ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Давлат ҳуқуқий тизими асослари / Давлат дастурлари, концепциялари ва уларни амалга ошириш / Умумий концептуал саволлар /

Ўзбекистон Республикаси Президентининг 10.12.2021 й. ПҚ-43-сон "Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури ҳамда бошқа давлат дастурлари ижроси устидан назоратни кучайтиришга доир қўшимча чора-тадбирлар тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

10.12.2021 й.

N ПҚ-43



ЎЗБЕКИСТОН РЕСПУБЛИКАСИНИНГ ИЖТИМОИЙ

ВА ИШЛАБ ЧИҚАРИШ ИНФРАТУЗИЛМАСИНИ

РИВОЖЛАНТИРИШ ДАСТУРИ ҲАМДА БОШҚА

ДАВЛАТ ДАСТУРЛАРИ ИЖРОСИ УСТИДАН

НАЗОРАТНИ КУЧАЙТИРИШГА ДОИР

ҚЎШИМЧА ЧОРА-ТАДБИРЛАР

ТЎҒРИСИДА


Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурини, консолидациялашган бюджет маблағлари ва бошқа марказлашган манбалар ҳисобидан молиялаштириладиган давлат дастурларини ўз вақтида, тўлиқ ва сифатли амалга ошириш, маблағларнинг мақсадли ва самарали сарфланишини таъминлаш, шунингдек, ушбу соҳада назорат механизмларини янада кучайтириш мақсадида:


1. Шундай тартиб ўрнатилсинки, унга мувофиқ 2022 йилдан бошлаб ҳар йили:

а) келгуси йиллар учун Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури (кейинги ўринларда - Дастур) ишлаб чиқилишида:

вазирликлар, идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари туман (шаҳар) ҳокимлари ҳамда сектор раҳбарлари билан биргаликда 1 апрелга қадар жойларда ижтимоий ва ишлаб чиқариш инфратузилмасининг ҳолатини, янги лойиҳаларни амалга ошириш зарурати ва уларнинг жойлашувини, шунингдек, ушбу масалалар бўйича кенг жамоатчилик фикрини ўрганади;

вазирлик ва идоралар раҳбарлари, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари 1 майга қадар тегишинча Қорақалпоғистон Республикаси Жўқорғи Кенгеси ва халқ депутатлари маҳаллий Кенгашларининг тавсияларидан келиб чиқиб, Дастурга киритиладиган лойиҳалар юзасидан Ўзбекистон Республикасининг Бош вазирига шахсий кафиллик асосида таклиф киритади;

Молия вазирлиги 1 майга қадар лойиҳа-қидирув ишларини молиялаштириш учун зарур маблағларни буюртмачилар кесимида шакллантиради;

Вазирлар Маҳкамаси (А.Ж. Раматов, Ж.А. Қўчқоров) 1 июлга қадар Дастурга киритиш таклиф этилаётган лойиҳаларни амалга оширишнинг мақсадга мувофиқлигини ўрганиб чиқиб, уларнинг дастлабки манзилли рўйхатини белгиланган тартибда тасдиқлайди;

ҳудудлар, соҳалар ва тармоқлар раҳбарлари дастлабки манзилли рўйхатга киритилган лойиҳалар бўйича лойиҳа (лойиҳаолди) ҳужжатларини 1 ноябрга қадар белгиланган тартибда экспертизадан ўтказиш чораларини кўради ва бу борада уларга шахсий жавобгарлик юклатилади;

б) календарь йилининг якунига қадар келгуси йиллар учун Дастур тасдиқланиб, унга киритилган лойиҳалар бўйича танлов (тендер)лар эълон қилинади. Бунда, Дастурга лойиҳа (лойиҳаолди) ҳужжатлари экспертизадан ўтказилмаган лойиҳалар киритилишига йўл қўйилмайди.


2. Белгилансинки, 2022 йил 1 январдан:

а) консолидациялашган бюджет маблағлари ва бошқа марказлашган манбалар ҳисобидан харажатларни амалга ошириш ва ишларни бажариш қуйидаги ҳолларда тақиқланади:

молиялаштириш манбаи аниқ бўлмаганда;

белгиланган тартибда тасдиқланган лойиҳа ҳужжатлари (ишчи лойиҳа, иш ҳужжатлари, лойиҳа-смета ҳужжатлари) мавжуд бўлмаганда ёки лойиҳа ҳужжатлари қурилиш-монтаж ишлари билан бир вақтда тайёрланганда, яъни параллел равишда олиб борилганда;

пудратчи (лойиҳачи) ташкилотлар танлов (тендер) ўтказилмасдан танлаб олинганда ("Давлат харидлари тўғрисида"ги Қонунда назарда тутилган ҳоллар бундан мустасно);

б) қурилиш-пудрат ишлари бўйича танлов (тендер)лар электрон шаклда ўтказилмасдан тузилган шартномалар Молия вазирлиги Ғазначилиги томонидан рўйхатга олинмайди ва ушбу шартномалар бўйича тўловлар амалга оширилмайди ("Давлат харидлари тўғрисида"ги Қонунда назарда тутилган ҳоллар бундан мустасно);

в) давлат ташқи қарзи (халқаро молия институтлари ва хорижий ҳукумат молия ташкилотлари қарз маблағлари бундан мустасно) ҳисобидан молиялаштириладиган лойиҳаларни амалга ошириш доирасида:

қиймати 5 миллион АҚШ доллари эквивалентига тенг ва ундан юқори бўлган лойиҳаларнинг лойиҳаолди ҳужжатлари ва уларни ишлаб чиқиш учун техник вазифалар;

қиймати 1 миллион АҚШ доллари эквивалентига тенг ва ундан юқори бўлган товарларни (ишларни, хизматларни) харид қилиш бўйича тендер ҳужжатлари;

қиймати 1 миллион АҚШ доллари эквивалентига тенг ва ундан юқори бўлган, тендер ҳужжатлари комплекс экспертизадан ўтказилмасдан тузилган импорт контрактлари ва уларга қўшимча келишувлар мажбурий тартибда "Лойиҳалар ва импорт контрактларини комплекс экспертиза қилиш маркази" ДУКда комплекс экспертизадан ўтказилади;

г) Ўзбекистон Республикаси номидан ҳамда Ўзбекистон Республикаси кафолати остида жалб қилинадиган халқаро молия институтлари ва хорижий ҳукумат молия ташкилотларининг қарз маблағлари ҳисобидан молиялаштириладиган лойиҳалар доирасида лойиҳаолди ва тендер ҳужжатлари экспертизаси Халқаро ҳамкорлик ва ривожланиш агентлиги томонидан халқаро келишувларга мувофиқ ташкил этилади.

Ушбу банднинг "в" ва "г" кичик бандлари давлат ташқи қарзи ҳисобидан тижорат банклари орқали қайта молиялаштириладиган лойиҳаларга нисбатан татбиқ этилмайди.


3. Бош прокуратура, Давлат хавфсизлик хизмати ва Ҳисоб палатасининг ижтимоий ва ишлаб чиқариш инфратузилмасини ривожлантириш дастури, консолидациялашган бюджет маблағлари ва бошқа марказлашган манбалар ҳисобидан молиялаштириладиган давлат дастурларининг (кейинги ўринларда - Давлат дастурлари) шакллантирилиши ва ижро этилишини, шунингдек, ушбу дастурлар доирасида маблағлар мақсадли ишлатилишини назорат қилишнинг янги тизимини жорий этиш тўғрисидаги таклифи маъқуллансин. Бунда:

Давлат дастурлари ижро этилишини назорат қилиш ва мувофиқлаштириш бўйича республика штаби 1-иловага мувофиқ таркибда;

Давлат дастурлари ижро этилишини назорат қилиш ва мувофиқлаштириш бўйича ҳудудий штаблар 2-иловага мувофиқ намунавий таркибда;

Давлат дастурлари ижро этилишини назорат қилиш ва мувофиқлаштириш бўйича туман (шаҳар) штаблари 3-иловага мувофиқ намунавий таркибда тузилсин.

