Ўзбекистон Республикаси Вазирлар Маҳкамасининг 06.07.2021 й. 422-сон "Ўзбекистон Республикаси Бош вазирининг маслаҳатчиси - Геология, энерегетика, саноат ва унинг базавий тармоқларини ривожлантириш масалалари департаменти бошлиғининг функционал вазифалари ҳамда Геология, энерегетика, саноат ва унинг базавий тармоқларини ривожлантириш масалалари департаменти тўғрисидаги низомларни тасдиқлаш ҳақида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

06.07.2021 й.

N 422

ЎЗБЕКИСТОН РЕСПУБЛИКАСИ БОШ

ВАЗИРИНИНГ МАСЛАҲАТЧИСИ - ГЕОЛОГИЯ,

ЭНЕРЕГЕТИКА, САНОАТ ВА УНИНГ БАЗАВИЙ

ТАРМОҚЛАРИНИ РИВОЖЛАНТИРИШ МАСАЛАЛАРИ

ДЕПАРТАМЕНТИ БОШЛИҒИНИНГ ФУНКЦИОНАЛ

ВАЗИФАЛАРИ ҲАМДА ГЕОЛОГИЯ, ЭНЕРЕГЕТИКА,

САНОАТ ВА УНИНГ БАЗАВИЙ ТАРМОҚЛАРИНИ

РИВОЖЛАНТИРИШ МАСАЛАЛАРИ ДЕПАРТАМЕНТИ

ТЎҒРИСИДАГИ НИЗОМЛАРНИ ТАСДИҚЛАШ ҲАҚИДА

Ўзбекистон Республикаси Президентининг "Вазирлар Маҳкамаси фаолиятини такомиллаштиришга оид қўшимча чора-тадбирлар тўғрисида" 2021 йил 10 июндаги ПҚ-5143-сон қарори ижросини таъминлаш юзасидан Вазирлар Маҳкамаси ҚАРОР ҚИЛАДИ:

1. Қуйидагилар:

Ўзбекистон Республикаси Бош вазирининг маслаҳатчиси - Геология, энерегетика, саноат ва унинг базавий тармоқларини ривожлантириш масалалари департаменти бошлиғининг функционал вазифалари тўғрисидаги низом 1-иловага мувофиқ;

Геология, энерегетика, саноат ва унинг базавий тармоқларини ривожлантириш масалалари департаменти тўғрисидаги низом 2-иловага мувофиқ тасдиқлансин.

2. Ўзбекистон Республикаси Бош вазирининг маслаҳатчиси - Геология, энерегетика, саноат ва унинг базавий тармоқларини ривожлантириш масалалари департаменти бошлиғи ўн кун муддатда Департамент раҳбарлари ва мутахассисларининг функционал вазифалари тақсимланишини қайта кўриб чиқиб, тасдиқласин.

3. Вазирлар Маҳкамасининг "Ўзбекистон Республикаси Бош вазирининг маслаҳатчиси - Саноат ва унинг базавий тармоқларини ҳамда кооперация алоқаларини ривожлантириш масалалари департаменти бошлиғининг функционал вазифалари ҳамда Саноат ва унинг базавий тармоқларини ҳамда кооперация алоқаларини ривожлантириш масалалари департаменти тўғрисидаги низомларни тасдиқлаш ҳақида" 2020 йил 22 июндаги 400-сон қарори ўз кучини йўқотган деб ҳисоблансин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг маслаҳатчиси - Геология, энерегетика, саноат ва унинг базавий тармоқларини ривожлантириш масалалари департаменти бошлиғи зиммасига юклансин.

Ўзбекистон Республикасининг Бош вазири                                   А. Арипов

Қонун ҳужжатлари маълумотлари миллий базаси (www.lex.uz),

2021 йил 7 июль