Марказий банк Бошқарувининг 203-В-3-сон, Молия вазирлигининг 128-сон "Тижорат банклари томонидан бюджетдан ташқари жамғармалар кредит линиялари орқали якка тартибдаги тадбиркорлар, кичик бизнес субъектларини кредитлаш тартиби тўғрисидаги низомга ўзгартириш киритиш ҳақида"ги 29.11.2004 й. Қарори (АВ томонидан 13.12.2004 й. 1074-3-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

13.12.2004 й.

N 1074-3

ҚАРОРИ

Тижорат банклари томонидан бюджетдан ташқари

жамғармалар кредит линиялари орқали якка тартибдаги

тадбиркорлар, кичик бизнес субъектларини кредитлаш

тартиби тўғрисидаги низомга ўзгартириш

киритиш ҳақида

(2004 йил 23 декабрдан кучга киради)

Ўзбекистон Республикасининг "Ўзбекистон Республикаси Марказий банки тўғрисида"ги Қонунига мувофиқ ҳамда Ўзбекистон Республикасининг "Фермер хўжалиги тўғрисида"ги Қонуни (янги таҳрири) қабул қилиниши муносабати билан Марказий банк Бошқаруви ва Молия вазирлиги ҚАРОР ҚИЛАДИЛАР:

1. Тижорат банклари томонидан бюджетдан ташқари жамғармалар кредит линиялари орқали якка тартибдаги тадбиркорлар, кичик бизнес субъектларини кредитлаш тартиби тўғрисида низом"нинг (2001 йил 3 октябрь, рўйхат рақами 1074 - Меъёрий ҳужжатлар ахборотномаси, 2001 йил 19-сон) 2 банди еттинчи хатбошиси қуйидаги таҳрирда баён этилсин:

"Фермер хўжалиги - ижарага берилган ер участкаларидан фойдаланган ҳолда қишлоқ хўжалиги товар ишлаб чиқариши билан шуғулланувчи, мустақил хўжалик юритувчи субъектдир".

2. Мазкур ўзгартириш Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Ўзбекистон Савдо-саноат палатаси ҳамда Деҳқон ва фермер хўжаликлари уюшмаси билан келишилган.

3. Ушбу қарор Ўзбекистон Республикаси Адлия вазирлигида давлат рўйхатига олинган кундан ўн кун ўтгач амалга киритилсин.

"Ўзбекистон Республикаси қонун ҳужжатлари тўплами", 2004 йил, 50-сон, 503-модда.