Ҳудудий электр тармоқлари корхоналари ва уларнинг электр таъминоти корхоналари томонидан давлат солиқ хизмати органларига муддати ўтказиб юборилган дебиторлик қарзларини ундириб олиш чораларини кўриш учун маълумотларни тақдим этиш ҳамда ҳамкорликда амалга оширилган ишлар натижаларини мониторинг қилиш тартиби тўғрисида Низом (АВ томонидан 25.12.2004 й. 1437-сон билан рўйхатга олинган Давлат солиқ қўмитасининг 09.12.2004 й. 2004-68-сон қарори билан тасдиқланган)

Функция недоступна

Ўзбекистон Республикаси

Адлия вазирлигида

2004 йил 25 декабрда 1437-сон

билан рўйхатга олинган

Ўзбекистон Республикаси

Давлат солиқ қўмитасининг

2004 йил 9 декабрдаги

2004-68-сон қарори билан

ТАСДИҚЛАНГАН

Мазкур Низом рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Ҳудудий электр тармоқлари корхоналари

ва уларнинг электр таъминоти корхоналари томонидан

давлат солиқ хизмати органларига муддати ўтказиб

юборилган дебиторлик қарзларини ундириб олиш

чораларини кўриш учун маълумотларни тақдим

этиш ҳамда ҳамкорликда амалга оширилган

ишлар натижаларини мониторинг

қилиш тартиби тўғрисида

НИЗОМ

Мазкур Низом Ўзбекистон Республикаси Вазирлар Маҳкамасининг 2004 йил 1 ноябрдаги "Электр энергиясидан фойдаланганлик учун ҳисоб-китоб қилиш механизмини тубдан такомиллаштириш чора-тадбирлари тўғрисида" 511-сон қарорига мувофиқ ишлаб чиқилган ва "Ўзбекэнерго" АЖ ҳудудий электр тармоқлари корхоналари ва уларнинг электр таъминоти корхоналарининг солиқ хизмати органлари билан юридик шахсларнинг берилган электр энергияси қиймати миқдорида муддати ўтказиб юборилган дебиторлик қарзи бобида ахборот тақдим этиш қисмидаги ўзаро муносабатларини тартибга солади.

I. УМУМИЙ ҚОИДАЛАР

1. Мазкур Низомнинг амал қилиши мулкчилик шакли ва идоравий мансублигидан қатъи назар, харид қилган электр энергияси учун муддати ўтказиб юборилган дебиторлик қарзининг ҳосил бўлишига йўл қўйган юридик шахсларга (бундан кейин - истеъмолчилар) татбиқ этилади.

2. Истеъмолчилар томонидан ўз вақтида тўланмаган электр энергияси қийматининг ҳисобини юритиш ва жарималарни ундиришни ҳудудий электр тармоқлари корхоналари ва уларнинг электр таъминоти корхоналари амалдаги қонун ҳужжатларининг талабларига мувофиқ амалга оширади.

II. ҚАРЗИ МАВЖУД БЎЛГАН ИСТЕЪМОЛЧИЛАРНИНГ

РЎЙХАТИНИ ШАКЛЛАНТИРИШ ТАРТИБИ

3. Электр энергиясини ҳар ойда барча тоифалардаги истеъмолчиларга етказиб бериш улар томонидан электр таъминоти шартномасига мувофиқ навбатдаги ой учун етказиб берилиши назарда тутилган электр энергияси ҳажми қийматининг камида 50 фоизи миқдорида аванс тўлови тўлангандан кейин амалга оширилади. Барча юридик шахслар - электр энергияси истеъмолчилари, электр таъминоти шартномасига мувофиқ, истеъмол қилинган электр энергияси (қуввати) учун қонун ҳужжатларида белгиланган тартибда, ҳар ойда тўлиқ ҳисоб-китоб қилишлари шарт.

4. Истеъмол қилинган электр энергияси (қуввати) учун тўлов электр таъминоти шартномасида белгиланган миқдорлар ва муддатларда амалга оширилмаган тақдирда ҳудудий электр тармоқлари корхонаси истеъмолчиларга электр энергиясини етказиб беришни тўхтатади, алоҳида хавфли ҳамда электр энергиясининг узиб қўйилиши техноген ва аварияли оқибатларга олиб келиши мумкин бўлган, узлуксиз технологик жараёнга эга бўлган саноат корхоналари бундан мустасно.

5. Айни вақтда, ҳудудий электр тармоқлари корхонаси ёки унинг электр таъминоти корхонаси электр энергиясини етказиб бериш далолатномасига асосан хизмат кўрсатувчи банк орқали, қилинган тўловларни чегирган ҳолда, ҳисоб-китоб ойида етказилган электр энергияси суммасига уч нусхада акцептли тўлов талабномасини тақдим этади.

6. Истеъмолчининг талаб қилиб олингунгача асосий депозит ҳисоб рақамига хизмат кўрсатаётган банк, акцептли тўлов талабномасини олгач, тўловчининг ҳисоб рақамидан маблағларни Ўзбекистон Республикасида нақд пулсиз ҳисоб-китоблар тўғрисидаги низомда (рўйхат рақами 2465, 2013 йил 3 июнь) (Ўзбекистон Республикаси қонун ҳужжатлари тўплами, 2013 йил, 23-сон, 309-модда) белгиланган тартибда ҳисобдан чиқаради.

Истеъмолчи томонидан тўлов талабномаси акцептланганда истеъмолчи белгиланган муддатда банкка тўлов талабномасини раҳбар имзоси билан, юқори чап тарафида акцепт ҳақида белги қўйган ҳолда қайтариши шарт. Маблағларни тўловчи белгиланган муддатда ўзининг розилиги ёки тўловдан тўлиқ ёхуд қисман бош тортиши тўғрисида хабар қилмаган ҳолларда талабнома банк томонидан умумий тартибда акцептланади.

Тўлов талабномасини бошқа усуллар билан акцептлашга (тўлов талабномасига дебиторлик-кредиторлик қарзини солиштириш далолатномасини, бажарилган ишлар (хизматлар) тўғрисидаги далолатномани илова қилишга) йўл қўйилмайди.

7. Тўловчининг ҳисоб рақамида маблағлар бўлмаганда, тўлов талабномаси 90963 - "Муддатида тўланмаган ҳисоб-китоб ҳужжатлари" баланс ҳисобварағ