Қуйидагилар Республика штаби (Э.Т. Юлдашев), ҳудудий ва туман (шаҳар) штабларининг асосий вазифалари этиб белгилансин:

Давлат дастурларини ишлаб чиқиш ва уларни амалга ошириш соҳасидаги қонунчилик ҳужжатлари талабларининг ўз вақтида ва тўлиқ бажарилишини назорат қилиш;

Давлат дастурларига киритиш учун лойиҳаларни танлаб олишдан уларнинг дастлабки манзилли рўйхатини шакллантириш, лойиҳа (лойиҳаолди) ҳужжатларини ишлаб чиқиш, экспертизадан ўтказиш ва дастурларни тасдиқлашгача бўлган барча жараёнларни туман (шаҳар), вилоят ва республика босқичида назорат қилиш;

лойиҳалар доирасида танлов (тендер)лар ўз вақтида ва шаффоф ўтказилишини, қурилиш-пудрат ишларининг сифатли бажарилиши ва лойиҳа ҳужжатларига мувофиқ амалга оширилишини, шунингдек, лойиҳалар белгиланган муддатларда якунланишини назорат қилиш;

лойиҳалар уларнинг ташаббускорлари (буюртмачилар) томонидан ўз вақтида молиялаштирилиши, бюджет маблағларининг мақсадли ва самарали ишлатилиши устидан тизимли назоратни амалга ошириш;

молиялаштириш манбаи аниқ бўлмаган лойиҳалар бўйича харажатлар амалга оширилиши ва (ёки) ишлар бажарилишига, лойиҳа ҳужжатларини ишлаб чиқиш ва қурилиш-монтаж ишлари параллел равишда олиб борилишига, пудратчи (лойиҳачи) ташкилотларнинг танлов (тендер) ўтказмасдан танлаб олинишига йўл қўймаслик устидан қатъий назорат ўрнатиш ("Давлат харидлари тўғрисида"ги Қонунда назарда тутилган ҳоллар бундан мустасно);

лойиҳаларни танлаб олиш, уларни амалга ошириш ва ишга тушириш жараёнларининг барча босқичида манфаатлар тўқнашуви юзага келишининг олдини олиш ва уни бартараф этиш бўйича зарур чоралар кўриш;

лойиҳалар доирасида харид қилинадиган товарлар (ишлар, хизматлар)нинг нархларини таҳлил қилиш, уларни асоссиз равишда оширишга ва тасдиқланган лойиҳа ҳужжатларига ўзбошимчалик билан ўзгартиришлар киритишга йўл қўймаслик чораларини кўриш;

ҳар бир лойиҳани тизимли мониторинг қилиш, ижроси кечикаётган ва муаммоли лойиҳаларни жойига чиққан ҳолда ўрганиш ҳамда мавжуд камчиликларни бартараф этиш чораларини кўриш;

лойиҳа-қидирув вақурилиш-пудрат ташкилотларининг рейтинги қонунчилик ҳужжатларида белгиланган тартибда ва мезонлар асосида тўлиқ шакллантирилишини тизимли назорат қилиш;

Давлат дастурлари доирасида ажратиладиган имтиёзли кредитларнинг мақсадли ишлатилиши ҳамда лойиҳаларнинг амалга оширилиши устидан, жамоатчиликни кенг жалб қилган ҳолда, назорат тадбирларини ташкил этиш;

назорат тадбирлари доирасида аниқланадиган қонун бузилиши ҳолатларини ва уларнинг келиб чиқишига имкон берувчи омилларни бартараф этиш чораларини кўриш.

Ҳудудий ва туман (шаҳар) штаблари таркибига кирувчи ҳуқуқ-тартибот идоралари қонунчилик ҳужжатлари билан белгиланган тезкор-қидирув ваколатлари доирасида, Давлат дастурларини молиялаштиришга ажратиладиган маблағларнинг ҳар бир лойиҳа кесимида мақсадли сарфланишини таъминлаш ва улар талон-тарож қилинишининг олдини олиш бўйича тизимли назорат тадбирларини ўтказиб борсин.


4. Белгилаб қўйилсинки:

а) мазкур қарорнинг 1-банди "а" кичик бандига мувофиқ, Дастурга киритиладиган лойиҳалар юзасидан туман (шаҳар) ва ҳудудлар даражасида шакллантириладиган таклифлар тегишинча туман (шаҳар) ва ҳудудий штаблар билан келишилади;

б) ҳар чорак якуни бўйича оммавий ахборот воситалари, шу жумладан телевидение ва ижтимоий тармоқлар орқали:

Қорақалпоғистон Республикаси Вазирлар Кенгаши Раиси, вилоятлар, Тошкент шаҳар ва туман (шаҳар) ҳокимлари - Давлат дастурлари доирасида ажратилган маблағлар ҳажми ва натижадорлиги, ҳар бир лойиҳанинг амалга оширилиши ҳолати, шунингдек, келгуси чорак учун аниқ режалар юзасидан тегишли ҳудуд аҳолисини хабардор қилиб боради;

Бош прокуратура (Н.Т. Йўлдошев, Э.Т. Юлдашев) - Давлат дастурларини амалга оширишда қонунчилик ҳужжатлари талаблари бузилишининг олдини олиш бўйича профилактика тадбирлари, шу жумладан лойиҳалар доирасида ажратилган маблағлар мақсадли ва самарали ишлатилиши ҳамда қурилиш-пудрат ишлари сифатли бажарилишини таъминлаш бўйича амалга оширилаётган чора-тадбирлар ва уларнинг натижадорлиги юзасидан ахборот бериб боради.


5. Бош прокуратура (Н.Т. Йўлдошев):

а) бир ой муддатда:

вазирликлар, идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари - лойиҳалар ташаббускорлари билан биргаликда уларнинг фаолиятида "Бюджет назорати" электрон дастуридан фойдаланиш имкониятини яратсин;

Давлат хавфсизлик хизмати (А.А. Азизов), Қурилиш вазирлиги (Б.И. Зокиров), Давлат солиқ қўмитаси (Ш.Д. Кудбиев) ҳамда бошқа манфаатдор вазирлик ва идоралар билан биргаликда қурилиш-пудрат ташкилотларининг амалдаги рейтинглари ҳаққонийлигини ўрганиб, уларни юритиш тизимини такомиллаштириш чораларини кўрсин;

Бош прокуратуранинг ташкилий-штат тузилмасида прокуратура органларининг умумий штат бирликлари доирасида, шу жумладан Иқтисодий жиноятларга қарши курашиш департаменти ва Мажбурий ижро бюросининг штат бирликлари ҳисобидан 5 та штат бирлигидан иборат Қурилиш соҳасида қонунчилик ижроси устидан назорат бошқармасини ташкил этсин;

б) Молия вазирлиги (Т.А. Ишметов) ва Қурилиш вазирлиги (Б.И. Зокиров) билан биргаликда уч ой муддатда "Бюджет назорати" электрон дастури, "Давлат молиясини бошқаришнинг автоматлаштирилган тизими" дастури ва "Шаффоф қурилиш" миллий ахборот тизимини тегишли қисмларида ўзаро интеграция қилиш чораларини кўрсин.


6. 2022 йил 1 январдан бошлаб Қурилиш соҳасида ахборот-коммуникация технологияларини ривожлантириш маркази ҳисоб рақамига "Шаффоф қурилиш" миллий ахборот тизимини ишлаб чиқиш ва қўллаб-қувватлаш учун келиб тушадиган маблағларнинг (объектларни қуриш, реконструкция қилиш ва капитал таъмирлаш бўйича смета харажатлари доирасида жами қурилиш харажатларининг 0,05 фоизи миқдорида) 30 фоизи "Бюджет назорати" электрон дастурини такомиллаштириш ва қўллаб-қувватлаш учун Бош прокуратуранинг ривожлантириш жамғармасига йўналтирилсин.


7. Ҳисоб палатаси (Б.Т. Турабов) ва Молия вазирлиги (Т.А. Ишметов) Давлат дастурлари доирасида ажратиладиган бюджет маблағларининг мақсадли сарфланиши устидан молиявий назоратни амалга ошириш доирасида "Бюджет назорати" электрон дастури, "Давлат молиясини бошқаришнинг автоматлаштирилган тизими" дастури ва "Шаффоф қурилиш" миллий ахборот тизими орқали кунлик мониторинг ўрнатсин ва аниқланадиган қонун бузилиши ҳолатлари юзасидан тегишинча Республика штаби, ҳудудий ва туман (шаҳар) штабларига ахборот киритиб борсин.


8. Қурилиш вазирлиги (Б.И. Зокиров):

а) Иқтисодий тараққиёт ва камбағалликни қисқартириш вазирлиги (А.М. Бобоев), Кадастр агентлиги (Ф.К. Умаров) ҳамда манфаатдор вазирлик ва идоралар билан биргаликда бир ой муддатда:

ҳудудлардаги мавжуд ижтимоий ва ишлаб чиқариш инфратузилмаси объектларини хатловдан ўтказиш бўйича махсус саволнома ишлаб чиқиб, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига тақдим этсин;

хатловдан ўтказилган объектларнинг, шу жумладан кадастр рақами ҳамда паспортини ўз ичига олган ягона электрон маълумотлар базасини шакллантириш тизимини яратсин;

б) Адлия вазирлиги (Р.Қ. Давлетов) ҳамда Иқтисодий тараққиёт ва камбағалликни қисқартириш вазирлиги (А.М. Бобоев) билан биргаликда уч ой муддатда халқаро экспертларни жалб қилган ҳолда, миллий қурилиш нормалари ва қоидаларига мослаштирилган қурилишга оид хорижий норматив-техник ҳужжатлар, шу жумладан Еврокод стандартларини амалиётга жорий этиш дастурини назарда тутувчи қарор лойиҳасини киритсин;

в) Ахборот технологиялари ва коммуникацияларини ривожлантириш вазирлиги (Ш.Х. Шерматов) ҳамда Молия вазирлиги (Т.А. Ишметов) билан биргаликда 2022 йил 1 январга қадар Ўзбекистон Республикаси Президентининг 2021 йил 27 августдаги "Давлат молиявий назорати тизимини янада такомиллаштириш чора-тадбирлари тўғрисида"ги ПФ-6300-сон Фармонига мувофиқ, "Шаффоф қурилиш" миллий ахборот тизимини такомиллаштириш ва ундаги техник имкониятларни кенгайтириш ишларини якунласин;

г) манфаатдор вазирлик ва идоралар билан биргаликда илғор хорижий тажриба асосида 2022 йил 1 июнга қадар ижтимоий соҳа объектларидан самарали фойдаланиш, уларда ресурс тежовчи замонавий технологияларни жорий этиш ва эксплуатация харажатларини мақбуллаштиришни инобатга олган ҳолда, таълим, соғлиқни сақлаш, маданият, спорт ва бошқа соҳалар учун янги замонавий идоравий қурилиш нормаларини жорий этиш чораларини кўрсин;

д) Давлат дастурлари ижроси доирасида амалга ошириладиган қурилиш соҳасидаги давлат назорати тадбирлари натижасида аниқланадиган қонун бузилиши ҳолатлари юзасидан тегишинча Республика штаби, ҳудудий ва туман (шаҳар) штабларига ахборот киритиб борсин.


9. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари:

манфаатдор вазирлик ва идоралар билан биргаликда 2022 йил 1 мартга қадар Қурилиш вазирлиги томонидан ишлаб чиқиладиган махсус саволнома асосида ҳудудлардаги мавжуд ижтимоий ва ишлаб чиқариш инфратузилмаси объектларини хатловдан ўтказиш ҳамда жойларда янги объектларга бўлган ҳақиқий эҳтиёжни ўрганиш;

Давлат дастурларини шакллантириш ва қурилиш-пудрат ишларини амалга оширишдан лойиҳаларни ишга туширишгача бўлган жараёнларни сифатли ташкил этиш бўйича масъулиятни ўз зиммасига олиб, уларнинг ижроси устидан назорат тадбирларига кенг жамоатчиликни жалб қилиш;

тасдиқланган лойиҳаларга ўзбошимчалик билан ўзгартиришлар киритилмаслиги устидан қатъий назорат ўрнатиш;

сектор раҳбарлари томонидан тегишли ҳудудларда лойиҳаларнинг амалга оширилиши ҳолати юзасидан ҳар ойда тегишинча Қорақалпоғистон Республикаси Жўқорғи Кенгеси, вилоятлар ва Тошкент шаҳар халқ депутатлари Кенгашларига ҳисобот киритиб борилишини таъминлаш чораларини кўрсин.


10. Молия вазирлиги (Т.А. Ишметов), Коррупцияга қарши курашиш агентлиги (А.Э. Бурхонов) ва Ҳисоб палатаси (Б.Т. Турабов) 2022 йил 1 августга қадар консолидациялашган бюджет маблағлари ва бошқа марказлашган манбалар ҳисобидан Давлат дастурлари ва лойиҳаларни амалга ошириш жараёнларини форензик-аудитдан ўтказиш учун халқаро консалтинг ва аудит компанияларини жалб қилсин.

