Ўзбекистон Республикаси Давлат бюджетининг касса ижроси тўғрисидаги Йўриқнома (Янги таҳрирда) (АВ томонидан 19.02.2001 й. 1009-сон билан рўйхатга олинган 12.01.2001 й. Марказий банкнинг 183-В-сон Молия вазирлигининг 12-сонли қарори билан тасдиқланган)

Функция недоступна

Ўзбекистон Республикаси

Адлия вазирлигида

2001 йил 19 февралда 1009-сон

билан рўйхатга олинган

Марказий банк ва

Молия вазирлигининг

2001 йил 12 январдаги

183-В ва 12-сонли қарори билан

ТАСДИҚЛАНГАН

Ўзбекистон Республикаси Давлат бюджетининг

касса ижроси тўғрисидаги

ЙЎРИҚНОМА

(Янги таҳрирда)

Ушбу Йўриқнома Ўзбекистон Республикасининг "Ўзбекистон Республикаси Марказий банки тўғрисида"ги, "Банклар ва банк фаолияти тўғрисида"ги ва "Бюджет тизими тўғрисида"ги Қонунларига, Ўзбекистон Республикаси Президентининг 2000 йил 2 июндаги "Жамиятнинг сиёсий, иқтисодий ва маънавий соҳаларида ислоҳотларни эркинлаштириш ва чуқурлаштириш, мамлакат хавфсизлигини таъминлаш бўйича Дастурларни амалга ошириш борасидаги чора-тадбирлари тўғрисида"ги ПФ-2612 сонли Фармони, Ўзбекистон Республикаси Вазирлар Маҳкамасининг 1999 йил 3 сентябрдаги 414-сонли "Бюджет ташкилотларини маблағ билан таъминлаш тартибини такомиллаштириш тўғрисида"ги Қарори ва Ўзбекистон Республикаси Вазирлар Маҳкамасининг 1992 йил 23 ноябрдаги 553-сонли Қарори билан тасдиқланган "Ўзбекистон Республикаси Молия вазирлиги тўғрисида"ги Низомнинг 6-бандига мувофиқ ишлаб чиқилган бўлиб, у Давлат бюджетининг касса ижросини амалга ошириш ва унинг ҳисобини юритиш тартибини белгилайди.

I БОБ. УМУМИЙ ҚОИДАЛАР

1-§. Асосий қоидалар

1. Ўзбекистон Республикаси Давлат бюджети ўз ичига республика бюджети, Қорақалпоғистон Республикаси бюджети ва маҳаллий бюджетларни олади. Бундан ташқари Давлат бюджети таркибида Республика йўл жамғармаси, Ўзбекистон Республикаси Давлат мулкини бошқариш ва тадбиркорликни қўллаб-қувватлаш давлат қўмитасининг махсус ҳисобварағи, Иш билан таъминлашга кўмаклашувчи давлат жамғармаси ҳамда Ўзбекистон Республикаси бюджетдан ташқари Пенсия жамғармаси маблағлари жамланади.

2. Давлат мақсадли жамғармаларини тузиш, жамғарма маблағларини шакллантириш ва улардан фойдаланиш тартиби Ўзбекистон Республикаси Вазирлар Маҳкамаси томонидан белгиланади.

3. Қорақалпоғистон Республикаси бюджети Қорақалпоғистон Республикасининг республика бюджетини ҳамда Қорақалпоғистон Республикаси таркибидаги туманлар ва шаҳарлар бюджетларини ўз ичига олади.

4. Вилоят бюджети вилоят бюджетини, вилоятга бўйсунувчи туманлар ва шаҳарлар бюджетларини ўз ичига олади.

5. Туманларга бўлинадиган шаҳарнинг бюджети шаҳар бюджетини ва шаҳар таркибига кирувчи туманлар бюджетларини ўз ичига олади.

6. Туманга бўйсунадиган шаҳарлари бўлган туманнинг бюджети туман бюджетини ва туман бўйсунувидаги шаҳарлар бюджетларини ўз ичига олади.

7. Ўзбекистон Республикаси Давлат бюджетининг касса ижроси ҳисоби Адлия вазирлиги томонидан 1999 йил 13 июлда рўйхатга олинган 773-сонли "Ўзбекистон Республикаси тижорат банкларида бухгалтерия ҳисоби ҳисобварақлари режаси"га ҳамда Ўзбекистон Республикаси Марказий банкининг 1999 йил 25 декабрдаги 289-сонли "Ўзбекистон Республикаси Марказий банкида бухгалтерия ҳисоби ҳисобварақлар режаси"га мувофиқ юритилади.

II БОБ. ДАВЛАТ БЮДЖЕТИНИНГ ДАРОМАДЛАРИ

БЎЙИЧА КАССА ИЖРОСИ

2-§. Давлат бюджетининг даромадлари

8. Давлат бюджети даромадларига қуйидагилар кирим қилинади:

1) қонун ҳужжатларида белгиланган солиқлар, йиғимлар, божлар ва бошқа мажбурий тўловлар;

2) давлатнинг молиявий ва бошқа активларини жойлаштириш, фойдаланишга бериш ва сотишдан олинган даромадлар;

3) қонун ҳужжатларига мувофиқ мерос олиш, ҳадя этиш ҳуқуқи бўйича давлат мулкига ўтган пул маблағлари;

4) юридик ва жисмоний шахслардан, шунингдек чет эл давлатларидан келган қайтарилмайдиган пул тушумлари;

5) резидент юридик шахсларга ва чет эл давлатларига берилган бюджет ссудаларини қайтариш ҳисобига тушадиган тўловлар;

6) қонун ҳужжатларида тақиқланмаган бошқа даромадлар.

9. Давлат бюджетига келиб тушган маблағларнинг тўғри ва ўз вақтида кирим қилинишини таъминлаш мақсадида Ўзбекистон Республикаси Молия вазирлигининг хос рақами ва СТИРи (солиқ тўловчининг идентификацион рақами) билан Марказий банкнинг Тошкент шаҳар ва ҳудудий Бош бошқармаларининг Ҳисоб-китоб касса марказларида ҳамда тижорат банкларида 23402 "Республика бюджетининг маблағлари" ҳисобварағи бюджет даромадлари таснифига асосан очилади.

10. Мулкчилик шаклидан қатъи назар юридик ва жисмоний шахслар томонидан Давлат бюджетига ўтказиладиган умумдавлат солиқлари, йиғимлари, божлари ва бошқа мажбурий тўловлар Ўзбекистон Республикаси банклари томонидан қабул қилинади ва белгиланган тартибда 23402 "Республика бюджетининг маблағлари"ҳисобварағига кирим қилинади.

11. Мулкчилик шаклидан қатъи назар барча юридик шахслар (солиқ тўловчилар) томонидан Давлат бюджетига, Қорақалпоғистон Республикаси бюджетига ва маҳаллий бюджетларга тўланадиган солиқ ва бошқа тўловлар, тўлов суммасидан қатъи назар пул ўтказиш йўли билан амалга оширилади.

12. Жисмоний шахслар солиқ ва бошқа тўловларни нақд пул ёки пул ўтказиш орқали амалга ошириши мумкин.

13. Бюджетга тўланадиган солиқ ва бошқа тўловлар ваколатли органлар томонидан ўрнатилган тартибда нақд пул шаклида қабул қилиниши ва банкларга топширилиши мумкин.

14. Давлат бюджетининг 23402 "Республика бюджетининг маблағлари" ҳисобварағига келиб тушган солиқ ва бошқа тўловлар ҳисобидан белгиланган тартибда ва миқдорда Республика бюджетига, Қорақалпоғистон Республикаси бюджетига ва маҳаллий бюджетларга ажратма қилинади.

15. Давлат бюджетига солиқ ва бошқа тўловларни тўлаш мақсадида такдим этилган тўлов ҳужжатларининг тўғри тўлдирилганлиги ва тўлов тўғри амалга оширилаётганлиги банк томонидан текширилгандан кейин тўловга қабул қилиниши лозим. Банкларга тақдим этилган тўлов ҳужжатлари нотўғри тўлдирилган бўлса, уларнинг сабаблари кўрсатилган ҳолда тўлов ҳужжатлари тақдим этувчиларга қайтарилади.

16. Солиқ тўловчиларнинг талаб қилиб олингунча депозит ҳисобварақларида маблағлари етарли бўлмаса, банкларга тақдим этилган тўлов ҳужжатлари 2-сонли картотекага кирим қилинади ва тўловлар Ўзбекистон Республикаси Адлия вазирлигида 1999 йил 30 январда рўйхатга олинган 615-сонли "Хўжалик юритувчи субъектларнинг банк ҳисобварақларидан пул маблағларини ҳисобдан чиқариш тартиби тўғрисидаги йўриқнома"га асосан, қонунчиликда бошқа ҳолатлар кўзда тутилмаган бўлса амалга оширилади.

17. Солиқ тўловчиларнинг тўлов топшириқномалари ҳамда солиқ ва молия органларининг инкассо топшириқномалари банкларнинг айби билан ўз вақтида ижро этилмаса, банклар ҳар бир муддати ўтган кун учун қонунчиликда белгиланган тартибда бюджетга ўз вақтида ўтказилмаган сумманинг 0,5 фоизи миқдорида пеня тўлайди.

18. Давлат бюджетига тўланадиган солиқ ва бошқа тўловлар алоҳида ёзилган тўлов ҳужжатларига асосан Давлат бюджети даромадлари ҳисобварағига кирим қилинади.

19. Давлат бюджети даромадлари ҳисобварағига келиб тушган маблағларнинг кирим қилинганлиги тўғрисида ҳисобварақдан кўчирма ва иловалар банклар томонидан ўрнатилган тартибда солиқ органларига берилади.

20. Давлат бюджети даромадлари ҳисобварағида кўзда тутилмаган солиқ ва бошқа тўловлар солиқ тўловчилар томонидан тўланганда, бу маблағлар Давлат бюджети даромадларининг 12-бўлими, 25-параграфи, 352-"Бошқа тушумлар" шартли ҳисобварағига кирим қилинади.

3-§. Жисмоний шахсларнинг даромад солиғи суммаси

21. Мулкчилик шаклидан қатъи назар барча хўжалик юритувчи субъектлар томонидан меҳнат қонунчилигида белгиланган тартибда тузилган меҳнат шартномасига асосан ҳамда қонунчиликда белгиланган тартибда ва миқдорда ишчи ва ходимларнинг даромадларидан даромад солиғи ушлаб қолинади.

22. Хўжалик юритувчи субъектлар жорий ой давомида ишчи ва ходимларга ҳисобланган иш ҳақидан ушлаб қолинган даромад солиғини Давлат бюджетига ўтказиш учун тўлов топшириқномасини жорий ойнинг иккинчи ярмида иш ҳақи олиш учун топширадиган чек билан бир вақтда тақдим этишлари лозим. Иш ҳақи олиш учун топширадиган чек билан бир вақтда тўлов топшириқномалари тақкдим этилмаса иш ҳақи олиш учун нақд пул беришга рухсат этилмайди.

23. Солиқ тўловчилар томонидан даромад солиғини бюджетга ўтказиш учун банкларга тақдим этилган тўлов топшириқномаларининг "Тўлов мақсади"да "_________ ойи иш ҳақисидан ушлаб қолинган даромад солиғи суммаси бюджетга ўтказилди" деб ёзиб кўйилиши лозим.

24. Хўжалик юритувчи субъектларнинг даромад солиғини бюджетга ўтказиш учун тақдим этган тўлов топшириқномалари банклар томонидан қабул қилинади. Хўжалик юритувчи субъектларнинг талаб қилиб олингунча депозит ҳисобварақларида пул маблағлари етарли бўлса тўловлар амалга оширилади, агар пул маблағлари етарли бўлмаса тўлов топшириқномалари 2-сонли картотекага кирим қилинади ва белгиланган тартибда ҳисобдан чиқарилади.

4-§. Қимматбаҳо металлардан тайёрланган

буюмларни ва қотишмаларни текшириш

ва тамғалаш

25. Мулкчилик шаклидан қатъи назар барча хўжалик юритувчи субъектлар, шунингдек жисмоний шахслар Ўзбекистон Республикаси Молия Вазирлиги ҳузуридаги "Қимматбаҳо металлар ва қимматбаҳо тошлар" қўмитасининг синов назорати органларига қимматбаҳо металлардан тайёрланган буюмлар ва қотишмаларни текшириш ва тамғалаш учун мурожаат қилиши мумкин. Синов назорати органлари томонидан бажарилган хизматлар учун тўланган тўловлар банклар томонидан Давлат бюджети даромадларининг 12-бўлими, 23-параграфи, 350-"Қимматбаҳо металлардан тайёрланган қотишмаларни ва тамғаланган маҳсулотларни текшириб бергани учун тўловлар" шартли ҳисобварағи бўйича кирим қилинади.

26. Хўжалик юритувчи субъектлар қимматбаҳо металлардан тайёрланган буюмларни ва қотишмаларни текшириб кўргани ҳамда тамғалагани учун тўловларни тўлов топшириқномаларига асосан ўтказадилар. Тўлов топшириқномаларида инспекция номи ҳамда тўлов мақсади "Текшириш ва тамғалаш учун тўловлар" деб кўрсатилиши лозим.

27. Синов назорати органлари томонидан тайёр буюмлар ва қотишмаларни текшириб кўриш ҳамда тамғалаш учун қабул қилиб олинганлиги тўғрисида берилган квитанцияларга асосан жисмоний шахслар тўловларни нақд пул ёки пул ўтказиш орқали амалга оширадилар ва тўловлар банклар томонидан Давлат бюджети даромадлари ҳисобига, бюджет даромадлари таснифининг 12-бўлими, 23-параграфи, 350-"Қимматбаҳо металлардан тайёрланган қотишмаларни ва тамғаланган маҳсулотларни текшириб бергани учун тўловлар" шахсий ҳисобварағи бўйича кирим қилинади.

5-§. Назорат қилувчи органлар томонидан ҳисобланган

жарима суммаларини қабул қилиш тартиби

28. Жарима солиш ҳукуқига эга бўлган органлар томонидан юридик ва жисмоний шахсларга солинган жарима суммалари банклар томонидан қабул қилинади.

29. Банклар томонидан қабул қилинган жарима суммалари қонунчиликда белгиланган тартибда ва жарима солувчи органлар билан тузилган шартномага асосан тегишли ҳисобварақларга ўтказиб берилади. Бунда Давлат бюджетига ўтказиладиган жарима суммалари Давлат бюджети даромадлар классификациясининг "Йиғимлар ва бошқа солиқ бўлмаган даромадлар" бўлимидаги мос шартли ҳисобварақларга кирим қилинади.

30. Жарима солиш ҳуқуқи берилган ташкилотлар ва муассасалар ҳисобот йили даврида келиб тушган жарима суммалари бўйича йиллик ҳисобот маълумотларини жорий йилнинг 1 январ ҳолатига Давлат бюджети даромадларига хизмат кўрсатувчи банклар ва солиқ органлари билан ўрнатилган тартибда таққослаб кўришлари шарт.

6-§. Давлат божини тўлаш тартиби

31. Юридик ва жисмоний шахслар давлат божини тўловчилар бўлиб ҳисобланадилар. Давлат божи Давлат бюджети даромадлари ҳисобига ўтказилади. Давлат божини йиғувчи Давлат органлари Давлат божининг Давлат бюджети даромадлари ҳисобига ўтказиш тартибини бож тўловчиларга хабар қилади. Давлат бюджетига ўтказиладиган Давлат божи бюджет даромадлари таснифининг 11-бўлимида акс эттирилади.

32. Давлат божи пул ўтказиш ёки нақд пул билан тўланади.

33. Давлат божи нақд пул орқали тўланганда, банклар томонидан Давлат божини тўловчиларга квитанция берилади.

7-§. Давлат бюджети даромадлари ҳисобидан

ажратмалар қилиш

34. Давлат бюджетига келиб тушган солиқ ва бошка тўловлар ҳисобидан Республика бюджетига, Қорақалпоғистон Республикаси бюджетига ҳамда маҳаллий бюджетларга ўрнатилган миқдорда ажратма қилинади.

35. Ўзбекистон Республикаси Молия вазирлиги Давлат бюджети даромадлари ҳисобидан Қорақалпоғистон Республикаси, Тошкент шаҳар ва вилоятлар маҳаллий бюджетларига ажратма қилиш миқдорини белгилайди ва Қорақалпоғистон Республикаси Молия вазирлигига, вилоят (шаҳар) молия бошқармаларига ҳамда Марказий банкнинг ҳудудий Бош бошқармаларига етказади.

36. Қорақалпоғистон Республикаси Молия вазирлиги ва вилоят (шаҳар) молия бошқармалари ўз навбатида ҳар бир шаҳар ва туман молия органларига ҳамда тижорат банкларига Давлат бюджети даромадлари ҳисобидан маҳаллий бюджетларга ажратмалар миқдори тўғрисида хабар қилади.

37. Қорақалпоғистон Республикаси Молия вазирлиги ва вилоят (шаҳар) молия бошқармалари Давлат бюджети даромадлари ҳисобидан Республика бюджетига, Қорақалпоғистон Республикаси бюджетига ва маҳаллий бюджетларга ажратма қилиш миқдорини ўзгартиришга ҳақли эмас.

38. Республика бюджети даромадлари ҳисобидан Қорақалпоғистон Республикаси, Тошкент шаҳар ва вилоятлар маҳаллий бюджетларига ажратма қилиш миқдори жорий йил давомида ўзгарса, мазкур Йўриқноманинг 36-37 бандларида белгиланган тартибда қўшимча хабар қилинади.

39. Давлат бюджети даромадлари ҳисобига келиб тушган кунлик солиқ ва бошқа тўловлар ҳисобидан Республика бюджетига, Қорақалпоғистон Республикаси бюджетига ва маҳаллий бюджетларга ажратмалар банклар томонидан дастурий таъминот асосида белгиланган фоиз миқдорида амалга оширилади. Зарур бўлган ҳолларда, маҳаллий бюджетга ажратмалар қўл ёрдамида амалга оширилиши мумкин. Давлат бюджети даромадлари ҳисобидан Республика бюджетига, Қорақалпоғистон Республикаси бюджетига ва маҳаллий бюджетларга ажратмалар бўйича бухгалтерия ўтказмалари мемориал ордерлар билан расмийлаштирилади.

40. Қорақалпоғистон Республикаси бюджетига ва маҳаллий бюджетларга кунлик ажратмалар тўғрисидаги қайднома молия органларига ҳамда бюджет ҳисобварағидан кўчирма билан бирга давлат солиқ органларига берилади (1-илова).

41. Давлат бюджети даромадлари ҳисобидан Республика бюджетига, Қорақалпоғистон Республикаси бюджетига ва маҳаллий бюджетларга ажратмалар алоҳида ҳар бир солиқ ва бошқа тўловлар бўйича, уларнинг шахсий ҳисобварақларидан ажратма қилинади.

8-§. Бюджетга нотўғри ёки ортиқча ўтказилган

маблағларни қайтариш ва ўзаро бошқа

тўловлар ҳисобига ўтказиш

42. Бюджетга нотўғри ёки ортиқча ўтказилган солиқ ва бошқа маблағлар солиқ тўловчиларнинг ёзма аризасига кўра қайтариб берилади ёки келгуси тўловлар ёхуд бошқа тўловлар ҳисобига ўтказилади. Давлат бюджетига нотўғри ёки ортиқча ўтказилган божхона тўловлари Ўзбекистон Республикаси Адлия вазирлигида 2000 йил 14 июлда 947-сон билан давлат рўйхатидан ўтказилган йўриқномага асосан тартибга солинади.

43. Солиқ органлари солиқ тўловчиларнинг аризаси ва уларнинг шахсий ҳисобварақлари маълумотларига асосан бюджетга ортиқча тўланган солиқ суммасини қайтариш ёки келгуси тўловлар ёхуд бошқа тўловлар ҳисобига ўтказиш тўғрисидаги хулосасини тегишли молия органларига тақдим этиши лозим.

44. Молия органлари бюджетга нотўғри ёки ортиқча ўтказилган маблағларни солиқ тўловчиларга қайтариш ёки келгуси тўловлар ёхуд бошқа тўловлар ҳисобига ўтказиш тўғрисидаги солиқ органларининг ёзма хулосасини олган кундан кейинги иш кунидан кечикмасдан банкларга тўлов топшириқномаларини тақдим этади. Солиқ органларининг хулосаси молия органларига тақдим этилган кундан бошлаб солиқ тўловчининг боқимандаси бўйича жарима ҳисоблаш тўхтатилади.

45. Молия органлари томонидан тақдим этилган тўлов топшириқномасига асосан бюджетга нотўғри ёки ортиқча ўтказилган маблағлар Давлат бюджетига кунлик тушумлар ҳисобидан Республика бюджетига, Қорақалпоғистон Республикаси бюджетига ва маҳаллий бюджетларга ажратмалар қилишдан олдин солиқ тўловчиларга қайтарилади ёки келгуси тўловлар ёхуд бошқа тўловлар ҳисобига ўтказилади.

46. Солиқ ва бошқа тўловларнинг мос даромадлар шахсий ҳисобварағига келиб тушган кунлик тушумлар етарли бўлмаганда молия органлари томонидан банкларга тақдим этилган тўлов топшириқномалари бўйича тўловларни қисман тўлашга рухсат этилади.

47. Жарима солиш ҳуқуқига эга бўлган органлар томонидан Давлат бюджетига ортиқча келиб тушган жарима суммалари, тўловчига, унинг аризасига ҳамда тўлов суммасини тасдиқловчи ҳужжатлар тақдим этилганда молия органларининг тўлов топшириқномасига асосан қайтарилади.

III БОБ. РЕСПУБЛИКА БЮДЖЕТИНИНГ

ДАРОМАДЛАРИ БЎЙИЧА КАССА

ИЖРОСИ

9-§. Республика бюджети даромадлари

48. Республика бюджети даромадларига қуйидаги маблағлар кирим қилинади:

1) қонун ҳужжатларида белгиланган тартибдаги ва нормативлар асосидаги умумдавлат солиқлари, йиғимлари, божлари ва мажбурий тўловлар;

2) давлат молиявий активлари ва бошқа активларни жойлаштириш, фойдаланишга бериш ва сотишдан олинган даромадлар;

3) қонун ҳужжатларига мувофиқ мерос олиш, ҳадя этиш ҳуқуқи бўйича давлат мулкига ўтган пул маблағлари;

4) юридик ва жисмоний шахслардан, шунингдек чет эл давлатларидан келган қайтарилмайдиган пул тушумлари;

5) резидент юридик шахсларга ва чет эл давлатларига берилган бюджет ссудаларини қайтариш ҳисобига берилган тўловлар;

6) қонун ҳужжатларида тақиқланмаган бошқа даромадлар;

49. Бундан ташқари Ўзбекистон Республикаси Молия вазирлигининг 23402 "Республика бюджетининг маблағлари" асосий ҳисобварағига қуйидаги маблағлар кирим қилиниши мумкин:

1) Ўзбекистон Республикаси Марказий банки томонидан ажратилган қисқа муддатли кредитлар;

2) давлат қисқа муддатли облигацияларини сотишдан келиб тушган маблағлар;

3) давлат мақсадли жамғармалари ҳисобидан ажратилган маблаглар;

4) Молия вазирлигининг бошқа депозит ҳисобварақларидаги маблағлар.

50. Республика бюджетига Давлат бюджетидан ажратма қилинган ва бошқа келиб тушган маблағларни кирим қилинишини таъминлаш мақсадида Ўзбекистон Республикаси Молия вазирлигининг хос рақами ва СТИРи (солиқ тўловчининг идентификацион рақами) билан Марказий банк Тошкент шаҳар ва ҳудудий Бош бошқармалари ҳисоб-китоб касса марказларида Ўзбекистон Республикаси Молия вазирлигига 23402 "Республика бюджетининг маблағлари" асосий ва транзит ҳисобварақлари очилади. Марказий банкнинг ҳудудий Бош бошқармалари ҳисоб-китоб касса марказларида очилган 23402 транзит ҳисоб-варақларидаги маблағлар Ўзбекистон Республикаси Молия вазирлигининг 23402 "Республика бюджетининг маблағлари" асосий ҳисобварағига ўтказиб берилади.

IV БОБ. РЕСПУБЛИКА БЮДЖЕТИНИНГ

ХАРАЖАТЛАРИ БЎЙИЧА КАССА

ИЖРОСИ

10-§. Республика бюджети харажатлари

51. Республика бюджети харажатлари тасдиқланган бюджет асосида Республика бюджети даромадлари ҳисоб-варағида мавжуд қолдиқ доирасида амалга оширилади.

52. Республика бюджети харажатларига қуйидагилар киради:

1) республика бюджетидан молиялаштириладиган бюджет маблағлари олувчиларнинг жорий харажатлари;

2) жорий бюджет трансфертлари;

3) капитал харажатлар:

асосий фондлар ва воситаларни (улар билан боғлиқ ишлар ва хизматлар ҳам шу жумлага киради) давлат эҳтиёжлари учун олиш ва такрор ишлаб чиқаришга;

чет элда давлат эҳтиёжлари учун ер ва бошқа мол-мулк олишга;

давлат эҳтиёжлари учун ерга бўлган ҳуқуқни ва бошқа номоддий активларни олишга;

давлат захираларини вужудга келтиришга;

4) капитал харажатларни қоплаш учун юридик шахсларга бериладиган бюджет трансфертлари;

5) Қорақалпогистон Республикаси бюджети ва маҳаллий бюджетларга бюджет дотациялари, бюджет субвенциялари ва бюджет ссудалари шаклида;

6) резидент-юридик шахсларга ва чет эл давлатларига бериладиган бюджет ссудалари;

7) давлат мақсадли жамғармаларига бериладиган бюджет дотациялари ва бюджет ссудалари;

8) давлат қарзини қайтариш ва унга хизмат кўрсатиш бўйича тўловлар;

9) қонун ҳужжатларида тақиқланмаган бошқа харажатлар.

53. Республика бюджетидан харажатларни молиялаштириш қонун ҳужжатларида белгиланган тартибда қуйидаги йўналишларда амалга оширилади:

1) фан, таълим, маданият, соғлиқни сақлаш, жисмоний тарбия ва спорт (республика бўйсинувидаги бюджет ташкилотлари бўйича);

2) ижтимоии таъминот;

3) мудофаа, миллий хавфсизлик ва жамоат тартибини таъминлаш;

4) судлар ва прокуратура органлари фаолиятини таъминлаш;

5) давлат захираси ва сафарбарлик захирасини вужудга келтириш ҳамда уларни сақлаш;

6) давлат марказлаштирилган инвестицияларини амалга ошириш;

7) давлат ҳокимияти ва бошқаруви органлари, Ўзбекистон Республикасининг чет элдаги дипломатик ваколатхоналари ҳамда миссиялари фаолиятини таъминлаш;

8) иқтисодиёт турли тармоқларининг республика бўйсунувидаги бюджет ташкилотларини сақлаш;

9) Ўзбекистон Республикаси Вазирлар Маҳкамасининг қарорларига мувофиқ иқтисодиёт тармоқларини ривожлантиришнинг давлат тармоқ дастурлари ва тадбирларини амалга ошириш;

10) ер тузиш, мелиоратив, табиатни муҳофаза қилиш ва эпизоотияга қарши кураш чора-тадбирларини амалга ошириш;

11) қишлоқ хўжалиги зараркунандаларига қарши кураш;

12) гидрометеорология, дўлга қарши кураш чора-тадбирлари;

13) қонун ҳужжатларида назарда тутилган бошқа мақсадларга.

