Соғлиқни сақлаш вазирлигининг 20.04.2006 й. 162-сон "Ўзбекистон Республикасининг санитария меъёрлари, қоида ва гигиеник нормативларининг қайта ишлаб чиқилиши тўғрисида"ги Буйруғи

Funksiyani amalga oshirishning imkoni yo`q

ЎЗБЕКИСТОН РЕСПУБЛИКАСИ

СОҒЛИҚНИ САҚЛАШ ВАЗИРЛИГИНИНГ

БУЙРУҒИ

20.04.2006 й.

N 162

Ўзбекистон Республикаси ССВ Давлат санитар-эпидемиологик назорат идоралари ва ташкилотлари фаолиятини такомиллаштириш мақсадида, шунингдек кўпгина Ўзбекистон Республикаси гигиеник қоида ва нормативлари, санитария меъёрлари ҳаракат муддати 2005 йилда тугаганлиги туфайли БУЮРАМАН:

1. Санитария, гигиена ва касб касалликлари илмий-тадқиқот институти директори Т.И.Искандаровга:

- эскириб қолган Ўзбекистон Республикаси Санитария меъёрлари, қоида ва гигиеник нормативлари барча гигиеник йўналишлар бўйича қайта ишлаб чиқилсин ва янгилари ишлаб чиқилсин;

- институт томонидан ишлаб чиқилган ҳар бир норматив ҳужжат 500 нусхада нашр этилсин;

- санитария меъёрлари, қоида ва гигиеник нормативларни ишлаб чиқиш ҳақини ҳужжатларни нашр қилиш баҳоси ҳисобига киритилсин.

2. Республика, вилоят, шаҳар ва туман Давлат сан-эпидназорат марказлари бош врачларига янги нашрдан чиққан Ўзбекистон Республикаси Санитария меъёрлари, қоида ва гигиеник нормативларини иш фаолиятларида ўз вақтида ва самарали фойдаланиш учун харид қилсин.

3. Ўзбекистон Республикаси ССВ Давлат сан-эпидназорат марказлари бош врачларига шаҳар ва туман Давлат сан-эпидназорат марказлари фаолиятида СанҚМлардан фойдаланиш даражасини доимий назорат қилиб туриш.

Ушбу буйруқнинг бажарилишини назорат қилиш Давлат сан-эпидназорат Департаменти бошлиғи С.С. Саидалиевга юклатилсин.

Вазир муовини,

Ўзбекистон Республикаси бош

Давлат санитар врачи                                                         Б.И.Ниязматов