Бунда, Халқ таълими вазирлиги, Соғлиқни сақлаш вазирлиги, Сув хўжалиги вазирлиги ҳамда Андижон, Самарқанд, Хоразм вилоятлари мисолида лойиҳаларни танлаб олиш, лойиҳа (лойиҳаолди) ҳужжатларини ишлаб чиқиш ва экспертизадан ўтказиш, давлат харидларини амалга ошириш, қурилиш-пудрат ишлари устидан назорат қилиш ва объектларни фойдаланишга қабул қилиш жараёнларида коррупцияга қарши курашиш тизими самарадорлигини баҳолаб, уни такомиллаштириш бўйича таклифлар ишлаб чиқиш назарда тутилсин.


11. Адлия вазирлиги (Р.Қ. Давлетов) манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.


12. Мазкур қарорнинг ижросини самарали ташкил этишга масъул этиб Бош прокурор Н.Т. Йўлдошев, Давлат хавфсизлик хизмати раиси А.А. Азизов, Бош вазир ўринбосарлари А.Ж. Раматов, Ж.А. Қўчқоров ва С.Ў. Умурзоқов белгилансин.

Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.



Ўзбекистон Республикаси Президенти                                     Ш. Мирзиёев






Ўзбекистон Республикаси

Президентининг

2021 йил 10 декабрдаги

ПҚ-43-сон қарорига

1-ИЛОВА



Давлат дастурлари ижро этилишини

назорат қилиш ва мувофиқлаштириш

бўйича республика штабининг

ТАРКИБИ

I. Республика штаби аъзолари:

Э. Юлдашев

-

Бош прокурор ўринбосари, Республика штаби раҳбари


Б. Жўраев

-

Ўзбекистон Республикаси Президенти Администрацияси масъул ходими


М. Джураев

-

Давлат хавфсизлик хизмати масъул ходими


Д. Рахимов

-

Иқтисодий жиноятларга қарши курашиш департаменти бошлиғи


Д. Адилов

-

қурилиш вазирининг биринчи ўринбосари


А. Бобоев

-

иқтисодий тараққиёт ва камбағалликни қисқартириш вазирининг ўринбосари


А. Хайдаров

-

молия вазирининг ўринбосари


Ш. Вафаев

-

инвестициялар ва ташқи савдо вазирининг ўринбосари


М. Мирзаев

-

Давлат солиқ қўмитаси раисининг биринчи ўринбосари


Т. Хайдаров

-

Коррупцияга қарши курашиш агентлиги директори ўринбосари


II. Республика штаби ишчи гуруҳи:

Д. Маматқулов

-

Ҳисоб палатаси масъул ходими


3. Халилов

-

Ҳисоб палатаси масъул ходими


М. Жуманиязов

-

Вазирлар Маҳкамаси масъул ходими


А. Абдурахмонов

-

Давлат хавфсизлик хизмати масъул ходими


М. Эшназаров

-

Бош прокуратура бошқарма бошлиғи


Ф. Очилов

-

Иқтисодий жиноятларга қарши курашиш департаменти бўлим бошлиғи


Б. Утамбетов

-

Молия вазирлигининг Давлат молиявий назорати департаменти бошлиғи


А. Соатов

-

Қурилиш вазирлиги ҳузуридаги Қурилиш соҳасида назорат инспекцияси бошлиғи ўринбосари


      





Ўзбекистон Республикаси

Президентининг

2021 йил 10 декабрдаги

ПҚ-43-сон қарорига

2-ИЛОВА



Давлат дастурлари ижро этилишини назорат қилиш

ва мувофиқлаштириш бўйича ҳудудий штабларнинг

НАМУНАВИЙ ТАРКИБИ


I. Ҳудудий штаб аъзолари:

лавозими бўйича

-

Қорақалпоғистон Республикаси, вилоятлар ва Тошкент шаҳар прокурорлари, Ҳудудий штаб раҳбари


лавозими бўйича

-

Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг қурилиш масалалари бўйича ўринбосарлари


лавозими бўйича

-

Давлат хавфсизлик хизматининг Қорақалпоғистон Республикаси, вилоятлар ва Тошкент шаҳар бошқармалари бошлиқлари ўринбосарлари


лавозими бўйича

-

Қорақалпоғистон Республикаси ички ишлар вазири, Тошкент шаҳар ички ишлар бош бошқармаси ва вилоятлар ички ишлар бошқармалари бошлиқлари


лавозими бўйича

-

Қорақалпоғистон Республикаси, вилоятлар ва Тошкент шаҳар давлат солиқ бошқармалари бошлиқлари


лавозими бўйича

-

Иқтисодий жиноятларга қарши курашиш департаментининг Қорақалпоғистон Республикаси, вилоятлар ва Тошкент шаҳар бошқармалари бошлиқлари


II. Ҳудудий штаб ишчи гуруҳи:

лавозими бўйича

-

Қорақалпоғистон Республикаси, вилоятлар ва Тошкент шаҳар прокуратуралари бўлим бошлиқлари


лавозими бўйича

-

Давлат хавфсизлик хизматининг Қорақалпоғистон Республикаси, вилоятлар ва Тошкент шаҳар бошқармалари ходимлари


лавозими бўйича

-

Қорақалпоғистон Республикаси ички ишлар вазирлиги, Тошкент шаҳар ички ишлар бош бошқармаси ва вилоятлар ички ишлар бошқармалари ходимлари


лавозими бўйича

-

Қорақалпоғистон Республикаси, вилоятлар ва Тошкент шаҳар давлат солиқ бошқармалари ходимлари


лавозими бўйича

-

Қорақалпоғистон Республикаси Иқтисодий тараққиёт ва камбағалликни қисқартириш вазирлиги, вилоятлар ва Тошкент шаҳар иқтисодий тараққиёт ва камбағалликни қисқартириш бош бошқармалари ходимлари


лавозими бўйича

-

Қорақалпоғистон Республикаси Молия вазирлиги, вилоятлар ва Тошкент шаҳар ҳокимликлари молия бош бошқармалари ходимлари


лавозими бўйича

-

Қорақалпоғистон Республикаси, вилоятлар ва Тошкент шаҳар ғазначилик бошқармалари ходимлари


лавозими бўйича

-

Қорақалпоғистон Республикаси Қурилиш вазирлиги, вилоятлар ва Тошкент шаҳар қурилиш бош бошқармалари ходимлари


лавозими бўйича

-

қурилиш соҳасида ҳудудий назорат инспекциялари ходимлари


      





Ўзбекистон Республикаси

Президентининг

2021 йил 10 декабрдаги

ПҚ-43-сон қарорига

3-ИЛОВА



Давлат дастурлари ижро этилишини назорат қилиш ва

мувофиқлаштириш бўйича туман (шаҳар) штабларининг

НАМУНАВИЙ ТАРКИБИ


I. Туман (шаҳар) штаби аъзолари:

лавозими бўйича

-

туман (шаҳар) прокурорлари, туман (шаҳар) штаби раҳбари


лавозими бўйича

-

туман (шаҳар) ҳокимларининг қурилиш масалалари бўйича ўринбосарлари


лавозими бўйича

-

Давлат хавфсизлик хизмати туман (шаҳар) бўлимлари (бўлинмалари) бошлиқлари


лавозими бўйича

-

туман (шаҳар) ички ишлар бошқармалари (бўлимлари) бошлиқлари


лавозими бўйича

-

туман (шаҳар) давлат солиқ инспекциялари бошлиқлари


лавозими бўйича

-

Иқтисодий жиноятларга қарши курашиш департаменти туман (шаҳар) бўлимлари бошлиқлари


II. Туман (шаҳар) штаби ишчи гуруҳи:

лавозими бўйича

-

туман (шаҳар) прокурорларининг (катта) ёрдамчилари


лавозими бўйича

-

Иқтисодий жиноятларга қарши курашиш департаменти туман (шаҳар) бўлимлари ходимлари


лавозими бўйича

-

туман (шаҳар) иқтисодий тараққиёт ва камбағалликни қисқартириш бўлимлари ходимлари


лавозими бўйича

-

туман (шаҳар) ҳокимликлари молия бўлимлари ходимлари


лавозими бўйича

-

туман (шаҳар) ғазначилик бўлимлари ходимлари


лавозими бўйича

-

туман (шаҳар) қурилиш бўлимлари ходимлари


лавозими бўйича

-

қурилиш соҳасида ҳудудий назорат инспекцияларининг туман (шаҳар)ларга бириктирилган ходимлари


Қонун ҳужжатлари маълумотлари миллий базаси (www.lex.uz),

2021 йил 11 декабрь





















































Время: 0.0404
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск