ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Банклар. Кредитлаш. Валютани тартибга солиш / Хорижий кредитлар ва қарзлар / Кичик бизнес /Ўзбекистон Республикаси Президентининг 12.11.2021 й. ПҚ-9-сон "Германия тараққиёт банки иштирокида "Кичик ва ўрта бизнесни молиявий қўллаб-қувватлаш" лойиҳасини амалга ошириш чора-тадбирлари тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ҚАРОРИ
12.11.2021 й.
N ПҚ-9
ГЕРМАНИЯ ТАРАҚҚИЁТ БАНКИ
ИШТИРОКИДА "КИЧИК ВА ЎРТА БИЗНЕСНИ
МОЛИЯВИЙ ҚЎЛЛАБ-ҚУВВАТЛАШ" ЛОЙИҲАСИНИ
АМАЛГА ОШИРИШ ЧОРА-ТАДБИРЛАРИ ТЎҒРИСИДА
Ўзбекистон Республикаси қишлоқ хўжалигини ривожлантиришнинг 2020-2030 йилларга мўлжалланган стратегиясига мувофиқ, шунингдек, иқтисодиётнинг барча соҳалари, шу жумладан қишлоқ хўжалиги йўналишидаги тадбиркорлик субъектларини қўллаб-қувватлаш ҳамда Германия тараққиёт банки (кейинги ўринларда - KfW) билан ҳамкорликни янада кенгайтириш мақсадида:
1. Қуйидагилар:
а) Ўзбекистон Республикаси ва Германия Федератив Республикаси ўртасида тузилган молиявий ҳамкорлик келишувига асосан KfW томонидан Ўзбекистон Республикасида "Кичик ва ўрта бизнесни молиявий қўллаб-қувватлаш" лойиҳасини (кейинги ўринларда - Лойиҳа) молиялаштириш учун йиллик 2 фоизли ставкада, 10 йиллик имтиёзли даврни ўз ичига олган ҳолда 30 йил муддатга кредит ажратиш бўйича қарз ва грант битимлари имзоланганлиги;
б) Лойиҳанинг умумий қиймати 29,8 млн евро бўлиб, шундан:
26,8 млн евро KfWнинг кредитини ташкил этиши;
3,0 млн евро Лойиҳани амалга ошириш билан боғлиқ консультация хизматлари учун KfW грантини ташкил этиши белгиланганлиги;
в) Лойиҳани амалга ошириш муддати 4 йил (2021-2024 йиллар) этиб белгиланганлиги маълумот учун қабул қилинсин.
2. Белгилансинки:
Лойиҳа Қорақалпоғистон Республикасива барча вилоятларда амалга оширилади;
Қишлоқ хўжалиги вазирлиги Лойиҳанинг ўз вақтида ва тўлиқ амалга оширилиши, уни мувофиқлаштириш ва бошқариш, шунингдек, Лойиҳани амалга ошириш жараёнида мониторинг ва ҳисоботни юритиш учун масъул ижро этувчи орган ҳисобланади;
Лойиҳа доирасида иштирок этувчи молиявий ташкилотларга субсидиар қарз маблағлари Ўзбекистон Республикаси валютасида ва еврода тақдим этилади. Чет эл валютасининг миллий валютага нисбатан курси ўзгариши натижасида юзага келадиган молиявий йўқотишлар Ўзбекистон Республикасининг республика бюджети ҳисобидан қопланади.
3. Қуйидагилар:
"Кичик ва ўрта бизнесни молиявий қўллаб-қувватлаш" лойиҳасининг асосий кўрсаткичлари ва маблағлардан фойдаланиш жадвали 1-иловага мувофиқ;
"Кичик ва ўрта бизнесни молиявий қўллаб-қувватлаш" лойиҳаси доирасида KfW кредитини ва унинг фоиз тўловларини тўлашнинг прогноз жадвали 2-иловага мувофиқ;
Германия тараққиёт банки иштирокидаги "Кичик ва ўрта бизнесни молиявий қўллаб-қувватлаш" лойиҳасини амалга ошириш юзасидан "Йўл харитаси" 3-иловага мувофиқ тасдиқлансин.
4. Қишлоқ хўжалиги вазирлиги Инвестициялар ва ташқи савдо вазирлиги, Молия вазирлиги ва Марказий банк билан биргаликда KfW билан келишган ҳолда бир ой муддатда Лойиҳа доирасида иштирок этувчи молиявий ташкилотларни танлаб олиш мезонларини ва бериладиган кредитни молиялашнинг муддатлари ва шартлари (валюта хатарини ҳисобга олган ҳолда), сублойиҳаларни танлаш ва уларни баҳолаш мезонларини белгилаган ҳолда KfW кредитидан фойдаланиш тартиби тўғрисидаги низомни ишлаб чиқсин ҳамда тасдиқласин.
5. Молия вазирлиги KfW қарз маблағларини Лойиҳада иштирок этувчи молиявий ташкилотларга:
Ўзбекистон Республикаси валютасида қайта кредитлашда Марказий банкнинг асосий ставкасидан кам бўлмаган ставкада;
еврода қайта кредитлашда жалб қилинаётган кредит ставкасининг 25 фоизидан ошмайдиган миқдорда Ўзбекистон Республикаси маржаси билан тақдим этсин.
6. Қишлоқ хўжалиги вазири, Қорақалпоғистон Республикаси Вазирлар Кенгаши Раиси ва вилоятлар ҳокимлари зиммасига Лойиҳа доирасидаги тадбирларни самарали амалга ошириш учун зарур шарт-шароитларни таъминлаш, шунингдек, KfW ва Ўзбекистон Республикаси қонунчилик ҳужжатлари талабларига мувофиқ ҳисобот ҳамда зарур ҳужжатларни тайёрлаш ва тақдим этишни ўз вақтида ташкиллаштириш юзасидан шахсий жавобгарлик юклансин.
7. Қишлоқ хўжалиги вазирлигининг KfW грант маблағлари ҳисобидан Лойиҳа доирасида молиялаштириладиган тадбиркорлик субъектлари лойиҳаларининг самарали амалга оширилишини доимий ўрганиб бориш, лойиҳаларни амалга оширувчи тадбиркорлик субъектларига зарур маслаҳатлар (консультациялар) бериш, уларнинг муаммоларини бартараф этишда амалий ёрдам бериш ва бошқа доимий мониторинг олиб бориш ишларини йўлга қўйиш билан боғлиқ вазифаларни бажариш учун KfW тартиб-таомилларига мувофиқ ташкил этиладиган танловга кўра шартнома асосида ёлланадиган консультантлар томонидан амалга оширилиши тўғрисидаги таклифига розилик берилсин.
8. Молия вазирига Қишлоқ хўжалиги вазирлиги ва лойиҳада иштирок этувчи молиявий ташкилотлар ўртасидаги қайта кредитлаш битимларини ва қишлоқ хўжалиги вазирига Ўзбекистон Республикаси номидан KfW билан қарз ва грант битимларига асосан Лойиҳани амалга ошириш юзасидан алоҳида битимни имзолаш ваколати берилсин. Бунда, зарур ҳолларда ушбу битимларга ўзгартириш ва қўшимчалар киритишга рухсат этилади.
9. Адлия вазирлиги белгиланган тартибда Ўзбекистон Республикаси ва KfW ўртасидаги қарз ва грант битимларига юридик хулосалар берсин.
10. Лойиҳада иштирок этувчи молиявий ташкилотлар зиммасига кредит линиясини бошқариш, KfW кредитининг ўз вақтида ўзлаштирилиши ва мақсадли фойдаланилишини таъминлаш, шунингдек, сублойиҳаларни амалга ошириш бўйича ҳисобот ва мониторингни юритиш вазифалари юклансин.
Қишлоқ хўжалиги вазирлиги молиялаштирилган сублойиҳалар тўғрисида, шунингдек, уларнинг ўз вақтида ва самарали амалга оширилиши устидан мониторинг натижалари юзасидан ҳар чорак якуни бўйича Вазирлар Маҳкамаси ва Молия вазирлигига ҳисобот киритиб борсин ҳамда ўзининг расмий веб-сайтида мунтазам эълон қилиб борсин.
11. Мазкур қарор ижросини самарали ташкил қилишга масъул ва шахсий жавобгар этиб қишлоқ хўжалиги вазири Ж.А. Ходжаев ва молия вазири Т.А. Ишметов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазирнинг ўринбосарлари С.У. Умурзаков, Ж.А. Қўчқоров ва Ш.М. Ғаниев зиммасига юклансин.
Ўзбекистон Республикаси Президенти Ш. Мирзиёев
Президентининг
2021 йил 12 ноябрдаги
ПҚ-9-сон қарорига
1-ИЛОВА
"Кичик ва ўрта бизнесни молиявий қўллаб-қувватлаш"
лойиҳасининг асосий кўрсаткичлари ва маблағлардан
фойдаланиш жадвали
минг евро
Т/р |
Кўрсаткич номи |
Жами* |
KfW кредити |
кредитни қоплаш манбалари: |
KfW гранти |
|
Давлат бюджети |
лойиҳа иштирок- чилари |
|||||
1 |
Лойиҳанинг умумий қиймати* |
29 800 |
26 800 |
3 000 |
||
2 |
Жами капитал қўйилмалар суммаси |
29 800 |
26 800 |
3 000 |
||
Шу жумладан: |
||||||
2.1. |
Иштирок этувчи молиявий ташкилотлар кредит линиялари |
26 700 |
26 700 |
26 700 |
||
2.2. |
Халқаро аудит хизмати |
100 |
100 |
100 |
||
2.3. |
Консультацион хизматлари |
3 000 |
3 000 |
|||
*) Якуний нарх кўрсаткичлари батафсил лойиҳа-смета ҳужжатлари, товарлар (иш ва хизматлар) етказиб бериш бўйича тендер савдолари натижалари асосида белгиланади. Зарурат бўлган тақдирда қишлоқ хўжалиги вазирига иқтисод қилинган маблағларни қайта тақсимлаш ваколати берилади.
Президентининг
2021 йил 12 ноябрдаги
ПҚ-9-сон қарорига
2-ИЛОВА
"Кичик ва ўрта бизнесни молиявий қўллаб-қувватлаш"
лойиҳаси доирасида KfW кредитини ва унинг
фоиз тўловларини тўлашнинг
ПРОГНОЗ ЖАДВАЛИ
Кредит суммаси, минг евро |
- |
26 800 |
Кредит муддати, йил |
- |
30 |
Имтиёзли муддат, йил |
- |
10 |
Фоиз ставкаси |
- |
2% |
Мажбурият бўйича комиссия |
- |
0,25 фоиз ўзлаштирилмаган қарз қисми бўйича |
евро
Тўлов санаси |
Фоиз суммаси |
Асосий қарз бўйича тўлов |
Жами тўланадиган сумма |
15.05.2021 |
- |
- |
|
15.11.2021 |
1 000 |
1 000 |
|
15.05.2022 |
46 500 |
46 500 |
|
15.11.2022 |
106 500 |
106 500 |
|
15.05.2023 |
168 000 |
168 000 |
|
15.11.2023 |
220 000 |
220 000 |
|
15.05.2024 |
258 000 |
258 000 |
|
15.11.2024 |
268 000 |
268 000 |
|
15.05.2025 |
268 000 |
268 000 |
|
15.11.2025 |
268 000 |
268 000 |
|
15.05.2026 |
268 000 |
268 000 |
|
15.11.2026 |
268 000 |
268 000 |
|
15.05.2027 |
268 000 |
268 000 |
|
15.11.2027 |
268 000 |
268 000 |
|
15.05.2028 |
268 000 |
268 000 |
|
15.11.2028 |
268 000 |
268 000 |
|
15.05.2029 |
268 000 |
268 000 |
|
15.11.2029 |
268 000 |
268 000 |
|
15.05.2030 |
268 000 |
268 000 |
|
15.11.2030 |
268 000 |
268 000 |
|
15.05.2031 |
268 000 |
669 000 |
937 000 |
15.11.2031 |
261 310 |
669 000 |
930 310 |
15.05.2032 |
254 620 |
669 000 |
923 620 |
15.11.2032 |
247 930 |
669 000 |
916 930 |
15.05.2033 |
241 240 |
669 000 |
910 240 |
15.11.2033 |
234 550 |
669 000 |
903 550 |
15.05.2034 |
227 860 |
669 000 |
896 860 |
15.11.2034 |
221 170 |
669 000 |
890 170 |
15.05.2035 |
214 480 |
669 000 |
883 480 |
15.11.2035 |
207 790 |
669 000 |
876 790 |
15.05.2036 |
201 100 |
669 000 |
870 100 |
15.11.2036 |
194 410 |
669 000 |
863 410 |
15.05.2037 |
187 720 |
669 000 |
856 720 |
15.11.2037 |
181 030 |
669 000 |
850 030 |
15.05.2038 |
174 340 |
669 000 |
843 340 |
15.11.2038 |
167 650 |
669 000 |
836 650 |
15.05.2039 |
160 960 |
669 000 |
829 960 |
15.11.2039 |
154 270 |
669 000 |
823 270 |
15.05.2040 |
147 580 |
669 000 |
816 580 |
15.11.2040 |
140 890 |
669 000 |
809 890 |
15.05.2041 |
134 200 |
671 000 |
805 200 |
15.11.2041 |
127 490 |
671 000 |
798 490 |
15.05.2042 |
120 780 |
671 000 |
791 780 |
15.11.2042 |
114 070 |
671 000 |
785 070 |
15.05.2043 |
107 360 |
671 000 |
778 360 |
15.11.2043 |
100 650 |
671 000 |
771 650 |
15.05.2044 |
93 940 |
671 000 |
764 940 |
15.11.2044 |
87 230 |
671 000 |
758 230 |
15.05.2045 |
80 520 |
671 000 |
751 520 |
15.11.2045 |
73 810 |
671 000 |
744 810 |
15.05.2046 |
67 100 |
671 000 |
738 100 |
15.11.2046 |
60 390 |
671 000 |
731 390 |
15.05.2047 |
53 680 |
671 000 |
724 680 |
15.11.2047 |
46 970 |
671 000 |
717 970 |
15.05.2048 |
40 260 |
671 000 |
711 260 |
15.11.2048 |
33 550 |
671 000 |
704 550 |
15.05.2049 |
26 840 |
671 000 |
697 840 |
15.11.2049 |
20 130 |
671 000 |
691 130 |
15.05.2050 |
13 420 |
671 000 |
684 420 |
15.11.2050 |
6 710 |
671 000 |
677 710 |
Жами |
9 782 000 |
26 800 000 |
36 582 000 |
Президентининг
2021 йил 12 ноябрдаги
ПҚ-9-сон қарорига
3-ИЛОВА
Германия тараққиёт банки иштирокидаги "Кичик
ва ўрта бизнесни молиявий қўллаб-қувватлаш"
лойиҳасини амалга ошириш юзасидан
ЙЎЛ ХАРИТАСИ
Т/р |
Чора-тадбирлар номи |
Амалга ошириш механизми |
Муддат |
Масъул ижрочилар |
1. |
"Кичик ва ўрта бизнесни молиявий қўллаб-қувватлаш" лойиҳаси (кейинги ўринларда - Лойиҳа) доирасида иштирок этувчи молиявий ташкилотларни танлаб олиш мезонларини ва бериладиган кредит муддатлари ва шартлари, сублойиҳаларни танлаш ва уларни баҳолаш мезонларини белгилаган ҳолда KfW кредитидан фойдаланиш тартиби тўғрисидаги низом лойиҳасини ишлаб чиқиш ҳамда тасдиқлаш. |
KfW кредитидан фойдаланиш тартиби тўғрисидаги низом лойиҳасини ишлаб чиқишда, қуйидагиларга алоҳида эътибор қаратиш: молиявий ташкилотнинг молиявий фаолияти натижаларига; молиявий ташкилотнинг умумий портфелининг сифатига; ижтимоий ва экологик бошқарув тизимининг мавжудлигига. |
