Молия вазирлигининг 12-сон, Давлат солиқ қўмитасининг 2006-19-сон "Савдо ва умумий овқатланиш корхоналари томонидан ялпи даромад солиғини ҳисоблаб чиқариш ва тўлаш тартиби тўғрисидаги низомга ўзгартириш ва қўшимчалар киритиш ҳақида"ги 24.02.2006 й. Қарори (АВ томонидан 16.03.2006 й. 1260-3-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

16.03.2006 й.

N 1260-3

ҚАРОРИ

Савдо ва умумий овқатланиш корхоналари

томонидан ялпи даромад солиғини ҳисоблаб

чиқариш ва тўлаш тартиби тўғрисидаги низомга

ўзгартириш ва қўшимчалар киритиш ҳақида

(2006 йил 26 мартдан кучга киради)

Ўзбекистон Республикаси Солиқ кодекси, Ўзбекистон Республикаси "Давлат солиқ хизмати тўғрисида"ги Қонунининг 7-моддаси ва Ўзбекистон Республикаси Президентининг 2005 йил 27 декабрдаги "Ўзбекистон Республикасининг 2006 йилги асосий макроиқтисодий кўрсаткичлари прогнози ва Давлат бюджети параметрлари тўғрисида"ги ПҚ-244-сон қарорига (Ўзбекистон Республикаси қонун ҳужжатлари тўплами, 2005 й., 52-сон, 386-модда) мувофиқ ҚАРОР ҚИЛАМИЗ:

1. Ўзбекистон Республикаси Молия вазирлиги ва Давлат солиқ қўмитасининг 2003 йил 7 июлдаги 76, 2003-62-сон қарори билан тасдиқланган Савдо ва умумий овқатланиш корхоналари томонидан ялпи даромад солиғини ҳисоблаб чиқариш ва тўлаш тартиби тўғрисидаги низомга (2003 йил 21 июль, рўйхат рақами 1260 - Меъёрий ҳужжатлар ахборотномаси, 2003 й., 13-14-сон; Ўзбекистон Республикаси Қонун ҳужжатлари тўплами, 2005 й., 5-6-сон, 52-модда; 41-42-сон, 322-модда) иловага мувофиқ ўзгартириш ва қўшимчалар киритилсин.

2. Мазкур қарор Ўзбекистон Республикаси Адлия вазирлигида давлат рўйхатига олинган кундан бошлаб ўн кун ўтгач кучга киради.

Молия вазири                                                             Р. Азимов

Давлат солиқ қўмитаси раиси                                   Б. Парпиев

"Ўзбекистон Республикаси қонун ҳужжатлари тўплами", 2006 йил, 11-сон, 96-модда.

Қарорга

ИЛОВА

Савдо ва умумий овқатланиш корхоналари томонидан

ялпи даромад солиғини ҳисоблаб чиқариш ва тўлаш

тартиби тўғрисидаги низомга киритилаётган

ўзгартириш ва қўшимчалар

1. 2-бандда:

ўнинчи хат бошида "чакана ва (ёки) улгуржи савдо фаолиятини амалга ошириш ҳуқуқи учун рухсат гувоҳномасига эга бўлишлари лозим" сўзлари "олинган" сўзи билан алмаштирилсин;

қуйидаги таҳрирдаги хатбошлари билан тўлдирилсин:

алкаголли ичимликлар ҳамда қимматбаҳо металлардан ва қимматбаҳо тошлардан ясалган буюмлар билан чакана савдони амалга оширганда - чакана савдо қилиш ҳуқуқи учун рухсат гувоҳномасига;

улгуржи савдо билан шуғулланганда - улгуржи савдо қилиш ҳуқуқи учун лицензияга эга бўлишлари лозим.".

2. 3-банднинг тўртинчи хатбоши қуйидаги таҳрирда баён этилсин:

"айрим турлардаги товарлар билан чакана савдо қилиш ҳуқуқи учун йиғим;".

3. 7-бандда:

қуйидаги таҳрирдаги учинчи хатбоши билан тўлдирилсин:

"Товарларни харид қийматидан паст нархларда сотилганда, шунингдек товарларни беғараз беришда солиқ солиш мақсадларида сотиш қиймати товарларнинг харид қийматидан келиб чиққан ҳолда аниқланади;".

учинчи-бешинчи хатбошлари тегишлича тўртинчи-олтинчи хатбошлар деб ҳисоблансин.

4. 8 -бандда:

қуйидаги таҳрирдаги иккинчи хатбоши билан тўлдирилсин:

"давлат субсидиялари суммаси;"

қуйидаги таҳрирдаги бешинчи хатбоши билан тўлдирилсин:

"дивидендлар шаклида олинган ва мазкур дивидендлар олинган корхоналар устав капиталига (фондига) йўналтирилган даромадлар;".

5. 13-банддаги "15 кунидан" сўзларидан кейин "йил якуни бўйича эса - йиллик молиявий ҳисоботни тақдим этиш муддатидан кечиктирмай" сўзлари билан тўлдирилсин.

6. 4-сон илова мазкур ўзгартириш ва қўшимчаларга иловага мувофиқ таҳрирда баён этилсин.