Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Солиқлар. Мажбурий тўловлар / 1997 йилдан 2007 йилгача солиқ қонунчилигига оид ўз кучини йўқотган ҳужжатлар / Мажбурий ажратмалар ва тўловлар /

Юридик шахс бўлмасдан тадбиркорлик фаолияти билан шуғулланувчи жисмоний шахсларнинг меҳнат стажиниҳисобга олиш ва уларнинг Пенсия жамғармасига бадаллар ажратиш Тартиби (ЎзР ВМ 28.01.1998 й. 47-сон қарорига 1-илова)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

1998 йил 28 январдаги

47-сон қарорига

1-ИЛОВА



Юридик шахс бўлмасдан тадбиркорлик фаолияти

билан шуғулланувчи жисмоний шахсларнинг

меҳнат стажини ҳисобга олиш ва уларнинг

Пенсия жамғармасига бадаллар ажратиш

ТАРТИБИ


Мазкур тартиб Вазирлар Маҳкамасининг "Тадбиркорлик фаолияти билан шуғулланувчи жисмоний шахслардан солиқлар ва йиғимларни ундиришни тартибга солиш тўғрисида" 1997 йил 23 октябрдаги 483-сон қарорини бажариш юзасидан юридик шахс бўлмасдан тадбиркорлик фаолияти билан шуғулланувчи жисмоний шахсларнинг (кейинги ўринларда тадбиркор деб аталади) давлат ижтимоий суғуртаси ва ижтимоий муҳофазага бўлган конституциявий ҳуқуқлари руёбга чиқарилишини таъминлаш мақсадида ишлаб чиқилган.

Тадбиркорларни ижтимоий муҳофаза қилиш Ўзбекистон Республикасининг Меҳнат кодексига, "Аҳолини иш билан таъминлаш тўғрисида", "Фуқароларнинг давлат пенсия таъминоти тўғрисида"ги Конунларга, мазкур Тартибга ва бошқа меъёрий ҳужжатларга мувофиқ таъминланади.

Мазкур тартиб тадбиркорларга бериладиган ижтимоий кафолатлар шартлари ва турларини тартибга солади, давлат ижтимоий суғуртаси бўйича бадаллар (суғурта бадаллари) тўлашни ва меҳнат стажини ҳисоблаб чиқишни, шунингдек тадбиркорларнинг меҳнат дафтарчаларини белгилаб беради.



I. УМУМИЙ ҚОИДАЛАР


1. Мазкур тартиб яшаш жойидаги ҳокимликларда, солиқ органларида ва Пенсия жамғармасида юридик шахс бўлмасдан тадбиркорлик фаолияти билан шуғулланувчи жисмоний шахслар сифатида рўйхатга олинган фуқароларга татбиқ этилади. Улар Ўзбекистон Республикаси Ижтимоий таъминот вазирлиги ҳузуридаги Пенсия жамғармасига суғурта бадаллари тўлаш ҳисобига пенсия билан таъминланиш ва қонун ҳужжатларида назарда тутилган ижтимоий суғурта бўйича нафақа олиш ҳуқуқига эга бўладилар.

Тартиб, шунингдек тадбиркорлик фаолиятини юридик шахс бўлмасдан машғулотнинг исталган бошқа тури (бошқа иш) билан қўшиб олиб борувчи тадбиркорларга ҳам татбиқ этилади.


2. Тадбиркор Пенсия жамғармасига суғурта бадаллари тўлаган тақдирда: "Фуқароларнинг давлат пенсия таъминоти тўғрисида"ги Ўзбекистон Республикаси қонунига мувофиқ пенсия билан таъминланиш;

ижтимоий суғурта бўйича нафақа олиш, шу жумладан, вақтинча меҳнатга лаёқатсизлик нафақаси, ҳомиладорлик ва туғиш нафақаси, бола туғилганда нафақа олиш ҳамда дафн маросими учун нафақа олиш;

қонун ҳужжатларида назарда тутилган ижтимоий муҳофазанинг бошқа турларини олиш ҳуқуқига эга бўлади.


3. Тадбиркорнинг пенсия олишга бўлган ҳуқуқи у пенсия ёшига тўлганда ёки қонун ҳужжатларида назарда тутилган бошқа ҳолларда бошланади.

Ижтимоий суғурта бўйича нафақа, агар ушбу нафақани олиш ҳуқуқи мазкур Тартибга мувофиқ тадбиркор томонидан суғурта бадаллари тўланган тақдирда берилади.



II. ТАДБИРКОРНИ ПЕНСИЯ ЖАМҒАРМАСИДА

РЎЙХАТДАН ЎТКАЗИШ


5. Тадбиркор яшаш жойидаги ҳокимликда давлат рўйхатидан ўтгандан кейин солиқ органларида рўйхатдан ўтиш билан бир пайтда суғурта бадаллари тўловчи сифатида Пенсия жамғармасининг туман (шаҳар) бўлимида рўйхатдан ўтиши шарт.


6. Тадбиркорни Пенсия жамғармасининг туман (шаҳар) бўлимида суғурта бадаллари тўловчи сифатида рўйхатдан ўтказиш шахсий ариза асосида амалга оширилади.

Белгиланган намунадаги ариза тадбиркорнинг фамилияси, исми ва отасининг исми, унинг тўлиқ манзили, юридик шахс бўлмасдан тадбиркор сифатида рўйхатдан ўтганлиги ҳақидаги маълумот, шунингдек тадбиркор фаолиятининг тури ҳамда, тадбиркорнинг хоҳишига кўра, унинг фаолиятига тегишли бошқа маълумотлар кўрсатилади (1-илова).

Тадбиркор рўйхатдан ўтказиш пайтида паспортни, тегишли фаолият билан шуғулланиш ҳуқуқидан далолат берувчи гувоҳномани, шунингдек меҳнат дафтарчасини кўрсатиши керак.

Тадбиркорни рўйхатдан ўтказишда меҳнат дафтарчаси сақлаш ва белгиланган ёзувларни юритиш учун Пенсия жамғармасининг туман (шаҳар) бўлимида қолади, тадбиркор фаолиятининг мазкур тури билан ўриндошлик бўйича шуғулланган ва унинг  меҳнат дафтарчаси асосий иш жойи бўйича юритилган ҳоллар бундан мустасно.


7. Ҳар бир тадбиркорга рўйхатдан ўтказиш рақами, ҳамда суғурта бадалларини тўлаш муддатлари ва тартиби тўғрисида ёзма билдиришнома берилади (2-илова), Пенсия жамғармасининг туман (шаҳар) бўлимида сақланадиган Суғурта бадаллари тўланишини ҳисобга олиш дафтари юритилади (3-илова), Давлат ижтимоий суғуртаси бўйича нафақалар тўлаш учун тадбиркорнинг яшаш жойидаги Халқ банки бўлимида фоизсиз шахсий счёт очилади.



III. ТАДБИРКОР ТОМОНИДАН СУҒУРТА

БАДАЛЛАРИНИ ТЎЛАШ ТАРТИБИ


8. Тадбиркор ўзидаги мавжуд имкониятлардан ва пенсия билан таъминланиш ва ижтимоий суғурта бўйича нафақанинг ўзи истайдиган миқдоридан келиб чиқиб Пенсия жамғармасига суғурта бадаллари миқдорини мустақил равишда белгилайди, бироқ у бадалларининг мазкур Тартиб билан белгиланган энг кам миқдоридан кам бўлмаслиги керак.

Тайинланадиган пенсия, шунингдек ижтимоий суғурта бўйича нафақа миқдори  Пенсия жамғармасига тўланадиган суғурта бадаллари миқдорига ҳамда тадбиркорнинг меҳнат стажига боғлиқ бўлади.

Тўлиқ меҳнат стажи ("Фуқароларнинг давлат пенсия таъминоти тўғрисида"ги Ўзбекистон Республикаси Қонунининг 7-моддасига мувофиқ эркаклар учун 25 йил, аёллар учун - 20 йил) шароитида ёшга кўра энг кам миқдоридаги пенсия олиш учун. Пенсия жамғармасига ойига тўланадиган суғурта бадалларининг ўртача миқдори  энг кам ойлик иш ҳақидан кам бўлмаслиги зарур.


9. Пенсия жамғармасига тўланадиган суғурта бадалларининг энг кам миқдори ҳар бир ой учун Ўзбекистон Республикасида белгиланган энг кам ойлик иш ҳақидан кам бўлмаслиги керак.


10. Пенсия жамғармасига суғурта бадаллари йилнинг ҳар чорагида, ҳисобот чорагидан кейингина ойнинг 8 кунидан кечикмай тўланади.


11. Суғурта бадаллари нақдинасиз ҳисоб-китоб йўли билан ёхуд нақд пул билан Халқ банки бўлими орқали тадбиркорнинг яшаш жойидаги Пенсия  жамғармаси туман (шаҳар) бўлими счётига тўланади. Суғурта бадаллари нақдинасиз ҳисоб-китоб бўйича тўланган тақдирда суғурта бадали тўланганлиги ҳақидаги тўлов ҳужжатида кўрсатилган сана суғурта бадали тўланган кун ҳисобланади. Суғурта бадали тўланганлиги ҳақида тўлов ҳужжатлари суғурта бадаллари тушумини солиштириш ва Суғурта бадаллари тўлашни ҳисобга олиш дафтарига тегишли ёзувлар қайд этилишигача тадбиркорда сақланиши керак.


12. Тўланган суғурта бадали қайтарилмайди. Ўз вақтида тўланмаган суғурта бадали учун муддати ўтказиб юборилган ҳар бир кунга суғурта бадаллари тўлаш пайтида белгиланган энг кам ойлик иш ҳақининг 0,15 фоизи миқдорида пеня қўшилади. Узрли сабаблар мавжуд бўлган тақдирда тадбиркорнинг илтимосига кўра Пенсия жамғармаси суғурта бадаллари тўлашни пеня қўшилмаган ҳолда уч ой муддатгача кечиктириши мумкин.



IV. СУҒУРТА БАДАЛЛАРИ ТЎЛАНИШИНИ ҲИСОБГА ОЛИШ


13. Тадбиркор томонидан суғурта бадаллари тўланишининг ҳисоби Суғурта бадаллари тўлашни ҳисобга олиш дафтарида юритилади. Ушбу дафтарда тўланган суғурта бадаллари санаси ва миқдори тўғрисида ёзувлар қайд этилади, Суғурта бадаллари тўлашни ҳисобга олиш дафтари тадбиркор томонидан суғурта бадаллари тўланганлигини ва унинг миқдорини тасдиқловчи асосий ҳужжат ҳисобланади, ҳамда Пенсия жамғармасининг туман (шаҳар) бўлимида сақланади.


14. Пенсия жамғармасининг туман (шаҳар) бўлимларида йилнинг ҳар чорагида тадбиркордан тушадиган суғурта бадаллари тушуми бўйича якунлар чиқарилади,  ҳамда тўламаганлик ёки муддати ўтказиб юброилган тўловлар аниқланган тақдирда, тадбиркорларга уларнинг қарзи миқдорлари ҳақида ушбу қарз ҳосил бўлган давр ва тўловлар муддати ўтказиб юборганлиги учун қўшилган пеня миқдори кўрсатилган ҳолда билдиришнома юборилади.


15. Тадбиркорнинг биринчи талаби билан, бироқ бир йилда камида бир марта Пенсия жамғармаси тадбиркордан Пенсия жамғармасига тушган тўловларни Суғурта бадаллари тўлашни ҳисобга олиш дафтаридаги ёзувлар билан солиштириши лозим.


16. Яшаш жойини янгилаган ёки бошқа сабаблар билан юридик шахс бўлмасдан тадбиркорлик фаолиятини тўхтатган шахснинг талаби билан Пенсия жамғармаси туман (шаҳар) бўлими Пенсия жамғармаси бўлими раҳбарининг имзоси ва муҳр билан тасдиқланган Суғурта бадаллари тўлашни ҳисобга олиш дафтарини кейинчалик нафақа  белгилашда тақдим этиш учун тадбиркорнинг қўлига беради.



V. МЕҲНАТ СТАЖИНИ ҲИСОБЛАБ ЧИҚАРИШ

ВА ТАДБИРКОРЛАРНИНГ МЕҲНАТ

ДАФТАРЧАЛАРИНИ ЮРИТИШ

ТАРТИБИ


17. Тадбиркор мазкур Тартибга биноан суғурта бадаллари тўлаган даврлар унинг меҳнат стажига қўшилади. Меҳнат дафтарчаси тадбиркорнинг меҳнат стажини тасдиқловчи ҳужжат ҳисобланади.


18. Тадбиркорнинг меҳнат дафтарчаси тадбиркор рўйхатдан ўтган жойдаги Пенсия жамғармасининг туман (шаҳар) бўлимида сақланади ва юритилади.

Агар тадбиркор пенсия жамғармасида рўйхатдан ўтган пайтгача меҳнат дафтарчасига эга бўлмаган тақдирда, Пенсия жамғармасининг туман (шаҳар) бўлими амалдаги меъёрий ҳужжатларда белгиланган тартибда ушбу фуқаро учун янги меҳнат дафтарчаси очади.

Тадбиркорнинг меҳнат дафтарчаси Тадбиркор томонидан суғурта бадаллари тўлашнинг барча муддатлари мобайнида Пенсия жамғармасининг туман (шаҳар) бўлимида сақланади.

Юридик шахс бўлмасдан тадбиркорлик фаолияти билан шуғулланиш, фуқаро учун ўриндошлик ҳисобланган ҳолда мазкур шахснинг меҳнат дафтарчаси белгиланган тартибда унинг асосий иш жойида юритилади. Юридик шахс бўлмасдан тадбиркорлик фаолияти билан шуғулланиш ўриндошлик ҳисобланган тадбиркорнинг хоҳишига кўра меҳнат дафтарчасига меҳнат фаолиятининг тадбиркор сифатидаги даври тўғрисидаги ёзувлар киритилиши мумкин. Ёзув суғурта бадаллари тўлашни ҳисобга олиш дафтаридаги ёзувлар асосида тадбиркор суғурта бадаллари тўловчи сифатида рўйхатдан ўтган жойидаги Пенсия жамғармасининг туман (шаҳар) бўлими томонидан ёзилади.


19. Меҳнат дафтарчасидаги ёзувлар:

"Сана" устунида тадбиркор фаолиятининг бошланиш санаси ва тадбиркор фаолиятининг тўхтатилиши санаси тўғрисидаги ёзувлар ёзилади.

Тадбиркор суғурта бадаллари тўловчи сифатида Пенсия жамғармасида рўйхатдан  ўтган кун, у тўловларни тўлаб борган тақдирда тадбиркор фаолиятининг бошланиш санаси ҳисобланади.

Тадбиркорнинг Пенсия жамғармасига ижтимоий суғурта бўйича бадал тўлашини тўхтатиш тўғрисидаги шахсий аризасига қўйилган сана ёки у суғурта бадаллари тўлашни бу ҳақда Пенсия жамғармасини хабардор қилмасдан тўхтатган бўлса, тадбиркор суғурта бадали тўлаган даврнинг охирги куни тадбиркорнинг фаолияти тўхтаган сана ҳисобланади.

"Ишга қабул қилиш, бошқа ишга ўтказиш ва ишдан бўшатиш тўғрисидаги маълумотлар" устунига - "Юридик шахс бўлмасдан тадбиркорлик фаолияти билан машғул" - деб ёзилади ҳамда тадбиркорларнинг Пенсия жамғармасининг туман (шаҳар) бўлимидаги рўйхатдан ўтиш  рақами ва ушбу бўлимнинг тўлиқ номи кўрсатилади.

"Қайси ҳужжатга асосан ёзилган" устунига Пенсия жамғармасининг туман (шаҳар) бўлими қарорига асосан деб ёзилади, ҳамда ушбу қарорнинг тартиб рақами ва санаси кўрсатилади.


20. Пенсия  ва давлат ижтимоий суғуртаси  бўйича нафақа белгилаш учун меҳнат стажини ҳисоблаб чиқаришда, агар тўланган бадаллар суммаси (тўланган пенялар ҳисобга олинмаган ҳолда) ўша йилнинг барча ойлари учун белгиланган энг кам бадал миқдоридан кам бўлмаса, ушбу йил стажга қўшилади.

Агар тадбиркорнинг асосий фаолияти қишлоқ хўжалиги маҳсулотларини етиштириш ва уларни қайта ишлашдан иборат бўлса, ушбу йилда камида 9 ой мобайнида бадаллар тўланган бўлса, меҳнат стажига тўлиқ йил қўшилади.

Бошқа ҳолларда стаж суғурта бадаллари тўланган ойлар сонига мутаносиб равишда ҳисобга олинади.


21. Тадбиркор томонидан Пенсия жамғармасига мазкур Тартибнинг 10-бандига мувофиқ, белгиланган муддатдан сўнг бир ой мобайнида суғурта бадаллари тўланманган тақдирда Пенсия жамғармасининг туман (шаҳар) бўлими фуқаронинг тадбиркор сифатида иш билан таъминланганлиги ва иш стажининг тўхтатилганлиги тўғрисида меҳнат дафтарчасига ёзиб қўяди. Агар тадбиркор меҳнат дафтарчасига тадбиркор сифатида унинг меҳнат стажи тўхтатилганлиги тўғрисида тегишли ёзув киритилгандан сўнг бир ой мобайнида суғурта бадаллари тўланмаган барча даврга суғурта бадаллари бўйича қарзларни ҳамда қарзлар бўйича пеняни тўлаганда, иш билан таъминланганлиги тўхтатилганлиги тўғрисидаги ёзув бекор қилинади, тадбиркорнинг меҳнат стажи тўхтатилган пайтидан тикланади.

Агар тадбиркорнинг иш стажи тўхтатилганлиги тўғрисида меҳнат дафтарчасига ёзилган кундан бошлаб бир ой мобайнида ижтимоий суғурта бўйича тегишли бадаллар ва қарзлар бўйича пенялар тўланмаса, Пенсия жамғармасининг туман (шаҳар) бўлими белгиланган тартибда фуқаронинг яшаш жойига меҳнат дафтарчасини жўнатади ва бир вақтнинг ўзида давлат рўйхатидан ўтказилганлигини тўхтатиш тўғрисида қарор қабул қилиш учун юридик шахс бўлмасдан тадбиркорлик фаолияти билан шуғулланувчи жисмоний шахс давлат рўйхатидан ўтган жойдаги ҳокимликка тадбиркор томонидан суғурта бадаллари тўхтатилганлиги ҳақида билдиришнома юборади.



VI. ПЕНСИЯ ВА НАФАҚАЛАРНИ ТАЙИНЛАШ ВА ТЎЛАШ


22. Пенсиялар (ёши бўйича, ногиронлик бўйича, боқувчисини йўқотиш бўйича) тадбиркорнинг аризасига асосан "Фуқароларнинг давлат пенсия таъминоти тўғрисида"ги қонунга мувофиқ туман (шаҳар) ижтимоий таъминот бўлими томонидан тайинланади.

Ижтимоий суғурта бўйича нафақалар (вақтинча меҳнатга лаёқатсизлик, ҳомиладорлик ва туғиш бўйича, чақалоқ туғилганда, дафн этиш учун нафақа) тадбиркорни ижтимоий суғурта бўйича бадал тўловчи сифатида рўйхатдан ўтказган Пенсия жамғармасининг туман (шаҳар) бўлими томонидан белгиланади.


23. "Давлат пенсия таъминоти тўғрисида"ги қонуннинг 32-моддасига мувофиқ пенсия миқдорини ҳамда вақтинча меҳнатга лаёқатсизлик бўйича нафақа ва ҳомиладорлик ва туғиш бўйича нафақа миқдорини ҳисоблаб чиқаришда ҳисобга олинадиган ойлик даромад миқдори ижтимоий суғурта бўйича тўланган ойлик бадаллар суммасини 37,2га бўлиш ва олинган натижани 100га кўпайтириш йўли билан ҳисоблаб чиқилади.

Ойлик бадал миқдорини аниқлаш учун чораклик бадаллари суммаси 3га бўлинади.


24. Пенсия тайинлашда тадбиркорнинг меҳнат стажи мазкур Тартибнинг V-бўлимига мувофиқ меҳнат дафтарчасига ёзилган ёзувлар асосида ижтимоий таъминот томонидан аниқланади.

Вақтинча меҳнатга лаёқатсизлик бўйича нафақа ҳамда ҳомиладорлик ва туғиш бўйича нафақа тайинлашда меҳнат стажи Пенсия жамғармасининг туман (шаҳар) бўлими томонидан:

тадбиркор сифатида рўйхатдан ўтиш пайтигача бўлган стаж меҳнат дафтарчасидаги;

тадбиркор сифатида иш билан таъминланган даврдаги стаж (Пенсия жамғармасида тадбиркор сифатида рўйхатдан ўтказилгандан кейин) Суғурта бадаллари тўлашни ҳисобга олиш дафтаридаги ёзув асосида аниқланади.


26. Пенсиялар пенсионернинг хоҳишига кўра пенсионернинг турар жойидаги почта алоқа бўлимлари ёки Халқ банки бўлимлари орқали ижтимоий таъминот органлари томонидан тўланади.

Ижтимоий суғурта бўйича нафақалар нафақа суммасини тадбиркорнинг фоизсиз шахсий счётига ўтказиш йўли билан Халқ банки бўлимлари орқали ижтимоий таъминот органлари томонидан тўланади.





Тартибга

1-ИЛОВА




( туман, шаҳар )

Пенсия жамғармаси бўлими

1. ___________________________________________________________________

(Юридик шахс бўлмасдан, тадбиркорлик фаолияти билан шуғулланувчи

жисмоний шахснинг фамилияси, исми ва отасининг исми)

2. _______________________ тумани (шаҳри); манзили____________________

3. Паспорт: Серияси ____________________ рақами ______________________ қаерда ва қачон берилган______________________________________________

4. Юридик шахс бўлмасдан тадбиркорлик фаолияти билан шуғулланишга берилган рухсатноманинг рақами, берилган санаси ва жойи: Рақами ____________________; Берилган санаси 199__йил "__" ____________ Рухсатнома берган орган ______________________________________________

5. Фаолият тури (давлат рўйхатидан ўтказилишга биноан)  ________________

6. Бошқа маълумотлар (мурожаат қилувчининг хоҳишига кўра) ____________

______________________________________________________________________

______________________________________________________________________



АРИЗА


Мени - суғуртачи, суғурта бадалларини Пенсия жамғармасига тўловчи сифатида, рўйхатдан ўтказишингизни сурайман.

Юридик шахс бўлмасдан, тадбиркорлик фаолияти билан шуғулланувчи жисмоний шахсларнинг меҳнат стажини ҳисобга олиш ва уларнинг Пенсия жамғармасига бадаллар ажратиши Тартиби билан танишиб чиқдим.


Сана: 199__ йил ____ ___________________________ _______________

(шахсий имзо)





Тартибига

2-ИЛОВА




Суғуртачи бадалларини тўлаш

муддатлари ва тартиби тўғрисида

Суғуртачига Билдиришнома



Суғуртачининг фамилияси, исми ва отасининг имси ________________

________________________________________________________________

________________________________________________________________

Суғуртачининг манзили __________________________________________

________ ________________________________________________________

Пенсия жамғармаси шуни

(тумани, шаҳри) билдирадики, Сиз томондан тақдим этилган ҳужжатларга мувофиқ Сиз

_______________________________________________________________ дан

(рўйхатдан ўтказилган йил, кун, ой)

бошлаб _______________ рақами билан ижтимоий суғурта бадалларини тўловчи шахс сифатида рўйхатдан ўтдингиз. Мазкур рўйхатдан ўтказиш рақами Пенсия жамғармаси бўлимига Сиз томондан тақдим  этиладиган суғурта бадаллари ҳисоб-китоблари билан боғлиқ барча ҳужжатларда кўрсатилиши керак.

Бадаллар Пенсия жамғармасига Сиз томондан йил чораклари бўйича, 199__йил _____________ дан бошлаб, суғурта бадали тўланадиган йил чораги охирги ойидан кейин келадиган ойнинг 8-кунидан кечикмай тўланиши керак. Сизнинг бадалингизнинг энг кам миқдори ҳисоб-китоб қилинадиган йил чорагининг ойлари учун энг кам ойлик иш ҳақи суммасидан кам бўлмаслиги керак. Суғурта бадаллари ўз вақтида тўланмаса, муддати ўтказиб юборилган ҳар бир кун учун суғурта бадалларини тўлаш пайтида белгиланган энг кам ойлик иш ҳақининг 0,5 фоизи миқдорида пеня қўшилади.

Ижтимоий суғурта бўйича нафақалар юридик шахс бўлмасдан тадбиркорлик фаолияти билан шуғулланувчи жисмоний шахсларнинг меҳнат стажини ҳисобга олиш ва уларнинг Пенсия жамғармасига бадаллар ажратиши Тартибига ва амалдаги қонун ҳужжатларига мувофиқ уларни олиш ҳуқуқи пайдо бўлган ҳолларда, улар Сизга, Халқ банкининг______________________ бўлимидаги _____________ сон фоизсиз шахсий счётга ўтказилади.


_________________

(тумани, шаҳри)


Пенсия  жамғармаси

бўлимининг бошлиғи_________________

199___йил "_______" ______________               (имзо)


М. Ў.





Тартибга

3-ИЛОВА




Суғурта бадалларини Пенсия жамғармасига

тўлашни ҳисобга олиш

Дафтари


______________________________ тумани (шаҳри) Пенсия жамғармасига

суғурта бадаллари тўловчи ҳисобланувчи _______________________________

(суғурта бадаллари тўловчи ____________________________________________

____________________________________________________________________га

шахснинг фамилияси, исми ва отасининг исми) берилган. У 199___йил

______________ да ______________ рақами билан рўйхатдан ўтказилган.


_________________

(тумани, шаҳри)


Пенсия  жамғармаси

бўлимининг бошлиғи __________ 199___йил "____" ____________

(имзо)


М. Ў.





Тўланган суғурта бадаллари тўғрисида

МАЪЛУМОТЛАР

199__йил


199__йил


199__йил


йил чораги


сумма

йил чораги

сумма

йил чораги

сумма

1-чорак







2-чорак







3-чорак







4-чорак







ЖАМИ







имзо                     имзо                    имзо

М.Ў.                     М.Ў.                    М.Ў.

199__йил


199__йил


199__йил


йил чораги


сумма

йил чораги

сумма

йил чораги

сумма

1-чорак







2-чорак







3-чорак







4-чорак







ЖАМИ







имзо                     имзо                    имзо

М.Ў.                     М.Ў.                    М.Ў.

199__йил


199__йил


199__йил


йил чораги


сумма


йил чораги


сумма


йил чораги


сумма


1-чорак







2-чорак







3-чорак







4-чорак







ЖАМИ







имзо                     имзо                    имзо

М.Ў.                     М.Ў.                    М.Ў.

























Время: 0.2224
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск