Тўлов муддати ўтган дебиторлик ва кредиторлик қарзларни қисқартириш ва бюджетга тўловлар интизомини мустаҳкамлаш республика комиссиясининг 17.08.2005 й. РК-1462-сон "Минерал ўғитлар ишлаб чиқарувчи ва сотувчи "Ўзкимёсаноат" ДАК корхоналарининг пул маблағларини тақсимлаш тўғрисидаги Вақтинчалик тартибни тасдиқлаш тўғрисида"ги Қарори (АВ томонидан 30.08.2005 й. 1510-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

30.08.2005 й.

N 1510

ТЎЛОВ МУДДАТИ ЎТГАН ДЕБИТОРЛИК ВА

КРЕДИТОРЛИК ҚАРЗЛАРНИ ҚИСҚАРТИРИШ

ВА БЮДЖЕТГА ТЎЛОВЛАР ИНТИЗОМИНИ

МУСТАҲКАМЛАШ РЕСПУБЛИКА

КОМИССИЯСИНИНГ

17.08.2005 й.

N РК-1462

ҚАРОРИ

Минерал ўғитлар ишлаб чиқарувчи ва сотувчи

"Ўзкимёсаноат" ДАК корхоналарининг пул

маблағларини тақсимлаш тўғрисидаги

Вақтинчалик тартибни тасдиқлаш тўғрисида

(2005 йил 9 сентябрдан кучга киради)

Ўзбекистон Республикаси Президентининг 1998 йил 4 февралдаги ПФ-1923-сонли "Ҳисоб-китоблар механизмини такомиллаштириш ҳамда республика ва маҳаллий бюджетларга тўловлар тушишини рағбатлантириш чора-тадбирлари тўғрисида"ги фармони, Ўзбекистон Республикаси Вазирлар Маҳкамасининг 2004 йил 23 январдаги 33-сонли "Кимё саноати корхоналари бошқарув тизимини такомиллаштириш ва қишлоқ хўжалигига агрокимё хизматларни кўрсатишни яхшилаш бўйича чора-тадбирлар тўғрисида"ги (Ўзбекистон Республикаси қонунлари тўплами, 2004 йил, 3-сон, 33-модда), 2004 йил 5 февралдаги 57-сонли "Маҳсулотлар, хом-ашё ва материалларнинг юқори ликвидли турларини сотишнинг бозор механизмларини жорий этишни давом эттириш тўғрисида"ги (Ўзбекистон Республикаси қонунлари тўплами, 2004 йил, 5-сон, 57-модда) қарорлари асосида Республика комиссияси ҚАРОР ҚИЛАДИ:

1. Минерал ўғитлар ишлаб чиқарувчи ва сотувчи "Ўзкимёсаноат" ДАК корхоналарининг пул маблағларини тақсимлаш тўғрисидаги Вақтинчалик тартиби иловага* мувофиқ тасдиқлансин.

2. "Қишлоқхўжаликкимё" ҳудудий акциядорлик жамиятларининг бюджет ва давлат мақсадли жамғармалар олдидаги боқиманда қарзлари тўлови муддатлари ойма-ой тенг тўловлар орқали узиш шарти билан бир йилга кечиктирилсин ва уларга ҳисобланган устама жарималар ҳисобдан чиқарилсин.

3. Мазкур қарор Ўзбекистон Республикаси Адлия вазирлигида давлат рўйхатидан ўтказилган вақтдан ўн кун ўтиши билан кучга киради.

Комиссия ҳамраиси,

Марказий банк Бошқаруви Раиси                       Ф.М.Муллажанов

Комиссия ҳамраиси,

Молия вазири                                                       С.Б.Раҳимов

*) Илова рус тилидаги матнида берилган.

"Ўзбекистон Республикаси қонун ҳужжатлари тўплами", 2005 йил, 34-36-сон, 268-модда.