ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Қишлоқ ва сув хўжалиги / Фермер хўжаликлари /

Ўзбекистон Республикаси Президентининг 04.11.2004 й. Ф-2069-сон "2005-2007 йилларда фермер хўжаликларини жадал ривожлантиришга қаратилган таклифлар тайёрлаш бўйича махсус комиссия тузиш тўғрисида"ги Фармойиш

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОЙИШИ

04.11.2004 й.

N Ф-2069



2005-2007 ЙИЛЛАРДА ФЕРМЕР ХЎЖАЛИКЛАРИНИ

ЖАДАЛ РИВОЖЛАНТИРИШГА ҚАРАТИЛГАН

ТАКЛИФЛАР ТАЙЁРЛАШ БЎЙИЧА МАХСУС

КОМИССИЯ ТУЗИШ ТЎҒРИСИДА



Қишлоқ хўжалигида ислоҳотлар амалга оширилишини, зарар кўриб ишлайдиган, паст рентабелли ва истиқболсиз ширкатларни фермер хўжаликларига айлантириш Дастурининг бажарилишини чуқур таҳлил қилиш, шунингдек, қишлоқ хўжалигида иқтисодий ислоҳотларни янада чуқурлаштириш ва 2005-2007 йилларда фермер хўжаликларини жадал ривожлантириш бўйича таклифлар ишлаб чиқиш мақсадида:


1. 2005-2007 йилларда фермер хўжаликларини жадал ривожлантиришга қаратилган таклифлар тайёрлаш бўйича махсус комиссия тузилсин.


2. Махсус комиссия минтақавий ишчи гуруҳларни тузсин ҳамда жойларга бориб бир ой муддатда Ўзбекистон Республикаси Президентининг “Фермер хўжаликларини ривожлантириш Концепцияси тўғрисида” 2003 йил 27 октябрдаги ПФ-3342-сон Фармонига мувофиқ фермер хўжаликларини ривожлантириш жараёнларини чуқур таҳлил қилсин. Бунда қуйидаги масалаларга алоҳида эътибор қаратилсин:

зарар кўриб ишлайдиган, паст рентабелли ва истиқболсиз ширкатларни қайта ташкил этиш натижасида тузилган фермер хўжаликларини ташкил қилиш тизимида ва уларнинг қишлоқ хўжалик фаолияти натижаларида, хўжалик юритиш механизми ҳамда уларнинг молиявий аҳволида қандай ижобий ўзгаришлар содир бўлганлигини ўрганиш;

қишлоқда фермерликни жадал ривожлантиришга йўл бермаётган, тўсқинлик қилаётган омилларни тан-қидий ўрганиб чиқиб, уларга принципиал баҳо бериш;

фермер хўжаликларини ташкил қилиш ва фаолият кўрсатишининг амалдаги қонунчилик ҳамда меъёрий-ҳуқуқий базасини, унинг фермер хўжаликларини ривожлантириш Концепциясида белгиланган замонавий талаблар, тамойил ҳамда вазифаларга мувофиқлигини батафсил ўрганиш;

ширкатларни фермер хўжаликларига айлантириш бўйича тайёргарлик ишларини ташкил этишнинг амалдаги тизимига, танлов ҳамда фермерларга ер майдонлари ажратиш ва тақдим этиш механизмига танқидий баҳо бериш. Аризани кўриб чиқиш, даъвогарлар ўртасида танлов ўтказишдан бошлаб то фермер хўжалигини юритиш учун ер майдони бериш тўғрисидаги қарорини тасдиқлашгача бўлган бутун бир тизим қандай ишлашини синчиклаб ўрганиб чиқиш;

қишлоқ хўжалик зоналари, тупроқ унумдорлиги, сув билан таъминланганлик, фермерларнинг тармоқ ихтисослашувини, шунингдек, турли минтақаларда аҳоли зичлигини инобатга олган ҳолда фермер хўжалиги юритиш учун ажратиладиган ер майдонларининг энг кам миқдори қай даражада асосланганлигини таҳлил этиш;

фермерларни касбий тайёрлаш ва қайта тайёрлаш бўйича бизнес-мактаблар фаолияти қандай ташкил этилганлигига, фермерлар тайёрлаш Дастурини амалга ошириш, ўқув дастурлари савияси ва сифатига, малакали ўқитувчилар билан таъминланганлик даражасига баҳо бериш;

фермер хўжаликлари, тайёрлов корхоналари, шунингдек, фермерларга моддий-техника ресурслари етказиб беришни таъминлайдиган ва хизматлар кўрсатиш ташкилотлари ўртасида шартномалар тузиш ва уларни бажариш механизмини танқидий таҳлил қилиш. Тузилаётган шартномаларнинг мазмуни аниқ-равшан бўлишига ва қабул қилинган мажбуриятларни бажармаганлик учун томонларнинг жавобгарлигини оширишга алоҳида эътибор қаратилсин;

хўжалик судлари ва бошқа юридик хизматлар фермер хўжаликларининг ҳуқуқий ҳимоясини қанчалик таъминлаётганликларини аниқлаш, Фермерлар томонидан ҳамда уларга хизмат кўрсатадиган корхона ва ташкилотлар томонидан қабул қилинган шарт-нома мажбуриятларининг сўзсиз бажарилишини таъминлашда, ижарага берилган ерлардан мақсадли фойдаланиш талабларига фермерлар риоя этишида ҳуқуқий механизмнинг етуклигига баҳо бериш. Ер майдонларини ажратиш ва олиб қўйиш масалаларида ҳуқуқий тартибот ўрнатиш воситаси сифатида ҳуқуқий механизмдан қанчалик самарали фойдаланилмоқда;

фермер хўжаликларини молиялаштириш ва давлат эҳтиёжлари учун етиштирилган қишлоқ хўжалик маҳсулоти учун улар билан ҳисоб-китоб қилиш механизмини батафсил ўрганиб чиқиш;

тугатилган ширкат хўжаликлари ҳудудида насос ҳамда бошқа мелиорация ва ирригация ускуналари самарадорлигини оширишни ҳисобга олган ҳолда, фермер хўжаликларига хизмат кўрсатадиган сув истеъмолчилари уюшмаларини ташкил қилиш ва уларнинг фаолият кўрсатиш тизимини таҳлил қилиш.

Таҳлил натижаларига кўра ҳар бир вилоят бўйича мазкур масалалар акс эттирилган ҳолда керакли жадваллар билан маълумотномлар тайёрлансин.


3. Махсус комиссия минтақавий ишчи гуруҳлари томонидан тайёрланган таҳлилий материаллар, 2003 йил якунлари ва 2004 йилда кутилаётган натижалар бўйича ширкат хўжаликларининг ишлаб чиқариш ҳамда молиявий фаолиятини танқидий таҳлил қилиш асосида 2004 йилнинг 15 декабрига қадар муддатда қишлоқ хўжалигида иқтисодий ислоҳотларни чуқурлаштириш бўйича аниқ таклифлар ва 2005-2007 йилларда фермер хўжаликларини ривожлантириш Дастурини тайёрлаб, Вазирлар Маҳкамасига тақдим этсин.


4. Мазкур Фармойишнинг ижросини назорат қилиш Ўзбекистон Республикаси Бош вазири Ш.Мирзиёев зиммасига юклатилсин.



Ўзбекистон Республикаси Президенти                             И. Каримов










































Время: 0.1369
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск