёнига педагогик ва ахборот технологиялари, педагогика фанининг сўнгги ютуқларини жорий этишга ҳамда масофавий таълим технологияларини ривожлантиришга кўмаклашади;

хорижий ва маҳаллий профессор-ўқитувчиларни Филиалда дарс беришга ва илмий фаолиятга жалб этади;

Филиал профессор-ўқитувчиларини қайта тайёрлаш ва малакасини ошириш ишларини тизимли равишда ташкил этади;

Филиалнинг кутубхона фондини шакллантиради ва уни замонавий ўқув-методик ҳамда илмий-педагогик адабиётлар билан тўлдириб боради, шу жумладан Университет ахборот-ресурс базасидан фойдаланиш имкониятини яратади;

Филиални зарур ўқув, лаборатория ва илмий асбоб-ускуналар, жумладан коррекцион педагогика ва психология фанларидан ўқитишнинг замонавий ўқув воситалари билан жиҳозлашни таъминлайди.

5. Қуйидагилар:

Тошкент шаҳридаги "А.И. Герцен номидаги Россия давлат педагогика университети" Федерал давлат бюджети олий таълим муассасаси филиалини ташкил этиш бўйича ташкилий комиссия таркиби 1-иловага мувофиқ;

Тошкент шаҳридаги "А.И. Герцен номидаги Россия давлат педагогика университети" Федерал давлат бюджети олий таълим муассасаси филиалининг Васийлик кенгаши таркиби 2-иловага мувофиқ тасдиқлансин.

6. Ташкилий комиссияга қуйидаги вазифалар юклатилсин:

Филиал фаолиятини ташкил этиш ишларини бошқариш, унинг тўлақонли фаолият юритиши билан боғлиқ ташкилий, молиявий, ҳуқуқий, иқтисодий, ўқув-методик, моддий-техник таъминлаш ва бошқа масалаларни ҳал қилиш;

Филиал фаолиятини ташкил этиш масалалари бўйича Университет раҳбарияти билан музокаралар олиб бориш ва ўзаро ҳамкорлик қилиш;

Филиалнинг бино ва иншоотлари бўйича зарур лойиҳа, қурилиш-монтаж ва таъмирлаш-тиклаш ишларини олиб бориш ҳамда жиҳозлаш, инфратузилмасини яратиш, моддий-техник таъминлашга доир тармоқ жадвалларини ишлаб чиқиш ва тасдиқлаш;

Филиал фаолиятини ташкил этиш бўйича тасдиқланган жадвалларда белгиланган вазифаларнинг бажарилиши юзасидан мунтазам назорат қилиш ва мониторинг олиб бориш.

7. Қуйидагилар Васийлик кенгашининг асосий вазифалари этиб белгилансин:

таълим жараёнини, талабаларнинг ўқув ҳамда педагогик амалиётини самарали ташкил этиш ва такомиллаштириш, бакалавр ва магистрлар тайёрлаш сифатини тизимли равишда ошириш, Филиал битирувчиларини ишга жойлаштириш, меҳнат бозорининг кейинги ривожини ҳисобга олган ҳолда, мутахассислар ва илмий-техник кадрлар тайёрлашнинг истиқболли йўналишларини белгилашда кўмаклашиш;

Филиал фаолиятининг жадал ривожланишини таъминлаш учун хайрия, техник кўмак маблағларини (грантларни) ва бошқа бюджетдан ташқари маблағларни жалб этиш;

Филиалнинг моддий-техник, ўқув-методик базасини мустаҳкамлаш, уни замонавий ўқув-лаборатория ускуналари ва ўқув-методик адабиётлар билан жиҳозлаш, ижтимоий инфратузилмасини яхшилашга кўмаклашиш;

талабаларни, энг аввало, етим ва ота-она қарамоғидан маҳрум бўлган болаларни ижтимоий ҳимоя қилишни таъминлаш, иқтидорли талабаларни ўқитиш учун стипендиялар ажратиш, талабаларнинг яшаш шароитларини яхшилаш ва яшаш жойларида бўш вақтларидан самарали фойдаланишни ташкил этиш, шунингдек, уларнинг дам олишлари учун зарур шарт-шароитлар яратишга кўмаклашиш;

кенг истиқболли талабаларни танлов асосида Университет ва соҳага ихтисослашган хориждаги бошқа етакчи таълим ташкилотларига стажировка ўташга юбориш учун танлаб олишни ҳамда уларга хорижда таҳсил олиш учун махсус стипендиялар ажратишни ташкил этиш.

8. Белгилаб қўйилсинки:

а) Филиалга қабул параметрлари Филиал томонидан педагог кадрларга бўлган реал эҳтиёжни ҳисобга олиб, Молия вазирлиги, Мактабгача таълим вазирлиги, Олий ва ўрта махсус таълим вазирлиги, Иқтисодий тараққиёт ва камбағалликни қисқартириш вазирлиги ҳамда Университет билан келишилган ҳолда тасдиқланади;

б) Филиалга талабаларни ўқишга қабул қилиш давлат гранти ҳамда тўлов-контракт асосида амалга оширилади. Бунда, давлат гранти асосида таълим олган Филиал битирувчилари уч йилдан кам бўлмаган муддатга мажбурий ишлаб бериш шарти билан Ўзбекистон Республикасининг давлат мактабгача таълим ташкилотлари ёки таълим соҳасидаги бошқарув органларига тақсимланади;

в) Филиалда ўқитишнинг тўлов-контракт миқдори Филиал томонидан Мактабгача таълим вазирлиги, Олий ва ўрта махсус таълим вазирлиги ҳамда Университет билан келишилган ҳолда белгиланади;

г) Филиал фаолиятини молиялаштириш қуйидаги манбалар ҳисобидан амалга оширилади:

Филиалга ўқишга қабул қилинган талабалар умумий сонининг 30 фоизидан ошмаган ҳолда давлат гранти асосида талабаларни ўқитиш учун Мактабгача таълим вазирлигига ажратиладиган Давлат бюджети маблағлари;

талабаларни тўлов-контракт асосида ўқитишдан тушадиган маблағлар;

юридик ва жисмоний шахсларнинг ҳомийлик хайриялари;

Васийлик кенгаши қарорлари асосида шакллантириладиган маблағлар;

халқаро молия институтлари ва хорижий ташкилотларнинг грантлари;

қонун ҳужжатлари билан тақиқланмаган бошқа манбалар;

д) Филиалга Университетдан жалб қилинадиган профессор ва ўқитувчиларнинг хизмат сафари ва меҳнатига ҳақ тўлаш харажатлари ўқув жараёнининг эҳтиёжларидан келиб чиқиб, тузилган шартномаларга мувофиқ амалга оширилади;

е) Филиалнинг дарс жараёнида фойдаланиладиган махсус ускуналар билан ишлаш кўникмасига эга, юқори малакали ходимлари учун Филиалнинг бюджетдан ташқари маблағлари ҳисобидан шахсий устамалар белгиланиши мумкин;

ж) жорий йилда Филиални сақлаш учун бюджет маблағлари Мактабгача таълим вазирлигига Давлат бюджетидан ажратилган маблағлар доирасида ажратилади ва 2021 йилдан бошлаб Давлат бюджети параметрларида назарда тутилади;

з) Филиалга ўқитувчилик ва илмий фаолият олиб бориш учун таклиф этиладиган хорижлик профессор-ўқитувчиларнинг яшаш ҳамда транспорт харажатларини тузиладиган шартномалар асосида Ўзбекистон Республикаси фуқаролари учун белгиланган тарифларда тўлашга рухсат берилади.

9. Ўзбекистон давлат жаҳон тиллари университети қошидаги Академик лицейнинг Тошкент шаҳри, Яккасарой тумани, Бобур кўчаси, 55-уй манзилида жойлашган бино ва иншоотлари оператив бошқариш ҳуқуқи билан Мактабгача таълим вазирлигига берилсин ва кейинчалик Филиал ушбу жойда текин фойдаланиш ҳуқуқи асосида жойлаштирилсин.

Ўзбекистон давлат жаҳон тиллари университети қошидаги Академик лицей Тошкент тўқимачилик ва енгил саноат институтига берилган Тошкент транспорт касб-ҳунар коллежининг Тошкент шаҳри, Чилонзор тумани, 20д-мавзе, 35а-уй манзилида жойлашган ўқув биносига текин фойдаланиш ҳуқуқи асосида вақтинчалик жойлаштирилсин.

Белгилансинки, Ўзбекистон давлат жаҳон тиллари университети қошидаги Академик лицей келгусида Ўзбекистон давлат жаҳон тиллари университетининг Тошкент шаҳри, Учтепа тумани, Заковат кўчаси, 4-уй манзилида мазкур университетнинг ўз маблағлари ҳисобидан 2020-2022 йилларда қурилиши режалаштирилган янги ўқув биноларига жойлаштирилади.

10. Мактабгача таълим вазирлиги Олий ва ўрта махсус таълим вазирлиги ҳамда Университет билан ҳамкорликда:

а) бир ой муддатда:

Филиалнинг таъсис ҳужжатларини ишлаб чиқсин ва тасдиқласин, шунингдек, Филиални белгиланган тартибда давлат рўйхатидан ўтказсин;

Филиалнинг тузилмаси ва штат жадвалини тасдиқласин;

б) 2021/2022 ўқув йили бошлангунига қадар Филиални танлов асосида малакали профессор-ўқитувчилар билан таъминласин.

11. Филиал жойлаштирилган бино ва иншоотларни реконструкция қилиш, таъмирлаш ва жиҳозлаш бўйича:

а) қуйидагилар:

буюртмачи этиб - Мактабгача таълим вазирлиги ҳузуридаги Инфратузилмани ривожлантириш инжиниринг компанияси;

бош лойиҳачи этиб - Мактабгача таълим вазирлиги ҳузуридаги Ихтисослаштирилган лойиҳа-изланиш институти белгилансин;

б) бош пудратчи ташкилот белгиланган тартибда танлов (тендер) савдолари орқали аниқлансин.

12. Мактабгача таълим вазирлиги ҳамда Олий ва ўрта махсус таълим вазирлиги мазкур қарорнинг 9-банди биринчи хатбошисида кўрсатилган бино ва иншоотларни лойиҳалаштириш, қурилиш-таъмирлаш ва жиҳозлаш ишларини 2020 йил Инвестиция дастури доирасидаги мактабгача таълим ташкилотларини қуриш ва реконструкция қилиш бўйича ўтказилган тендер савдолари натижаларига кўра иқтисод қилинган маблағлар ва Олий таълим муассасаларини ривожлантириш жамғармаси маблағлари ҳисобига белгиланган тартибда амалга оширсин.

Иқтисодий тараққиёт ва камбағалликни қисқартириш вазирлиги манфаатдор вазирлик ва идоралар билан биргаликда тасдиқланган лойиҳа-смета ҳужжатларига асосан мазкур қарорнинг 9-банди биринчи хатбошисида кўрсатилган бино ва иншоотларни реконструкция қилишнинг 2021 йилга мўлжалланган Инвестиция дастурига белгиланган тартибда киритилишини таъминласин.

13. Молия вазирлиги Филиалга иккита енгил автотранспорт, жумладан битта хизмат ва битта навбатчи автотранспорт воситасини сақлаш учун лимит ажратсин.

14. 2023 йилнинг 1 январига қадар Филиални реконструкция қилиш, капитал таъмирлаш, жиҳозлаш ва унинг фаолиятини таъминлаш учун белгиланган тартибда шакллантириладиган рўйхатлар бўйича олиб кириладиган, Ўзбекистон Республикасида ишлаб чиқарилмайдиган ўқув ва илмий-лаборатория жиҳозлари, компьютер техникаси, дастурий маҳсулотлар, ўқув ва илмий-услубий адабиётлар, инвентарлар, қурилиш материаллари ва моддий-техник ресурслар божхона тўловларидан (қўшилган қиймат солиғи ва божхона расмийлаштируви йиғимларидан ташқари) озод этилсин.

15. Ўзбекистон Республикаси Президентининг айрим ҳужжатларига 3-иловага мувофиқ ўзгартириш ва қўшимчалар киритилсин.

16. Мактабгача таълим вазирлиги, Олий ва ўрта махсус таълим вазирлиги манфаатдор вазирлик ва идоралар билан биргаликда бир ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

17. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси А.А. Абдувахитов ва Ўзбекистон Республикаси Бош вазирининг ўринбосари Б.А. Мусаев зиммасига юклансин.

Ўзбекистон Республикаси Президенти                                   Ш. Мирзиёев

Ўзбекистон Республикаси

Президентининг

2020 йил 8 октябрдаги

ПҚ-4857-сон қарорига

1-ИЛОВА

Тошкент шаҳрида "А.И. Герцен номидаги

Россия давлат педагогика университети" Федерал

давлат бюджети олий таълим муассасаси филиалини

ташкил этиш бўйича ташкилий комиссия

ТАРКИБИ

           

Изоҳ. Ташкилий комиссия аъзолари бошқа ишга ўтган тақдирда унинг таркибига ушбу лавозимга янги тайинланган ёки тегишли функцияларни бажариш юкланган шахслар киритилади.

