Жавоб газетанинг чиққан санасига ҳақиқийдир*

АСОСИЙ ВОСИТАЛАРНИНГ ОПЕРАТИВ

ИЖАРАСИНИ ҲИСОБГА ОЛИШ

ИЖАРАГА НИМАЛАРНИ БЕРИШ МУМКИН

Мол-мулк муайян вақтга ҳақ эвазига вақтинча эгалик қилиш ёки фойдаланиш учун, яъни ижарага берилиши мумкин (ФК 535-м.).

Қуйидагилар ижарага берилиши мумкин (ФК 537-м.):

• ер участкалари;

• корхоналар;

• бинолар;

• иншоотлар;

• ускуналар;

• транспорт воситалари;

• фойдаланиш жараёнида ўзининг табиий хусусиятларини йўқотмайдиган бошқа ашёлар (истеъмол қилинмайдиган ашёлар).

Мол-мулкни ижарага олиш ёки ижарага бериш учун ёзма шаклда ижара шартномасини тузинг.

Автомототранспорт воситаларининг ижара шартномаси нотариал тасдиқланган бўлиши ва ИИВ Давлат йўл ҳаракати хавфсизлиги хизмати (ДЙҲХХ) органларида рўйхатга олиниши (ҳисобга қўйилиши) зарур (ФК 565-м. 2-қ. Низом 11-б., 7.03.2006 йилдаги 38-сон ВМҚга илова). Енгил автомобиллар ва мототранспортларни ижарага бериш хизматини амалга оширувчи юридик шахслар жисмоний шахслар билан 30 кунгача бўлган муддатга ижара шартномасини тузган ҳолатлар истисно ҳисобланади. Бундай шартномалар нотариал тасдиқланган бўлиши ва ДЙҲХХ органларида рўйхатга олиниши (ҳисобга қўйилиши) талаб этилмайди (14.12.2018 йилдаги 1015-сон Низом 3-б.).

2022 йил 1 сентябрдан бошлаб фуқаролар ва йўловчи ташиш фаолиятини амалга ошириш учун лицензияга эга бўлган юридик шахслар ўртасида тузиладиган транспорт воситаси ижараси шартномаларини нотариал тасдиқлаш талаби бекор қилинган. Бунинг ўрнига бундай шартномаларни электрон тарзда ҳисобга олиш тизими жорий этилган (7.07.2022 йилдаги ПҚ-311-сон 4-б.).

Бино, иншоот ва уларнинг қисмларини 1 йилдан ортиқ муддатга ижарага бериш шартномасини кадастр хизматларида рўйхатдан ўтказиш зарур (ФК 574-м. 4-қ. Низом 32-б., 29.12.2018 йилдаги 1060-сон ВМҚга илова).

АСОСИЙ ВОСИТАЛАРНИНГ ОПЕРАТИВ

ИЖАРАСИНИ ҚАНДАЙ ҲИСОБГА ОЛИШ ЛОЗИМ

Асосий воситаларни қабул қилиш-топшириш далолатномаси бўйича оператив ижарага беринг. Уларга бўлган мулк ҳуқ