Ўзбекистон Республикаси Олий Мажлисининг 26.12.1996 й. 344-I-сон "Нотариат тўғрисида"ги Ўзбекистон Республикасининг Қонунини амалга киритиш тартиби ҳақида"ги Қарори

Funksiyani amalga oshirishning imkoni yo`q

ЎЗБЕКИСТОН РЕСПУБЛИКАСИ

ОЛИЙ МАЖЛИСИНИНГ

ҚАРОРИ

26.12.1996 й.

N 344-I

"НОТАРИАТ ТЎҒРИСИДА"ГИ

ЎЗБЕКИСТОН РЕСПУБЛИКАСИНИНГ

ҚОНУНИНИ АМАЛГА КИРИТИШ

ТАРТИБИ ҲАҚИДА

Ўзбекистон Республикаси Олий Мажлиси ҚАРОР ҚИЛАДИ:

1. "Нотариат тўғрисида"ги Ўзбекистон Республикаси Қонуни 1997 йил 1 мартдан эътиборан амалга киритилсин.

2. Белгилаб қўйилсинки, ушбу Қонун кабул қилинган кунда нотариус бўлган шахсларга нотариал фаолият билан шуғулланиш ҳуқуқини берувчи рухсатнома малака имтиҳонлари топширилмай берилади.

3. Ўзбекистон Республикаси Вазирлар Маҳкамаси ҳукумат Қарорларини "Нотариат тўғрисида"ги Ўзбекистон Республикаси Қонунига мувофиқ ҳолга келтирсин, вазирликлар ва идоралар ушбу Қонунга зид бўлган ўз норматив ҳужжатларини қайта кўриб чиқишлари ва бекор қилишларини таъминласин.

4. Ўзбекистон Республикасининг қуйидаги қонунлари ўз кучини йўқотган деб топилсин:

1974 йил 7 августда қабул қилинган "Давлат нотариати тўғрисида"ги Ўзбекистон Республикаси Қонуни (Ўзбекистон Республикаси Олий Советининг Ведомостлари, 1974 йил, N 22, 251-модда);

1974 йил 7 августда қабул қилинган "Давлат нотариати тўғрисида"ги Ўзбекистон Республикасининг Қонунини амалга киритиш ҳақида"ги Ўзбекистон Республикаси Олий Советининг Қарори (Ўзбекистон Республикаси Олий Советининг Ведомостлари, 1974 йил, N 22, 252-модда);

1974 йил 28 ноябрда қабул қилинган "Давлат нотариати тўғрисида"ги Ўзбекистон Республикаси Қонунини амалга киритиш тартиби ҳақида"ги Ўзбекистон Республикаси Олий Совети Президиумининг Фармони (Ўзбекистон Республикаси Олий Советининг Ведомостлари, 1974 йил, N 33, 406-модда);

1979 йил 26 апрелда қабул қилинган "Давлат нотариати тўғрисида"ги Ўзбекистон Республикаси Қонунига Ўзгартишлар киритиш ҳақида"ги Ўзбекистон Республикаси Олий Совети Президиумининг Фармони (Ўзбекистон Республикаси Олий Советининг Ведомостлари, 1979 йил, N 13, 173-модда);

1979 йил 24 июлда қабул қилинган "Давлат нотариати тўғрисида"ги Ўзбекистон Республикасининг Қонунига ўзгартишлар киритиш ҳақида"ги Ўзбекистон Республикаси Олий Совети Президиумининг Фармонини тасдиқлаш тўғрисида"ги Ўзбекистон Республикаси Қонуни (Ўзбекистон Республикаси Олий Советининг Ведомостлари, 1979 йил, N 21, 278-модда).

Ўзбекистон Республикаси

Олий Мажлисининг Раиси                                                Э. Халилов

Ўзбекистон Республикаси Олий Мажлисининг Ахборотномаси,  1997 йил, N 2