Электрон ҳужжат айланиши (ЭҲА) - "қоғозсиз иш юритиш" тартибини амалга оширадиган электрон ҳужжатларни қайта ишлашнинг автоматлаштирилган жараёнлари тизими. Бундай тизим, биринчи навбатда, иш вақтидан фойдаланиш самарадорлигини ошириш ва ҳужжатларни қўлда қайта ишлаш харажатларини минималлаштиришда қулайдир. Аммо шу билан бирга, дастурий таъминот маҳсулотини сотиб олиш ва дастурни аниқ бир корхонага мослаштириш учун мутахассисларни таклиф қилишга моддий харажатлар талаб этилади. Йирик корхоналар қўшимча харажатларни ҳатто сезмасликлари мумкин, лекин қоғоз сарфи камайганини улар вақт ўтган сайин англаб бораверадилар.
Корхонанинг иш юритишини оптималлаштириш электрон ҳужжат айланишига ўтишни назарда тутади. Бу ўтиш тез амалга оширилмагани маъқул. Ходимларга дастурий таъминотдан қандай фойдаланишни ўрганиш учун вақт керак бўлади. ЭҲАга тўлиқ ўтишнинг қийинлиги шундаки, фақат электрон шаклда юритилиши керак бўлган ҳужжатларнинг аниқ ва тўлиқ рўйхати қонуний равишда белгиланмаган. Кўпинча ушбу муаммони мустақил равишда ҳал қилиш керак бўлади. Бошқа томондан, кадр ва бухгалтерия хизмати ходимлари электрон ҳужжат айланишига ўтишга шошилмаяпти. Тажрибали ходимлар электр қуввати узилиб қолса корхона фалажлигига сабаб бўлувчи ҳамма ҳужжатлар бир вақтнинг ўзида йўқ бўлиб кетишидан қўрқишади. Бунинг асосий сабаби шундаки, эски усулда ишлашга одатланган кекса авлод ходимлари янги дастакларни ўрганишни хоҳлашмайди.
Электрон ҳужжат электрон шаклда қайд этилган, электрон рақамли имзо билан тасдиқланган ва электрон ҳужжатни уни идентификация қилиш имконини берувчи бошқа реквизитларига эга бўлган маълумотлардир.
Электрон ҳужжат қоғоздаги ҳужжатга тенглаштирилади ва у билан бир хил юридик кучга эга ("Электрон ҳужжат айланиши тўғрисида"ги Қонуннинг 5, 7-м.).
78-150-11-72 
info@norma.uz
Мобильная версия сайта