54. Республика бюджети қарамоғидаги муассасаларни молиялаштириш учун Республика бюджети даромадлари ҳисобидан қилинадиган тўловлар Молия вазирлиги томонидан тақдим қилинган тўлов топшириқномаларга асосан Марказий банкнинг Тошкент шаҳар Бош бошқармаси Ҳисоб-китоб касса марказида очилган Молия вазирлигининг 23402 "Республика бюджетининг маблағлари" ҳисобварағидаги қолдиқ доирасида амалга оширилади (банк коди 00014).

55. Республика бюджети ҳисобварағига инкассо топшириқномаси ва тўлов талабномасини қўйишга рухсат этилмайди.

56. Ўзбекистон Республикаси Вазирлар Маҳкамасининг 1999 йил 3 сентябрдаги 414-сонли "Бюджет ташкилотларини маблағ билан таъминлаш тартибини такомиллаштириш тўғрисида"ги Қарорига мувофик бюджет ташкилотлари Давлат бюджетидан маблағлар билан харажатларнинг 4 та гуруҳи бўйича таъминланиши белгилаб қўйилган:

1) иш ҳаки ва унга тенглаштирилган тўловлар (болали оилаларга нафақалар ва кам таъминланган оилаларга моддий ёрдам, стипендиялар ва бошқалар);

2) иш ҳақига қўшимчалар (мажбурий ажратмалар);

3) капитал қўйилмалар (Давлат инвестиция дастурида назарда тутилган аниқ рўйхатларга мувофиқ);

4) бошқа харажатлар (овқатлантириш, дори-дармонлар, коммунал хизматлар ва бошқа харажатлар).

57. Бюджет ташкилотлари смета ва ходимлар рўйхати (штатлар) жадвалини қонун ҳужжатларида белгиланган тартибда мустақил равишда ишлаб чиқадилар ва тасдиқлайдилар. Сметалар Ўзбекистон Республикаси Молия вазирлиги томонидан тасдиқланган Давлат бюджети харажатларининг иқтисодий таснифига мувофиқ харажатларнинг тўлиқ ёйилмаси илова қилинган ҳолда, харажатларнинг 4 гуруҳи бўйича тузилади.

58. Бюджет ташкилотлари тасдиқланган смета ва ходимлар рўйхати (штатлар) жадвалини рўйхатдан ўтказиш учун қонун ҳужжатларида белгиланган тартибда Ўзбекистон Республикаси Молия вазирлигига ёки унинг ҳудудий молия органларига тақдим этиладилар.

59. Бюджет ташкилотлари тасдиқланган смета ва ходимлар рўйхати (штатлар) жадвалини, шунингдек амалдаги смета ва ходимлар рўйхати (штатлар) жадвалига киритиладиган ўзгартиришлар улар Ўзбекистон Республикаси Молия вазирлигида ёки ҳудудий молия органларида рўйхатдан ўтказилгандан сўнг амалга киритилади.

60. Бюджет ташкилотлари харажатларининг 1 ва 2 гуруҳлари маблағ билан биринчи навбатда таъминланади. Бунда харажатларнинг 2 гуруҳига тегишли маблағ ўтказмасдан 1 гуруҳ харажатларини амалга ошириш тақиқланади.

61. Республика бюджети қарамоғидаги муассасаларни молиялаштириш мақсадида Молия вазирлиги томонидан тақдим этилган тўлов топшириқномалари "тўлов мақсади"да харажатларнинг бўлими, боби, параграфи ва қайси ой учун молиялаштирилганлиги кўрсатилади. Тўлов топшириқномасидаги жадвалда харажатлар гуруҳлар бўйича кўрсатилади, бунда биринчи гуруҳ харажатлари тури, ҳисоби ва аналитик ҳисоби ёйилмалари бўйича кўрсатилади.

62. Республика бюджети қарамоғидаги муассасалар ўз қарамоғидаги муассасаларга пул маблағларини ўтказиш учун тақдим этган тўлов тошпириқномалари "тўлов мақсади"да харажатларни бўлими, боби, параграфи ва қайси ой учун молиялаштирилганлиги кўрсатилади. Тўлов топшириқномасидаги жадвалда харажатлар гуруҳлар бўйича кўрсатилади, бунда биринчи гуруҳ харажатлари тури, ҳисоби ва аналитик ҳисоби ёйилмалари бўйича кўрсатилади.

63. Республика бюджети ҳисобидан ажратилган маблағларни кирим қилиш мақсадида Республика бюджети қарамоғидаги муассасаларга 23404 "Республика бюджети қарамоғидаги муассасаларнинг маблағари" ҳисобварақлари бюджет харажатлари таснифига асосан очилади.

64. Республика бюджети қарамоғидаги муассасалар Республика бюджетидан молиялаштирилган маблағлар ҳисобидан харажатларни 23404 "Республика бюджети қарамоғидаги муассасаларнинг маблағлари" ҳисобварағидаги қолдиқ сумма доирасида, тасдиқланган ва Молия вазирлиги томонидан рўйхатга олинган сметага асосан амалга оширадилар.

65. Республика бюджетидан тегишли бюджет ташкилотларига молиялаштириш жараёнида уларга белгиланган лимитдан ортиқча маблаглар ўтказилган ҳолларда, ушбу ортиқча ўтказилган маблағлар бюджет ташкилотининг тўлов топпшриқномасига ёки Ўзбекистон Республикаси Молия вазирлиги томонидан қўйилган инкассо топпшриқномасига асосан қайтарилиши мумкин.

66. Республика бюджети қарамоғидаги муассасалар бюджет ҳисобварақларига бошқа манбалардан маблағлар ўтказишга рухсат этилмайди. Қуйидаги ҳоллар бундан мустасно:

1) мактабгача ёшдаги болалар муассасаларидаги болаларнинг ота-оналари томонидан болалар овқатлангани учун тўланадиган бадаллар.

2) бюджет ташкилотларининг олдинги йиллардаги дебиторлик қарзларининг жорий молиявий йилда келиб тушган суммалари, жорий йилнинг дебиторлик қарзлари қайтарилган каби кирим қилинади ва ташкилотлар учун белгиланган лимитнинг қолдиғига, харажатларнинг тегишли гуруҳи бўйича қўшилади ҳамда бир вақтда амалга оширилган касса харажатлари ушбу микдорга камайтирилади.

67. Ўзбекистон Республикаси Ички ишлар вазирлиги, Миллий хавфсизлик хизмати, Фавқулодда ҳолатлар вазирлиги, Давлат божхона қўмитаси, Мудофаа вазирлиги, Давлат чегарасини қўриқлаш қўмитаси ва уларга қарашли муассасаларнинг ҳисоб-китоб пул ҳужжатларида тўлов мақсадларини кўрсатмайдилар.

68. Республика бюджети қарамоғидаги муассасаларга иш ҳақи молия органлари томонидан рўйхатга олинган ходимлар рўйхати (штатлар) жадвали ва харажатлар сметасига асосан, белгиланган муддатларда берилади. Бюджет ташкилотлари ва муассасалари ўзларига хизмат кўрсатувчи банкларга молия органлари томонидан рўйхатдан ўтказилган ходимлар рўйхати жадвали ва харажатлар сметасининг нусхасини такдим этишлари лозим.

69. Хўжалик ҳисобидаги ташкилотларга Республика бюджетидан ажратилган маблағлар, уларнинг 23405 "Нобюджет муассасаларга Республика бюджети ҳисобидан ажратилган маблағлар" ҳисобварақларига кирим қилинади. Хўжалик ҳисобидаги ташкилотларга Республика бюджети ҳисобидан ажратилган маблағлар ҳисобидан иш ҳақи, Ўзбекистон Республикаси Молия вазирлиги томонидан рўйхатга олинган харажатлар сметаси ҳамда ходимлар рўйхати (штатлар) жадвали ўрнига тузилган калькуляция асосида белгиланган муддатларда берилади. Хўжалик ҳисобидаги ташкилотлар харажатлар сметасига илова қилинадиган харажатларнинг иқтисодий таснифи асосидаги ёйилманн ва ходимлар рўйхати (штатлар) жадвали ўрнига тузилган калькуляцияларда, иш ҳақи учун режалаштирилган маблағлар миқдорини аниқ кўрсатиши лозим. Хўжалик ҳисобидаги ташкилотларнинг 23405 "Нобюджет муассасаларга Республика бюджети ҳисобидан ажратилган маблағлар" ҳисобварақларидан амалга ошириладиган бошқа харажатлар, ушбу калькуляцияда кўрсатилган мақсадлар бўйича амалга оширилади.

70. Республика бюджети қарамоғидаги муассасаларнинг 23404 "Республика бюджети қарамоғидаги муассасаларнинг маблағлари" ҳисобварақларидан, уларнинг бюджетдан ташқари талаб қилиб олингунча депозит ҳисобварақларига пул маблағларини ўтказишга рухсат этилмайди. Қуйидаги холлар бундан мустасно:

1) бюджет қарамоғидаги муассасаларнинг бюджет ҳисобварағида чораклар охирида қолган (фойдаланилмаган) тежаб қолинган (капитал қўйилмаларни маблағ билан таъминлаш учун назарда тутилган маблағлар бундан мустасно) бюджет маблағлари ҳисобот чорагининг охирги иш куни охирида бюджет муассасаларнинг тақдим этган тўлов топшириқномасига асосан уларнинг ривожлантириш жамғармаси (бюджетдан ташқари маблағлари)ҳисобварагига ўтказилади.

2) бюджет қарамоғидаги муассасаларнинг ривожлантириш жамғармаси (бюджетдан ташқари маблағлари)ҳисобидан уларнинг бюджет харажатларини қоплаш учун ўтказилган маблағлар бюджет ҳисобварағидан жорий молиявий йилига белгиланган харажатлар лимити доирасида ривожлантириш жамғармаси (бюджетдан ташқари маблағлари) ҳисобварағига ўтказилади.

71. Бюджет муассасалари томонидан тақдим этилган тўлов топшириқномалари тўғри тўлдирилганлиги банк томонидан текширилгандан кейин, бюджет ҳисобварақларида маблағлари мавжуд бўлган ҳолда ижрога қабул қилинади.

72. Бюджет маблағларини тасарруф этувчи (вазирлик,муассаса ва бошқарма)ларга бюджет маблағлари ҳисобидан марказий бошқарув аппаратини сақлаш, марказлашган тадбирларни амалга ошириш учун харажатлар қилишга, шунингдек Молия вазирлиги томонидан ўтказилган маблағларни қуйи поғонадаги бюджет маблағларини тасарруф этувчилар ўртасида тақсимлаш ҳуқуқи берилган.

73. Қуйи поғонадаги бюджет маблағларини тасарруф этувчилар, уларга берилган ҳукуқ доирасига қараб қуйидагиларга бўлинади:

1) бюджет маблағларини тасарруф этувчилар томонидан ташкилот ва муассасалар харажатлари учун, шунингдек бюджет маблағларини қуйи ташкилот ва муассасалар ўртасида тақсимлаш учун ўтказиладиган бюджет маблағларини оладиган, мустақил сметага эга бўлган корхоналар, ташкилотлар ва муассасалар раҳбарлари;

2) бюджет маблағларини тасарруф этувчилар томонидан сметада кўрсатилган тадбирлар бўйича қилинадиган харажатлар учун ўтказиладиган бюджет маблағларини оладиган, мустақил сметага эга бўлган корхоналар,ташкилотлар ва муассасалар раҳбарлари.

74. Республика бюджети маблағлари ҳисобидан Мудофаа вазирлиги, Ички ишлар вазирлиги, Миллий хавфсизлик хизмати, Фавқулодда ҳолатлар вазирлиги, Давлат божхона қўмитаси ва бошқа вазирликларнинг нафақахўрларига нафақа тўлаш учун Халқ банки филиалларига маблағлар Ўзбекистон Республикаси Молия вазирлигининг тўлов топшириқномасига асосан ўтказилади.

75. Бюджет маблағларини тасарруф этувчилар ва бюджет ташкилотлари муасасаларининг раҳбарлари ва бош бухгалтерлари бюджет маблағларини уларнинг ҳисобварақларидаги қолдиқ миқдорида мақсадга мувофиқ тақсимлаш ва ўтказиш учун, шунингдек тасдиқланган сметалар асосида маблағларни тўғри ва тежаб харажат қилишга жавобгардирлар.

76. Республика бюджети қарамоғидаги бюджет ташкилотларининг молиявий йил охиридаги бюджет маблағлари қолдиқлари олиб қўйилмайди ва улар бюджет ташкилотларнинг ривожлантириш жамғармаси (бюджетдан ташқари маблағлари) ҳисобварағига бюджет ташкилотларининг тўлов топшириқномаларига асосан ўтказилади (капитал қўйилмаларни молиялаштириш учун назарда тутилган маблағлар бундан мустасно).

11-§. Капитал қўйилмалар харажатлари

77. Ўзбекистон Республикаси Молия вазирлиги томонидан Республика бюджетидан капитал қўйилмаларга ажратмалар жорий бюджет йили учун тасдиқланган Республика инвестиция дастурига мувофиқ қурилишларнинг аниқ рўйхатларига ва амалдаги қонун ҳужжатларига мувофиқ ажратилади.

78. Ўзбекистон Республикаси Молия вазирлиги томонидан капитал қўйилмалар харажатларини молиялаштириш учун ажратилган маблағларни кирим қилиш мақсадида, вазирлик ва муассасаларга уларнинг хос рақами ва СТИРи (солиқ тўловчининг идентификацион рақами) билан 23422 "Республика бюджетидан молиялаштириш" ҳисобварақлари фақат Ўзбекистон Республикаси Марказий банк Тошкент шаҳар Бош бошқармаси, Ҳисоб-китоб касса марказида ва Республика тижорат банкларининг амалиёт (операция) Бош бошқармаларида очилади. Ўзбекистон Республикаси Молия вазирлигидан капитал қўйилмалар харажатларини молиялаштириш учун ажратилган маблағларни кирим қилиш учун вазирлик ва муассасаларга бошқа банк бўлимларида 23422 ҳисобварақларини очишга рухсат этилмайди.

79. Республика бюджетидан капитал қўйилмалар харажатларини молиялаштириш учун маблағлар Ўзбекистон Республикаси Молия вазирлигининг тўлов топшириқномасига асосан вазирлик ва муассасаларнинг 23422 "Республика бюджетидан молиялаштириш" ҳисобварақларига ўтказилади.

80. Инвестиция дастурларини молиялаштириш учун ажратилган маблағлар бўйича 12-шаклдаги тайинлаш сертификати Ўзбекистон Республикаси Молия вазирлиги томонидан тасдиқланади. Вазирлик ва муассасалар (буюртмачилар) Молия вазирлиги томонидан тасдиқланган 12-шаклдаги тайинлаш сертификатини 23422 "Республика бюджетидан молиялаштириш" ҳисобварағи очилган банкларга тақдим этади.

81. Вазирлик ва муассасалар (буюртмачилар) 12-шаклдаги тайинлаш сертификатига асосан 23422 "Республика бюджетидан молиялаштириш" ҳисобварағидан пул маблағларни тўлов топшириқномаларига асосан иш бажарувчиларга уларнинг 23422 "Республика бюджетидан молиялаштириш" ҳисобварағига ўтказиб беради. Вазирлик ва муассасалар (буюртмачилар)нинг ҳисобварақларидан12-шаклдаги тайинлаш сертификатида кўзда тутилмаган тўловларни амалга оширишга рухсат этилмайди.

82. Капитал қўйилмалар харажатларини молиялаштириш бюджет маблағлари ҳамда ташкилот ва муассасаларнинг маблағлари ҳисобидан амалга оширилса, ташкилот ва муассасалар ҳисобидан ажратилган маблағлар уларнинг 23422 баланс ҳисобварағига кирим қилинади. Пудратчи ва бошқа иш бажарувчилар ҳамда мол етказиб берувчилар билан ҳисоб-китоблар 23422 ҳисобварағи орқали амалга оширилади. Бунда капитал қўйилмаларни молиялаштиришга ажратиладиган маблағлар ҳисобидан харажатлар биринчи навбатда корхона ва ташкилотларнинг маблағлари ҳисобидан, кейинчалик эса Республика бюджети ҳисобидан ажратилган маблағлар ҳисобидан тўловлар амалга оширилади.

83. Республика бюджетидан ажратилган капитал қўйилмалар харажатларини молиялаштириш тўғрисидаги ҳисобот Марказий банк Тошкент шаҳар Бош бошқармаси, Ҳисоб-китоб касса маркази ва тижорат банкларининг амалиёт (операция) Бош бошқармалари томонидан ўрнатилган тартибда Ўзбекистон Республикаси Молия вазирлигига тақдим этилади (3-илова).

84. Республика бюджетидан капитал қўйилмаларни молиялаштириш учун ажратилган маблаглар қолдиқлари молиявий йил охирида олиб қўйилмайди ва кейинги молиявий йилда, бюджетдан молиялаштириладиган лимит доирасида ишлатилади. Кейинги молиявий йил учун тасдиқланган Республика инвестиция дастурига бюджет маблағлари қолдиқлари мавжуд бўлган объектлар киритилмаган бўлса, ушбу маблағлар қолдиқлари ишлатилмасдан Республика бюджетига қайтарилади. Капитал қўйилмаларни молиялаштириш учун ажратилган маблағлар қолдиқларини кейинги молиявий йилда ишлатиш учун молия органларининг алоҳида рухсати бўлиши лозим.

12-§. Мудофаа вазирлигининг ташкилотлари, муассасалари

ва ҳарбий қисмларига ажратилган бюджет

маблағлари ҳисоби

85. Ўзбекистон Республикаси банкларида Мудофаа вазирлигининг ташкилотлари, муассасалари ва ҳарбий қисмларига Республика бюджетидан ажратилган маблағларни ҳисобга олиш ва тасарруф этиш учун 23404 "Республика бюджети қарамоғидаги муассасаларининг маблағлари" ҳисобварақлари молия органларининг махсус рухсатномасига ва Марказий банкнинг "Ўзбекистон Республикаси Ички ишлар вазирлиги, Миллий хавфсизлик хизмати, Фавкулодда ҳолатлар вазирлиги ва Давлат божхона қўмитаси, Мудофаа вазирлигининг ҳарбий қисмлари, корхоналари, ташкилотлари ва муассасаларига банк ҳисобварақларини очиш қоидалари"га асосан очилади.

86. Мудофаа вазирлигининг ташкилотлари, муассасалари ва ҳарбий қисмлари 23404 "Республика бюджети қарамоғидаги муассасаларининг маблағлари" ҳисобварағидан фақат харажатлар сметасида белгиланган харажатларни амалга оширади. Республика бюджетидан ажратилган маблағларни, қонунчиликда белгиланган ҳолатлар бундан мустасно, бюджетдан ташқари маблағлар ҳисобварағига ўтказишга ва бу ҳисобварақ орқали бюджет маблағлари ҳисобидан тўловларни амалга оширишга рухсат этилмайди.

87. Мудофаа вазирлигининг ташкилотлари, муассасалари, ҳарбий қисмлари ва таъминловчи молия бўлимларига бюджет маблағлари ҳисобидан иш ҳақи, сафар харажатлари ва бошқа мақсадлар учун нақд пуллар тўлов мақсади кўрсатилмаган чек (олувчининг исми ва фамилияси кўрсатилади) билан берилади.

88. Бюджет маблағлари ҳисобидан харажатларни амалга ошириш учун, Мудофаа вазирлигининг ташкилотлари, муассасалари, ҳарбий қисмлари ва таъминловчи молия бўлимлари томонидан банкларга тақдим қилинадиган тўлов топшириқномалари "тўлов мақсади"да "Ҳарбий"сўзини кўрсатадилар.

89. Мудофаа вазирлигининг ташкилотлари, муассасалари, ҳарбий қисмлари ва таъминловчи молия бўлимлари бюджетдан ташқари маблағлари ҳисобидан тўловларни амалга ошириш учун тақдим этган тўлов топшириқномалари "тўлов мақсади"да счёт-фактура рақами ва санаси кўрсатилади, товар ва хизматларнинг номи ёзилмайди.

90. Бюджет маблағлари ҳисобидан ҳарбий қисмларнинг 23404 бюджет ҳисобварағига маблағлар таъминловчи молия бўлимлари томонидан тақкдим этилган тўлов топшириқномаларига асосан ўтказилади.

91. Мудофаа вазирлигининг таъминловчи молия бўлимлари томонидан ҳарбий қисмларнинг 23404 бюджет ҳисобварағига ортиқча маблағлар ўтказиб юборилганда,ортиқча бюджет маблағлари ҳарбий қисмлар томонидан тўлов топшириқномасига асосан қайтарилади. Таъминловчи молия бўлимлари ортиқча ўтказилган бюджет маблағларини қайтариб олиш учун банкларга учта нусхада тузилган ёзма фармойишни тақдим этади. Бу фармойишнинг биринчи нусхаси банкларда назорат учун қолдирилади, иккинчи ва учинчи нусхалари эса банклар имзоси ва муҳри билан тасдиқланиб, ҳарбий қисмларга хизмат кўрсатувчи банкларга юборилади (2-илова).

92. Банклар маблағларни чақириб олиш тўғрисидаги ёзма фармойишни олгандан кейин, фармойишда кўрсатилган маблағларни ҳарбий қисмларнинг бюджет ҳисоб-варағидаги маблағлари ҳисобидан таъминловчи молия бўлимларннинг бюджет ҳнсобварағига ўтказади. Фармойишнинг иккинчи нусхаси кунлик ҳужжатларга тикилади, учинчи нусхаси ҳарбий қисмларнинг бюджет ҳисоб-варақлари кўчирмасига илова қилинади.

V БОБ. ҚОРАҚАЛПОҒИСТОН РЕСПУБЛИКАСИ

БЮДЖЕТИ ВА МАҲАЛЛИЙ БЮДЖЕТЛАР

ДАРОМАДЛАРИ КАССА ИЖРОСИ

13-§. Қорақалпоғистон Республикаси ва

маҳаллий бюджет даромадлари

93. Қорақалпоғистон Республикаси бюджети ва маҳаллий бюджетлар даромадларига қуйидагилар киради:

1) қонун ҳужжатларида белгиланган нормативларга мувофиқ Қорақалпоғистон Республикаси бюджетига ва маҳаллий бюджетларга ўтказиладиган маҳаллий солиқлар, йиғимлар, божлар ва бошқа мажбурий тўловлар;

2) қонун ҳужжатларида белгиланган нормативларга мувофиқ Қорақалпоғистон Республикаси бюджетига ва маҳаллий бюджетларга ўтказиладиган умумдавлат солиқлари, йиғимлари, божлари ва бошқа мажбурий тўловлар;

3) қонун ҳужжатларида белгиланган нормативларга мувофиқ давлат мулки объектларини жойлаштириш, фойдаланишга беришдан олинган даромадлар;

4) қонун ҳужжатларига мувофиқ мерос олиш, ҳадя этиш ҳуқуқи бўйича давлат мулкига ўтган пул маблағлари;

5) юқори бюджетлардан бериладиган бюджет дотациялари бюджет субвенциялари ва бюджет ссудалари;

6) юридик ва жисмоний шахслардан, шунингдек чет эл давлатларидан келган қайтарилмайдиган пул тушумлари;

7) қонун ҳужжатларида тақиқланмаган бошқа даромадлар.

94. Ўзбекистон Республикаси банклари томонидан маҳаллий бюджет маблағларининг ҳисобини юритиш учун Қорақалпоғистон Республикаси Молия вазирлигига 23432"Маҳаллий бюджет маблағлари - Қорақалпоғистон Республикаси", Тошкент шаҳар ҳамда вилоят молия бошқармаларига 23430 "Маҳаллий бюджет маблағлари -Вилоят" ва туман (шаҳар) молия органларига 23426 "Маҳаллий бюджет маблағлари - Туман/шаҳар" ҳисобварақлари очилади.

95. Қорақалпоғистон Республикаси бюджети ва маҳаллий бюджет ҳисобида, молия йилининг охирига қолган маблағларнинг қолдиғи янги йил ҳисобига қолдиқ бўлиб ўтказилади.

VI БОБ. ҚОРАҚАЛПОҒИСТОН РЕСПУБЛИКАСИ

БЮДЖЕТИ ВА МАҲАЛЛИЙ БЮДЖЕТЛАР

ХАРАЖАТЛАРИ КАССА ИЖРОСИ

14-§. Қорақалпоғистон Республикаси

ва маҳаллий бюджет харажатлари

96. Қорақалпоғистон Республикаси бюджети ва маҳаллий бюджетлар харажатлари тасдиқланган бюджетдан маблағлар ажратиш доирасида амалга оширилади.

97. Қорақалпоғистон Республикаси бюджети ва маҳаллий бюджетлар харажатларига қуйидагилар киради:

1) Қорақалпоғистон Республикаси ва маҳаллий бюджетлардан молиялаштириладиган бюджет ташкилотларининг жорий харажатлари;

2) жорий бюджет трансфертлари;

3) капитал харажатлар:

асосий фондлар ва воситаларни (улар билан боғлиқ ишлар ва хизматлар ҳам шулар жумласига киради) давлат эҳтиёжлари учун олиш ва такрор ишлаб чиқаришга;

давлат эҳтиёжлари учун ерга бўлган ҳуқуқни ва бошқа номоддий активларни олишга;

4) қонун ҳужжатларида тақиқланмаган бошқа харажатлар.

98. Қорақалпоғистон Республикаси бюджети ва маҳаллий бюджетлар харажатлари касса ижроси мазкур Йўриқноманинг 56-62, 65-68, 70-71, 75 ва 76 бандларида белгиланган тартибда амалга оширилади.

99. Инкассо тўлов топшириқномалари фақат юқори молия органлари томонидан қуйи молия органларининг бюджет ҳисобварақларига қўйилиши мумкин. Бошқа ҳолларда инкассо тўлов топшириқномалари ва тўлов талабномалари молия органларининг бюджет ҳисобварақларига қўйишга рухсат этилмайди.

100. Қорақалпоғистон Республикаси Молия Вазирлиги, бошқарма ва бўлимлари томонидан рўйхатга олинган юридик шахслар бюджет маблағларини тасарруф этувчилар ҳисобланади.

101. Бюджет маблағларини тасарруф этувчилар, бюджет қарамоғидаги ташкилотлар ва муассасаларнинг бюджет ҳисобварақларига, уларни сақлаш харажатлари учун, бевосита улар томонидан марказлаштирилган тадбирларни амалга ошириш учун, бошқарув аппаратини сақлаш ҳамда молиявий режа ва сметаларда кўрсатилган бошқа мақсадлар учун маблағлар ўтказиш ҳуқуқига эга.

102. Мустақил равишда бухгалтерия ҳисобини юритадиган Қорақалпоғистон Республикаси бюджети ва маҳаллий бюджетлар қарамоғидаги бюджет ташкилотларига, уларнинг хос рақами ва СТИРи (солиқ тўловчининг идентификацион рақами) билан 23426 "Маҳаллий бюджет маблағлари - Туман/шаҳар", 23430 "Маҳаллий бюджет маблағлари - Вилоят" ҳамда 23432 "Маҳаллий бюджет маблағлари - Қорақалпоғистон Республикаси" мос ҳисобварақлари очилади.

103. Бюджет маблағларини тасарруф этиш марказлаштирилган тартибда амалга ошириладиган ташкилот ва муассасаларга ҳисобварақлар, ушбу марказлаштирилган бўлим номига, уларнинг хос рақами ва СТИРи билан 23426 "Маҳаллий бюджет маблағлари - Туман/шаҳар", 23430 "Маҳаллий бюджет маблағлари - Вилоят" ҳамда 23432 "Маҳаллий бюджет маблағлари - Қорақалпоғистон Республикаси" мос хисобварақлари очилади. Бу хисобварақлар бўйича тўловларни амалга ошириш учун тақдим этилган тўлов ҳужжатларига биринчи имзо қўйиш ҳуқуқи марказлаштирилган бўлим бошлиғига ва иккинчи имзо қўйиш ҳуқуқи марказлаштирилган бухгалтериянинг бош бухгалтерига берилади.

104. Хўжалик ҳисобидаги ташкилотларга Қорақалпоғистон Республикаси бюджетидан ва маҳаллий бюджетлардан ажратилган маблағларни кирим қилиш учун мос 23427 "Нобюджет муассасаларга туман/шаҳар бюджети ҳисобидан ажратилган маблағлар", 23431 "Нобюджет муассасаларга вилоят бюджети ҳисобидан ажратилган маблағлар" ва 23433 "Нобюджет муассасаларга Қорақалпоғистон Республикаси бюджети ҳисобидан ажратилган маблағлар" ҳисобварақлари очилади. Хўжалик ҳисобидаги ташкилотларга Қорақалпоғистон Республикаси бюджети ва маҳаллий бюджет ҳисобидан ажратилган маблағлар ҳисобидан иш ҳақи, молия органлари томонидан рўйхатга олинган харажатлар сметаси ҳамда ходимлар рўйхати (штатлар) жадвали ўрнига тузилган калькуляция асосида белгиланган муддатларда берилади. Хўжалик ҳисобидаги ташкилотлар харажатлар сметасига илова қилинадиган харажатларнинг иқтисодий таснифи асосидаги ёйилмани ва ходимлар рўйхати (штатлар) жадвали ўрнига тузилган калькуляцияларда, иш ҳақи учун режалаштирилган маблағлар миқдорини аниқ кўрсатиши лозим. Хўжалик ҳисобидаги ташкилотларнинг 23427, 23431ва 23433 ҳисобварақларидан ошириладиган бошқа харажатлар, ушбу калькуляцияда кўрсатилган мақсадлар бўйича амалга оширилади.

105. Маҳаллий бюджет ҳисобидан капитал қўйилмалар харажатларини молиялаштириш мақсадида ажратилган маблағлар инвестиция дастурида белгиланган ҳар бир йўналиш бўйича алоҳида очилган 23424 "Маҳаллий бюджетдан молиялаштириш" ҳисобварағига ўтказилади ва ўрнатилган тартибда тўловлар амалга оширилади. Қорақалпоғистон Республикаси бюджети ва маҳаллий бюджетлардан ажратилган капитал қўйилмалар харажатларини молиялаштириш тўғрисидаги ҳисобот банклар томонидан ўрнатилган тартибда молия органларига тақдим этилади.

VII БОБ. ДАВЛАТ БЮДЖЕТИНИНГ КАССА

ИЖРОСИ ТЎҒРИСИДАГИ ҲИСОБОТЛАРНИ

ТУЗИШ ТАРТИБИ

15-§. Давлат бюджетининг касса ижроси

тўғрисидаги ҳисоботларни тузиш

106. Ўзбекистон Республикаси Давлат бюджетининг касса ижроси тўғрисида тезкор, ойлик ва йиллик ҳисоботларнинг ҳажми ва шакли Ўзбекистон Республикаси Молия Вазирлиги билан келишилган ҳолда ўрнатилади.

107. Банклар томонидан Давлат бюджетининг касса ижроси тўғрисидаги ҳисоботлар ўрнатилган тартибда ва муддатда тузилади. Марказий банкнинг ҳудудий Бош бошқармалари банклардан олинган ҳисоботлар асосида йиғма ҳисоботларни тузади.

108. Марказий банкнинг ҳудудий Бош бошқармалари ҳамда тижорат банклари учун ҳисоботларни топшириш тартиби ва муддати Ўзбекистон Республикаси Марказий банки ва Молия вазирлиги билан келишилган ҳолда ўрнатилади.

109. Давлат бюджетининг касса ижроси тўғрисидаги ҳисобот маълумотларининг тўғрилиги ҳамда ҳисоботнинг ўз вақтида ўрнатилган тартибда топширилиши бўйича тегишли органларнинг раҳбарлари ҳамда бош бухгалтерлари жавобгардирлар.

16-§. Давлат бюджетининг касса ижроси

тўғрисидаги тезкор ҳисоботи

110. Ўзбекистон Республикаси Давлат бюджетининг касса ижроси тўғрисидаги тезкор ҳисоботи 2234 GBS "Республика бюджети ҳамда муассасаларнинг бюджет ва бюджетдан ташқари маблағлари бўйича тезкор ҳисобот" шакли бўйича ҳар иш куни учун қуйидаги тартибда тузилади (3-илова):

1) давлат бюджети даромадлари суммаси (23402-баланс ҳисобварағи кредит айланмаси (обороти) бўйича);

2) давлат бюджети даромадлари ҳисобварағидан Қорақалпоғистон Республикаси бюджети ва маҳаллий бюджетларга қилинган ажратмалар ҳамда Республика бюджети ҳисобидан қилинган харажатлар суммаси (23402-баланс ҳисобварағи дебет айланмаси (обороти) бўйича);

3) республика бюджети қарамоғидаги муассасаларга ажратилган бюджет маблағларининг қолдиқ суммаси (23404 ва 23405 баланс ҳисобварақлари бўйича);

4) республика бюджети ҳисобидан капитал қўйилмаларни молиялаштириш учун ажратилган маблағлар (23422-баланс ҳисобварағи дебет ва кредит айланмалари (оборотлари) ва қолдиқ бўйича);

5) туман ва шаҳар бюджетларининг маблағлари (23426-баланс ҳисобварағидаги қолдиқ бўйича);

6) туман ва шаҳар бюджетлари қарамоғидаги муассасаларнинг маблағлари (23426 ва 23427 баланс ҳисобварақларидаги қолдиқ бўйича);

7) вилоят бюджетининг маблағлари (23430-баланс ҳисобварағидаги қолдиқ бўйича);

8) вилоят бюджети қарамоғидаги муассасаларнинг маблағлари (23430 ва 23431 баланс ҳисобварақларидаги қолдиқ бўйича);

9) Қорақалпоғистон Республикаси бюджети маблағлари (23432-баланс ҳисобварағидаги қолдиқ бўйича);

10) Қорақалпоғистон Республикаси бюджети қарамоғидаги муассасаларнинг маблағлари (23432 ва 23433 баланс ҳисобварақларидаги қолдиқ бўйича);

11) маҳаллий бюджет ҳисобидан капитал қўйилмаларни молиялаштириш учун ажратилган маблағлар (23424-баланс ҳисобварағи дебет ва кредит айланмалари (оборотлари) ва қолдиқ бўйича);

12) республика ва маҳаллий бюджет қарамоғидаги муассасаларнинг бюджетдан ташқари маблағлари (Марказий банкда 21504, 21506, Тижорат банкларда 20203 ва 20204 баланс ҳисобварақларидаги қолдиқ бўйича);

13) бюджетдан ташқари Пенсия жамғармаси (Марказий банкда 21508 ва Тижорат банкда 20205 баланс ҳисобварақлари дебет ва кредит айланмалари (оборотлари) ва қолдиғи бўйича);

14) республика йўл жамғармаси (Марказий банкда 21508 ва Тижорат банкда 20205 баланс ҳисоб варақлари дебет ва кредит айланмалари (оборотлари) ва қолдиғи бўйича);

15) Ўзбекистон Республикаси Давлат мулкини бошқариш ва тадбиркорликни қўллаб-қувватлаш давлат қўмитасининг махсус ҳисобварағи (Марказий банкда 21508 ва Тижорат банкда 20205 баланс ҳисобварақлари дебет ва кредит айланмалари (оборотлари) ва қолдиғи бўйича);

16) иш билан таъминлашга кўмаклашувчи давлат жамғармаси (Марказий банкда 21508 ва Тижорат банкда 20205 баланс ҳисобварақлари дебет ва кредит айланмалари (оборотлари) ва қолдиғи бўйича);

17) жами назорат суммаси.

111. Ўзбекистон Республикаси Давлат бюджетининг касса ижроси тўғрисидаги кунлик тезкор ҳисоботлар банклар томонидан Марказий банкнинг ҳудудий Бош бошқармаларига тақдим этилади. Банклар томонидан кунлик тезкор ҳисоботлар молия ва солиқ органларига уларнингсўровига асосан берилади.

17-§. Давлат бюджетининг касса ижроси

тўғрисидаги ойлик ҳисоботи

112. Ўзбекистон Республикаси Давлат бюджети даромадлари ва харажатларининг касса ижроси тўғрисидаги ойлик ҳисобот 2204 GRE, 2214 GER ва 2224 GCR ҳисобот шакллари бўйича ҳар ойнинг биринчи санасига тузилади. Ҳисоботлар бюджет даромадлари ва харажатлари таснифига асосан тузилади.

113. Давлат бюджетининг даромадлар бўйича 2204 GRE ойлик ҳисоботи, йил бошидан ўсиб борувчи тартибда тузилади:

1) давлат бюджети даромадлари ҳисобварақларига келиб тушган маблағлар ҳисоботнинг "Тушум" устунида кўрсатилади (23402-баланс ҳисобварағи кредит айланмаси (обороти) бўйича);

2) давлат бюджети даромадлари ҳисобварағидан маҳаллий бюджетларга қилинган ажратмалар суммаси ҳисоботнинг "Ажратма" устунида кўрсатилади (23402-баланс ҳисобварағи дебет айланмаси (обороти) бўйича);

3) давлат бюджети даромадлари ҳисобварағидан Республика бюджети даромадлари ҳисобварағига ўтказилган маблағлар ҳисоботнинг "Республика бюджетига ўтказилган маблағ" устунида кўрсатилади (23402-баланс ҳисобварағи дебет айланмаси (обороти) бўйича);

114. Давлат бюджетига жорий йилнинг ҳисобот ойи охирги иш кунида келиб тушган солиқ ва йиғимлар ҳисобидан Республика бюджетига, Қорақалпоғистон ва маҳаллий бюджетларга ажратма қилинмаган бўлса, бу ҳисоботнинг "Тушум" устунида кўрсатилади. Банклар томонидан тузилган ҳисоботнинг "Ажратма" ва "Республика бюджетига ўтказилган маблағ" устунларида Республика бюджетига, Қорақалпоғистон ва маҳаллий бюджетларга ҳақиқатда ўтказиб берилган маблағглар суммаси акс эттирилади (4-илова).

115. Банклар 2204 GRE ойлик ҳисоботни кейинги ойнинг биринчи иш кунидан кечиктирмасдан жойлардаги молия, солиқ ва божхона органларига ҳисобот маълумотларидаги даромадларнинг тўғрилигини текшириб кўриши учун тақдим этади ва улар тақдим этилган ҳисобот маълумотларининг тўғрилигини текшириб кўриши ва ҳисобот маълумотларининг тўғрилигини имзо қўйиб муҳр билан тасдиқлашлари лозим.

116. Республика бюджети харажатлари тўғрисидаги 2214 GRE ойлик ҳисоботда Республика бюджети қарамоғидаги муассасаларнинг 23404 бюджет ҳисобварақларидаги маблағлар қолиғи суммаси кўрсатилади (5-илова).

117. Молия вазирлиги ва Марказий банк томонидан берилган кўрсатмага асосан Республика бюджети харажатлари тўғрисидаги 2224 GCR "Қўшимча ҳисобот" ойлик ҳисоботи банклар томонидан тузилади ва ўрнатилган тартибда Марказий банкнинг ҳудудий Бош бошқармаларига тақдим этилади.

118. Банклар 2214 GRE ойлик ҳисоботни кейинги ойнинг биринчи иш кунидан кечиктирмасдан жойлардаги молия органларига тақдим этади. Молия органлари тақдим этилган ҳисобот маълумотларининг тўғрилигини текшириб кўриши ва ҳисобот маълумотларининг тўғрилигини имзо қўйиб муҳр билан тасдиқлашлари лозим.

119. Давлат бюджетининг касса ижроси тўғрисидаги даромадлар ва харажатлар бўйича ойлик ҳисоботларни банклар кейинги ойнинг 8-кунидан кечиктирмаган ҳолда Марказий банкнинг ҳудудий Бош бошқармалари тақдим этиши лозим. Марказий банкнинг ҳудудий Бош бошқармалари ойлик ҳисоботларни олгандан кейин Республика бюджетига келиб тушган солиқлар ва даромадлардан маҳаллий бюджетларга қилинган ажратмалар ўрнатилган фоизлар миқдорида тўғри амалга оширилганлигига, шунингдек Давлат бюджети даромадларининг касса ижроси тўғрисидаги оператив ҳисобот маълумотлари билан тўғрилигига эътибор бериши лозим.

120. Марказий банкнинг ҳудудий Бош бошқармалари банклардан олинган ойлик ҳисоботлар асосида ойлик йиғма ҳисобот тузадилар ва Ўзбекистон Республикаси Марказий банкига электрон почта орқали, кейинги ойнинг 10-кунидан кечиктирмасдан, юборишлари лозим.

121. Марказий банкнинг ҳудудий Бош бошқармалари ойлик ҳисоботларнинг нусхасини ўрнатилган тартибда тегишли молия ва солиқ бошқармаларига, уларнинг сўровига асосан беради.

122. Ўзбекистон Республикаси Марказий банки Марказий банкнинг ҳудудий Бош бошқармаларидан олинган ойлик йиғма ҳисоботлар асосида ҳисобот тузади ва Ўзбекистон Республикаси Молия вазирлигига кейинги ойнинг 12-кунидан кечиктирмасдан тақдим этади.

123. Ўзбекистон Республикаси Марказий банкининг Бухгалтерия ҳисоби, ҳисоботи ва Давлат бюджетининг касса ижроси департаменти Марказий банкнинг ҳудудий Бош бошқармалари томонидан Давлат бюджетининг касса ижроси тўғрисидаги ойлик ҳисоботларни ўз вақтида топширилишини ва уларнинг тўғри тақдим этилишини назорат қилиб боради.

18-§. Давлат бюджетининг касса ижроси

тўғрисидаги йиллик ҳисоботи

124. Давлат бюджетининг касса ижроси тўғрисидаги йиллик даромадлар ва харажатлар бўйича ҳисоботи банклар томонидан тузилади. Банклар даромадлар бўйича йиллик ҳисоботни жорий йилнинг иккинчи иш кунидан кечиктирмасдан жойлардаги молия, солиқ ва божхона органларига ҳисобот маълумотларидаги даромадларнинг тўғрилигини текшириб кўриши ва ҳисобот маълумотларининг тўғрилигини имзо қўйиб муҳр билан тасдиқлашлари учун тақдим этади ва улар тақдим этилган ҳисобот маълумотларининг тўғрилигини текшириб кўриши ва ҳисобот маълумотларининг тўғрилигини имзо қўйиб муҳр билан тасдиқлашлари лозим.

125. Банклар харажатлар бўйича йиллик ҳисоботни жорий йилнинг биринчи иш кунидан кечиктирмасдан жойлардаги молия органларига тақдим этади. Молия органлари тақдим этилган ҳисобот маълумотларининг тўғрилигини текшириб кўриши ва ҳисобот маълумотларининг тўғрилигини имзо қўйиб муҳр билан тасдиқлашлари лозим.

126. Банклар даромадлар бўйича йиллик ҳисобот тегишли органлар томонидан тасдиқлангандан кейин жорий йилнинг саккизинчи кунидан кечиктирмасдан Марказий банкнинг ҳудудий Бош бошқармаларига тақдим қиладилар.

127. Марказий банкнинг ҳудудий Бош бошқармалари Давлат бюджетининг касса ижроси бўйича йиллик ҳисоботни Ўзбекистон Республикаси Марказий банкига ўрнатилган тартибда тақдим қиладилар. Ҳисоботларни Ўзбекистон Республикаси Марказий банкига тақдим этиш тартиби тўғрисида хабар қилинади.

ЙЎРИҚНОМАГА

1-ИЛОВА

Назорат қилувчи ходим_________                        Бажарувчи___________

200___ й "___"________________

ЙЎРИҚНОМАГА

2-ИЛОВА

ҲАРБИЙ

200_ й. "___" ______________

Ўзбекистон Республикаси ___________ вилояти

____________ шаҳар/туман __________ банкига

ФАРМОЙИШ

N_____________

сўмни чақириб олиш тўғрисида кўрсатма беришингизни ва кўрсатилган суммани Сизнинг банкда очилган 23404 ______________________________________ бюджет ҳисобварағига кирим қилишингизни сўраймиз.

ЙЎРИҚНОМАГА

3-ИЛОВА

Ўзбекистон Республикаси Давлат бюджети ва давлат мақсадли  жамғармалари

бўйича оператив ҳисобот 2234 GBS (200_   "___" ______________)

Изоҳ:   160=10-20+ … + 50                          190=160-170  200=160-180

минг сўм  ҳисобида

Ўзбекистон Ресубликаси Марказий банки раиси ўринбосари                  (И. О. Ф.) 

ЙЎРИҚНОМАГА

4-ИЛОВА

Давлат бюджети даромадлари

бўйича ойлик ҳисобот

(2204 GRE)

"___" ____________ 200__ йил

ЙЎРИҚНОМАГА

5-ИЛОВА

Республика бюджети харажатлари

бўйича ойлик ҳисобот

(22224 GCR)

"___" ____________200 __йил