ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Соғлиқни сақлаш. Жисмоний тарбия ва спорт. Туризм / Соғлиқни сақлаш / Пулли ва бепул тиббий ёрдам /

Ўзбекистон Республикаси Президентининг 28.07.2021 й. ПҚ-5199-сон "Соғлиқни сақлаш соҳасида ихтисослаштирилган тиббий ёрдам кўрсатиш тизимини янада такомиллаштириш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

28.07.2021 й.

N ПҚ-5199



СОҒЛИҚНИ САҚЛАШ СОҲАСИДА

ИХТИСОСЛАШТИРИЛГАН ТИББИЙ

ЁРДАМ КЎРСАТИШ ТИЗИМИНИ ЯНАДА

ТАКОМИЛЛАШТИРИШ ЧОРА-ТАДБИРЛАРИ

ТЎҒРИСИДА


Аҳолига юқори малакали ихтисослаштирилган тиббий ёрдам кўрсатишда ошкоралик, адолатлилик ва шаффофлик тамойиллари асосида замонавий талабларга жавоб берадиган самарали хизмат кўрсатиш тизимини шакллантириш, ордер бериш механизмини такомиллаштириш ва тўлиқ рақамлаштириш мақсадида:


1. Шундай тартиб ўрнатилсинки, унга мувофиқ:

а) 2021 йил 1 октябрдан бошлаб мазкур қарорга 1-иловада рўйхати келтирилган давлат тиббиёт муассасаларида (кейинги ўринларда - ихтисослаштирилган муассасалар) Давлат бюджети маблағлари ҳисобидан имтиёзли тоифага кирувчи шахсларга квота асосида ордер бериш тартиби бекор қилинади ва молиялаштиришнинг янги механизми асосида уларни ҳисобга олиш ва навбат асосида даволанишга йўллашнинг электрон ахборот тизими (кейинги ўринларда - ахборот тизими) жорий этилади.

Белгилансинки, имтиёзли тоифага кирувчи шахсларни (Ўзбекистон Республикасининг фуқаролари, Ўзбекистон Республикасининг солиқ резиденти деб эътироф этилган чет давлатларнинг фуқаролари, шунингдек фуқаролиги бўлмаган шахсларни) ихтисослаштирилган муассасаларга даволанишга йўллашда:

касалликнинг оғирлик даражасидан келиб чиқиб ахборот тизими орқали навбатда туришнинг шаффоф механизмлари татбиқ этилади;

кам таъминланган оилаларга мансуб шахслар тоифасига кирувчи фуқаролар "Ижтимоий ҳимоя ягона реестри" ахборот тизимига мувофиқ аниқланади;

беморларга ўзларининг сўровлари, мурожаатлари ҳамда навбати ҳақидаги ахборотни реал вақт режимида олиш имконияти таъминланади;

беморларга, уларнинг касаллигига мувофиқ ихтисослаштирилган муассасаларда даволанишларини таъминлайдиган, тиббий хизматнинг қиймати кўрсатилган ҳамда матрицали штрих код (QR-код)га эга бўлган йўлланма (кейинги ўринларда - йўлланма) берилади;

йўлланма ахборот тизимида автоматик тарзда шакллантирилади ва давлат ёки нодавлат тиббиёт ташкилотларида тиббий хизматлар олиш ҳуқуқини беради. Бунда, йўлланма тасдиқлангандан сўнг 60 кун мобайнида бемор томонидан тегишли тиббиёт ташкилотига мурожаат қилинмаганда ушбу йўлланма ўз кучини йўқотади;

бемор даволанганидан сўнг Давлат тиббий суғуртаси жамғармаси даволаган муассасага базавий нархлар доирасида беморга кўрсатилган тиббий хизматларни асословчи ҳужжатларга мувофиқ, сарфланган маблағни Давлат бюджети ҳисобидан ўтказиб беради. Бунда, йўлланма асосида беморларни даволайдиган давлат тиббиёт ташкилотлари томонидан барча шахсларга шошилинч тиббий ёрдам кўрсатишда қилинган ҳақиқий харажатлар кўрсатилган тиббий хизматларни асословчи ҳужжатларга мувофиқ Давлат тиббий суғуртаси жамғармаси томонидан Давлат бюджети маблағлари ҳисобидан қоплаб берилади;

б) қуйидагилар:

2021 йил 1 ноябрдан кўз микрохирургияси ва урология;

2022 йил 1 январдан кардиология, травматология ва ортопедия ҳамда акушерлик ва гинекология;

2022 йил 1 июлдан хирургия ва нейрохирургия;

2024 йил 1 январдан оториноларингология ва юз-жағ касалликлари йўналишларидаги тиббий хизматлар имтиёзли тоифага кирувчи шахсларга Давлат бюджети маблағлари ҳисобидан нодавлат тиббиёт ташкилотлари томонидан кўрсатилишига рухсат берилсин;

в) амалдаги ордер бериш тартибига асосан расмийлаштирилган ордерлардан 2022 йилнинг 1 январига қадар фойдаланиш мумкин;

г) 2022 йил 1 октябрдан бошлаб мазкур қарорга 2-иловага мувофиқ давлат тиббиёт муассасаларида молиялаштиришнинг янги механизми асосида Давлат бюджети маблағлари ҳисобидан имтиёзли тоифага кирувчи шахсларни электрон ахборот тизими орқали ҳисобга олиш ва навбат асосида даволанишга йўллаш тартиби жорий этилади. Мазкур тартиб жорий этилгунга қадар ушбу давлат тиббиёт муассасалари Давлат тиббий суғуртаси жамғармаси орқали Ўзбекистон Республикаси Соғлиқни сақлаш вазирлиги томонидан тасдиқланган тақсимотга мувофиқ харажатлар таснифининг бир сатрида молиялаштирилади. Бунда, тиббиёт муассасалари томонидан бюджет маблағлари ҳисобидан кўрсатилган тиббий хизматлар бўйича Давлат тиббий суғуртаси жамғармасига ойлик ҳисобот тақдим этилади.

Белгилансинки, мазкур қарорнинг 2-иловасида назарда тутилган давлат тиббиёт муассасаларининг шошилинч тиббий ёрдам, гемодиализ, туғруқ, болалар ва юқумли касалликлар бўлинмаларини сақлаш харажатлари Соғлиқни сақлаш вазирлиги томонидан харажатлар сметасини рўйхатга олиш асосида молиялаштирилади, қолган барча бўлинмаларнинг имтиёзга эга беморларга кўрсатиладиган тиббий хизматлар бўйича харажатлари базавий нархларда Давлат тиббий суғуртаси жамғармаси орқали қоплаб берилади;

д) имтиёзли тоифага кирувчи шахслар тиббий хизмат кўрсатадиган Давлат тиббий суғуртаси жамғармаси билан шартномаси мавжуд давлат ёки нодавлат тиббиёт ташкилотларини ўз хоҳишига кўра эркин танлаш ҳуқуқига эга бўлади;

е) имтиёзли тоифага кирувчи шахсларга Давлат бюджети маблағлари ҳисобидан тиббий хизмат кўрсатувчи нодавлат тиббиёт ташкилотларига қўйиладиган талаблар Соғлиқни сақлаш вазирлиги томонидан тасдиқланади;

ж) нодавлат тиббиёт ташкилотлари томонидан имтиёзли тоифага кирувчи шахсларга тиббий хизмат кўрсатиш Давлат тиббий суғуртаси жамғармаси билан тузиладиган шартнома асосида базавий нархлардан келиб чиқиб амалга оширилади;

з) Соғлиқни сақлаш вазирлиги Молия вазирлиги билан биргаликда мазкур қарорнинг 2-иловасида назарда тутилган давлат тиббиёт муассасаларида Давлат бюджети маблағлари ҳисобидан даволанадиган касалликлар рўйхатини тасдиқлайди.

2. Белгилаб қўйилсинки, имтиёзли тоифага кирувчи шахсларга кўрсатилган тиббий хизматлар сифатини баҳолаш ҳамда уларнинг тасдиқланган стандартларга мувофиқлигини, ажратилган маблағлар самарадорлиги ва натижадорлигини назорат қилиш Давлат тиббий суғуртаси жамғармаси томонидан амалга оширилади.

Имтиёзли тоифага кирувчи беморларни давлат ва нодавлат тиббиёт ташкилотларида текширувдан ўтказиш ва даволаш натижасида аниқлаштирилган ташхис асосида ҳамда оғир аҳволдаги беморларга реанимация ва интенсив терапия шароитида кўрсатилган тиббий ёрдам харажатларининг базавий нархдан ошиқча қисми Давлат тиббий суғуртаси жамғармаси томонидан кўриб чиқиш хулосасига кўра қоплаб берилади. Мазкур ҳолатларни кўриб чиқиш тартиби Вазирлар Маҳкамаси томонидан белгиланади.

3. Давлат тиббий суғуртаси жамғармасига қўшимча 8 та штат бирлиги Ўзбекистон Республикаси Президентининг 2021 йил 3 апрелдаги "Давлат ҳокимияти ва бошқаруви органларининг тузилмасини мақбуллаштириш ва штат бирликлари сонини қисқартириш тўғрисида"ги ПҚ-5053-сон қарорига мувофиқ мақбуллаштирилган штат бирликлари ҳисобидан ажратилсин.

Соғлиқни сақлаш вазирлиги тизими ташкилотлари ходимларининг белгиланган умумий чекланган сони ҳамда Давлат бюджетидан ажратилган маблағлар доирасида Давлат тиббий суғуртаси жамғармасининг 14 та бош мутахассиси лавозимлари киритилсин ва улар соғлиқни сақлаш ҳудудий бошқарув органларида жойлаштирилсин.

Соғлиқни сақлаш вазирининг биринчи ўринбосари А.Иноятов раҳбарлигида имтиёзли тоифага кирувчи шахсларни даволаш ва молиялаштириш билан боғлиқ ҳуқуқий, молиявий ва бошқа ташкилий масалаларни ҳал қилиш бўйича ишчи гуруҳ ташкил этилсин ва у мазкур йўналишда Давлат тиббий суғуртаси жамғармаси фаолиятига кўмаклашиб борсин.

Давлат тиббий суғуртаси жамғармаси Кузатув кенгашига (Л.Туйчиев), зарур ҳолларда, Давлат тиббий суғуртаси жамғармаси ижро этувчи аппаратининг тасдиқланган тузилмасига бошқарув ходимларининг чекланган сони доирасида ўзгартиришлар киритиш ҳуқуқи берилсин.


4. 2021 йил 1 октябрдан бошлаб Давлат бюджетидан ажратилган маблағлар доирасида имтиёзли тоифага кирувчи шахсларни даволаш учун ихтисослаштирилган муассасаларни Давлат тиббий суғуртаси жамғармаси билан тузилган шартномалар асосида базавий нархларда молиялаштириш механизми жорий этилсин.

Бунда, ихтисослаштирилган муассасалар билан тузиладиган шартноманинг намунавий шакли, олдиндан тўлов миқдорлари Давлат тиббий суғуртаси жамғармасининг Кузатув кенгаши томонидан тасдиқланади.

Соғлиқни сақлаш вазирлиги (А.Хаджибаев) Молия вазирлиги (Т.Ишметов) ва Давлат тиббий суғуртаси жамғармаси (Ф.Шарипов) билан биргаликда 2021 йил 15 сентябрга қадар ихтисослаштирилган муассасаларни шартнома асосида базавий нархлардан келиб чиқиб молиялаштириш тартибини тасдиқласин.

Молия вазирлиги (Ж.Абруев) имтиёзли тоифага кирувчи шахсларни даволаш учун ихтисослаштирилган муассасаларга ажратилган Давлат бюджети маблағларининг 2021 йил 1 октябрь ҳолатига қолдиқ қисмини Давлат тиббий суғуртаси жамғармасига ўтказиб берилишини таъминласин.


5. Соғлиқни сақлаш вазирлиги (А.Хаджибаев):

а) бир ой муддатда:

Молия вазирлиги билан биргаликда республика ихтисослаштирилган илмий-амалий тиббиёт марказларида Давлат бюджети маблағлари ҳисобидан даволанадиган касалликлар рўйхатини ишлаб чиқсин ва тасдиқласин;

Молия вазирлиги ва Монополияга қарши курашиш қўмитаси билан келишган ҳолда Давлат бюджети маблағлари ҳисобига имтиёзли тоифага кирувчи шахсларга ташхис қўйиш ва даволаш бўйича тасдиқланган стандартларга мувофиқ тиббий хизматларнинг базавий нархларини шакллантирсин ва уларнинг янгиланиб борилишини таъминласин;

б) 2021 йил якунига қадар далилларга асосланган тиббиётга мувофиқ замонавий даволаш-диагностика услуб ва технологияларни киритган ҳолда клиник протоколларни, диагностика ҳамда касалликларни даволаш стандартларини қайта кўриб чиқсин ва тасдиқланишини таъминласин.

Бунда, диагностика ва даволаш сифатига оид стандартларни янгилаш бўйича режа-графикни республика ихтисослаштирилган илмий-амалий тиббиёт марказлари кесимида тасдиқласин ва ушбу стандартлар Соғлиқни сақлаш вазирлигининг расмий веб-сайтида эълон қилиб борилишини таъминласин.


6. Имтиёзли тоифага кирувчи шахсларни ҳисобга олиш ва навбат асосида даволанишга йўллашнинг электрон ахборот тизимига интеграция қилинадиган маълумотлар рўйхати 3-иловага мувофиқ тасдиқлансин.

Соғлиқни сақлаш вазирлиги (А.Азизов) 2021 йил 1 октябрга қадар:

а) соғлиқни сақлаш соҳаси учун Давлат бюджетидан ажратилган маблағлар ҳисобидан ахборот тизимини ишлаб чиқсин;

б) Молия вазирлиги, Мудофаа вазирлиги ва Тиббий-ижтимоий хизматларни ривожлантириш агентлиги билан биргаликда имтиёзли тоифага кирувчи шахслар тўғрисидаги маълумотларни ахборот тизимига интеграция қилинишини таъминласин.


7. Республика ихтисослаштирилган онкология ва тиббий радиология илмий-амалий тиббиёт маркази учун Тошкент тиббиёт академияси клиникасининг бўш турган ҳудудида янги бино-иншоотлар комплекси (кейинги ўринларда - комплекс) барпо этилиши маълумот учун қабул қилинсин.

Белгилансинки:

комплекснинг қуввати камида 650 та стационар ва 100 та кундузги стационар ўринлардан иборат бўлади ва 2023 йилнинг 1 апрелига қадар фойдаланишга топширилади;

Республика ихтисослаштирилган онкология ва тиббий радиология илмий-амалий тиббиёт маркази комплекс фойдаланишга топширилгандан кейин унга ушбу марказнинг Тошкент шаҳар ва Тошкент вилояти филиалларини қўшиб олиш йўли билан қайта ташкил этилади.

Тошкент шаҳар ҳокимлиги (Ж.Артикходжаев), Қурилиш вазирлиги (Б.Закиров), Соғлиқни сақлаш вазирлиги (А.Хаджибаев) Корея Республикаси тажрибасини ҳамда замонавий тиббий асбоб-ускуналар билан жиҳозлашни ҳисобга олган ҳолда комплексни қуриш ва жиҳозлаш бўйича лойиҳа-смета ҳужжатларини ишлаб чиқиб, 2021 йилнинг якунига қадар қурилиш ишларини бошласин.


8. Ўзбекистон Республикаси Президентининг 2021 йил 27 майдаги ПҚ-5130-сон қарори билан ташкил этилган Республика гематология, онкология ва радиология марказлари фаолиятини самарали ташкил этиш бўйича ишчи гуруҳи (Б.Мусаев)га:

а) белгиланган муддатларда комплексни фойдаланишга топшириш, соҳадаги илғор хорижий тиббиёт муассасаларининг тажрибасидан келиб чиққан ҳолда унинг фаолиятини йўлга қўйиш, бу борада ташкилий, молиявий, моддий-техник ва бошқа масалаларни ўз вақтида ҳал қилиш;

б) Республика ихтисослаштирилган онкология ва тиббий радиология илмий-амалий тиббиёт маркази учун:

2021/2022 ўқув йилидан бошлаб олий тиббий таълим муассасалари магистратураси ва клиник ординатурасида тор соҳа мутахассисларини тайёрлаш;

Республика ўрта тиббиёт ва фармацевтика ходимлари малакасини ошириш ва уларни ихтисослаштириш маркази томонидан ўрта тиббиёт ходимларининг малакасини ошириш;

Соғлиқни сақлаш вазирлиги (А.Хаджибаев), Ташқи ишлар вазирлиги (А.Камилов), Ўзбекистон Республикасининг Корея Республикасидаги элчихонаси (В.Фен) билан биргаликда Корея Республикасининг етакчи илмий ва тиббиёт марказлари билан ҳамкорликда онкология, гематология, радиология, клиник иммунология, юқори технологик трансфузиология, лаборатория ва бошқа йўналишлар бўйича кадрларни тайёрлаш ва уларнинг малакасини оширишни ташкиллаштириш вазифалари юклатилсин.


9. Соғлиқни сақлаш вазирлиги ва Молия вазирлигининг 2021 йил 1 августдан бошлаб онкология, онкогематология ва гематология муассасаларининг паллиатив ёрдам кўрсатиш бўлимлари шифокорлари, ўрта ва кичик тиббиёт ходимлари лавозим маошига меҳнатнинг соғлиқ учун ўта хавфли шароитлари учун 25 фоиз миқдорида ҳар ойлик устама ҳақ тўлаш ҳақидаги таклифи маъқуллансин.


10. Соғлиқни сақлаш вазирлиги (Э.Баситханова) Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда 2022 йил 1 январдан бошлаб босқичма-босқич:

туман (шаҳар) тиббиёт бирлашмаларининг 46 та туғуруқ бўлимлари негизида 4-иловага мувофиқ туманлараро перинатал марказларни амалдаги штатлар доирасида ташкил этиш;

оналар, янги туғилган чақалоқлар ва болалар учун ҳудудларда самарали перинатал, неонатал ва педиатрик хизматларни олиш имкониятини яратиш;

минтақавий перинатал марказларни такомиллаштириш ва 3-даражали акушерлик муассасаларини белгиланган талабларга мувофиқ жиҳозлаш чораларини кўрсин.

Соғлиқни сақлаш вазирлиги (А.Азизов) Инвестициялар ва ташқи савдо вазирлиги (Ш.Вафаев) билан биргаликда 2021 йил 1 ноябрга қадар халқаро молия ташкилотларининг кредит маблағларини мақбуллаштириш ҳисобига республикадаги туғуруққа ёрдам берувчи муассасаларни замонавий тиббий жиҳозлар билан таъминлаш учун халқаро молия ташкилотлари билан музокаралар ўтказсин.


11. Соғлиқни сақлаш соҳасида ихтисослаштирилган тиббий ёрдам кўрсатиш тизимини янада такомиллаштириш бўйича "Йўл харитаси" 5-иловага мувофиқ тасдиқлансин.


12. Соғлиқни сақлаш вазирлиги (А.Хаджибаев):

а) 2021 йил 1 сентябрга қадар:

Ахборот технологиялари ва коммуникацияларини ривожлантириш вазирлиги билан биргаликда Соғлиқни сақлаш вазирлиги ва унинг ҳудудий органларида имтиёзли тоифага кирувчи шахсларга республика миқёсида тиббий хизматларни кўрсатиш, уларнинг мурожаатларини қабул қилиш, маслаҳат бериш ва ахборот тақдим этишга мўлжалланган ягона қисқа рақамли бепул "тезкор алоқа"ни йўлга қўйсин;

оилавий шифокор пунктлари, оилавий поликлиникалар ва туман (шаҳар) кўп тармоқли марказий поликлиникалари биноларида, Соғлиқни сақлаш вазирлиги ва ихтисослаштирилган муассасаларнинг расмий веб-сайтларида Давлат бюджети маблағлари ҳисобидан қопланадиган тиббий ёрдамнинг ҳажмлари, ихтисослаштирилган бепул тиббий ёрдамни кўрсатиш шартлари ва тартиби тўғрисидаги маълумотларни жойлаштириш ҳамда тарғибот материалларини тарқатиш чораларини кўрсин;

б) 2021 йил 1 октябрдан бошлаб ихтисослаштирилган муассасаларнинг расмий веб-сайтларида бўлимлар кесимида мавжуд ўринлар сони, шу жумладан бўш ўринлар сони, кўрсатиладиган тиббий хизматлар турлари ва нархлари жойлаштирилишини ва мунтазам янгиланиб борилишини таъминласин;

в) Ахборот ва оммавий коммуникациялар агентлиги, Ўзбекистон Миллий ахборот агентлиги, Ўзбекистон Миллий телерадиокомпанияси, Электрон оммавий ахборот воситалари миллий ассоциацияси ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан ҳамкорликда ихтисослаштирилган муассасаларда имтиёзли тоифага кирувчи шахсларни даволаш бўйича жорий этилаётган механизмларнинг мазмун-моҳияти кенг жамоатчиликка оммавий ахборот воситалари, ижтимоий тармоқлар, расмий веб-сайтлар, шунингдек, бошқа ахборот ресурслари орқали, шу жумладан матбуот анжуманлари, брифинглар, пресс-клуб муҳокамаларини ташкил этиш орқали тезкор етказилиши, тушунтирилиши ва кенг ёритилишини таъминласин.


13. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига 6-иловага мувофиқ ўзгартириш ва қўшимчалар киритилсин.


14. Соғлиқни сақлаш вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.


15. Ушбу қарорнинг ижросини самарали ташкил этишга масъул ва шахсий жавобгар этиб соғлиқни сақлаш вазири А.М. Хаджибаев, унинг ўринбосарлари А.Ш. Иноятов, А.А. Азизов, У.Ю. Собиров, Э.И. Баситханова, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.

Қарорнинг ўз вақтида ва натижали ижро этилишини назорат қилиш Ўзбекистон Республикаси Бош вазирининг ўринбосари Б.А. Мусаев ва Ўзбекистон Республикаси Президенти маслаҳатчисининг биринчи ўринбосари Л.Н. Тўйчиев зиммасига юклансин.

Амалга оширилаётган чора-тадбирлар натижадорлиги юзасидан ҳар чоракда Ўзбекистон Республикаси Президентига ахборот бериб борилсин.



Ўзбекистон Республикаси Президенти                                     Ш. Мирзиёев






Ўзбекистон Республикаси

Президентининг

2021 йил 28 июлдаги

ПҚ-5199-сон қарорига

1-ИЛОВА



2021 йил 1 октябрдан бошлаб Давлат бюджети

маблағлари ҳисобига имтиёзли тоифага кирувчи

шахсларни электрон ахборот тизими орқали ҳисобга

олиш ва навбат асосида даволанишга йўллаш тизимига

ўтказиладиган тиббиёт муассасалари

РЎЙХАТИ


1. Академик В. Воҳидов номидаги Республика ихтисослаштирилган хирургия илмий-амалий тиббиёт маркази.


2. Республика ихтисослаштирилган кардиология илмий-амалий тиббиёт маркази.


3. Республика ихтисослаштирилган урология илмий-амалий тиббиёт маркази.


4. Республика ихтисослаштирилган кўз микрохирургияси илмий-амалий тиббиёт маркази.


5. Республика ихтисослаштирилган терапия ва тиббий реабилитация илмий-амалий тиббиёт маркази.


6. Республика ихтисослаштирилган акушерлик ва гинекология илмий-амалий тиббиёт маркази.


7. Академик Ё.Х. Тўрақулов номидаги Республика ихтисослаштирилган эндокринология илмий-амалий тиббиёт маркази.


8. Республика ихтисослаштирилган дерматовенерология ва косметология илмий-амалий тиббиёт маркази.


9. Республика ихтисослаштирилган педиатрия илмий-амалий тиббиёт маркази.


10. Республика ихтисослаштирилган фтизиатрия ва пульмонология илмий-амалий тиббиёт маркази.


11. Республика ихтисослаштирилган травматология ва ортопедия илмий-амалий тиббиёт маркази.


12. Республика ихтисослаштирилган нейрохирургия илмий-амалий тиббиёт маркази.


13. Республика ихтисослаштирилган онкология ва тиббий радиология илмий-амалий тиббиёт маркази.


14. Болалар миллий тиббиёт маркази.


Изоҳ: Соғлиқни сақлаш вазирлигига Молия вазирлиги билан келишган ҳолда мазкур рўйхатга бошқа тиббиёт муассасаларини киритиш ваколати берилади.






Ўзбекистон Республикаси

Президентининг

2021 йил 28 июлдаги

ПҚ-5199-сон қарорига

2-ИЛОВА


2022 йил 1 октябрдан бошлаб Давлат бюджети

маблағлари ҳисобига имтиёзли тоифага кирувчи

шахсларни электрон ахборот тизими орқали ҳисобга

олиш ва навбат асосида даволанишга йўллаш тизимига

ўтказиладиган тиббиёт муассасалари

РЎЙХАТИ


1. Республика илмий-ихтисослаштирилган аллергология маркази.


2. Республика хирургик ангионеврология ихтисослаштирилган маркази.


3. Республика кўз касалликлари клиник шифохонаси.


4. Республика тери-таносил касалликлари клиник шифохонаси.

6. Тиббиёт ходимларининг касбий малакасини ривожлантириш марказининг кўп тармоқли клиникаси.


7. Андижон давлат тиббиёт институти клиникаси.


8. Самарқанд давлат тиббиёт университети клиникаси.

9. Тошкент тиббиёт академияси кўп тармоқли клиникаси.


10. Тошкент тиббиёт академияси Урганч филиали клиникаси


11. Тошкент давлат стоматология институти клиникаси.


12. Оролбўйи минтақаси ихтисослаштирилган кардиология ва кардиохирургия илмий-амалий тиббиёт маркази.


Изоҳ:

амалдаги ордер бериш тартибига асосан расмийлаштирилган ордерлардан 2023 йилнинг 1 январига қадар фойдаланиш мумкин;

Андижон давлат тиббиёт институти клиникаси қурилиш-таъмирлаш ва жиҳозлаш ишлари якунлангунга қадар Давлат тиббий суғуртаси жамғармаси орқали бажарилган иш ҳажмига боғланмаган ҳолда вақтинчалик бир сатрда молиялаштирилади.





Ўзбекистон Республикаси

Президентининг

2021 йил 28 июлдаги

ПҚ-5199-сон қарорига

3-ИЛОВА



Имтиёзли тоифага кирувчи шахсларни

ҳисобга олиш ва навбат асосида даволанишга

йўллашнинг электрон ахборот тизимига

интеграция қилинадиган маълумотлар

РЎЙХАТИ

Т/р

Маълумот бериш учун масъул

ваколатли органлар


Талаб этиладиган маълумотлар


1.

Соғлиқни сақлаш вазирлиги


1. Соғлиқни сақлаш вазирлиги томонидан тасдиқланадиган рўйхат бўйича гинекологик касалликлар ҳамда ҳомиладор аёлларнинг патологик ҳолати тўғрисида маълумот.


2. Соғлиқни сақлаш вазирлиги томонидан тасдиқланадиган рўйхат бўйича эндокрин касалликлари тўғрисида маълумот.


3. Соғлиқни сақлаш вазирлиги томонидан тасдиқланадиган рўйхат бўйича тери касалликлари ва жинсий йўл билан юқтириладиган касалликлар тўғрисида маълумот.


4. Соғлиқни сақлаш вазирлиги томонидан тасдиқланадиган рўйхат бўйича туберкулёз касаллиги тўғрисида маълумот.


5. Соғлиқни сақлаш вазирлиги томонидан тасдиқланадиган рўйхат бўйича 18 ёшга тўлмаган болаларнинг патологияси тўғрисида маълумот.


6. Соғлиқни сақлаш вазирлиги томонидан тасдиқланадиган рўйхат бўйича онкология касалликлари тўғрисида маълумот.


2.

Молия вазирлиги

1. Чин етимлар тўғрисида маълумот.


2. Ёшга оид пенсияга чиққан, ишламайдиган шахслар тўғрисида маълумот.


3. 1941-1945 йиллардаги уруш ногиронлари ва қатнашчилари, шунингдек, уларга тенглаштирилган шахслар тўғрисида маълумот.


4. 1941-1945 йиллардаги уруш даврида меҳнат жабҳасининг қатнашчилари тўғрисида маълумот.


5. Чернобиль АЭС фалокатини тугатишда иштирок этган шахслар жумласига кирувчи ногиронлар тўғрисида маълумот.


6. "Ижтимоий ҳимоя ягона реестри" ахборот тизими орқали аниқланган кам таъминланган оилаларга мансуб шахслар тўғрисида маълумот.


3.

Мудофаа вазирлиги

1. Байналмилалчи-жангчилар тўғрисида маълумот.


2. Чақирув комиссияларининг йўлланмалари бўйича чақирув ёшидаги (18 - 27 ёшдаги) шахслар тўғрисида маълумот.


4.

Тиббий-ижтимоий хизматларни ривожлантириш агентлиги


1. Болаликдан ногиронлар тўғрисида маълумот.


2. I ва II гуруҳ ногиронлари тўғрисида маълумот.


5.

Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардия, Давлат хавфсизлик хизмати, Ўзбекистон Республикаси Президенти давлат хавфсизлик хизмати, Божхона қўмитаси, Электрон технологияларни ривожлантириш маркази


Ватан ҳимояси ва эл-юрт тинчлиги йўлида яраланганлиги, контузия ёки майиб бўлганлиги оқибатида ҳалок бўлган ҳарбий хизматчининг (ходимнинг) оила аъзолари тўғрисидаги маълумот


           





Ўзбекистон Республикаси

Президентининг

2021 йил 28 июлдаги

ПҚ-5199-сон қарорига

4-ИЛОВА


Туман (шаҳар) тиббиёт бирлашмаларининг

туғуруқ бўлимлари негизида ташкил этиладиган

туманлараро перинатал марказлар

РЎЙХАТИ

Т/р

     

Ташкилот номи

     

Ҳудудлар

         

1.

Чимбой тумани тиббиёт бирлашмаси туғруқ бўлими


Қорақалпоғистон Республикаси

2.

Беруний тумани тиббиёт бирлашмаси туғруқ бўлими


3.

Қўнғирот шаҳар туғруқ мажмуаси


4.

Пахтаобод тумани тиббиёт бирлашмаси туғруқ бўлими


Андижон вилояти

5.

Қўрғонтепа тумани тиббиёт бирлашмаси туғруқ бўлими


6.

Шаҳрихон тумани тиббиёт бирлашмаси туғруқ бўлими


7.

Ғиждувон шаҳар тиббиёт бирлашмаси туғруқ бўлими


Бухоро вилояти

8.

Ромитан тумани тиббиёт бирлашмаси туғруқ бўлими


9.

Қоракўл тумани тиббиёт бирлашмаси туғруқ бўлими


10.

Ғаллаорол тумани тиббиёт бирлашмаси туғруқ бўлими


Жиззах вилояти

11.

Зомин тумани тиббиёт бирлашмаси туғруқ бўлими


12.

Пахтакор тумани тиббиёт бирлашмаси туғруқ бўлими


13.

Шаҳрисабз шаҳар тиббиёт бирлашмаси туғруқ бўлими


Қашқадарё вилояти

14.

Нишон тумани тиббиёт бирлашмаси туғруқ бўлими


15.

Чироқчи тумани тиббиёт бирлашмаси туғруқ бўлими


16.

Косон тумани тиббиёт бирлашмаси туғруқ бўлими


17.

Зарафшон шаҳар тиббиёт бирлашмаси туғруқ бўлими


Навоий вилояти

18.

Хатирчи тумани тиббиёт бирлашмаси туғруқ бўлими


19.

Навбаҳор тумани тиббиёт бирлашмаси туғруқ бўлими


20.

Уйчи тумани тиббиёт бирлашмаси туғруқ бўлими


Наманган вилояти

21.

Янгиқўрғон тумани тиббиёт бирлашмаси туғруқ бўлими


22.

Чуст тумани тиббиёт бирлашмаси туғруқ бўлими


23.

Пастдарғом тумани тиббиёт бирлашмаси туғруқ бўлими


Самарқанд вилояти

24.

Каттақўрғон шаҳар тиббиёт бирлашмаси туғруқ бўлими


25.

Ургут тумани тиббиёт бирлашмаси туғруқ бўлими


26.

Пайариқ тумани тиббиёт бирлашмаси туғруқ бўлими


27.

Янгиер шаҳар тиббиёт бирлашмаси туғруқ бўлими


Сирдарё вилояти

28.

Сирдарё тумани тиббиёт бирлашмаси туғруқ бўлими


29.

Оқолтин тумани тиббиёт бирлашмаси туғруқ бўлими


30.

Бойсун тумани тиббиёт бирлашмаси туғруқ бўлими


Сурхондарё вилояти

31.

Шеробод тумани тиббиёт бирлашмаси туғруқ бўлими


32.

Қумқўрғон тумани тиббиёт бирлашмаси туғруқ бўлими


33.

Олмалиқ шаҳар тиббиёт бирлашмаси туғруқ бўлими


Тошкент вилояти

34.

Янгийўл шаҳар тиббиёт бирлашмаси туғруқ бўлими


35.

Бекобод шаҳар тиббиёт бирлашмаси туғруқ бўлими


36.

Тошкент тумани тиббиёт бирлашмаси туғруқ бўлими


37.

Қуйичирчиқ тумани тиббиёт бирлашмаси туғруқ бўлими


38.

Қўқон шаҳар туғруқ мажмуаси


Фарғона вилояти

39.

Марғилон шаҳар туғруқ мажмуаси


40.

Бешариқ тумани тиббиёт бирлашмаси туғруқ бўлими


41.

Боғот тумани тиббиёт бирлашмаси туғруқ бўлими


Хоразм вилояти

42.

Янгибозор тумани тиббиёт бирлашмаси туғруқ бўлими


43.

Тошкент шаҳар 1-сон туғруқ мажмуаси


Тошкент шаҳар

44.

Тошкент шаҳар 2-сон туғруқ мажмуаси


45.

Тошкент шаҳар 6-сон туғруқ мажмуаси


46.

Тошкент шаҳар 9-сон туғруқ мажмуаси


             





Ўзбекистон Республикаси

Президентининг

2021 йил 28 июлдаги

ПҚ-5199-сон қарорига

5-ИЛОВА



Соғлиқни сақлаш соҳасида ихтисослаштирилган

тиббий ёрдам кўрсатиш тизимини янада

такомиллаштириш бўйича

"ЙЎЛ ХАРИТАСИ"

Т/р

Чора-тадбирлар номи


Амалга ошириш механизми


Ижро

муддати


Масъул ташкилотлар


1.

Республика ихтисослаштирилган илмий-амалий тиббиёт марказларида имтиёзли тоифага кирувчи шахсларни янги тизим асосида даволаш бўйича кенг тушунтириш ишларини олиб бориш.


ОАВ ва ижтимоий тармоқларда турли форматлардаги эшиттириш, кўрсатув, мақолалар ва бошқа ахборот материалларини эълон қилиш бўйича чора-тадбирларни амалга ошириш.


2021 йил

1 сентябрь

Соғлиқни сақлаш вазирлиги (Сабиров), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ахборот ва оммавий коммуникациялар агентлиги, Ўзбекистон Миллий ахборот агентлиги, Ўзбекистон Миллий телерадиокомпанияси, Электрон оммавий ахборот воситалари миллий ассоциацияси


2.

Республика ихтисослаштирилган илмий-амалий тиббиёт марказларида ихтисослаштирилган тиббий ёрдамни олишда очиқлик ва шаффофликни таъминлаш.


1. Республика ихтисослаштирилган илмий-амалий тиббиёт марказлари бўлимлари кесимида мавжуд ўринлар сони, шу жумладан бўш ўринлар сони, Давлат бюджети ҳисобидан қопланадиган ҳамда пуллик асосда кўрсатиладиган тиббий хизматлар турлари ва уларнинг нархлари тўғрисидаги маълумотларни тайёрлаш.


2. Ихтисослаштирилган бепул тиббий ёрдам кўрсатиш шартлари ва тартиби тўғрисидаги маълумотларни, бу соҳага оид норматив-ҳуқуқий ҳужжатлар рўйхатини шакллантириш.


3. Расмий веб-сайтларда тегишли маълумотларни жойлаштириш ва уларни мунтазам янгилаб боришни таъминлаш.


2021 йил

1 октябрь


Соғлиқни сақлаш вазирлиги (Сабиров)


3.

Аҳолининг ихтисослаштирилган тиббий ёрдамдан фойдаланиш имкониятини ошириш, ушбу хизматларга оид маълумотларни соғлиқни сақлаш тизимининг бирламчи бўғини даражасида етказиш сифатини ошириш.


1. Оилавий шифокор пунктлари, оилавий поликлиникалар ва туман (шаҳар) кўп тармоқли марказий поликлиникаларида Давлат бюджети маблағлари ҳисобидан қопланадиган тиббий ёрдамнинг кафолатланган ҳажмлари, ихтисослаштирилган бепул тиббий ёрдам кўрсатиш шартлари ва тартиби тўғрисидаги маълумотларни интерактив инфокиосклар орқали етказиш.


2022 йил

давомида


Соғлиқни сақлаш вазирлиги (Иноятов)

2. Ихтисослаштирилган тиббий ёрдам бўйича тарғибот материалларини тарқатиш (ролик, буклет, рисола ва бошқалар).


2021 йил

1 ноябрь

4.

Ихтисослаштирилган тиббий ёрдамнинг сифатини назорат қилиш ва аҳолининг бу борадаги мурожаатлари ўз вақтида кўриб чиқилишини таъминлаш.

1. Ихтисослаштирилган тиббий ёрдам олган фуқаролар томонидан тиббий ёрдамни баҳолаш тизимини жорий этиш, улар ўртасида тиббий ёрдам сифати бўйича сўровлар ўтказиш.


2. Соғлиқни сақлаш вазирлиги ва унинг ҳудудий органларида "тезкор алоқа"нинг узлуксиз ишлашини таъминлаш.


3. Ихтисослаштирилган тиббий ёрдам бўйича келиб тушган мурожаатларни ҳар чоракда умумлаштириш.


4. Мурожаатларни умумлаштириш ва таҳлил қилиш натижасидан келиб чиқиб, Соғлиқни сақлаш вазирлиги, Республика ихтисослаштирилган илмий-амалий тиббиёт марказлари, ҳудудий соғлиқни сақлаш бошқармаларининг расмий веб-сайтларида зарур тушунтиришлар бериш, мунтазам равишда аҳоли томонидан энг кўп бериладиган саволларга жавобларни жойлаштириш.


2021-2022

йиллар

давомида


Соғлиқни сақлаш вазирлиги (Хаджибаев), Давлат тиббий суғуртаси жамғармаси (Шарипов)


5.

Республика ихтисослаштирилган илмий-амалий тиббиёт марказларининг раҳбарлари, бухгалтер ва иқтисодчиларини имтиёзли тоифага кирувчи шахсларга кўрсатиладиган тиббий хизматларни Давлат бюджети маблағлари ҳисобидан молиялаштиришнинг янги тартиби бўйича ўқитиш.


1. Ўқув семинарлари ва тренинглар ташкил этиш.


2. Имтиёзли тоифага кирувчи шахсларга кўрсатиладиган тиббий хизматларни Давлат бюджети маблағлари ҳисобидан молиялаштириш тартиби бўйича шарҳ тайёрлаш.


2021 йил

давомида


Соғлиқни сақлаш вазирлиги (Сабиров), Давлат тиббий суғуртаси жамғармаси (Шарипов)


6.

Ихтисослаштирилган муассасаларни шартнома асосида базавий нархлардан келиб чиқиб молиялаштириш механизмларини жорий этиш.


1. Республика ихтисослаштирилган илмий-амалий тиббиёт марказларида Давлат бюджети маблағлари ҳисобидан даволанадиган касалликлар рўйхатини ишлаб чиқиш ва тасдиқлаш.


2021 йил

1 сентябрь


Соғлиқни сақлаш вазирлиги (Хаджибаев)


2. Ихтисослаштирилган муассасаларни шартнома асосида базавий нархлардан келиб чиқиб молиялаштириш тартибини белгиланган тартибда тасдиқлаш.


2021 йил

15 сентябрь

Соғлиқни сақлаш вазирлиги (Хаджибаев), Молия вазирлиги (Ишметов), Давлат тиббий суғуртаси жамғармаси (Шарипов), Адлия вазирлиги (Каримов)


3. 2022 йил 1 январдан бошлаб Давлат бюджети маблағлари ҳисобига имтиёзли тоифага кирувчи шахсларни электрон ахборот тизими орқали ҳисобга олиш ва навбат асосида даволанишга йўллаш тизимига ўтказиладиган тиббиёт муассасаларни молиялаштиришнинг янги тартибига ўтказиш чораларини кўриш.


2022 йил

1 январь

Соғлиқни сақлаш вазирлиги (Хаджибаев), Молия вазирлиги (Ишметов)


7.

Давлат бюджети маблағлари ҳисобига имтиёзли тоифага кирувчи шахсларни электрон ахборот тизими (кейинги ўринларда - ахборот тизими) орқали ҳисобга олиш ва навбат асосида даволанишга йўллаш механизмини жорий этиш.


1. Ахборот тизимини ишлаб чиқиш.


2021 йил

1 октябрь


Соғлиқни сақлаш вазирлиги (Азизов)


2. Мазкур қарорнинг 3-иловасига мувофиқ имтиёзли тоифага кирувчи шахслар тўғрисидаги ахборот базасини тегишли қисми бўйича шакллантириш ва уларнинг ахборот тизимига интеграция қилинишини таъминлаш.



Молия вазирлиги (Абруев), Мудофаа вазирлиги (Холмуҳамедов), Тиббий-ижтимоий хизматларни ривожлантириш агентлиги (Инаков)

8.

Даволаш ва ташхис қўйиш сифатини ошириш.

1. Халқаро тажриба ҳамда далилларга асосланган тиббиётга мувофиқ клиник протоколларни, диагностика ҳамда касалликларни даволаш стандартларини қайта кўриб чиқиш ва тасдиқлаш.


2. Клиник протоколларни, диагностика ҳамда касалликларни даволаш стандартларини Соғлиқни сақлаш вазирлигининг расмий веб-сайтида эълон қилиш.


2021 йил

якунига

қадар


Соғлиқни сақлаш вазирлиги (Хаджибаев)


9.

Имтиёзли тоифага кирувчи шахслар тоифаларини қайта кўриб чиқиш ва уларнинг ягона рўйхатини тасдиқлаш.


Норматив-ҳуқуқий ҳужжат лойиҳаси.


2021 йил

1 декабрь


Соғлиқни сақлаш вазирлиги (Хаджибаев), Молия вазирлиги (Абруев), манфаатдор вазирлик ва идоралар


10.

Тиббиёт ташкилотларини ихтиёрий аккредитациядан ўтказиш асосларини яратиш.

1. Тиббиёт ташкилотларини ихтиёрий аккредитациядан ўтказиш стандартларини ва уларни қўллаш тартибини тасдиқлаш.


2. Тиббиёт ташкилотларини ихтиёрий аккредитациядан ўтказиш бўйича мустақил экспертларни жалб қилиш ва уларга ҳақ тўлаш тартибини тасдиқлаш.


2022 йил

1 январь


Соғлиқни сақлаш вазирлиги (Сабиров), манфаатдор вазирлик ва идоралар


11.

Нодавлат тиббиёт ташкилотлари томонидан Давлат бюджети маблағлари ҳисобига имтиёзли тоифага кирувчи шахсларга ихтисослаштирилган тиббий ёрдам кўрсатиш тизимини йўлга қўйиш.

1. Имтиёзли тоифага кирувчи шахсларга Давлат бюджети маблағлари ҳисобидан тиббий хизмат кўрсатувчи тиббиёт ташкилотларига қўйиладиган талабларни тасдиқлаш.


2. Кўз микрохирургияси, урология, кардиология, травматология ва ортопедия ҳамда акушерлик ва гинекология йўналишларида тиббий хизмат кўрсатувчи нодавлат тиббиёт ташкилотларига Давлат бюджети маблағлари ҳисобидан тиббий хизматлар кўрсатишга қўйиладиган талабларни ҳамда кўрсатиладиган хизматларни молиялаштириш тартибига оид маълумотларни етказиш.


3. Давлат бюджети маблағлари ҳисобига ихтисослаштирилган тиббий ёрдамни кўрсатишга жалб этилган нодавлат тиббиёт ташкилотларида тиббий хизматлар нархи билан танишиш имкониятини яратиш.


2021 йил

1 ноябрь

Соғлиқни сақлаш вазирлиги (Сабиров)

12.

Имтиёзли тоифага кирувчи шахсларга ихтисослаштирилган тиббий ёрдам кўрсатишда жалб этилган нодавлат тиббиёт ташкилотлари учун Соғлиқни сақлаш вазирлигининг ахборот тизимидан фойдаланиш имкониятини яратиш.


Ташкилий чора-тадбирлар.

2022 йил

1 ноябрь


Соғлиқни сақлаш вазирлиги (Азизов)


13.

Ихтисослаштирилган тиббий ёрдамни кўрсатиш борасида давлат ва нодавлат тиббиёт ташкилотларининг ҳамкорлигини таъминлаш ва улар ўртасида соғлом рақобат муҳитини яратиш.


1. Ихтисослаштирилган тиббий ёрдам кўрсатишнинг долзарб масалаларига оид семинар, тренинг, давра суҳбати, муҳокама, пресс-конференция ва бошқа тадбирларни ташкил этиш.


2. Ихтисослаштирилган тиббий ёрдамни кўрсатишда энг яхши натижаларга эришган давлат ва нодавлат тиббиёт ташкилотларини тақдирлаш бўйича танлов ўтказиш.


2021-2022

йиллар

давомида


Соғлиқни сақлаш вазирлиги (Сабиров)


14.

Тиббий ташхисларни халқаро классификаторлар асосида кодлаш тизимини босқичма-босқич жорий этиш.


1. Жаҳон соғлиқни сақлаш ташкилоти мутахассисларини жалб этган ҳолда ўқув семинарлар ўтказиш.


2. Республика ихтисослаштирилган илмий-амалий тиббиёт марказларида тиббий ташхисларни халқаро классификаторлар асосида кодлаш ишларини амалга ошириш.


2021 йил

1 октябрдан

бошлаб


Соғлиқни сақлаш вазирлиги (Азизов), Давлат тиббий суғуртаси жамғармаси (Шарипов)


15.

Республикадаги туғуруққа ёрдам берувчи муассасаларни замонавий тиббий жиҳозлар билан таъминлаш чораларини кўриш.


1. Туғуруққа ёрдам берувчи муассасаларнинг мавжуд моддий-техника базасини тўлиқ хатловдан ўтказиш ва хатлов натижаларига кўра туғуруққа ёрдам берувчи муассасалар учун талаб этиладиган тиббий асбоб-ускуналар рўйхати ва ҳажмини аниқлаш.


2021 йил

1 октябрь


Соғлиқни сақлаш вазирлиги (Баситханова), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари


2. Республикадаги туғуруққа ёрдам берувчи муассасаларни замонавий тиббий жиҳозлар билан таъминлаш учун халқаро молия ташкилотлари билан музокаралар ўтказиш.


2021 йил

1 ноябрь

Соғлиқни сақлаш вазирлиги (Азизов), Инвестициялар ва ташқи савдо вазирлиги (Вафаев)


16.

Туманлараро перинатал марказлар ходимларининг касбий салоҳиятини ошириш.


1. Туманлараро перинатал марказлари ходимларининг малакасини ошириш.


2. Ўқув-семинарлар ва тренинглар ўтказиш.


Режа-

графикка

асосан


Соғлиқни сақлаш вазирлиги (Баситханова)


17.

Республика ихтисослаштирилган онкология ва тиббий радиология илмий-амалий тиббиёт маркази учун 650 та стационар ва 100 та кундузги стационар ўринлардан иборат бино-иншоотлар комплексини барпо этиш.


Ташкилий чора-тадбирлар.


2023 йил

1 апрель


Вазирлар Маҳкамаси (Мусаев), Соғлиқни сақлаш вазирлиги (Хаджибаев), Тошкент шаҳар ҳокимлиги (Артикходжаев)


18.

Республика ихтисослаштирилган онкология ва тиббий радиология илмий-амалий тиббиёт марказини малакали кадрлар билан таъминлаш.

1. Олий тиббиёт таълим муассасалари магистратураси ва клиник ординатурасида тор мутахассисларни тайёрлаш.


2021/2022

ўқув

йилидан

бошлаб


Соғлиқни сақлаш вазирлиги (Хаджибаев)


2. Республика ўрта тиббиёт ва фармацевтика ходимлари малакасини ошириш ва уларни ихтисослаштириш марказида ўрта тиббиёт ходимларининг малакасини ошириш.


Режа-

графикка

асосан


3. Корея Республикасининг етакчи илмий ва тиббиёт марказлари билан ҳамкорликда онкология, гематология, радиология, клиник иммунология, юқори технологик трансфузиология, лаборатория ва бошқа йўналишлар бўйича кадрларни тайёрлаш ва уларнинг малакасини оширишни ташкиллаштириш.


Келишилган

муддатларда

Соғлиқни сақлаш вазирлиги (Хаджибаев), Ташқи ишлар вазирлиги (Камилов)


            





Ўзбекистон Республикаси

Президентининг

2021 йил 28 июлдаги

ПҚ-5199-сон қарорига

6-ИЛОВА



Ўзбекистон Республикаси Президентининг

ва Ўзбекистон Республикаси Ҳукуматининг айрим

қарорларига киритилаётган ўзгартириш ва қўшимчалар


1. Ўзбекистон Республикаси Президентининг 2017 йил 16 мартдаги "Шошилинч тиббий ёрдам хизматининг фаолиятини ташкил этишни янада такомиллаштириш ва моддий-техника базасини мустаҳкамлаш чора-тадбирлари тўғрисида"ги ПҚ-2838-сон қарорига 5-илованинг 23-позицияси қуйидаги таҳрирда баён этилсин:

"23.

Мувофиқлаштирувчи-диспетчерлик хизматлари иши самарадорлигини таъминлаш мақсадида тез тиббий ёрдам станциялари ва кичик станцияларини, шунингдек тез тиббий ёрдамнинг ихтисослаштирилган автотранспорти ва бригадаларини компьютер ва телекоммуникация ускуналари, алоқа воситалари ва GPS-кузатиш билан жиҳозлаш, шунингдек республиканинг бутун ҳудуди бўйича тез тиббий ёрдамни шошилинч чақиришнинг ягона телефон рақами узлуксиз ишлашини таъминлаш.


Тад-

бирлар

режаси


2017-2021

йиллар


15 510,0

минг

АҚШ

доллари


Халқаро молиявий институтлар ва донорлар кредитлари ва грантлари


Соғлиқни сақлаш вазирлиги, Молия вазирлиги, Иқтисодий тараққиёт ва камбағалликни қисқартириш вазирлиги


".


2. Ўзбекистон Республикаси Президентининг 2018 йил 25 январдаги "Шошилинч тиббий ёрдам тизимини жадал такомиллаштириш чора-тадбирлари тўғрисида"ги ПҚ-3494-сон қарорига 1-илованинг рус тилидаги матнида 6-позиция қуйидаги таҳрирда баён этилсин:

"6.

Оснащение бригад службы скорой медицинской помощи современными средствами радиосвязи (рации) и системами GPS-навигации, а также обеспечение бесперебойным единым телефонным номером экстренного вызова скорой медицинской помощи по всей территории республики.


До 31

декабря

2021 г.


9,6

млрд.

сум


Средства

местного

бюджета


Министерство здравоохранения (А. Хаджибаев), Совет Министров Республики Каракалпакстан, хокимияты областей и г. Ташкента


Комплекс

мер


".


3. Ўзбекистон Республикаси Президентининг 2020 йил 17 мартдаги "Тошкент шаҳрида рақамли технологияларни кенг жорий этиш чора-тадбирлари тўғрисида"ги ПҚ-4642-сон қарорига 1-илованинг 1-позицияси қуйидаги таҳрирда баён этилсин:

"1.

Беморларнинг соғлиғи ва уларни барча тиббиёт муассасаларида даволаш учун умумий маълумотларни шакллантириш ва сақлашга мўлжалланган "Ягона электрон тиббий карта" ахборот тизимини жорий этиш.


1. Лойиҳаолди ўрганишни ва маълумотлар таҳлилини амалга ошириш.


2020 йил

май


Соғлиқни сақлаш вазирлиги, Тошкент шаҳар ҳокимлиги


2022 йилга келиб 1 млн дона электрон тиббий карталарни яратиш. Беморларнинг қоғоз тиббий маълумотларини рақамлаштириш ва 2020-2022 йиллар мобайнида "Ягона электрон тиббий карта" ахборот тизимига маълумотларни киритиш.


2. Лойиҳа-техник ҳужжатларни ишлаб чиқиш ва экспертизадан ўтказиш.


2020 йил

июнь

3. Лойиҳани синов тариқасида ишга тушириш.


2021 йил

декабрь

4. Лойиҳани тўлиқ ишга тушириш.


2022 йил

декабрь

".


4. Ўзбекистон Республикаси Президентининг 2020 йил 28 апрелдаги "Рақамли иқтисодиёт ва электрон ҳукуматни кенг жорий этиш чора-тадбирлари тўғрисида"ги ПҚ-4699-сон қарорига 5-илованинг 17.1-позицияси қуйидаги таҳрирда баён этилсин:

"17.1

Беморларнинг соғлиғини тиклаш ва уларни барча тиббиёт муассасаларида даволаш учун умумий маълумотларни шакллантириш ҳамда сақлашга мўлжалланган "Ягона электрон тиббий карта" ахборот тизимини жорий этиш.



1. "Рақамли Тошкент" комплекс дастури доирасида лойиҳани синов тарзида амалга ошириш.


2020 йил

июнь -

2021 йил

декабрь


Халқаро молия институтлари ва ташкилотлари грантлари, қонунчиликда тақиқланмаган бошқа манбалар


2. Ахборот тизимини Қорақалпоғистон Республикаси ва вилоятларда жорий этиш бўйича режа-жадвални ишлаб чиқиш ва тасдиқлаш.


2021 йил

декабрь

3. "Ягона электрон тиббий карта" ахборот тизимини тасдиқланган режа-жадвалга асосан босқичма-босқич жорий этиш.

2021 йил

декабрь -

2022 йил

декабрь


".


5. Ўзбекистон Республикаси Президентининг 2020 йил 12 ноябрдаги "Соғлиқни сақлаш тизимини ташкил этишнинг янги модели ва давлат тиббий суғуртаси механизмларини Сирдарё вилоятида жорий этиш чора-тадбирлари тўғрисида"ги ПҚ-4890-сон қарори 10-бандининг олтинчи хатбошиси қуйидаги таҳрирда баён этилсин:

"Жамғармага 4 та хизмат автотранспорти, шу жумладан 3 та шахсан бириктирилган енгил автомобил ва 1 та навбатчи микроавтобус сотиб олиш ва сақлашга лимит ажратсин.".


6. Ўзбекистон Республикаси Президентининг 2021 йил 17 февралдаги "Сунъий интеллект технологияларини жадал жорий этиш учун шарт-шароитлар яратиш чора-тадбирлари тўғрисида"ги ПҚ-4996-сон қарорига 2-илованинг 7-позицияси қуйидаги таҳрирда баён этилсин:

"7.

Инсон ўпкасининг компьютер томографияси таҳлили асосида пневмонияни аниқлаш ҳамда маммография таҳлили асосида кўкрак бези саратонига илк босқичда ташхис қўйиш учун сунъий интеллект технологияларини қўллаш.


1. Лойиҳа-техник ҳужжатини ишлаб чиқиш ва уни белгиланган тартибда келишиш.


2021 йил

август


Халқаро молия институтлари ва ташкилотлари грантлари, қонунчиликда тақиқланмаган бошқа манбалар


Соғлиқни сақлаш вазирлиги, Инвестициялар ва ташқи савдо вазирлиги


2. Дастурий таъминот ва аппарат-дастурий комплекслари ишлаб чиқарувчи ва интеграторини аниқлаш.


2021 йил

ноябрь


3. Дастурий таъминотни ишлаб чиқиш ва тажриба-синов лойиҳасини жорий этиш.


2021 йил

декабрь


".


7. Ўзбекистон Республикаси Президентининг 2021 йил 11 майдаги "Хизматлар соҳасини жадал ривожлантириш чора-тадбирлари тўғрисида"ги ПҚ-5113-сон қарорига 2-илованинг 34-позицияси чиқариб ташлансин.


8. Ўзбекистон Республикаси Президентининг 2021 йил 25 майдаги "Соғлиқни сақлаш соҳасини комплекс ривожлантиришга доир қўшимча чора-тадбирлар тўғрисида"ги ПҚ-5124-сон қарори 5-бандининг "б" кичик банди қуйидаги мазмундаги хатбоши билан тўлдирилсин:

"Ўзбекистон Республикаси Президентининг 2021 йил 5 майдаги "Соғлиқни сақлаш тизимида олиб борилаётган ислоҳотларни изчил давом эттириш ва тиббиёт ходимларининг салоҳиятини ошириш учун зарур шарт-шароитлар яратиш тўғрисида"ги ПФ-6221-сон Фармонига мувофиқ ажратилаётган штат бирликларини сақлаш билан боғлиқ харажатлар 2021 йил давлат бюджети параметрларида коронавирус пандемиясига қарши курашиш ва вакцина сотиб олиш учун кўзда тутилган маблағлар ҳисобидан қопланади, 2022 йилдан бошлаб эса давлат бюджети параметрларида кўзда тутилади;".


9. Ўзбекистон Республикаси Президентининг 2021 йил 27 майдаги "Аҳолига гематология ва онкология хизматларини кўрсатиш тизимини янада такомиллаштириш тўғрисида"ги ПҚ-5130-сон қарорига 4-илованинг 35-позицияси чиқариб ташлансин.


10. Вазирлар Маҳкамасининг 1997 йил 11 мартдаги "Ўзбекистон Республикасининг Меҳнат кодексини амалга ошириш учун зарур бўлган норматив ҳужжатларни тасдиқлаш тўғрисида"ги 133-сон қарорига 6-илованинг 1-банди қуйидаги таҳрирда баён этилсин:

"Таътиллар вақтига ҳақ тўлаш, ишдан бўшатиш нафақасини, ишсизлик нафақасини тўлаш, шунингдек олий таълим тизимида ўқиш, қайта тайёрлаш ва малака ошириш даври учун ўртача ойлик иш ҳақи биринчи йил ишловчиларга ҳисоблаб чиқариб кунидаги тарификация бўйича белгиланган иш ҳақи ёки лавозим маошидан келиб чиққан ҳолда уларни ўн иккидан бирга (олти ой тўлиқ ишлаганларга олтидан бирга; етти ой тўлиқ ишлаганларга еттидан бирга ва ҳоказолар), ўрта махсус ва ҳунар-техника ўқув юртлари ўқитувчилари учун ҳисоблаш даврида тарификация бўйича белгиланган иш ҳақи ёки лавозим маошидан ошган суммани ўндан бирга оширган ҳолда ҳисоблаб чиқарилади. Уларга ишбай асосида ишлаб топилган қўшимча иш ҳақи, мукофотлар, қўшимча тўловлар, иш ҳақига қўшимча ҳақлар ва ижтимоий суғурта бўйича бадаллар ҳисобланадиган бошқа тўловлар киради (коронавирус пандемияси даврида ходимларга бериладиган барча қўшимча рағбатлантириш тўловлари, жумладан махсус тўловлар, кунлик қўшимчалар, бир йўла бериладиган тўловлар ва зарарлиги учун қўшимча устамалардан ташқари)".


11. Вазирлар Маҳкамасининг 2004 йил 8 июндаги "Соғлиқни сақлаш тизимида экспериментни тугаллаш ва ислоҳотларни чуқурлаштириш чора-тадбирлари тўғрисида"ги 264-сон қарорида:


а) Имтиёзли тоифага кирувчи беморларга ордер бериш, уларни шифохонага жойлаштириш ва давлат бюджети маблағлари ҳисобига даволаш қийматини тўлаш тартибида:


16-банднинг учинчи хатбошисидаги "сарф-харажатларини" сўзлари "кўрсатилган тиббий хизматларини" сўзларига, тўртинчи хатбошисидаги "харажатлари" сўзи "хизматларининг тўловлари" сўзларига алмаштирилсин;


17-банддаги "харажатларни" сўзи "маблағларни" сўзига алмаштирилсин;


18-банднинг иккинчи хатбошисидаги "бепул тиббий хизмат кўрсатиш бўйича харажатларини" сўзлари "кўрсатилган тиббий хизматларини" сўзларига алмаштирилсин;


V бўлим номланишидаги "харажатларини" сўзи "томонидан кўрсатиладиган хизматларни" сўзларига алмаштирилсин;


20-бандда:

иккинчи, учинчи хатбошиларидаги "харажатларини" сўзи "хизматларини" сўзига алмаштирилсин;

тўртинчи хатбошиси қуйидаги таҳрирда баён этилсин:

"Бунда Марказ хизматлари таркибига амалга оширилган харажатлар билан биргаликда, Марказнинг соф фойдаси ва қонунчиликда белгиланган солиқлар ва мажбурий тўловлар киритилади. Ўзбекистон Республикаси Соғлиқни сақлаш вазирлиги Марказ томонидан тасдиқланган стандартлар ва тарифларга риоя қилмасдан асоссиз равишда сўралаётган деб ҳисобланган суммани ушлаб қолиши мумкин.";


б) Шошилинч тиббий ёрдамга муҳтож беморларни шифохонага ётқизиш тўғрисидаги низомда:


II бўлим номланишидаги "харажатларни" сўзи "хизматларни" сўзига алмаштирилсин;


7-банддаги "харажатлари" сўзи "хизматлари" сўзига алмаштирилсин;


в) Республика ихтисослаштирилган марказлари даромадларини шакллантиришнинг асосий манбалари ва улар фаолиятини молиялаштириш тартиби тўғрисидаги низомнинг 3, 13, 17-бандларидаги "харажатларини", "харажатларни" ва "харажатлар" сўзлари тегишинча "хизматларини", "хизматларни" ва "хизматлар" сўзларига алмаштирилсин.


12. Вазирлар Маҳкамасининг 2005 йил 21 декабрдаги 276-сон қарори билан тасдиқланган Ўзбекистон Республикаси давлат муассасалари тиббиёт ва фармацевтика ходимлари меҳнатига ҳақ тўлаш тартиби ва шартлари тўғрисидаги низомга 2-иловада:


а) I бўлим 1.19-бандининг олтинчи хатбошиси чиқариб ташлансин;


б) III бўлим қуйидаги мазмундаги 3.30-банди билан тўлдирилсин:

"3.30. Онкология, онкогематология ва гематология муассасаларининг паллиатив ёрдам кўрсатиш бўлимлари врачлар, ўрта ва кичик тиббиёт ходими лавозимлари.".


13. Вазирлар Маҳкамасининг 2011 йил 1 июлдаги 195-сон қарори билан тасдиқланган Фуқароларни тиббий-меҳнат эксперт комиссияларида тиббий кўрикдан ўтказиш тартиби тўғрисидаги низомнинг 8-банди учинчи хатбошисида "кўчирмалар" сўзидан кейин "(мавжуд бўлса)" сўзлари билан тўлдирилсин.


14. Вазирлар Маҳкамасининг 2020 йил 24 сентябрдаги "Ўзбекистон Республикасида коронавирус инфекцияси тарқалишининг олдини олиш тадбирларига ажратилаётган маблағларнинг самарадорлигини таъминлашга оид қўшимча чора-тадбирлар тўғрисида"ги 583-сон қарорининг 3-банди қуйидаги мазмундаги тўртинчи хатбоши билан тўлдирилсин:

"Коронавирус инфекцияси тарқалишига қарши курашиш тадбирларига жалб қилинган тиббиёт, санитария-эпидемиологик осойишталик ва жамоат саломатлиги хизмати ходимлари ва бошқа ходимларга 6 фоизлик кунлик қўшимча тўлов ўрнига ҳар ойлик моддий рағбатлантириш тўловлари амалга ошириладиган лавозимлар рўйхати 2а-иловага мувофиқ тасдиқлансин.".


15. Вазирлар Маҳкамасининг 2021 йил 8 апрелдаги 193-сон қарори билан тасдиқланган Онкогематологик ва даволаш қийин бўлган касалликларга чалинган беморларни соғломлаштиришга кўмаклашиш жамғармаси тўғрисидаги низомга 2-иловада 1-позиция қуйидаги таҳрирда баён этилсин:

"1. Сабиров Улуғбек Юсупхонович

-

Соғлиқни сақлаш вазирининг ўринбосари, Кенгаш раиси".

            


Қонун ҳужжатлари маълумотлари миллий базаси (www.lex.uz),

2021 йил 29 июль

















































Время: 0.1637
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск