Ўзбекистон Республикасининг 20.12.2005 й. ЎРҚ-15-сон "Банкротлик тўғрисида"ги Ўзбекистон Республикаси Қонунининг 110, 111, 133 ва 135-моддаларига ўзгартиш ва қўшимчалар киритиш ҳақида"ги Қонуни (Қонунчилик палатаси томонидан 22.11.2005 й. қабул қилинган, Сенат томонидан 02.12.2005 й. маъқулланган)

Funksiyani amalga oshirishning imkoni yo`q

ЎЗБЕКИСТОН РЕСПУБЛИКАСИНИНГ

ҚОНУНИ

20.12.2005 й.

N ЎРҚ-15

"БАНКРОТЛИК ТЎҒРИСИДА"ГИ

ЎЗБЕКИСТОН РЕСПУБЛИКАСИ ҚОНУНИНИНГ

110, 111, 133 ВА 135-МОДДАЛАРИГА ЎЗГАРТИШ

ВА ҚЎШИМЧАЛАР КИРИТИШ ҲАҚИДА

Қонунчилик палатаси томонидан 2005 йил 22 ноябрда қабул қилинган

Сенат томонидан 2005 йил 2 декабрда маъқулланган

1-модда. Ўзбекистон Республикасининг 1994 йил 5 майда қабул қилинган "Банкротлик тўғрисида"ги Қонунига (2003 йил 24 апрелда қабул қилинган 474-II-сонли Ўзбекистон Республикаси Қонуни билан тасдиқланган таҳририда) (Ўзбекистон Республикаси Олий Мажлисининг Ахборотномаси, 2003 йил, N 5, 63-модда) қуйидаги ўзгартиш ва қўшимчалар киритилсин:

1) 110-модданинг:

олтинчи қисмидаги "ва ташқи бошқарув режасида" деган сўзлар чиқариб ташлансин;

ўн учинчи қисмининг иккинчи жумласи қуйидаги таҳрирда баён этилсин:

"Корхонани (бизнесни) сотиш нархи кредиторлар йиғилиши ёки кредиторлар қўмитасининг қарори билан пасайтирилиши мумкин, бироқ бунда пасайтириш аввалги ким ошди савдосидаги нархнинг 10 фоизидан кўп бўлмаслиги керак";

2) 111-модданинг биринчи қисмидаги "ташқи бошқарув режасида ва" деган сўзлар чиқариб ташлансин;

3) 133-модда қуйидаги мазмундаги қисм билан тўлдирилсин:

"Агар қарздорнинг бутун мол-мулки гаров нарсаси бўлса ва гаровга қўйилган мол-мулкни (гаров нарсасини) сотишдан тушган сумма кредиторларнинг гаров билан таъминланган талаблари суммасидан кам ёки унга тенг бўлиб қолса, кредиторларнинг гаров билан таъминланган талабларини қаноатлантириш ушбу Қонун 134-моддасининг биринчи қисмида назарда тутилган харажатлар қопланганидан ва талаблар қондирилганидан кейин ҳамда иш ҳақи тўлаш учун пул маблағлари берилишини назарда тутувчи тўлов ҳужжатлари бўйича талаблар қондирилганидан кейин амалга оширилади":

4) 135-модданинг биринчи қисмидаги "агар кредиторлар йиғилиши ёки кредиторлар қўмитаси томонидан қарздорнинг мол-мулкини сотишнинг бошқача тартиби белгиланган бўлмаса" деган сўзлар чиқариб ташлансин.

2-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти                                  И. Каримов

"Халқ сўзи", 2005 йил 22 декабрь

"Ўзбекистон Республикаси қонун ҳужжатлари тўплами", 2005 йил, 51-сон, 375-модда

"Ўзбекистон Республикаси Олий Мажлиси палаталарининг Ахборотномаси", 2005 йил, 12-сон, 414-модда