Ўзбекистон Республикаси

Президентининг

2020 йил 8 октябрдаги

ПҚ-4857-сон қарорига

2-ИЛОВА

Тошкент шаҳридаги "А.И. Герцен номидаги

Россия давлат педагогика университети" Федерал

давлат бюджети олий таълим муассасаси

филиалининг Васийлик кенгаши

ТАРКИБИ

            

Изоҳ. Васийлик кенгаши аъзолари бошқа ишга ўтган тақдирда унинг таркибига ушбу лавозимга янги тайинланган ёки тегишли функцияларни бажариш юкланган шахслар киритилади.

Ўзбекистон Республикаси

Президентининг

2020 йил 8 октябрдаги

ПҚ-4857-сон қарорига

3-ИЛОВА

Ўзбекистон Республикаси Президентининг

айрим ҳужжатларига киритилаётган

ўзгартириш ва қўшимчалар

1. Ўзбекистон Республикаси Президентининг 2017 йил 30 сентябрдаги "Мактабгача таълим тизими бошқарувини тубдан такомиллаштириш чора-тадбирлари тўғрисида"ги ПФ-5198-сон Фармонида:

а) 2-бандда:

тўртинчи, олтинчи, саккизинчи - ўнинчи хатбошилардаги тегишли келишикдаги "мактабгача таълим муассасалари" сўзлари тегишли келишикдаги "мактабгача таълим ташкилотлари" сўзлари билан алмаштирилсин;

еттинчи хатбошидаги "муассасалари раҳбар" сўзлари "ташкилотлари директор" сўзи билан алмаштирилсин;

б) 3-банддаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин;

в) 5-банд қуйидаги таҳрирда баён этилсин:

"5. Ўзбекистон Республикаси Халқ таълими вазирлигининг Мактабгача таълим ташкилотлари ходимларини қайта тайёрлаш ва уларнинг малакасини ошириш республика ўқув-методика маркази негизида Мактабгача таълим ташкилотлари директор ва мутахассисларини қайта тайёрлаш ва малакасини ошириш институти (кейинги ўринларда - Институт) ташкил этилиб, Ўзбекистон Республикаси Мактабгача таълим вазирлиги таркибига киритилсин ҳамда унга илғор хорижий тажриба асосида мактабгача таълим ташкилотларининг директор ва мутахассисларида замонавий менежмент ва педагогик технологиялар бўйича соҳага оид билимлар ва кўникмаларни шакллантириш вазифалари юклатилсин";

г) 6-банднинг бешинчи хатбошидаги "мактабгача таълим муассасаларини" сўзлари "мактабгача таълим ташкилотларини" сўзлари билан алмаштирилсин.

2. Ўзбекистон Республикаси Президентининг 2018 йил 5 мартдаги "Жисмоний тарбия ва спорт соҳасида давлат бошқаруви тизимини тубдан такомиллаштириш чора-тадбирлари тўғрисида"ги ПФ-5368-сон Фармонида:

2 ва 3-бандларнинг учинчи хатбошиларидаги ҳамда 5-банднинг иккинчи-учинчи хатбошиларидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин;

4-банднинг иккинчи хатбошидаги "мактабгача таълим муассасаларида" сўзлари "мактабгача таълим ташкилотларида" сўзлари билан алмаштирилсин.

3. Ўзбекистон Республикаси Президентининг 2018 йил 27 июндаги "Обод маҳалла" дастури тўғрисида"ги ПФ-5467-сон Фармони 2-бандининг саккизинчи хатбошидаги "мактабгача таълим муассасаларини" сўзлари "мактабгача таълим ташкилотларини" сўзлари билан алмаштирилсин.

4. Ўзбекистон Республикаси Президентининг 2018 йил 17 августдаги ПФ-5515-сон Фармони билан тасдиқланган Тошкент шаҳрининг бошқарув тизимини тубдан ислоҳ қилиш бўйича "Йўл харитаси"да "Тадбирлар номланиши" устуни 9-позициясидаги "мактабгача таълим муассасалари", "мактабгача таълим муассасаларини" ва "мактабгача таълим муассасаларига" сўзлари тегишинча "мактабгача таълим ташкилотлари", "мактабгача таълим ташкилотларини" ва "мактабгача таълим ташкилотларига" сўзлари билан алмаштирилсин.

5. Ўзбекистон Республикаси Президентининг 2018 йил 11 октябрдаги "Давлат мулки объектларини ва ер участкаларига бўлган ҳуқуқларни тадбиркорлик субъектларига сотиш тартибини соддалаштириш бўйича қўшимча чора-тадбирлар тўғрисида"ги ПФ-5552-сон Фармони 4-бандининг иккинчи хатбошидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин.

6. Ўзбекистон Республикаси Президентининг 2019 йил 9 январдаги ПФ-5618-сон Фармони билан тасдиқланган Жамиятда ҳуқуқий маданиятни юксалтириш Концепцияси 3-бўлимининг 3, 4-бандларидаги, 6-банднинг бешинчи хатбошидаги "Мактабгача таълим муассасаларида" ва "мактабгача таълим муассасалари" сўзлари тегишинча "Мактабгача таълим ташкилотларида" ва "мактабгача таълим ташкилотлари" сўзлари билан алмаштирилсин.

7. Ўзбекистон Республикаси Президентининг 2019 йил 4 декабрдаги "Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида"ги ПФ-5887-сон Фармонида:

5-банднинг иккинчи хатбошидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин;

Фармонга 1-илованинг "Субъектлар" ва "Тадбирлар" устунлари I-босқичидаги "Мактабгача таълим муассасалари", "Мактабгача таълим муассасаларининг" сўзлари тегишинча "Мактабгача таълим ташкилотлари", "Мактабгача таълим ташкилотларининг" сўзлари билан алмаштирилсин;

Фармонга 2-илова 1-параграфнинг еттинчи ва саккизинчи хатбошиларидаги "мактабгача таълим муассасаларининг" сўзлари "мактабгача таълим ташкилотларининг" сўзлари билан алмаштирилсин;

Фармонга 4-илованинг "Кўрсаткичлар" устуни 1-позициядаги "Мактабгача таълим муассасалари" сўзлари "Мактабгача таълим ташкилотлари" сўзлари билан алмаштирилсин.

8. Ўзбекистон Республикаси Президентининг 2020 йил 24 январдаги ПФ-5924-сон Фармони билан тасдиқланган Ўзбекистон Республикасида жисмоний тарбия ва спортни 2025 йилгача ривожлантириш Концепцияси 5.4-бандининг иккинчи хатбошидаги "мактабгача таълим муассасаларидан" сўзлари "мактабгача таълим ташкилотларидан" сўзлари билан алмаштирилсин.

