ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Ер ва бошқа табиий ресурслар. Атроф-муҳит муҳофазаси / Ер ости бойликлари тўғрисидаги қонунчилик / Умумий қоидалар /Ўзбекистон Республикаси Президентининг 21.04.2021 й. ПҚ-5083-сон "Геология соҳасига инвестицияларни фаол жалб этиш, тармоқ корхоналарини трансформация қилиш ва республика минерал-хомашё базасини кенгайтириш бўйича қўшимча чора-тадбирлар тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ҚАРОРИ
21.04.2021 й.
N ПҚ-5083
ГЕОЛОГИЯ СОҲАСИГА ИНВЕСТИЦИЯЛАРНИ
ФАОЛ ЖАЛБ ЭТИШ, ТАРМОҚ КОРХОНАЛАРИНИ
ТРАНСФОРМАЦИЯ ҚИЛИШ ВА РЕСПУБЛИКА
МИНЕРАЛ-ХОМАШЁ БАЗАСИНИ КЕНГАЙТИРИШ
БЎЙИЧА ҚЎШИМЧА ЧОРА-ТАДБИРЛАР ТЎҒРИСИДА
Геология соҳаси корхоналарини илғор халқаро тажриба асосида трансформация қилиш орқали уларда самарали бошқарув тизимини жорий этиш, фойдали қазилмаларнинг янги конларини очишга йўналтирилган геология-қидирув ишлари таннархини пасайтириш, конларни саноатда ўзлаштириш учун тўғридан-тўғри хорижий инвестициялар оқимини кўпайтириш, Давлат геология ва минерал ресурслар қўмитаси (кейинги ўринларда - Давлат геология қўмитаси) фаолиятини тубдан ислоҳ қилиш ҳамда ҳудудларда замонавий ишлаб чиқариш қувватларини ташкил этиш ва янги иш ўринларини яратиш мақсадида:
1. Молия вазирлиги ва Давлат геология қўмитасининг геология соҳаси тизимида республика минерал-хомашё базасини ривожлантириш ва қайта тиклаш давлат дастурлари (кейинги ўринларда - давлат дастурлари) доирасида геология-қидирув ишлари бўйича хизмат кўрсатувчи алоҳида юридик шахс мақомига эга бўлган, "Қизилқумгeология" АЖ, "Самарқандгеология" АЖ, "Сурхонгеология" АЖ, "Ҳисоргeология" АЖ, "Тошкентгеология" АЖ, "Марказий лаборатория" ДУК ва "Геобуртехника" ДУКларни бирлаштириш йўли билан улар негизида "Ўзбек геология қидирув" АЖ (кейинги ўринларда - Акциядорлик жамияти) ташкил этиш тўғрисидаги таклифига розилик берилсин.
2. Қуйидагилар Акциядорлик жамиятининг асосий вазифалари этиб белгиланганлиги маълумот учун қабул қилинсин:
соҳага замонавий ва юқори самарали ускуналарни, илғор техника ва инновацион технологияларни жорий этиш ҳисобига геология соҳасини модернизация қилишга доир чора-тадбирларни амалга ошириш;
геология-қидирув ишлари самарадорлиги ва натижадорлигини ошириш ҳамда харажатларни мақбуллаштириш орқали хизматлар таннархини камайтиришга қаратилган тизимли ишлар олиб бориш;
замонавий корпоратив бошқарув тизимини жорий этиш, моддий-техник, молиявий ва меҳнат ресурсларидан унумли фойдаланиш орқали фаолиятнинг операцион самарадорлигини ошириш;
замонавий рақамли технологияларни қўллаш ҳисобига соҳада бажариладиган ишларнинг рақобатбардошлигини таъминлаш ва геология-қидирув ишларини нафақат республика ҳудудида, балки хорижий давлатларда, халқаро тендерлар ғолиби сифатида бажариш;
ҳудудларда геология-қидирув ишларини жадал амалга ошириш орқали республика минерал-хом ашё базаси ривожлантирилишини таъминлаш.
Акциядорлик жамияти томонидан халқаро молия институтлари ва консалтинг ташкилотлари ёрдамида, 2025 йилда акцияларини оммавий равишда бирламчи ва иккиламчи жойлаштириш орқали инвесторлар жалб этилиши белгилаб қўйилсин.
3. Молия вазирлиги, Давлат геология қўмитаси Акциядорлик жамияти ташкил этилганидан сўнг:
бир ой муддатда Акциядорлик жамияти таркибида трансформация бўйича ислоҳотларни амалга оширишни, корпоратив бошқарув ва халқаро стандартларнинг замонавий тизимларини жорий этишни ҳамда жамиятнинг молиявий-иқтисодий фаолиятини мувофиқлаштириш вазифаларини бажарувчи Лойиҳа офиси ташкил этилишини таъминласин;
бир ой муддатда Акциядорлик жамияти кузатув кенгаши таркибининг камида 30 фоизини малакали хорижий тажрибага эга соҳа мутахассислари билан тўлдирсин;
уч ой муддатда Акциядорлик жамияти раҳбарининг ўринбосари - молиявий директор (CFO) лавозимини жорий этиб, унга юқори малакали ҳамда ўхшаш лойиҳаларда иш тажрибасига эга бўлган халқаро эксперт жалб этилишини таъминласин.
4. Қуйидагилар:
Давлат геология қўмитаси тизимида фаолият юритаётган корхоналарни ислоҳ қилиш, соҳанинг инвестициявий жозибадорлигини ошириш ва рақамлаштиришни кенг жорий қилиш бўйича "Йўл харитаси" 1-иловага мувофиқ;
Давлат геология қўмитасининг янги ташкилий тузилмаси 2-иловага мувофиқ;
2021-2022 йилларда фойдали қазилмаларнинг янги конларини аниқлаш учун истиқболли майдон ва структураларда бажариладиган геология-қидирув ишларининг асосий йўналишлари 3-иловага мувофиқ;
2021-2022 йилларда республика минерал-хомашё базасини ривожлантириш ва қайта тиклаш учун фойдали қазилма захираларини кўпайтиришнинг асосий кўрсаткичлари 4-иловага мувофиқ;
2021-2022 йилларда "Олмалиқ КМК" АЖ томонидан бирлашган Қалмоққир ва Ёшлик-I конларининг қайта баҳоланиши ҳисобига фойдали қазилма захираларини кўпайтиришнинг асосий кўрсаткичлари 5-иловага мувофиқ тасдиқлансин.
5. Белгилаб қўйилсинки:
давлат дастурлари доирасида Давлат геология қўмитаси буюртмасига мувофиқ амалга ошириладиган геология-қидирув ишларига шартномалар асосида қўмита томонидан йўналтириладиган маблағлар геология соҳаси ташкилотлари устав фондига капитализация қилинмайди;
геология-қидирув ишлари натижасида аниқланган янги майдон ва структуралар, шунингдек, фойдали қазилмаларнинг янги очилган конлари Давлат геология қўмитаси томонидан қонунчилик билан ўрнатилган тартибда салоҳиятли инвесторлар жалб этиладиган инвестиция объектлари ҳисобланади;
2022 йилдан бошлаб, ер қаъридан фойдаланувчилар ҳар йили 1 февралга қадар геология қидирув ишлари ва фойдали қазилма захираларини кўпайтиришнинг ўтган йилда эришилган натижалари ҳамда жорий йилга режалаштирилган ҳажми бўйича тегишли маълумотларни Давлат геология қўмитасига тақдим этиши талаб этилади;
Давлат геология қўмитаси томонидан 2020 йилги давлат дастури доирасида тайёрланган 15 та нефть ва газга истиқболли майдонларда 2021 йилда бажариладиган қидирув-бурғилаш ишлари "Ўзбекнефтгаз" АЖнинг ўз маблағлари ёки у томонидан жалб этиладиган маблағлар ҳисобидан амалга оширилади.
6. Давлат геология қўмитаси ва "Ўзбекнефтгаз" АЖ томонидан амалга ошириладиган нефть ва газ майдон ҳамда конларида геология қидирув ишларини ривожлантириш бўйича чора-тадбирлар режаси 6-иловага мувофиқ тасдиқлансин.
Бунда, Давлат геология қўмитаси ва "Ўзбекнефтгаз" АЖ ушбу чора-тадбирларнинг белгиланган муддатларда бажарилишига масъул этиб белгилансин.
7. Давлат геология қўмитаси, Молия вазирлиги ҳамда Инвестициялар ва ташқи савдо вазирлигининг геология соҳаси инвестициявий жозибадорлигини оширишга йўналтирилган:
геологик жиҳатдан кам ўрганилган ер қаъри участкаларини халқаро стандартлар асосида блоклар (майдонлар)га ажратиш тизимини жорий этиш;
халқаро стандартлар асосида ажратиладиган блок (майдон)дан геологик жиҳатдан ўрганиш учун фойдаланиш ҳуқуқини берадиган рухсатномани олиш учун бир марталик имзоли бонус ўрнига блок (майдон)нинг ўлчами ва у ердаги фойдали қазилма турини ҳисобга оладиган ҳар йиллик тўловни ҳамда геологик-қидирув ишларини бажариш учун йиллик минимал харажатлар миқдори бўйича талабни жорий этиш;
кам ўрганилган ер қаъри участкаларидан геологик жиҳатдан ўрганиш учун фойдаланиш ҳуқуқини берадиган рухсатномаларни инвесторларнинг мурожаатига мувофиқ Давлат геология қўмитаси томонидан "биринчи келган биринчи олади" принципи асосида Ўзбекистон Республикаси Ягона интерактив давлат хизматлари портали орқали онлайн тарзда бериш;
ўрганилганлик даражаси ва кон очиш салоҳияти юқори бўлган майдонлардан геологик жиҳатдан ўрганиш учун фойдаланиш ҳамда аниқланган конлардан фойдали қазилмаларни қазиб олиш учун фойдаланиш ҳуқуқини берадиган рухсатномаларни "E-AUKSION" ягона электрон савдо майдончасида ўтказиладиган аукцион натижаларига кўра бериш тўғрисидаги таклифларига розилик берилсин.
Мазкур таклифлар янги таҳрирда ишлаб чиқилаётган Ўзбекистон Республикасининг "Ер ости бойликлари тўғрисида"ги Қонуни лойиҳасида назарда тутилсин.
8. Шундай тартиб ўрнатилсинки, унга мувофиқ:
Давлат геология қўмитасига аукционга қўйилмаган ер қаъри участкасидан фойдаланиш ҳуқуқини олиш учун инвестордан мурожаат келиб тушган тақдирда, ушбу ер қаъри участкасидан фойдаланиш ҳуқуқи учун рухсатнома "E-AUKSION" ягона электрон савдо майдончаси орқали қонунчилик билан ўрнатилган тартибда аукционга қўйилади;
ер қаъри участкаларидан фойдаланиш ҳуқуқини "E-AUKSION" ягона электрон савдо майдончаси орқали реализация қилишда, аукцион ўтказилмаган деб ҳисобланган ҳолда, ариза айни иштирокчидан икки маротаба бир хил ер қаъри участкаси бўйича тақдим этилган бўлса, бундай иштирокчи иккинчи аукцион натижаларига кўра "ягона талабгор" тамойили асосида ғолиб деб эълон қилинади.
9. Давлат геология қўмитаси уч ой муддатда республика минерал-хомашё базасини кенгайтиришнинг устувор вазифаларидан келиб чиқиб, жаҳон бозори конъюнктураси ва илғор илмий-техник ютуқларни акс эттирган ҳолда, беш йиллик даврни қамраб олган кон-геология соҳасини истиқболли ривожлантириш концепциясини ишлаб чиқсин ва Вазирлар Маҳкамасига киритсин.
10. Тошкент шаҳар ҳокимлиги, Қурилиш вазирлиги, Молия вазирлиги ва Давлат геология қўмитасининг:
Геология фанлари университети бинолари қурилишининг биринчи босқичини (ўқув биноси, ётоқхона, илмий-тадқиқот институтлари бинолари, геологик музей биноси) тугаллаш ва уларни фойдаланишга топшириш муддатини 2021 йил декабргача узайтириш;
Тошкент шаҳар, Мирзо Улуғбек тумани, Олимлар кўчаси, 64 ва 49-уй манзилларида жойлашган Гидрогеология ва муҳандислик геологияси институти ҳамда Ҳ.М.Абдуллаев номидаги Геология ва геофизика институти биноларини бузиш ҳамда уларнинг ўрнида иккита янги етти қаватли биноларни барпо этиш;
2021 йилда қурилишининг иккинчи босқичида бўлган Давлат геология қўмитаси аппарати, Геология фонди, Кон-геология фаолиятини назорат қилиш инспекцияси, Акциядорлик жамияти, Давлат геология ахборот маркази бинолари қурилишини якунлаш тўғрисидаги таклифларига розилик берилсин.
11. Белгилаб қўйилсинки:
а) Давлат геология қўмитаси таркибига кирувчи, соҳага оид бўлмаган активларни сотишдан тушган маблағлар тўлиқ давлат бюджетига йўналтирилади;
б) Геология фанлари университети кластери қурилишини якунлаш учун зарур маблағлар:
2021 йил учун давлат бюджети ҳисобидан Давлат геология қўмитаси учун ажратилган маблағлар, шунингдек, давлат бюджетига йўналтириладиган Давлат геология қўмитаси таркибига кирувчи, соҳага оид бўлмаган активларни сотишдан тушадиган маблағлар;
2021-2023 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида иқтисод қилинган маблағлар ҳамда ўзлаштирилмаган маблағларни қайта тақсимлаш ҳисобидан ажратилади.
Иқтисодий тараққиёт ва камбағалликни қисқартириш вазирлиги Молия вазирлиги ва Давлат геология қўмитаси билан биргаликда мазкур банд талабларидан келиб чиқиб, Вазирлар Маҳкамасига Геология фанлари университети кластери қурилишини якунлаш учун зарур маблағларни ажратиш бўйича таклифлар киритилишини таъминласин.
12. Ўзбекистон Республикаси Президентининг айрим қарорларига 7-иловага мувофиқ ўзгартиришлар киритилсин.
13. Мазкур қарор ижросини самарали ташкил этишга масъул ва шахсий жавобгар этиб Давлат геология ва минерал ресурслар қўмитаси раиси Б.Ф. Исламов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. Мирзиёев
Президентининг
2021 йил 21 апрелдаги
ПҚ-5083-сон қарорига
1-ИЛОВА
Давлат геология қўмитаси тизимида фаолият
юритаётган корхоналарни ислоҳ қилиш, соҳанинг
инвестициявий жозибадорлигини ошириш ва
рақамлаштиришни кенг жорий қилиш бўйича
"ЙЎЛ ХАРИТАСИ"
Т/р |
Тадбирлар номи |
Амалга ошириш механизми |
Ижро муддати |
Масъул ижрочилар |
I. ДАВЛАТ ГЕОЛОГИЯ ҚЎМИТАСИ ТИЗИМИДА ФАОЛИЯТ ЮРИТАЁТГАН КОРХОНАЛАРНИ ИСЛОҲ ҚИЛИШ
|
||||
1. |
"Марказий лаборатория" ДУК, "Самарқандгеология" АЖ, "Сурхонгеология" АЖ, "Тошкентгеология" АЖ, "Қизилқумгeология" АЖ, "Геобуртехника" ДУК ва "Ҳисоргeология" АЖларни қўшиб юбориш орқали улар негизида "Ўзбек геология қидирув" АЖ ташкил этиш*. |
1. Давлат геология қўмитаси томонидан "Марказий лаборатория" ДУК ва "Геобуртехника" ДУКни акциядорлик жамиятига айлантириш тўғрисида Ҳайъат қарори қабул қилиш. |
2021 йил апрель |
Давлат геология қўмитаси (Б. Исламов), Давлат активларини бошқариш агентлиги (А. Ортиқов), Молия вазирлиги (О. Насритдинходжаев) |
2. "Марказий лаборатория" ДУК ва "Геобуртехника" ДУК мол-мулкларини хатловдан ўтказиш, давлат унитар корхоналарининг устав капитали миқдорида акциядорлик жамиятлари устав капиталларини белгилаган ҳолда давлат рўйхатидан ўтказиш. |
2021 йил май |
|||
3. "Марказий лаборатория" АЖ ва "Геобуртехника" АЖ акцияларини давлат рўйхатидан ўтказиш ва Молия вазирлигига жойлаштириш. |
2021 йил май |
Молия вазирлиги (О. Исаков) |
||
4. "Марказий лаборатория" АЖ, "Самарқандгеология" АЖ, "Сурхонгеология" АЖ, "Тошкентгеология" АЖ, "Қизилқумгeология" АЖ, "Геобуртехника" АЖ ва "Ҳисоргeология" АЖларни қўшиб юбориш тўғрисида қарор қабул қилиш, қўшиб юбориш, шу жумладан акцияларни номинал қийматда айирбошлаш ҳақида шартнома тузиш. |
2021 йил июнь |
Молия вазирлиги (О. Насритдинходжаев) |
||
5. "Ўзбек геология қидирув" АЖни рўйхатдан ўтказиш. |
2021 йил июль |
Молия вазирлиги (О. Насритдинходжаев), Давлат геология қўмитаси (Б. Исламов) |
||
6. "Минерал ресурслар институти" Давлат муассасасига тегишли "Ингичка тажриба технологик экспедицияси"ни "Ўзбек геология қидирув" АЖ таркибига киритилишини таъминлаш. |
2021 йил июль |
|||
7. "Ўзбек геология қидирув" АЖ таркибида трансформация ислоҳотини амалга ошириш, корпоратив бошқарув ва халқаро стандартда замонавий тизимларни жорий этиш ҳамда жамиятнинг молиявий-иқтисодий фаолиятини мувофиқлаштириш вазифаларини бажарувчи Лойиҳа офисини ташкил этиш. |
2021 йил август |
Молия вазирлиги (О. Насритдинходжаев), Давлат геология қўмитаси (Б. Исламов) |
||
8. "Ўзбек геология қидирув" АЖ кузатув кенгашига хорижий тажрибага эга мутахассисларни жалб этиш орқали кузатув кенгаши таркибининг камида 30 фоизини малакали мутахассислар билан тўлдириш. |
2021 йил август |
|||
9. "Ўзбек геология қидирув" АЖ раҳбарининг ўринбосари - молиявий директор лавозимини жорий этиб, унга юқори малакали ҳамда ўхшаш лойиҳаларда иш тажрибасига эга бўлган халқаро экспертни жалб этиш. |
2021 йил ноябрь |
|||
2. |
"Ўзбек геология қидирув" АЖ да молиявий ҳисоботларни халқаро стандартлар асосида юритилишини таъминлаш ва халқаро кредит рейтингини олиш. |
1. Корпоратив кредит рейтингини олиш бўйича иш-режа жадвалини ишлаб чиқиш ва Молия вазирлигига тақдим этиш. |
2021 йил сентябрь |
Молия вазирлиги (О. Насритдинходжаев), Давлат геология қўмитаси (Б. Исламов) |
2. Ҳисобот даври учун молиявий ҳисоботларни халқаро молиявий ҳисоботлар стандартлари (IFRS) асосида тайёрлаш. |
2022 йил июнь |
|||
3. Корпоратив кредит рейтингини олиш учун халқаро рейтинг агентликларини жалб қилиш. |
2022 йил июль |
|||
4. Танланган рейтинг агентлиги томонидан "Ўзбек геология қидирув" АЖга халқаро кредит рейтингини олиш ва олинган кредит рейтинги пресс-релизини ОАВда эълон қилиш. |
2022 йил декабрь |
|||
3. |
"Ўзбек геология қидирув" АЖга "PwC" (Pricewaterhouse Coopers) халқаро консалтинг ташкилотини жалб қилган ҳолда операцион самарадорликни ошириш ҳамда ўрта ва узоқ муддатли ривожланиш стратегияларини ишлаб чиқиш. |
1. Ишлаб чиқариш жараёнларининг самарадорлигини таҳлил қилиш ва жараёнларнинг мақсадли моделини ишлаб чиқиш. |
2021 йил ноябрь |
Молия вазирлиги (О. Насритдинходжаев), Давлат геология қўмитаси (Б. Исламов) |
2. Жараёнларнинг мақсадли моделини татбиқ қилишда иштирок этадиган ходимларни ўқитиш. |
2022 йил январь |
|||
3. Таъмирлаш ва хизмат кўрсатиш ишлари бўйича стратегияни ва техник сиёсатни шакллантириш. |
2022 йил апрель |
|||
4. Тизимни йўлга қўйиш ва Лойиҳа амалга оширилишини баҳолаб бориш. |
2022 йил май |
|||
5. Лойиҳа натижаларига кўра ривожланишнинг ўрта ва узоқ муддатли режасини молиявий соғломлаштиришни инобатга олган холда ишлаб чиқиш. |
2022 йил июль |
|||
6. Ривожлантириш бўйича ишлаб чиқилган иш режани тасдиқлаш учун киритиш. |
2022 йил июль |
|||
4. |
"Ўзбек геология қидирув" АЖда харидлар ва бошқарув тизимларини аудитдан ўтказиш ҳамда "мувофиқлик тизими" (комплаенс) ва коррупцияга қарши хизматларни шакллантиришни назарда тутадиган замонавий корпоратив бошқарув тизимини жорий этиш. |
1. Корпоратив бошқарув тизимини ишлаб чиқиш учун техник топшириқ тайёрлаш. |
2022 йил март |
Молия вазирлиги (О. Насритдинходжаев), Давлат геология қўмитаси (Б. Исламов) |
2. Халқаро нуфузли консалтинг компаниялари орасида эълон қилиш ва маслаҳатчини танлаш. |
2022 йил апрель |
|||
3. Корпоратив бошқарув тизимини ишлаб чиқиш. |
2022 йил май |
|||
4. Замонавий корпоратив бошқарув тизимини жорий этиш. |
2022 йил июль |
|||
5. |
"ЎзГЕОРАНГМЕТЛИТИ" давлат корхонаси иш фаолиятини самарали ташкил этиш. |
1. Давлат геология қўмитаси томонидан "ЎзГЕОРАНГМЕТЛИТИ" давлат корхонасини масъулияти чекланган жамиятга ўтказиш орқали қайта ташкил этиш юзасидан тегишли Ҳайъат қарорини қабул қилиш. |
2021 йил июль |
Давлат геология қўмитаси (Б. Исламов) |
2. "ЎзГЕОРАНГМЕТЛИТИ" давлат корхонасини Ҳайъат қарори асосида белгиланган тартибда "ЎзГЕОРАНГМЕТЛИТИ" МЧЖга ўтказиш йўли билан қайта ташкил этиш. |
2021 йил август |
Давлат активларини бошқариш агентлиги (А. Ортиқов) |
||
3. Юқорида белгиланган тадбирларни амалга ошириш орқали ушбу жамиятни белгиланган тартибда давлат рўйхатидан ўтказиш. |
2021 йил август |
Давлат геология қўмитаси (Б. Исламов) |
||
6. |
"Геолтехтаъминот" давлат корхонаси фаолиятини тугатиш. |
1. Ўзбекистон Республикаси Президенти-нинг 2019 йил 23 июлдаги ПҚ-4401-сон, 2019 йил 18 ноябрдаги ПҚ-4522-сон, 2020 йил 8 июндаги ПҚ-4740-сон қарорлари ҳамда 2020-2021 йилларга минерал хомашё базасини ривожлантириш ва қайта тўлдириш давлат дастурлари доирасида "Геолтехтаъминот" ДК томонидан геология соҳасида фаолият кўрсатаётган корхоналарни модернизация қилиш бўйича ишларни 2021 йилда якунлаш. |
2021 йил декабрь |
Давлат геология қўмитаси (Б. Исламов) |
2. "Геолтехтаъминот" ДКнинг моддий ва номоддий бойликларини хатловдан ўтказиш. |
2022 йил февраль |
|||
3. "Геолтехтаъминот" ДКни қонунчиликда белгиланган тартибда тугатиш чораларини кўриш. |
2022 йил март |
|||
7. |
"Геотерекалмаз" МЧЖдаги давлат акция пакетини (улуши) тўлиғича оммавий савдолар орқали хусусий секторга сотиш. |
"Геотерекалмаз" МЧЖдаги давлат акция пакетини (улуши) белгиланган тартибда оммавий савдоларга чиқариш. |
2021 йил июль |
Давлат активларини бошқариш агентлиги (А. Ортиқов), Давлат геология қўмитаси (Б. Исламов), Молия вазирлиги (О. Насритдинходжаев) |
8. |
"Ўзбекгеофизика" АЖ ва "Уранкамёбметгеология" АЖлар фаолиятини самарали ташкил этиш. |
1. "Ўзбекгеофизика" АЖ ва "Уранкамёбмет-геология" АЖлар кузатув кенгашлари таркибини қайта кўриб чиқиш ва кузатув кенгаши ҳамда корхоналар бошқарувига хорижий тажрибага эга мутахассисларни жалб этиш орқали кузатув кенгаши таркибининг камида 30 фоизини ва корхона бошқарувининг камида 3 нафар раҳбар лавозимини малакали мутахассислар билан тўлдириш. |
2021 йил июль |
Молия вазирлиги (О. Насритдинходжаев), Давлат активларини бошқариш агентлиги (А. Ортиқов), Давлат геология қўмитаси (Б. Исламов), "Ўзбекнефтгаз" АЖ (М. Абдуллаев) |
2. "Ўзбекнефтгаз" АЖнинг бажарилган геофизика ишлари учун "Ўзбекгеофизика" АЖ олдидаги қарздорлигини сўндириш. |
2021 йил июль |
|||
3. "Ўзбекгеофизика" АЖ ва "Уранкамёбмет-геология" АЖларнинг янгиланган ташкилий тузилмаларини ишлаб чиқиш ва тасдиқлаш. |
2021 йил июль |
|||
4. Ўзбекистон Республикаси Президентининг 2020 йил 4 апрелдаги ПҚ-4664-сон қарорига мувофиқ "Ўзбекнефтгаз" АЖнинг устав капиталига капитализация қилинган ва "Ўзбекнефтгаз" АЖга геология-қидирув ишлари учун юқори технологик жиҳозларни харид қилиш" лойиҳаси доирасида Ўзбекистон Республикаси Тикланиш ва тараққиёт жамғармаси томонидан ажратилган кредитлар ҳисобига харид қилинган юқори технологик ускуналар бўйича "Ўзбекгеофизика" АЖнинг "Ўзбекнефтгаз" АЖ олдидаги қарздорлигини "Ўзбекнефтгаз" АЖ устав капиталидаги давлат улушини камайтириш ҳамда ушбу миқдорда "Ўзбекгеофизика" АЖ устав капиталидаги давлат улушини ошириш йўли билан мос равишда капитализация қилиш. |
2021 йил июль |
Молия вазирлиги (О. Насритдинходжаев), Давлат активларини бошқариш агентлиги (А. Ортиқов), Давлат геология қўмитаси (Б. Исламов), "Ўзбекнефтгаз" АЖ (М. Абдуллаев) |
||
II. КОН-ГЕОЛОГИЯ СОҲАСИНИНГ ИНВЕСТИЦИЯВИЙ ЖОЗИБАДОРЛИГИНИ ОШИРИШ
|
||||
9. |
2021 йил Инвестиция дастуридаги 6 та инвестиция лойиҳаларини самарали амалга оширишни таъминлаш. |
1. Барча инвестиция лойиҳалари бўйича 2021 йилги геология-қидирув ишлари ҳажми ва бюджетини келишиш. |
2021 йил апрель |
Давлат геология қўмитаси (Б. Исламов) |
2. Инвестиция лойиҳалари бўйича календарь режаларини келишиш ва ҳолатини тизимли равишда таҳлил қилишни йўлга қўйиш. |
2021 йил апрель |
|||
3. Лойиҳалар доирасида тузилган умумий йиғилиш, бошқарув қўмитаси, ишчи гуруҳлар мажлисларида қатнашиш орқали лойиҳаларни самарали амалга ошириш. |
2021 йил ҳар чорак якунида |
|||
4. Дала геология-қидирув ишлари доирасида тизимли мониторинг ва тажриба алмашинуви мақсадида қўмита геолог ва мутахассисларини жойларга ташрифини ташкил қилиш. |
2021 йил ҳар чоракда |
|||
5. Дала геология ишлари натижаларини тизимли равишда ҳисоботларини таҳлил қилиш. |
2021 йил ноябрь |
|||
10. |
2021 йилда 50 та кон ва истиқболли майдонларни маҳаллий ва хорижий инвесторларга очиқ ва шаффоф механизмлар асосида фойдаланишга бериш. |
1. Инвесторлар учун жозибадор фойдали қазилма объектларини танлаш ва 2021 йилги геология-қидирув дастури доирасида тегишли геологик лойиҳаларни белгилаш. |
2021 йил апрель |
Давлат геология қўмитаси (Б. Исламов), Давлат активларини бошқариш агентлиги (А. Ортиқов) |
2. Геология-қидирув лойиҳалари доирасида дала геология ишларини жадаллаштириб, фойдали қазилма майдон ва конларининг истиқболларини геологик жиҳатдан асослантириш. |
2021 йил август |
|||
3. Дала геология ишлари натижасида олинган намуналарни таҳлил қилиш, тўпланган геологик маълумотларни умумлаштириш ва ҳар бир объект бўйича тизер, тақдимот материаллари портфелини шакллантириш. |
2021 йил сентябрь |
Давлат геология қўмитаси (Б. Исламов), Давлат активларини бошқариш агентлиги (А. Ортиқов) |
||
4. Геологик объектлар бўйича инвестиция таклифларини салоҳиятли инвесторлар орасида дипломатик каналлар, бизнес-форум, роад-шоу, тақдимотлар орқали кенг тарғиб қилиш. |
2021 йил октябрь |
|||
5. 50 та объектнинг барчаси бўйича тайёрланган материаллар тўпламини аукцион савдоларига жойлаштириб, инвесторларга таклиф этиш. |
2021 йил ноябрь |
|||
11. |
Кон-геология соҳасида инвестициявий жозибадорликни янада ошириш мақсадида тегишли солиқ ставкаларини (роялти) жаҳон амалиётга мослаштириш. |
1. Стратегик муҳим турдаги қаттиқ фойдали қазилмалар бўйича ер қаъридан фойдаланишга оид солиқ ставкаларини (роялти) жаҳон амалиётига мослаштириш учун халқаро экспертлар хулосалари асосида таҳлилий маълумотлар ва таклифларни шакллантириш. |
2021 йил май |
Молия вазирлиги (Д. Султанов), Давлат солиқ қўмитаси (Ш. Кудбиев), Давлат геология қўмитаси (Б. Исламов) |
2. Асослантирилган таклифларни манфаатдор вазирликлар билан муҳокама қилиш ва норматив ҳужжатда умумлаштириш. |
2021 йил июнь |
|||
12. |
"Ер ости бойликлари тўғрисида"ги Қонунни янги таҳрирда ишлаб чиқиш ва келишишни таъминлаш. |
1. "Ер ости бойликлари тўғрисида"ги Қонунни янги таҳрирда ишлаб чиқиш учун мақбул халқаро амалиёт ва таҳлилий маълумотлар билан асослантириш. |
2021 йил апрель |
Давлат геология қўмитаси (Б. Исламов), манфаатдор вазирликлар ва идоралар |
2. Қонун лойиҳасини манфаатдор вазирликлар ва идоралар билан келишган ҳолда белгиланган тартибда Вазирлар Маҳкамасида ҳимоя қилиш. |
2021 йил июнь |
|||
13. |
Ер ости бойликларидан фойдаланишга доир рухсатномалар бериш тартибини янада соддалаштириш ва шаффофликни таъминлаш. |
1. Фойдали қазилмалар ер қаъри участкаларидан фойдаланиш ҳуқуқини берувчи рухсатномаларни бериш тартибини электрон платформага ўтказган ҳолда янада такомиллаштириш бўйича норматив-ҳуқуқий ҳужжатни ҳуқуқий экспертизадан ўтказиш. |
2021 йил май |
Давлат геология қўмитаси (Б. Исламов), манфаатдор вазирликлар ва идоралар |
2. Ер ости бойликларидан фойдаланишга доир рухсатномаларни тўлиқ давлат хизматлари электрон платформаси орқали "ягона дарча" тамойилида беришни йўлга қўйиш. |
2021 йил июнь |
|||
III. ГЕОЛОГИЯ-ҚИДИРУВ ИШЛАРИ САМАРАДОРЛИГИНИ ОШИРИШ, СОҲАНИ РАҚАМЛАШТИРИШ ҲАМДА ФАН ВА АМАЛИЁТ ИНТЕГРАЦИЯСИ
|
||||
14. |
"Рақамли геология" тизимини яратиш доирасида геологик-қидирув ишлари натижасида шаклланувчи маълумотларни ўзида жамловчи тизимларни яратиш. |
1. Республика бўйича ер ости сувлари мониторинг натижаларини автоматик тарзда шакллантириш имконини берувчи ер ости сувлари ҳолати мониторингини юритиш. |
2021 йил сентябрь |
Давлат геология қўмитаси (Б. Исламов) |
2. Хавфли геологик жараёнлар вужудга келиш мумкин бўлган ҳудудларда олиб бориладиган мониторинг жараёнини рақамлаштириш имконини берувчи хавфли геологик жараёнларни мониторинг қилиш. |
2021 йил октябрь |
Давлат геология қўмитаси (Б. Исламов) |
||
3. Фойдали қазилма ресурсларининг давлат балансини юритиш имконини берувчи фойдали қазилмалар давлат балансини юритиш. |
2021 йил ноябрь |
|||
4. Жаҳон тажрибасини ўрганган ҳолда геологик ҳисоботлар архивининг маълумотлар базасини яратиш мақсадида геологик маълумотлар миллий банки геоахборот тизимини йўлга қўйиш. |
2021 йил декабрь |
|||
15. |
Геология соҳасида олиб борилаётган 57 та илмий тадқиқот (тажриба-услубий, фундаментал, амалий ва инновацион) лойиҳаларини амалга ошириш ва натижадорлигини тизимли йўлга қўйиш. |
1. Илмий, амалий ва инновацион лойиҳаларни сифатли таъминлаш мақсадида Илмий техник кенгаш фаолиятини ташкил этиш. |
2021 йил май |
Давлат геология қўмитаси (Б. Исламов) |
2. Илмий-тадқиқот институтларидаги 29 нафар фан доктори ва 106 нафар фан номзодлари салоҳияти асосида 57 та илмий, амалий ва инновацион лойиҳани самарали амалга ошириш. |
2021 йил ноябрь |
|||
16. |
Тизимдаги илмий-тадқиқот институтлари томонидан геология соҳаси учун юқори малакали мутахассисларни тайёрлашни тизимли амалга ошириш. |
1. Тизимдаги илмий-тадқиқот институтларида таҳсил олаётган 64 нафар, жумладан 4 нафар фан докторлиги, 22 нафар фалсафа доктори (PhD), 38 нафар мустақил тадқиқотчилар томонидан илмий изланишларни олиб боришини таъминлаш. |
2021 йил ноябрь |
Давлат геология қўмитаси (Б. Исламов) |
2. Илмий-тадқиқот ишлари натижалари асосида 20 та диссертация ишлари ҳимоясини таъминлаш, шундан 15 нафари фалсафа доктори (PhD) ва 5 нафари фан доктори. |
2021 йил декабрь |
|||
17. |
Тизимдаги илмий-тадқиқот институтларининг Навоий ва Олмалиқ тоғ-металлургия комбинатлари, Ўзбекнефтгаз каби йирик саноат корхоналари билан фундаментал, амалий ва инновацион тадқиқот лойиҳалари доирасида соҳалараро кооперацияни йўл қўйиш. |
Жорий йилда умумий қиймати 15,9 млрд сўм бўлган 25 та лойиҳалар бўйича ишлаб чиқаришдаги долзарб масалалар ечимига бағишланган илмий-тадқиқот ишларини ҳамкорликда олиб бориш. Жумладан: Навоий КМК билан кўзда тутилган 8 та лойиҳа; Олмалиқ КМК билан 7 та лойиҳа; "Ўзбекнефтгаз" АЖ билан 6 та лойиҳани амалга ошириш. |
2021 йил декабрь |
Давлат геология қўмитаси (Б. Исламов), Навоий КМК (Қ. Санақулов), Олмалиқ КМК (А. Хурсанов), "Ўзбекнефтгаз" АЖ (М. Абдуллаев) |
IV. ОРОЛБЎЙИ ҲУДУДИДА ЕР ОСТИ СУВЛАРИДАН САМАРАЛИ ФОЙДАЛАНИШ
|
||||
18. |
Оролбўйи ҳудудида ер ости сувларидан самарали фойдаланишни йўлга қўйиш. |
1. Оролбўйи ҳудудида экологик балансни сақлаш, аҳоли турмуш тарзини яхшилаш ҳамда чорвачиликни ривожлантириш, ер ости сувларидан самарали фойдаланишни йўлга қўйиш мақсадида ҳудуд салоҳиятини ўрганиш. |
2021 йил май |
Қорақалпоғистон Республикаси Вазирлар Кенгаши (Қ. Сариев), Сув хўжалиги вазирлиги (Ш. Хамроев), Уй-жой коммунал хизмат кўрсатиш вазирлиги (Ш. Хидоятов), Давлат экология қўмитаси (А. Максудов), Давлат геология қўмитаси (Б. Исламов) |
2. Ўрганиш натижалари асосида мавжуд ер ости сувлари захиралари ҳажми ва сифатидан келиб чиқиб, уларга нисбатан эҳтиёжи бўлган ҳудудларни аниқлаш ҳамда ҳар бир қудуқдан фойдаланишнинг ижтимоий-иқтисодий аҳамиятини инобатга олган ҳолда сувга қудуқлар қазиш бўйича йиллик манзилли дастурлар тузиш ва Қорақалпоғистон Республикаси Вазирлар Кенгаши томонидан тасдиқлаш. |
2021 йил июль |
|||
3. Манзилли дастурларга киритилган тадбирларнинг амалга оширилиши юзасидан доимий мониторинг олиб бориш ва Вазирлар Маҳкамасига ҳисобот киритиш. |
2021 йил декабрь |
|||
19. |
Оролбўйи ҳудудида ер ости сувларига қудуқларни бурғилаш фаолиятига хусусий секторни жалб қилиш. |
1. Оролбўйи ҳудудида ер ости сувларига қудуқларни бурғилаш фаолиятига давлат-хусусий шериклик механизмини жорий қилиш. |
2021 йил октябрь |
Қорақалпоғистон Республикаси Вазирлар Кенгаши (Қ. Сариев), Молия вазирлиги (О.Исаков), Энергетика вазирлиги (А. Султанов), Монополияга қарши курашиш қўмитаси (Ш. Шорахмедов), Давлат экология қўмитаси (А. Максудов), Давлат геология қўмитаси (Б. Исламов) |
2. Давлат-хусусий шерикчилик асосида ер ости сувларига қудуқлар қазиш ишларини молиялаштириш манбаларини аниқлаш. |
2021 йил ноябрь |
|||
3. Қудуқларни эксплуатация қилишда қайта тикланадиган энергия манбаларидан ҳамда сувни тежайдиган технологиялардан кенг фойдаланишни йўлга қўйиш. |
2022 йил февраль |
|||
4. Қазилган қудуқлардан самарали фойдаланиш юзасидан тизимли мониторинг олиб боришни таъминлаш. |
2022 йил март |
|||
*) Ўзбекистон Республикаси Президентининг 2020 йил 27 октябрдаги "Давлат иштирокидаги корхоналарни ислоҳ қилишни жадаллаштириш ҳамда давлат активларини хусусийлаштиришга оид чора-тадбирлар тўғрисида"ги ПФ-6096-сон Фармонига 1-илова билан тасдиқланган геология соҳаси корхоналарини трансформация қилиш чоралари ва муддатлари "Ўзбек геология қидирув" АЖ ташкил этилишига қараб ўзгариши мумкин.
Президентининг
2021 йил 21 апрелдаги
ПҚ-5083-сон қарорига
3-ИЛОВА
2021-2022 йилларда фойдали қазилмаларнинг
янги конларини аниқлашга истиқболли майдон
ва структураларда бажариладиган геология-қидирув
ишларининг асосий йўналишлари
Т/р |
Объект номлари ва йўналишлари |
Лойиҳа сони |
Ўлчов бирлиги |
Фойдали қазилмаларнинг ўсиш режаси |
|||
ресурслар |
захиралар |
||||||
2021 йил |
2022 йил |
2021 йил |
2022 йил |
||||
Жами |
172 |
||||||
1. |
Ер қаърини регионал ўрганишнинг комплекс тадқиқотлари |
9 |
|||||
Космогеологик тадқиқотлар |
1 |
кв.км |
600 |
2000 |
|||
Геофизик тадқиқотлар |
3 |
кв.км |
2290 |
2300 |
|||
Геологик-тасвирлаш ишлари |
5 |
кв.км |
710 |
710 |
|||
2. |
Олтин, республика бўйича жами: |
70 |
тонна |
175 |
200 |
110 |
112 |
Марказий Қизилқум региони (ишланаётган объектлар: Таушан, Янгиказган, Жанубий Карашохо, Шарқий Довгиз, Карабугут, Қумтош, Довгизтов, Томдибулоқ, Тайман, Балпантов, Чуқурқудуқ, Бесапантов, Дайкали, Тулкитов, Қасқиртов, Елсой, Мурунтов, Шимолий Бўзтов; янги объектлар: Одилсой, Актости, Қирқчирта, Геохимик, Чалчаратов, Джасаул ва б.) |
34 |
тонна |
79 |
114 |
82 |
83 |
|
Нурота ва Зирабулоқ-Зиёвуддин регионлари (ишланаётган объектлар: Янги Давон, Тошкон, Шимолий Гумсой, Кучумсой, Салин, Ойбодом, Пистали, Биран, Сармич, Ўрталиқ, Маулян, Зармитан, Олтин Диёр, Лапақ; янги объектлар: Байрам, Давлатхўжа-Узунсоқол, Заргар, Авлиё ва б.) |
25 |
тонна |
70 |
60 |
16 |
16 |
|
Жанубий Ўзбекистон региони (ишланаётган объектлар: Акба, янги объектлар: Каулюк, Шарқий Каулюк ва б.) |
5 |
тонна |
20 |
15 |
1 |
2 |
|
Чотқол-Қурама региони ва Фарғона водийси (ишланаётган объектлар: Қизилолмасой, Кочбулоқ, Пирмироб, Қуйикенжасой; янги объектлар: Орайлиқ ва б.) |
6 |
тонна |
6 |
11 |
11 |
11 |
|
3. |
Кумуш, республика бўйича жами: |
9 |
тонна |
175 |
200 |
345 |
355 |
Марказий-Қизилқум региони (Джасаул ва б.) |
1 |
тонна |
25 |
30 |
50 |
50 |
|
Чотқол-Қурама региони ва Фарғона водийси (ишланаётган объектлар: Қизилолмасой, Пирмироб, Қуйикаулди, Мискон, Лашкерек, Кулчўлоқ ва б.) |
6 |
тонна |
120 |
135 |
280 |
285 |
|
Жанубий Ўзбекистон региони (ишланаётган объектлар: Хондиза, Майдонсой ва б.) |
2 |
тонна |
30 |
35 |
15 |
20 |
|
4. |
Уран |
24 |
тонна |
12000 |
12500 |
3500 |
3500 |
Букантов ва Томдитов уранмаъданли районлари (ишланаётган объектлар: Оқтов, Баймин, Жанубий Суграли ва б.; янги объектлар: Зиёкон ва б.) |
5 |
тонна |
1000 |
1500 |
300 |
650 |
|
Ауминза-Кулжуктау уранмаъданли районлари (янги объектлар: Томдиқудуқ-Тўлантош ва б.) |
1 |
тонна |
2200 |
500 |
200 |
||
Нурота уранмаъданли райони (ишланаётган объектлар: Оқсой, Шимолий Конимех, Аулбек, Нуркон, Аленди, Шимолий Букиной, Маликработ ва б.; янги объектлар: Шарқий Лавлякон, Арнасой ва б.) |
11 |
тонна |
4500 |
6500 |
1750 |
1400 |
|
Зирабулоқ-Зиёвуддин уранмаъданли райони (ишланаётган объектлар: Агрон, Ғарбий Агрон, Жанубий-Ингичка, Шарқ, Майбулоқ ва б.; янги объектлар: Марказий Агрон, Тувактов ва б.) |
7 |
тонна |
4300 |
4000 |
1450 |
1250 |
|
5. |
Мис, республика бўйича жами: |
5 |
минг тонна |
445 |
445 |
240 |
255 |
Султонувайс, Тошкентолди, Шимолий-Фарғона регионлари (Қорабулоқ, Саричеку, Мискон, Қуйикаулди ва б.) |
5 |
минг тонна |
445 |
445 |
240 |
255 |
|
6. |
Қўрғошин/рух, республика бўйича жами: |
6 |
минг тонна |
54 |
56 |
42 |
51 |
58 |
65 |
41 |
48 |
||||
Чотқол-Қурама региони ва Фарғона водийси (Лашкерек конининг Марказий участкаси, Кулчулоқ ва б.) |
3 |
минг тонна |
20 |
20 |
32 |
32 |
|
10 |
10 |
23 |
23 |
||||
Жанубий-Ўзбекистон региони (Марказий, Майдонсой, Хондиза конининг Шимолий участкаси, Учкулоч ва б.) |
3 |
минг тонна |
34 |
36 |
10 |
19 |
|
48 |
55 |
18 |
25 |
||||
7. |
Вольфрам |
3 |
тонна |
8000 |
8000 |
8000 |
8000 |
Жанубий-Ўзбекистон региони (Ходжадиқ, Шарқий Сарикўл, Оқсой, Яхтон ва б.) |
3 |
тонна |
8000 |
8000 |
8000 |
8000 |
|
8. |
Камёб металлар ва камёб ер элементлари |
3 |
тонна |
3000 |
3000 |
||
Марказий Қизилқум региони (Устук, Тўзбулоқ, Дайкали ва б.) |
3 |
тонна |
3000 |
3000 |
|||
9. |
Углеводородлар (истиқболдаги ресурслар) |
40 |
млн т.ш.ё. |
55 |
56 |
||
Излаш-қидириш ишлари |
40 |
млн т.ш.ё. |
55 |
56 |
|||
Устюрт региони |
12 |
млн т.ш.ё. |
20 |
20 |
|||
Бухоро-Хива региони |
22 |
млн т.ш.ё. |
30 |
32 |
|||
Фарғона региони |
6 |
млн т.ш.ё. |
5 |
4 |
|||
10. |
Норуда фойдали қазилмалар: |
||||||
кўмир |
млн тонна |
9 |
4 |
||||
кварц |
минг тонна |
250 |
250 |
||||
базальт |
минг тонна |
300 |
300 |
||||
лиственит |
минг тонна |
6 |
|||||
оҳактош |
млн тонна |
55 |
8,1 |
||||
фосфорит |
млн тонна |
6 |
|||||
инерт материаллар |
млн тонна |
10 |
1,5 |
||||
қум-шағал аралашмаси |
млн тонна |
4 |
4 |
||||
гранит |
млн тонна |
1,2 |
|||||
мармар |
млн тонна |
5 |
|||||
гипс |
минг тонна |
250 |
|||||
доломит |
млн тонна |
1,5 |
|||||
11. |
Ер ости сувлари |
3 |
минг куб.м/ сут |
121 |
125 |
||
Президентининг
2021 йил 21 апрелдаги
ПҚ-5083-сон қарорига
4-ИЛОВА
2021-2022 йилларда республика минерал-хомашё базасини
ривожлантириш ва қайта тиклаш учун фойдали қазилма
захираларини кўпайтиришнинг асосий кўрсаткичлари
Т/р |
Фойдали қазилма турлари |
Ўлчов бирлиги |
2021 йил режаси |
шу жумладан |
2022 йил режаси |
|||
I чорак |
II чорак |
III чорак |
IV чорак |
|||||
1. |
Олтин |
тонна |
110 |
12 |
32 |
66 |
112 |
|
2. |
Кумуш |
тонна |
345 |
10 |
20 |
60 |
255 |
355 |
3. |
Уран |
минг тонна |
3,5 |
0,5 |
0,8 |
2,2 |
3,5 |
|
4. |
Мис |
минг тонна |
240 |
20 |
60 |
160 |
255 |
|
5. |
Қўрғошин |
минг тонна |
42 |
12 |
30 |
51 |
||
6. |
Рух |
минг тонна |
41 |
12 |
29 |
48 |
||
7. |
Вольфрам |
минг тонна |
8 |
0,5 |
2 |
5,5 |
8 |
|
Президентининг
2021 йил 21 апрелдаги
ПҚ-5083-сон қарорига
5-ИЛОВА
2021-2022 йилларда "Олмалиқ КМК" АЖ томонидан
бирлашган Қалмоққир ва Ёшлик-I конларининг қайта
баҳоланиши ҳисобига фойдали қазилма захираларини
кўпайтиришнинг асосий кўрсаткичлари
Т/р |
Фойдали қазилма |
Ўлчов бирлиги |
2021 йил режаси |
2022 йил режаси |
2021-2022 йил режаси |
1. |
Олтин |
тонна |
320 |
114 |
434 |
2. |
Кумуш |
тонна |
1 610 |
577 |
2 187 |
3. |
Мис |
минг тонна |
2 582 |
925 |
3 507 |
4. |
Молибден |
минг тонна |
36 |
13 |
49 |
Изоҳ: фойдали қазилма захираларини кўпайтириш бирлашган Қалмоққир ва Ёшлик-I конларининг қуйи горизонтлари ва ён томонлари (фланглари) захираларини қайта баҳолаш ҳисобига таъминланади.
Президентининг
2021 йил 21 апрелдаги
ПҚ-5083-сон қарорига
6-ИЛОВА
Давлат геология қўмитаси ва "Ўзбекнефтгаз"
АЖ томонидан амалга ошириладиган нефть
ва газ майдонлари ҳамда конларида геология
қидирув ишларини ривожлантириш бўйича
ЧОРА-ТАДБИРЛАР РЕЖАСИ
Т/р |
Чора-тадбирлар |
Амалга ошириш механизми ва бажариш муддатлари |
Масъуллар: |
|
ижро учун |
назорат учун |
|||
1. |
"Ўзбекнефтгаз" АЖнинг углеводород хомашё базасини ривожлантириш ва қайта тўлдириш дастурини (кейинги ўринларда - Дастур) янада такомиллаштириш. |
1. "Ўзбекнефтгаз" АЖ бўйича 2021 йилги Дастурда Давлат геология қўмитаси томонидан тақдим этиладиган 15 та истиқболли майдонларда излов қудуқларини бурғилаш ишларини ташкил қилиш. 2021 йил декабрь 2. "Ўзбекнефтгаз" АЖнинг 2021 ва кейинги йиллардаги Дастурлар доирасида геофизика ишларини ривожлантириш режалари асосида белгиланган геофизика ишларини амалга ошириш. Белгиланган муддатларда 3. "Ўзбекнефтгаз" АЖ томонидан нефть ва газга истиқболли янги майдонларда қидирув қудуқларини бурғилаш ишларини амалга ошириш. 2021-2022 йилларда |
"Ўзбекнефтгаз" АЖ (М. Абдуллаев), Давлат геология қўмитаси (Н. Мухутдинов), "Ўзбекгеофизика" АЖ (А. Тошқулов) |
Вазирлар Маҳкамасининг Саноат ва унинг базавий тармоқларини ҳамда кооперация алоқаларини ривожлантириш масалалари департаменти (А. Жуманазаров) |
2. |
"Ўзбекнефтгаз" АЖнинг ўзлаштирилаётган нефть ва газ конлари қуйи қатламларининг геологик тузилишини ўрганиш, янги углеводород уюмларини аниқлаш ва уч ўлчамли геологик моделларини тузиш. |
1. Ўзлаштирилаётган нефть ва газ конларининг қуйи қатламларида углеводород уюмлари очилиши кутилаётган конлар рўйхатини шакллантириш. 2021 йил май 2. Қуйи қатламларида углеводород уюмлари очилиши кутилаётган конларда 3Д сейсморазведка ишларини ўтказиш учун лойиҳа смета ҳужжатларини тайёрлаш. 2021 йил май 3. Танланган конлар ҳудудида 3Д сейсморазведка ишларини ўтказиш ва уч ўлчамли моделларини тузиш. 2021 йил майидан 4. Аниқланган қуйи қатламлардаги структураларга излов қудуқларини бурғилаш. 2021-2022 йиллар |
"Ўзбекнефтгаз" АЖ (М. Абдуллаев), Давлат геология қўмитаси (Н. Мухутдинов), "Ўзбекгеофизика" АЖ (А. Тошқулов), Нефть ва газ конлари геологияси ва қидируви институти (Р. Юсупжонов) |
Вазирлар Маҳкамасининг Саноат ва унинг базавий тармоқларини ҳамда кооперация алоқаларини ривожлантириш масалалари департаменти (А. Жуманазаров) |
3. |
"Ўзбекнефтгаз" АЖ томонидан ўзлаштирилаётган конлардаҳисобланган газ захиралари таҳлилини ўтказиш. |
1. "Ўзбекнефтгаз" АЖ Давлат геология қўмитаси билан биргаликда углеводород конларининг қазиб олинаётган ва лойиҳадаги ҳажмларини таҳлил қилиш, захиралар ҳисоби тафовути аниқланган конлар рўйхатини шакллантириш. 2021 йил июнь 2. Аниқланган конларнинг углеводород захираларини қайта ҳисоблаш ва ўрнатилган тартибда тасдиқлаш чораларини кўриш. 2021-2022 йилларда, жадвал асосида |
"Ўзбекнефтгаз" АЖ (М. Абдуллаев), Давлат геология қўмитаси (Н. Мухутдинов), "Ўзбекгеофизика" АЖ(А. Тошқулов), Нефть ва газ конлари геологияси ва қидируви институти (Р. Юсупжонов) |
Вазирлар Маҳкамасининг Саноат ва унинг базавий тармоқларини ҳамда кооперация алоқаларини ривожлантириш масалалари департаменти (А. Жуманазаров) |
4. |
Нефть ва газ конлари геологияси соҳасида илм-фан ва амалиётнинг интеграциясини кучайтириш, илмий-тадқиқот ишлари натижаларини ишлаб чиқаришга татбиқ этиш. |
1. Нефть ва газ конлари геологияси соҳасидаги долзарб муаммолар ечимига йўналтирилган илмий лойиҳалар портфелини шакллантириш. 2021 йил май 2. Илмий лойиҳаларни келишилган муддатларда амалга ошириш, олинган натижаларни амалиётга татбиқ этиш. 2021-2022 йилларда, жадвал асосида |
"Ўзбекнефтгаз" АЖ (М. Абдуллаев), Давлат геология қўмитаси (Н. Мухутдинов), Геология фанлари университети (М. Исоқов) |
Вазирлар Маҳкамасининг Саноат ва унинг базавий тармоқларини ҳамда кооперация алоқаларини ривожлантириш масалалари департаменти (А. Жуманазаров) |
5. |
Углеводород хомашё ресурсларини баҳолаш жараёнини рақамлаштиришга ахборот-коммуникация технологияларини жорий қилинишини таъминлаш. |
1. Углеводород хомашё ресурслари, мавжуд геологик маълумотларни рақамлаштиришга ахборот-коммуникация технологияларини жорий қилиш механизмини ишлаб чиқиш. 2021 йил декабрь 2. Углеводород хомашё ресурслари ҳисобини рақамли тизимларни қўллаш орқали юритиш жараёнини таҳлил қилиш, истиқболларини белгилаш. Тармоқ жадвалига мувофиқ 3. Жараёнга рақамлаштириш ва геоахборот тизимларини жорий қилиш чораларини амалга ошириш. Доимий равишда |
"Ўзбекнефтгаз" АЖ (М. Абдуллаев), Давлат геология қўмитаси (Н. Мухутдинов), Нефть ва газ конлари геологияси ва қидируви институти (Р. Юсупжонов), Давлат геология ахборот маркази (А. Варисов) |
Вазирлар Маҳкамасининг Саноат ва унинг базавий тармоқларини ҳамда кооперация алоқаларини ривожлантириш масалалари департаменти (А. Жуманазаров) |
6. |
"Ўзбекгеофизика" АЖ балансидаги кўп қаватли турар-жойларни тегишли маҳаллий давлат ҳокимиятлари балансига, улар билан боғлиқ инфраструктура объектларини (иссиқлик ва электрэнергияси таъминоти тармоқлари ва бошқалар) тегишлилиги бўйича манфаатдор ташкилотлар балансига ўтказиш. |
1. "Ўзбекгеофизика" АЖ балансидаги кўп қаватли турар-жойларни (Тошкент вилояти, Қибрай туманида 23 та уй, Тошкент шаҳар, Учтепа туманида 1 та уй), улар билан боғлиқ инфраструктура объектларини (1,5 км иссиқлик таъминоти қувурлари, 3,5 км электр энергияси тармоғи, 3 та трансформатор нимстанцияси) хатловдан ўтказиш. 2021 йил май 2. Мазкур кўп қаватли турар-жойларни ва улар билан боғлиқ инфраструктура объектларини ҳозирги ҳолатида маҳаллий давлат ҳокимиятлари ва манфаатдор ташкилотлар балансига ўтказиш. 2021 йил июль |
Давлат активларини бошқариш агентлиги (А. Ортиқов), Давлат геология қўмитаси (Б.Исламов), Тошкент вилояти ҳокимлиги (Д.Хидоятов), Тошкент шаҳар ҳокимлиги (Ж.Ортиқхўжаев) |
Вазирлар Маҳкамасининг Саноат ва унинг базавий тармоқларини ҳамда кооперация алоқаларини ривожлантириш масалалари департаменти (А. Жуманазаров) |
7. |
"Ўзбекнефтгаз" АЖ тизимида геология йўналишида фаолият юритаётган мутахассисларнинг билим даражасини ва кўникмаларини ошириш. |
1. "Ўзбекнефтгаз" АЖ тизимида геология йўналишида фаолият юритаётган мутахассислар рўйхатини шакллантириш. 2021 йил май 2. Мазкур мутахассислар малакасини ошириш курслари дастурлари ва жадвалларини шакллантириш ва келишиш. 2021 йил июнь 3. Мутахассисларнинг Геология фанлари университетида замонавий талаблар ва жаҳон стандартлари асосида билим ва кўникмаларини ошириш. Жадвал асосида |
"Ўзбекнефтгаз" АЖ (М. Абдуллаев), Геология фанлари университети (М. Исоқов) |
Вазирлар Маҳкамасининг Саноат ва унинг базавий тармоқларини ҳамда кооперация алоқаларини ривожлантириш масалалари департаменти (А. Жуманазаров) |
Президентининг
2021 йил 21 апрелдаги
ПҚ-5083-сон қарорига
7-ИЛОВА
Ўзбекистон Республикаси Президентининг
айрим қарорларига киритилаётган
ўзгартиришлар ва қўшимча
1. Ўзбекистон Республикаси Президентининг 2017 йил 25 сентябрдаги "Сув объектларини муҳофаза қилиш тизимини янада такомиллаштириш чора-тадбирлари тўғрисида"ги ПҚ-3286-сон қарорида:
а) 1-банднинг олтинчи хатбошисидаги "лицензияга" сўзи "рухсатномага" сўзи билан алмаштирилсин;
б) 3-банднинг иккинчи хатбошисидаги "лицензияларда" сўзи "рухсатномаларда" сўзи билан алмаштирилсин.
2. Ўзбекистон Республикаси Президентининг 2018 йил 17 январдаги "Мамлакат иқтисодиётининг тармоқларини талаб юқори бўлган маҳсулот ва хомашё турлари билан барқарор таъминлаш чора-тадбирлари тўғрисида"ги ПҚ-3479-сон қарори 4-бандининг биринчи, учинчи, тўртинчи хатбошиларидаги тегишли келишикдаги "лицензия" сўзи тегишли келишикдаги "рухсатнома" сўзи билан алмаштирилсин.
3. Ўзбекистон Республикаси Президентининг 2018 йил 1 мартдаги "Ўзбекистон Республикаси Давлат геология ва минерал ресурслар қўмитаси фаолиятини тубдан такомиллаштириш чора-тадбирлари тўғрисида"ги ПҚ-3578-сон қарори 5-банди қуйидаги таҳрирда баён этилсин:
"5. Шундай тартиб ўрнатилсинки, унга мувофиқ:
ер ости сувлари қисми бўйича сувдан махсус ва эҳтиёж юзасидан фойдаланиш учун рухсатнома белгиланган тартибда Давлат геология қўмитасининг ҳудудий гидрогеологик станциялари томонидан Давлат хизматлари марказлари орқали берилади;
ер қаъри участкаларидан фойдаланиш ҳуқуқи учун рухсатномалар белгиланган тартибда Давлат геология қўмитаси томонидан "Лицензия" ахборот тизими орқали берилади;
ер қаъридан фойдаланувчилар томонидан тақдим этиладиган кончилик ишларини ривожлантириш режаларини белгиланган тартибда келишиш, шунингдек, уларни қазиб олиш ҳажмлари тўғрисидаги йиллик ҳисоботларни қабул қилиш ва уларни кейинчалик Давлат геология қўмитасининг Давлат геология фондига юбориш:
норуда фойдали қазилмалар бўйича - Инспекциянинг ҳудудий бўлинмалари;
рудали фойдали қазилмалар ва углеводородлар бўйича Инспекция томонидан амалга оширилади.
Бунда, мазкур банднинг иккинчи ва учинчи хатбошиларида кўрсатилган рухсатномаларни олиш учун ариза ва унга илова қилинган ҳужжатлар Ягона интерактив давлат хизматлари портали орқали ҳам берилиши мумкин".
4. Ўзбекистон Республикаси Президентининг 2018 йил 26 ноябрдаги "Қимматбаҳо металларни олтин изловчилар усулида қазиб олиш фаолиятини амалга ошириш учун шарт-шароитлар яратиш чора-тадбирлари тўғрисида"ги ПҚ-4030-сон қарорининг 2-банди қуйидаги таҳрирда баён этилсин:
"2. Шундай тартиб ўрнатилсинки, унга кўра:
қимматбаҳо металларни олтин изловчилар усулида қазиб олиш фаолияти ер қаъридан фойдаланишнинг алоҳида тури ҳисобланади ва у ер қаъри участкаларида амалга оширилади;
қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкалари, шу жумладан ўлчамлари 5 гектаргача бўлган сочма олтин конлари тақдим этилади;
қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкаларидан фойдаланиш ҳуқуқи учун рухсатнома берилади, бунда битта талабгорга рухсатнома асосида берилган ер қаъри участкаларининг умумий майдони йил давомида 20 гектардан ошмаслиги лозим;
қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкаларидан фойдаланиш ҳуқуқи учун рухсатномаларга фақат Ўзбекистон Республикаси резидентлари, хусусан Ўзбекистон Республикаси фуқароси бўлган якка тартибдаги тадбиркор мақомига эга жисмоний шахслар ҳамда устав капитали (жамғармаси)да Ўзбекистон Республикаси фуқароси бўлган жисмоний шахснинг улуши 70 ва ундан ортиқ фоизга эга бўлган юридик шахслар талабгор бўлиши мумкин;
қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкаларидан фойдаланиш ҳуқуқи учун рухсатномага талабгор бўлиши мумкин бўлган юридик шахслар ишчи-ходимларининг 70 фоизи Ўзбекистон Республикаси фуқароси бўлиши лозим;
қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкаларидан фойдаланиш ҳуқуқига рухсатнома Ўзбекистон Республикаси Давлат геология ва минерал ресурслар қўмитаси томонидан "E-AUKSION" электрон савдо майдончасидаги электрон аукцион якунлари бўйича белгиланган тартибда "Лицензия" ахборот тизими орқали 3 йил муддатга берилади;
электрон аукционни ўтказиш ва мазкур қарорга мувофиқ рухсатномани беришнинг умумий муддати "E-AUKSION" электрон савдо майдончасида амалга ошириладиган барча жараёнларни ўз ичига олган ҳолда, истисно тариқасида, 15 кундан ошмайди;
қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкаларидан фойдаланиш ҳуқуқини савдога қўйишнинг бошланғич нархи ҳар бир гектарига Ўзбекистон Республикаси ҳудудида белгиланган базавий ҳисоблаш миқдорининг 35 баравари миқдорида белгиланади. Бунда тўлиқ бўлмаган гектарлар учун бошланғич нарх 1 гектар ер учун белгиланган нархни ер майдонининг ўлчамига кўпайтириш орқали аниқланади;
қимматбаҳо металларни олтин изловчилар усулида қазиб олишга рухсат бериладиган ер қаъри участкалари рўйхати ҳар йили Ўзбекистон Республикаси Давлат геология ва минерал ресурслар қўмитаси томонидан тасдиқланади;
рухсатномани ёки ер қаъри участкасидан (тўлиқ ёки қисман) фойдаланиш ҳуқуқини учинчи шахсларга бериш (топшириш), шунингдек, битта ер қаъри участкасидан фойдаланиш ҳуқуқига рухсатномани бир неча шахсга беришга йўл қўйилмайди;
қимматбаҳо металларни олтин изловчилар усулида қазиб олиш фаолияти билан шуғулланувчи шахсларнинг реестрини юритиш ва уларга ажратилган ер қаъри участкаларининг давлат назорати Ўзбекистон Республикаси Давлат геология ва минерал ресурслар қўмитаси томонидан амалга оширилади;
олтин изловчилар усулида қазиб олинган қимматбаҳо металларни реализация қилиш аффинаж фаолиятини амалга ошириш ҳуқуқини берувчи лицензияга эга юридик шахсларга, шу жумладан "Олмалиқ кон-металлургия комбинати" ва "Навоий кон-металлургия комбинати" акциядорлик жамиятларига, шунингдек, қимматбаҳо металлар ва қимматбаҳо тошлардан заргарлик ва бошқа буюмлар ишлаб чиқариш фаолиятини амалга ошириш ҳуқуқига эга юридик шахсларга ва якка тартибдаги тадбиркорларга келишилган нархларда амалга оширилади;
қимматбаҳо металларни яшириш, шу жумладан уни 6 ой ичида реализация қилмаслик, шунингдек, қимматбаҳо металларни олтин изловчилар усулида қазиб олиш чоғида ишларни бехатар олиб бориш талабларининг бузилиши оқибатида инсонларнинг оғир тан жароҳати олиши ёки ўлимига олиб келиши рухсатномани бекор қилиш ва мазкур фаолият билан шуғулланишни бир йил давомида чеклаш учун асос бўлади;
қимматбаҳо металларни олтин изловчилар усулида қазиб олиш фаолиятини амалга ошириш учун берилган ер қаъри участкасидан фойдаланиш ҳуқуқи тугатилгандан сўнг, ер қаъридан фойдаланувчилар зиммасига ер қаъри участкаларини рекультивация қилиш ва уларни кейинчалик фойдаланиш учун яроқли ҳолатга келтириш мажбурияти юкланади.
Белгилансинки, мазкур банднинг тўртинчи, бешинчи ва олтинчи хатбошиларида назарда тутилган талаблар 2021 йил 1 майдан бошлаб бериладиган қимматбаҳо металларни олтин изловчилар усулида қазиб олиш ҳуқуқини берувчи рухсатномаларга нисбатан татбиқ этилади".
5. Ўзбекистон Республикаси Президентининг 2018 йил 26 декабрдаги "Норуда фойдали қазилмаларни ўз ичига олган ер қаъри участкаларидан фойдаланиш самарадорлигини ошириш бўйича қўшимча чора-тадбирлар тўғрисида"ги ПҚ-4078-сон қарорида:
а) 1-банднинг учинчи, бешинчи - еттинчи хатбошиларидаги тегишли келишикдаги "лицензия" сўзи тегишли келишикдаги "рухсатнома" сўзи билан алмаштирилсин;
б) 2-бандда:
учинчи хатбоши қуйидаги таҳрирда баён этилсин:
"2020 йил 1 январдан барча норуда фойдали қазилмаларни ўз ичига олган ер қаъри участкаларидан фойдаланиш (дарё ўзанларини тозалаш жараёнида қум-шағал материалларини қазиб олиш бундан мустасно) ҳуқуқи учун рухсатномалар Ўзбекистон Республикаси Давлат геология ва минерал ресурслар қўмитаси томонидан "E-AUKSION" электрон савдо майдончасидаги электрон аукцион якунлари асосида 20 кундан ошмаган муддатда белгиланган тартибда "Лицензия" ахборот тизими орқали берилади. Бунда рухсатномани олиш учун ариза ва унга илова қилинган ҳужжатлар Ягона интерактив давлат хизматлари портали орқали ҳам берилиши мумкин";
тўртинчи хатбошидаги "лицензия" сўзи "рухсатнома" сўзи билан алмаштирилсин;
в) 4-банднинг биринчи хатбошисидаги "лицензияга" сўзи "рухсатномага" сўзи билан алмаштирилсин.
6. Ўзбекистон Республикаси Президентининг 2019 йил 23 июлдаги "Ер қаърини геологик жиҳатдан ўрганишни янада такомиллаштириш ва 2020-2021 йилларда минерал-хом ашё базасини ривожлантириш ва қайта тиклаш давлат дастурини амалга ошириш чора-тадбирлари тўғрисида"ги ПҚ-4401-сон қарорида:
а) 2-бандда:
иккинчи ва учинчи хатбошилар чиқариб ташлансин;
тўртинчи хатбоши иккинчи хатбоши деб ҳисоблансин;
б) 1 ва 2-иловалар ўз кучини йўқотган деб топилсин.
7. Ўзбекистон Республикаси Президентининг 2019 йил 18 ноябрдаги "Нефть ва газ геология-қидирув ишларини ташкил этиш ва олиб бориш тизимини такомиллаштириш чора-тадбирлари тўғрисида"ги ПҚ-4522-сон қарорида:
а) 8-банддаги "лицензия" сўзи "рухсатнома" сўзи билан алмаштирилсин;
б) 12-банднинг биринчи ва иккинчи хатбошилари қуйидаги таҳрирда баён этилсин:
"Қуйидаги механизм жорий этилсин, унга мувофиқ:
Ўзбекистон Республикаси Президентининг 2017 йил 24 майдаги "Стратегик муҳим турдаги қаттиқ фойдали қазилма конларини геологик ўрганиш ва ўзлаштиришга хорижий инвестициялар жалб қилишни жадаллаштириш чора-тадбирлари тўғрисида"ги ПҚ-3000-сон қарорида кўрсатилган стратегик фойдали қазилма турлари мавжуд ер қаъри участкаларини фойдаланишга топшириш рухсатномаларни бериш шаффофлигини таъминловчи аукцион савдолар асосида белгиланган тартибда "Лицензия" ахборот тизими орқали амалга оширилади. Бунда рухсатномани олиш учун ариза ва унга илова қилинган ҳужжатлар Ягона интерактив давлат хизматлари портали орқали ҳам берилиши мумкин".
8. Ўзбекистон Республикаси Президентининг 2020 йил 6 мартдаги "Навоий кон-металлургия комбинати" давлат корхонасини ислоҳ қилиш чора-тадбирлари тўғрисида"ги ПҚ-4629-сон қарорида:
а) 7-банднинг учинчи хатбошисидаги ва 13-банднинг иккинчи хатбошисидаги "лицензиялар" сўзи "рухсатномалар" сўзи билан алмаштирилсин;
б) 2-илованинг номидаги тегишли келишикдаги "лицензия" сўзи тегишли келишикдаги "рухсатнома" сўзи билан алмаштирилсин.
Қонун ҳужжатлари маълумотлари миллий базаси (www.lex.uz),
2021 йил 22 апрель
78-150-11-72 
Мобильная версия сайта