Юрист Предприятия

Корхона юристи / Корхона юристининг асосий ҳужжатлари базаси / Низоли хўжалик вазиятларининг таҳлили / Давлат органлари ва хизмат кўрсатувчи ташкилотлар билан низолар. ("Низоли хўжалик вазиятларининг таҳлили" бўлими) / Хизмат кўрсатувчи банклар билан низолар бўйича вазиятларнинг маълумотлар базаси. ("Низоли хўжалик вазиятларининг таҳлили" бўлими) /

Ижара тугатилганлиги сабабли микрофирма фаолиятини тўхтатишга мажбур бўлди. Директордан ташқари барча ходимлар ишдан бўшатилди. Тегишли низомга биноан ҳисоботларни топшириш учун бир ходимга ҳар чоракда бир маротаба энг кам ойлик иш ҳақи ва тегишинча солиқлар: ЯСТ, даромад солиғи, ижтимоий суғурта, ШЖБПҲ ҳисобланади. Фирма ҳисоб рақами тижорат банки филиалларидан бирининг мини-банкида жойлашган. Молиявий фаолити тўхтатилиши муносабати билан фирма тижорат банки филиали ва мини-банк раҳбариятига ойига 50 000 сўмни ташкил этувчи абонент тўловисиз, фақатгина бир марталик хизматлар учун тўлов ундириш ҳақида бир неча маротаба ёзма равишда мурожаат қилди. Барча мурожаатлар жавобсиз қолди. Аввалига мини-банк мемориал ордерлар билан фирма ҳисоб рақамидан фақат "ҳаракат" бўлган ойлар, яъни солиқлар тўланган январь, апрель ойлари учун абонент тўловини ҳисобдан чиқариб турди. Бироқ жорий йилнинг иккинчи ярим йиллигидан бошлаб мини-банк фирма ҳисоб рақамидан абонент тўловини ҳар ойда, ҳатто мемориал ордерлар ва кўчирмаларни тақдим этмасдан ҳисобдан чиқаришни бошлади. Мини-банкнинг бош бухгалтери ва бошқарувчисига мурожаат қилдик. Ундан оғзаки жавоб олдик, унга кўра токи ҳисоб рақамида пул маблағлари бор экан, банк абонент тўловини ҳар ойда ҳисобдан чиқармоқчи. Фирма "турган" бўлса, абонент тўловини ундириш тартиби қандай? Мини-банк раҳбарияти тўғри йўл тутмоқдами ва ушбу вазиятда нима қилиш керак? Ҳар ойда 50 000 сўмлик абонент тўловини шунчаки тўлаш фирма ҳисоб рақамини бўшатиб қўйиши ва солиқларни тўлашга маблағ қолмаслигидан хавотирланиш учун асос бор. Таъсисчилар фирмани ёпишга тайёрланмоқда. ("Низоли хўжалик вазиятларининг таҳлили" бўлими)