9. Ўзбекистон Республикаси Президентининг 2017 йил 9 сентябрдаги "Мактабгача таълим тизимини тубдан такомиллаштириш чора-тадбирлари тўғрисида"ги ПҚ-3261-сон қарорида:

а) 2-банднинг биринчи - бешинчи хатбошилари қуйидаги таҳрирда баён этилсин:

"2. Белгилаб қўйилсинки, 2018 йил 1 январдан бошлаб Тошкент, Нукус шаҳарларида, вилоятлар марказларида эксперимент тариқасида давлат-хусусий шериклик шартларида, шу жумладан қуйидагиларни назарда тутган ҳолда янги мактабгача таълим ташкилотлари ташкил этилади:

замонавий ижтимоий-ҳаммабоп мактабгача таълим ташкилотларини ташкил этиш мақсадида инвесторларга ер участкалари, бўш турган бинолар, шу жумладан фаолият юритмаётган ва тарбияланувчилар сони кам бўлган давлат мактабгача таълим ташкилотларини беғараз ажратиш;

инвесторларга мактабгача таълим ташкилотларини, айниқса, шундай ташкилотларга юқори эҳтиёж мавжуд бўлган ва инфратузилмаси ривожланмаган ҳудудларда ташкил этиш учун зарур бўлган солиқ имтиёзлари ва бошқа преференцияларни, шунингдек, имтиёзли кредитларни тақдим этиш имконияти;

инвесторлар томонидан ваколатли давлат органлари билан 50 йил муддатга тузиладиган давлат-хусусий шериклик тўғрисидаги келишув асосида лойиҳани амалга ошириш;

инвесторлар томонидан давлат-хусусий шериклик тўғрисидаги келишувда назарда тутилган шартларга, мактабгача таълим соҳасидаги давлат талабларига, санитария-гигиена нормаларига қатъий риоя этиш, келишув амал қилишининг бутун муддати давомида фаолият йўналишини сақлаб қолиш бўйича мажбуриятларни қабул қилиш, шунингдек, мактабгача таълим ташкилотлари хизмати нархининг ижтимоий ҳаммабоплигини таъминлаш;"

б) 3-банднинг биринчи хатбошидаги "мактабгача таълим муассасаларига" сўзлари "мактабгача таълим ташкилотларига" сўзлари билан алмаштирилсин;

в) 6-банднинг бешинчи - саккизинчи хатбошиларидаги тегишли келишикдаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин.

10. Ўзбекистон Республикаси Президентининг 2017 йил 29 сентябрдаги "Навоий вилоятининг Томди, Учқудуқ, Конимех Нурота туманлари ва Зарафшон шаҳрини комплекс ривожлантириш ҳамда аҳолиси бандлигини таъминлашга доир қўшимча чора-тадбирлар тўғрисида"ги ПҚ-3301-сон қарори 7-бандидаги "мактабгача таълим муассасаларида" сўзлари "мактабгача таълим ташкилотларида" сўзлари билан алмаштирилсин.

11. Ўзбекистон Республикаси Президентининг 2017 йил 30 сентябрдаги "Ўзбекистон Республикаси Мактабгача таълим вазирлиги фаолиятини ташкил этиш тўғрисида"ги ПҚ-3305-сон қарорида:

1-банднинг иккинчи хатбошидаги "Мактабгача таълим муассасалари раҳбар" сўзлари "Мактабгача таълим ташкилотлари директор" сўзлари билан алмаштирилсин;

3-банднинг тўртинчи хатбошидаги "мактабгача таълим муассасаларида" сўзлари "мактабгача таълим ташкилотларида" сўзлари билан алмаштирилсин;

қарорга 6-илованинг номидаги "Мактабгача таълим муассасалари раҳбарлари" сўзлари "Мактабгача таълим ташкилотлари директорлари" сўзлари билан алмаштирилсин.

12. Ўзбекистон Республикаси Президентининг 2017 йил 29 ноябрдаги "Ички ишлар органлари кадрлари билан ишлаш ва уларнинг хизматини ташкил этиш тартибини тубдан такомиллаштириш чора-тадбирлари тўғрисида"ги ПҚ-3413-сон қарорида:

5-банднинг еттинчи хатбошидаги "мактабгача таълим муассасаларига" сўзлари "мактабгача таълим ташкилотларига" сўзлари билан алмаштирилсин;

қарорга 1-илованинг 125-бандидаги "мактабгача таълим муассасаларига" сўзлари "мактабгача таълим ташкилотларига" сўзлари билан алмаштирилсин.

13. Ўзбекистон Республикаси Президентининг 2018 йил 28 февралдаги "Давлат мактабгача таълим муассасалари ходимларининг айрим тоифалари меҳнатига ҳақ тўлашни такомиллаштириш чора-тадбирлари тўғрисида"ги ПҚ-3571-сон қарорида:

а) қарор номи ва муқаддимадаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин;

б) 1-бандда:

биринчи хатбошидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин;

"а" кичик бандидаги "мудирлар" сўзи "директорлар" сўзи билан алмаштирилсин;

"б" кичик бандининг тўртинчи хатбошидаги "мактабгача таълим муассасалари мудирлари" сўзлари "мактабгача таълим ташкилотлари директорлари" сўзлари билан алмаштирилсин;

в) 2 ва 3-бандлардаги "мактабгача таълим муассасаларида" сўзлари "мактабгача таълим ташкилотларида" сўзлари билан алмаштирилсин;

г) 4-банднинг учинчи хатбошидаги "мактабгача таълим муассасаларини" сўзлари "мактабгача таълим ташкилотларини" сўзлари билан алмаштирилсин;

д) 5-банддаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин.

14. Ўзбекистон Республикаси Президентининг 2018 йил 5 апрелдаги "Мактабгача таълим тизимини янада рағбатлантириш ва ривожлантириш чора-тадбирлари тўғрисида"ги ПҚ-3651-сон қарорида:

муқаддиманинг биринчи - бешинчи хатбошиларидаги тегишли келишикдаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин;

1-банд қуйидаги таҳрирда баён этилсин:

"1. Ўзбекистон Республикаси Мактабгача таълим вазирлиги, Молия вазирлиги, Давлат активларини бошқариш агентлиги, Савдо-саноат палатаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг мактабгача таълим соҳасида давлат-хусусий шерикликнинг қуйидаги шаклларини жорий этиш тўғрисидаги таклифларига розилик берилсин:

нодавлат мактабгача таълим ташкилотларининг биноларини қуриш учун бепул асосда доимий фойдаланишга ер майдонлари тақдим этиш;

нодавлат мактабгача таълим ташкилотлари биноларини қуриш учун фаолият юритаётган давлат мактабгача таълим ташкилотларининг ҳудудида бепул асосда доимий фойдаланишга ер майдонлари ажратиб бериш;

мавжуд давлат мактабгача таълим ташкилотларини реконструкция қилиш ва жиҳозлаш, кейинчалик эса уларни оталиққа олиш шарти билан нодавлат мактабгача таълим ташкилотлари объектларини қуриш учун бепул асосда ер майдонларини тақдим этиш;

концессия асосида қурилиш учун ер участкаси ёки реконструкция қилиш ва жиҳозлаш учун бино ажратиш;

бўш ётган давлат мулки объектларини, шу жумладан фаолият кўрсатмаётган давлат мактабгача таълим ташкилотларининг биноларини "ноль" харид қийматида сотиш;

тўлиқ бутланмай қолган давлат мактабгача таълим ташкилотларининг фойдаланилмаётган хоналари ёки корпусларини узоқ муддатли бепул мақсадли фойдаланиш учун хусусий шерикларга топшириш;

хусусий шерикнинг мол-мулки негизида ташкил қилинган нодавлат мактабгача таълим ташкилотларини моддий-техник ва молиявий таъминлаш;

оилавий нодавлат мактабгача таълим ташкилотларини моддий-техник ва методик таъминлаш;

оталиқ шаклидаги хайрия фаолиятини олиб бориш.

Белгилансинки, мактабгача таълим соҳасида давлат-хусусий шериклик Ўзбекистон Республикаси Вазирлар Маҳкамаси томонидан ўрнатиладиган бошқа шаклларда ҳам амалга оширилиши мумкин.";

2-бандининг иккинчи ва учинчи хатбошиларидаги "муассасалари" ва "муассасаларини" сўзлари тегишинча "ташкилотлари" ва "ташкилотларини" сўзлари билан алмаштирилсин;

5-банднинг иккинчи ва учинчи хатбошилари қуйидаги таҳрирда баён этилсин:

"нодавлат мактабгача таълим ташкилотларининг ривожлантириш ва давлат-хусусий шерикликни рағбатлантириш тадбирларини молиялаштиришга йўналтириладиган маблағларни Ўзбекистон Республикаси Молия вазирлигининг алоҳида очиладиган ҳисобварақ (кейинги ўринларда - махсус ҳисобварақ)да жамлаш тўғрисидаги;

нодавлат мактабгача таълим ташкилотлари харажатларининг бир қисмини қоплаш учун давлат-хусусий шериклик шартлари асосида ташкил қилинган шундай ташкилотларга давлат мактабгача таълим ташкилотининг бир нафар тарбияланувчисига сарфланадиган сумманинг 50 фоизига қадар миқдорда Ўзбекистон Республикасининг Давлат бюджетидан субсидиялар ажратиш тартибини жорий этиш тўғрисидаги таклифлари қабул қилинсин.";

7-банднинг иккинчи хатбошидаги "муассасаларини" сўзи "ташкилотларини" сўзи билан алмаштирилсин;

8-банд қуйидаги таҳрирда баён этилсин:

"8. Давлат-хусусий шериклик тўғрисидаги битимлар амал қилишининг қуйидаги муддатлари белгилансин:

нодавлат мактабгача таълим ташкилотларининг биноларини қуриш учун бепул асосда доимий фойдаланишга ер майдонлари тақдим этиш битими - камида 30 йил;

бўш ётган давлат мулки объектларини, шу жумладан фаолият кўрсатмаётган давлат мактабгача таълим ташкилотларининг биноларини "ноль" харид қийматида сотиш битими - камида 30 йил;

тўлиқ бутланмай қолган давлат мактабгача таълим ташкилотларининг фойдаланилмаётган хоналари ёки корпусларини узоқ муддатли бепул мақсадли фойдаланиш учун хусусий шерикларга топшириш битими - камида 30 йил;

нодавлат мактабгача таълим ташкилотлари биноларини қуриш учун фаолият юритаётган давлат мактабгача таълим ташкилотларининг ҳудудида бепул асосда доимий фойдаланишга ер майдонлари ажратиб бериш битими - камида 30 йил;

мавжуд давлат мактабгача таълим ташкилотларини реконструкция қилиш ва жиҳозлаш, кейинчалик эса уларни оталиққа олиш шарти билан нодавлат мактабгача таълим ташкилотлари объектларини қуриш учун бепул асосда ер майдонларини тақдим этиш битими - камида 30 йил;

концессия асосида қурилиш учун ер майдони ёки реконструкция қилиш ва жиҳозлаш учун бино ажратиш битими - 15 йилгача;

хусусий шерикнинг мол-мулки негизида ташкил қилинган нодавлат мактабгача таълим ташкилотларини моддий жиҳатдан таъминлаш битими - камида 10 йил;

оилавий нодавлат мактабгача таълим ташкилотларини моддий-техник ва методик таъминлаш битими - камида 3 йил;

оталиқ шаклидаги хайрия фаолиятини олиб бориш битими - камида 1 йил.

Ўз фаолиятини олинган имтиёзли кредит асосида ёки давлат-хусусий шериклик шартларида тадбиркорлик субъектларига топширилган объектларда бошлаган нодавлат мактабгача таълим ташкилотининг фаолиятини у ташкил этилган кундан бошлаб 30 йил мобайнида қайта ихтисослаштириш тақиқланади.";

9-банднинг биринчи, иккинчи, учинчи ва бешинчи хатбошиларидаги тегишли келишикдаги "мактабгача таълим нодавлат муассасаси" сўзлари "нодавлат мактабгача таълим ташкилоти" сўзлари билан алмаштирилсин;

10-бандда:

иккинчи ва тўртинчи хатбошиларидаги тегишли келишикдаги "мактабгача таълим нодавлат муассасалари" сўзлари "нодавлат мактабгача таълим ташкилотлари" сўзлари билан алмаштирилсин;

учинчи хатбошидаги "муассасаларини" сўзи "ташкилотларини" сўзи билан алмаштирилсин;

11-банднинг тўртинчи ва бешинчи хатбошиларидаги тегишли келишикдаги "мактабгача таълим нодавлат муассасалари" сўзлари "нодавлат мактабгача таълим ташкилотлари" сўзи билан алмаштирилсин;

12-банднинг учинчи хатбошидаги "муассасаларига" сўзи "ташкилотларига" сўзи билан алмаштирилсин;

13-бандининг учинчи ва бешинчи хатбошиларидаги "муассасалари" сўзи "ташкилотлари" сўзи билан алмаштирилсин;

қарорга 1-иловада:

2-банднинг еттинчи-саккизинчи, ўн учинчи-ўн тўртинчи хатбошиларидаги тегишли келишикдаги "муассаса" сўзи "ташкилот" сўзи билан алмаштирилсин;

4-банднинг иккинчи - олтинчи, саккизинчи-тўққизинчи хатбошиларидаги тегишли келишикдаги "муассаса" сўзи "ташкилот" сўзи билан алмаштирилсин;

8-банддаги "мактабгача таълим муассасаларини" сўзлари "мактабгача таълим ташкилотларини" сўзлари билан алмаштирилсин;

17-банднинг тўртинчи - олтинчи хатбошиларидаги "муассасаси" сўзи "ташкилоти" сўзи билан алмаштирилсин;

23-банднинг тўртинчи, ўнинчи, ўн учинчи хатбошиларидаги тегишли келишикдаги "муассасаси" сўзи "ташкилоти" сўзи билан алмаштирилсин;

29-банддаги "муассасалари" сўзи "ташкилотлари" сўзи билан алмаштирилсин;

33-банднинг тўртинчи-бешинчи хатбошиларидаги тегишли келишикдаги "муассаса" сўзи "ташкилот" сўзи билан алмаштирилсин;

34-банднинг тўртинчи-бешинчи, саккизинчи хатбошиларидаги тегишли келишикдаги "муассаса" сўзи "ташкилот" сўзи билан алмаштирилсин;

35-банднинг биринчи, саккизинчи-тўққизинчи хатбошиларидаги тегишли келишикдаги "муассаса" сўзи "ташкилот" сўзи билан алмаштирилсин;

37-банднинг тўртинчи хатбошидаги "муассасаларини" сўзи "ташкилотларини" сўзи билан алмаштирилсин;

6-боб номидаги "муассасаларининг" сўзи "ташкилотларининг" сўзи билан алмаштирилсин;

38-банддаги "муассасаларини" сўзи "ташкилотларини" сўзи билан алмаштирилсин;

42-банднинг иккинчи хатбошидаги "муассасаларини" сўзи "ташкилотларини" сўзи билан алмаштирилсин;

46-банднинг учинчи хатбошидаги "муассасасининг" сўзи "ташкилотининг" сўзи билан алмаштирилсин;

47-банднинг иккинчи ва учинчи хатбошиларидаги "муассасасини" ва "муассасалари" сўзлари тегишинча "ташкилотини" ва "ташкилотлари" сўзлари билан алмаштирилсин;

7-боб номидаги "муассасаларининг" сўзи "ташкилотларининг" сўзи билан алмаштирилсин;

48-банддаги "муассасаларининг" сўзи "ташкилотларининг" сўзи билан алмаштирилсин;

49-банддаги "муассасаларининг" сўзи "ташкилотларининг" сўзи билан алмаштирилсин;

57-банднинг учинчи хатбошидаги "муассасасининг" сўзи "ташкилотининг" сўзи билан алмаштирилсин;

58-банднинг иккинчи ва учинчи хатбошиларидаги "муассасаларини" ва "муассасалари" сўзлари тегишинча "ташкилотларини" ва "ташкилотлари" сўзлари билан алмаштирилсин;

8-боб номидаги "муассасаларининг" сўзи "ташкилотларининг" сўзи билан алмаштирилсин;

65-банднинг учинчи хатбошидаги "муассасасининг" сўзи "ташкилотининг" сўзи билан алмаштирилсин;

66-банднинг иккинчи ва учинчи хатбошидаги "муассасаларининг", "муассасасининг" ва "муассасалари" сўзлари тегишинча "ташкилотларининг", "ташкилотининг" ва "ташкилотлари" сўзлари билан алмаштирилсин;

9-боб номидаги "муассасалари" сўзи "ташкилотлари" сўзи билан алмаштирилсин;

67-банддаги "муассасалари" сўзи "ташкилотлари" сўзи билан алмаштирилсин;

71-банднинг иккинчи хатбошидаги "муассасаларини" сўзи "ташкилотларини" сўзи билан алмаштирилсин;

75-банднинг учинчи хатбошидаги "муассасасининг" сўзи "ташкилотининг" сўзи билан алмаштирилсин;

76-банднинг иккинчи ва учинчи хатбошиларидаги "муассасаларини" "муассасаси", "муассасасини" ва "муассасалари" сўзлари тегишинча "ташкилотларини", "ташкилоти", "ташкилотини" ва "ташкилотлари" сўзлари билан алмаштирилсин;

10-боб номидаги "муассасаларини" ва "муассасалари" сўзлари тегишинча "ташкилотларини" ва "ташкилотлари" сўзлари билан алмаштирилсин;

77-банддаги "муассасасини" сўзи "ташкилотини" сўзи билан алмаштирилсин;

78-банддаги "муассасаси" сўзи "ташкилоти" сўзи билан алмаштирилсин;

82-бандднинг иккинчи хатбошидаги "муассасаларини" сўзи "ташкилотларини" сўзи билан алмаштирилсин;

86-банднинг иккинчи - тўртинчи хатбошиларидаги "муассасасини" ва "муассасаси" сўзлари тегишинча "ташкилотини" ва "ташкилоти" сўзлари билан алмаштирилсин;

87-банддаги "муассасасига" ва "муассасалари" сўзлари тегишинча "ташкилотига" ва "ташкилотлари" сўзлари билан алмаштирилсин;

88-банднинг биринчи, учинчи, тўртинчи, еттинчи, саккизинчи хатбошиларидаги тегишли келишикдаги "муассаса" сўзи "ташкилот" сўзи билан алмаштирилсин;

90-банднинг учинчи хатбошидаги "муассасасининг" сўзи "ташкилотининг" сўзи билан алмаштирилсин;

91-банднинг иккинчи ва учинчи хатбошидаги "муассасасини" ва "муассасалари" сўзлари тегишинча "ташкилотини" ва "ташкилотлари" сўзлари билан алмаштирилсин;

92-банддаги "муассасаси" сўзи "ташкилоти" сўзи билан алмаштирилсин;

12-боб номидаги "муассасаларини" сўзи "ташкилотларини" сўзи билан алмаштирилсин;

93-банддаги "муассасаларини" сўзи "ташкилотларини" сўзи билан алмаштирилсин;

97-бандда:

саккизинчи хатбошидаги "муассасасининг" сўзи "ташкилотининг" сўзи билан алмаштирилсин;

тўққизинчи хатбошидаги "муассасасининг раҳбарлари" сўзлари "ташкилотининг директорлари" сўзлари билан алмаштирилсин;

98-банддаги "муассасалари" сўзи "ташкилотлари" сўзи билан алмаштирилсин;

13-боб номидаги "муассасаларини" сўзи "ташкилотларини" сўзи билан алмаштирилсин;

100-банднинг биринчи хатбошидаги "муассасаси" сўзи "ташкилоти" сўзи билан алмаштирилсин;

103-банднинг иккинчи, учинчи ва бешинчи хатбошиларидаги "муассасалари" ва "муассасасини" сўзлари тегишинча "ташкилотлари" ва "ташкилотини" сўзлари билан алмаштирилсин;

104-банднинг иккинчи хатбошидаги "муассасалари" сўзи "ташкилотлари" сўзи билан алмаштирилсин;

107-банддаги "муассасаларига" сўзи "ташкилотларига" сўзи билан алмаштирилсин;

110-банднинг иккинчи, учинчи ва олтинчи хатбошиларидаги "муассасасига" ва "муассасаси" сўзлари тегишинча "ташкилотига" ва "ташкилоти" сўзлари билан алмаштирилсин;

111-банднинг учинчи хатбошидаги "муассасасига" сўзи "ташкилотига" сўзи билан алмаштирилсин;

15-боб номидаги "муассасаларига" сўзи "ташкилотларига" сўзи билан алмаштирилсин;

113-банддаги "муассасасининг" сўзи "ташкилотининг" сўзи билан алмаштирилсин;

116 ва 117-бандлардаги "муассасасига" сўзи "ташкилотига" сўзи билан алмаштирилсин.

15. Ўзбекистон Республикаси Президентининг 2018 йил 21 июндаги "Жаҳон иқтисодиёти ва дипломатия университети фаолиятини тубдан такомиллаштириш чора-тадбирлари тўғрисида"ги ПҚ-3795-сон қарори 7-бандининг тўққизинчи хатбошидаги "мактабгача таълим муассасаси" сўзлари "мактабгача таълим ташкилоти" сўзлари билан алмаштирилсин.

16. Ўзбекистон Республикаси Президентининг 2018 йил 27 июндаги ПҚ-3812-сон қарори билан тасдиқланган Маҳаллалар ҳудудларида аҳолига хизмат кўрсатадиган тузилма ва ташкилотларнинг тахминий рўйхати 2-бандидаги "Мактабгача таълим муассасалари" сўзлари "Мактабгача таълим ташкилотлари" сўзлари билан алмаштирилсин.

17. Ўзбекистон Республикаси Президентининг 2018 йил 2 июлдаги "Тошкент шаҳрида Пучон университетини ташкил этиш тўғрисида"ги ПҚ-3821-сон қарори 4-банднинг тўртинчи хатбошидаги "мактабгача таълим муассасаларининг" сўзлари "мактабгача таълим ташкилотларининг" сўзлари билан алмаштирилсин.

18. Ўзбекистон Республикаси Президентининг 2018 йил 16 августдаги "Оролбўйи минтақаси болалари учун реабилитация марказига эга бўлган давлат ихтисослаштирилган кўп тармоқли мактабгача таълим муассасасини ташкил этиш чора-тадбирлари тўғрисида"ги ПҚ-3909-сон қарорида:

қарор номидаги "мактабгача таълим муассасасини" сўзлари "мактабгача таълим ташкилотини" сўзлари билан алмаштирилсин;

1-банднинг иккинчи - тўртинчи хатбошиларидаги тегишли келишикдаги "мактабгача таълим муассасаси" сўзлари тегишли келишикдаги "мактабгача таълим ташкилоти" сўзлари билан алмаштирилсин;

2-банднинг биринчи, учинчи, бешинчи - еттинчи хатбошиларидаги тегишли келишикдаги "муассаса" сўзи тегишли келишикдаги "ташкилот" сўзи билан алмаштирилсин;

3-банднинг учинчи хатбошидаги "муассасанинг" сўзи "ташкилотнинг" сўзи билан алмаштирилсин;

11-банддаги "муассаса" сўзи "ташкилот" сўзи билан алмаштирилсин;

12-банддаги "муассасани" сўзи "ташкилотни" сўзи билан алмаштирилсин;

қарорга илова номидаги "мактабгача таълим муассасаси" сўзлари "мактабгача таълим ташкилоти" сўзлари билан алмаштирилсин.

19. Ўзбекистон Республикаси Президентининг 2018 йил 30 сентябрдаги "Мактабгача таълим тизимини бошқаришни такомиллаштириш чора-тадбирлари тўғрисида"ги ПҚ-3955-сон қарорида:

1-бандда:

"в" кичик банддаги "мактабгача таълим муассасаларини" сўзлари "мактабгача таълим ташкилотларини" сўзлари билан алмаштирилсин;

"г" кичик банднинг тўртинчи хатбошидаги "мактабгача таълим муассасаларининг" сўзлари "мактабгача таълим ташкилотларининг" сўзлари билан алмаштирилсин;

иккинчи қисм "а" кичик бандининг иккинчи ва еттинчи хатбошиларидаги "мактабгача таълим муассасаларини" ва "мактабгача таълим муассасалари" сўзлари тегишинча "мактабгача таълим ташкилотларини" ва "мактабгача таълим ташкилотлари" сўзлари билан алмаштирилсин;

3-банд "б" кичик бандининг иккинчи-учинчи хатбошиларидаги "мактабгача таълим муассасаси" сўзлари "мактабгача таълим ташкилоти" сўзлари билан алмаштирилсин;

5-бандда:

иккинчи хатбошидаги "Марказга" сўзи "Ўзбекистон Республикаси Мактабгача таълим вазирлиги муассислигидаги "Ахборот ва педагогика технологиялари инновацион маркази" масъулияти чекланган жамиятга (кейинги ўринларда - Марказ)" сўзлари билан алмаштирилсин;

учинчи хатбошидаги "мактабгача таълим муассасаларининг" сўзлари "мактабгача таълим ташкилотларининг" сўзлари билан алмаштирилсин;

6-банднинг иккинчи хатбошидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин;

8-банддаги "мактабгача таълим муассасаси" сўзлари "мактабгача таълим ташкилоти" сўзлари билан алмаштирилсин;

9-банднинг иккинчи - бешинчи хатбошиларидаги тегишли келишикдаги "мактабгача таълим муассасаси" сўзлари тегишли келишикдаги "мактабгача таълим ташкилоти" сўзлари билан алмаштирилсин;

10-банддаги "мактабгача таълим муассасаларини" сўзлари "мактабгача таълим ташкилотларини" сўзлари билан алмаштирилсин;

13-банд "б" кичик бандининг биринчи ва иккинчи хатбошиларидаги "мактабгача таълим муассасаси" сўзлари "мактабгача таълим ташкилоти" сўзлари билан алмаштирилсин;

16-банднинг биринчи ва иккинчи хатбошиларидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин;

қарорга 1-иловада:

"Мактабгача таълим муассасалари раҳбар ва мутахассисларини қайта тайёрлаш ва уларнинг малакасини ошириш институти" блокидаги "Мактабгача таълим муассасалари раҳбар" сўзлари "Мактабгача таълим ташкилотлари директор" сўзлари билан алмаштирилсин;

"Давлат мактабгача таълим муассасалари" блокидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин;

"Нодавлат мактабгача таълим муассасалари" блокидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин;

қарорга 2-иловада:

"Мактабгача таълим муассасалари фаолиятини ташкил этиш ва стратегик ривожлантириш бош бошқармаси" блокидаги "Мактабгача таълим муассасалари" сўзлари "Мактабгача таълим ташкилотлари" сўзлари билан алмаштирилсин;

"Давлат-хусусий шериклик асосида мактабгача таълим муассасалари фаолиятини ташкил этиш бошқармаси" блокидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин;

"Махсус мактабгача таълим муассасалари фаолиятини мувофиқлаштириш, болаларни реабилитация қилиш ва соғлиғини таъминлаш бўлими" блокидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин;

"Мактабгача таълим муассасаларида соғлом овқатланишни ташкил этиш бўлими" блокидаги "Мактабгача таълим муассасаларида" сўзлари "Мактабгача таълим ташкилотларида" сўзлари билан алмаштирилсин;

"Мактабгача таълим муассасаларини жиҳозлаш бўлими" блокидаги "Мактабгача таълим муассасаларини" сўзлари "Мактабгача таълим ташкилотларини" сўзлари билан алмаштирилсин.

20. Ўзбекистон Республикаси Президентининг 2018 йил 28 ноябрдаги ПҚ-4038-сон қарори билан тасдиқланган Ўзбекистон Республикасида миллий маданиятни янада ривожлантириш концепцияси 6-банди "ж" кичик бандининг учинчи хатбошидаги "мактабгача таълим муассасаларида" сўзлари "мактабгача таълим ташкилотларида" сўзлари билан алмаштирилсин.

21. Ўзбекистон Республикаси Президентининг 2019 йил 11 февралдаги "Етим болалар ва ота-онасининг қарамоғидан маҳрум бўлган болаларни ижтимоий ҳимоя қилишни кучайтиришга оид қўшимча чора-тадбирлар тўғрисида"ги ПҚ-4185-сон қарори 2-бандининг бешинчи хатбошидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин.

22. Ўзбекистон Республикаси Президентининг 2019 йил 9 апрелдаги ПҚ-4273-сон қарори билан тасдиқланган "Очиқ маълумотлар глобал индекси" ва "Очиқ маълумотлар барометри" талабларига мувофиқ маълумотларнинг очиқлиги ҳолатини ўрганиш, шунингдек Ўзбекистон Республикасининг Очиқ маълумотлар порталида тегишли индикаторларни жойлаштириш учун масъул вазирликлар ва идоралар рўйхатининг "Таркибий индикаторлар" устуни 18-позициясидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин.

23. Ўзбекистон Республикаси Президентининг 2019 йил 8 майдаги "Ўзбекистон Республикаси Мактабгача таълим тизимини 2030 йилгача ривожлантириш концепциясини тасдиқлаш тўғрисида"ги ПҚ-4312-сон қарорида:

1-банд "а" кичик бандининг олтинчи ва саккизинчи хатбошиларидаги "муассасалари" ва "муассасаларида" сўзлари тегишинча "ташкилотлари" ва "ташкилотларида" сўзлари билан алмаштирилсин;

4-банддаги "муассасаларини" сўзи "ташкилотларини" сўзи билан алмаштирилсин;

қарорга 1-иловада:

2-бобнинг биринчи, иккинчи, олтинчи - тўққизинчи, ўн биринчи, ўн учинчи, ўн тўртинчи, ўн саккизинчи ва ўн тўққизинчи хатбошиларидаги тегишли келишикдаги "муассасалар" сўзи тегишли келишикдаги "ташкилотлар" сўзи билан алмаштирилсин;

3-бобнинг еттинчи, тўққизинчи хатбошиларидаги "муассасалари" ва "муассасаларида" сўзлари тегишинча "ташкилотлари" ва "ташкилотларида" сўзлари билан алмаштирилсин;

1-параграфнинг бешинчи, еттинчи, тўққизинчи, ўн иккинчи хатбошиларидаги "муассасалари" сўзи "ташкилотлари" сўзи билан алмаштирилсин;

2-параграфнинг биринчи, бешинчи, олтинчи, ўн олтинчи хатбошиларидаги тегишли келишикдаги "муассасалар" сўзи "ташкилотлар" сўзи билан алмаштирилсин;

3-параграфнинг биринчи, учинчи, олтинчи, еттинчи, тўққизинчи, ўн биринчи, ўн учинчи, ўн тўртинчи, йигирманчи - йигирма учинчи хатбошиларидаги тегишли келишикдаги "муассасалар" сўзи "ташкилотлар" сўзи билан алмаштирилсин;

4-параграфнинг иккинчи, тўртинчи, саккизинчи, ўн биринчи, ўн тўртинчи хатбошиларидаги тегишли келишикдаги "муассаса" сўзи "ташкилот" сўзи билан алмаштирилсин;

5-параграф номидаги, учинчи, тўртинчи, олтинчи, ўн иккинчи - ўн бешинчи хатбошиларидаги тегишли келишикдаги "муассасалар" сўзи "ташкилотлар" сўзи билан алмаштирилсин;

6-параграфда:

учинчи хатбошидаги "таълим муассасалари" ва "муассасалари раҳбарлари" сўзлари "таълим ташкилотлари" ва "ташкилот директорлари" сўзлари билан алмаштирилсин;

ўн бешинчи хатбошидаги "таълим муассасалари раҳбарларига" сўзлари "таълим ташкилотлари директорларига" сўзлари билан алмаштирилсин;

7-параграф номидаги, биринчи, иккинчи, учинчи, бешинчи, олтинчи, еттинчи, саккизинчи хатбошиларидаги тегишли келишикдаги "муассаса" сўзи "ташкилот" сўзи билан алмаштирилсин;

4 -бобнинг тўртинчи, бешинчи, ўн биринчи хатбошиларидаги тегишли келишикдаги "муассаса" сўзи "ташкилот" сўзи билан алмаштирилсин.

Концепцияга илова қуйидаги таҳрирда баён қилинсин:

"Концепцияда назарда тутилган тадбирларни ўз вақтида,

сифатли ва тўлақонли ижро этиш бўйича ваколатли

органларнинг фаолиятини баҳолаш

ИНДИКАТОРЛАРИ

".

24. Ўзбекистон Республикаси Президентининг 2019 йил 22 августдаги "Иқтисодиёт тармоқлари ва ижтимоий соҳанинг энергия самарадорлигини ошириш, энергия тежовчи технологияларни жорий этиш ва қайта тикланувчи энергия манбаларини ривожлантиришнинг тезкор чора-тадбирлари тўғрисида"ги ПҚ-4422-сон қарори 4-бандининг "б" кичик банди биринчи хатбошидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин.

25. Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомнинг 199-бандидаги "мактабгача таълим муассасалари" сўзлари "мактабгача таълим ташкилотлари" сўзлари билан алмаштирилсин.

Қонун ҳужжатлари маълумотлари миллий базаси (www.lex.uz),

2020 йил 9 октябрь

"Ўзбекистон Республикаси қонун ҳужжатлари тўплами",

2020 йил 12 октябрь, 40-сон, 447-модда