2021 йил декабрь |
Қишлоқ хўжалиги вазирлиги, Инвестициялар ва ташқи савдо вазирлиги, Молия вазирлиги, Марказий банк |
2. |
Германия тараққиёт банки (KfW) билан Лойиҳа доирасидаги қарз ва грант битимларини, қайта кредитлаш битимларини ва Германия тараққиёт банки (KfW) билан қарз ва грант битимларига асосан Лойиҳани амалга ошириш юзасидан алоҳида битимни имзолаш. |
Лойиҳа доирасидаги қарз ва грант битимларини имзолаш. Лойиҳада иштирок этувчи молиявий ташкилотлар ўртасида қайта кредитлаш битимлар лойиҳасини ишлаб чиқиш ва тасдиқлаш. Қарз ва грант битимларига асосан лойиҳани амалга ошириш юзасидан алоҳида битимни имзолаш. |
2021 йил декабрь |
Қишлоқ хўжалиги вазирлиги, Инвестициялар ва ташқи савдо вазирлиги, Молия вазирлиги, Марказий банк, иштирок этувчи молиявий ташкилотлар |
3. |
Ўзбекистон Республикаси ва KfW ўртасидаги қарз ва грант битимларига юридик хулосалар бериш. |
Белгиланган тартибда юридик хулосалар бериш. |
2021 йил ноябрь |
Адлия вазирлиги |
4. |
Кредит линиясини бошқариш, KfW кредитининг ўз вақтида ўзлаштирилиши ва мақсадли фойдаланилишини таъминлаш, шунингдек, сублойиҳаларни амалга ошириш бўйича мониторинг юритиш ҳисобот бериб бориш. |
Кредит линиясини бошқариш, KfW кредитини ўз вақтида ўзлаштирилиши ва мақсадли фойдаланилишини таъминлаш, шунингдек, сублойиҳаларни амалга ошириш бўйича мониторинг юритиш ҳисобот бериб бориш. |
Доимий равишда |
Қишлоқ хўжалиги вазирлиги |
Сублойиҳалар тўғрисида, шунингдек, уларнинг ўз вақтида ва самарали амалга оширилиши устидан мониторинг натижалари юзасидан ҳар чорак якуни бўйича Вазирлар Маҳкамаси ва Молия вазирлигига ҳисобот киритиб бориш ҳамда расмий веб-сайтида мунтазам эълон қилиб бориш. |
Сублойиҳалар тўғрисида, шунингдек, уларнинг ўз вақтида ва самарали амалга оширилиши устидан мониторинг натижалари юзасидан Вазирлар Маҳкамаси ва Молия вазирлигига ҳисобот киритиб бориш ҳамда расмий веб-сайтида мунтазам эълон қилиб бориш. |
Ҳар чоракда |
||
5. |
Иқтисодиётнинг барча соҳаларига, шу жумладан мева-сабзавотчилик, чорвачилик ва бошқа қишлоқ хўжалиги маҳсулотлари етиштирувчи тадбиркорлик субъектлари ҳамда бошқа йўналишлардаги барча тадбиркорлар учун кредитлар тақдим этиш. |
Ҳудудларда сублойиҳаларни шакллантиришда маҳаллий ижро этувчи ҳокимият органлари билан биргаликда туманлар ихтисослашуви ва лойиҳаларга бўлган мавжуд эҳтиёжни инобатга олиш, лойиҳаларни "маҳаллабай" ишлаш тизими доирасида қолоқ маҳаллаларда амалга оширишга устуворлик қаратиш ҳамда лойиҳалар амалга ошириладиган йўналишларда намунавий бўлишини таъминлаш. |
Лойиҳани амалга ошириш давомида |
Қишлоқ хўжалиги вазирлиги, иштирок этувчи молиявий ташкилотлар |
KfW талабларига жавоб берадиган ҳамда иқтисодий самарадорликка асосланган мақбул лойиҳаларни танлаб олиш. |
Лойиҳани амалга ошириш давомида |
|||
KfW талабларига асосан ташаббускорларнинг сублойиҳа ҳужжатларини ишлаб чиқиш. |
Лойиҳани амалга ошириш давомида |
|||
Молиявий ташкилотлар томонидан маъқулланган сублойиҳалар ҳужжатларини KfW ва Қишлоқ хўжалиги вазирлигига тақдим этиш. |
Лойиҳани амалга ошириш давомида |
|||
KfW талабларига асосан сублойиҳа ҳужжатларини кўриб чиқиш ва молиялаштириш. |
Лойиҳани амалга ошириш давомида |
|||
Лойиҳалар амалга оширилиши устидан тизимли назорат ўрнатиш. |
Лойиҳани амалга ошириш давомида |
|||
6. |
KfW грант маблағлари ҳисобидан Лойиҳа доирасида молиялаштириладиган тадбиркорлик субъектлари лойиҳаларининг самарали амалга оширилишини доимий ўрганиб бориш, лойиҳаларни амалга оширувчи тадбиркорлик субъектларига зарур маслаҳатлар (консультациялар) бериш, уларнинг муаммоларини бартараф этишда амалий ёрдам бериш ва бошқа доимий мониторинг олиб бориш ишларини йўлга қўйиш билан боғлиқ вазифаларни бажариш учун KfW тартиб-таомилларига мувофиқ ташкил этиладиган танловга кўра шартнома асосида ёлланадиган консультантлар томонидан амалга ошириш. |
Сублойиҳалар бизнес-режаларини ишлаб чиқиш. Лойиҳа доирасида молиялаштириладиган тадбиркорлик субъектлари лойиҳаларининг самарали амалга оширилишини доимий ўрганиб бориш. Сублойиҳаларни амалга оширувчи тадбиркорлик субъектларига зарур маслаҳатлар (маркетинг ишларини амалга ошириш ва консультациялар) бериш ва уларнинг муаммоларини бартараф этишда амалий ёрдам бериш. Сублойиҳаларнинг доимий мониторингини олиб бориш. Молиявий ташкилотлар ходимларини ўзларининг талабидан келиб чиққан ҳолда ўқитиш орқали малакасини ошириш. Лойиҳа амалга оширилишида масъул бўлган вазирлик ва ташкилотлар ходимларининг малакасини ошириш. Молиявий ташкилотларни ишлаб чиқилган мезонлар асосида танлаб олиш. Молиявий ташкилотларнинг фаолиятини доимий таҳлил қилиб бориш ва молиявий ташкилотлар томонидан пулларнинг қайтарилиши ҳисоботини юритиш. Сублойиҳаларни амалга оширувчи тадбиркорлик субъектларини доимий ўрганиб бориш ва ушбу ўрганишлар натижасидан келиб чиққан ҳолда тадбиркорлик субъектларининг малакасини ошириш. Лойиҳа доирасида тадбиркор аёллар ва ёшларни фаоллаштириш юзасидан ишларни амалга ошириш. Лойиҳанинг бошқарувини амалга ошириш. Лойиҳанинг умумий мониторингини ва ҳисоботларини юритиш. |
Доимий |
Қишлоқ хўжалиги вазирлиги, Тендер асосида танлаб олинадиган консалтинг компаниялар |
Қонун ҳужжатлари маълумотлари миллий базаси (www.lex.uz),
2021 йил 13 ноябрь
78-150-11-72 
Мобильная версия сайта