Судгача санациядан ўтказиш тартиби тўғрисида Низом (ЎзР ВМ 26.07.1999 й. 362-сон қарорига 2-илова)

Функцияни амалга оширишнинг имкони йўқ

Вазирлар Маҳкамасининг

1999 йил 26 июлдаги

362-сон қарорига

2-ИЛОВА

Судгача санациядан ўтказиш

тартиби тўғрисида

НИЗОМ

I. УМУМИЙ ҚОИДАЛАР

1. Мазкур Низом "Банкротлик тўғрисида"ги Ўзбекистон Республикаси Қонунига, Ўзбекистон Республикаси Президентининг "Корхоналар банкротлиги ва санацияси механизмини такомиллаштириш тўғрисида" 1999 йил 23 июлдаги ПФ-2342-сон Фармонига мувофиқ банкротлик белгиларига эга бўлган корхоналарни соғломлаштириш ҳамда уларнинг тўлов қобилиятини тиклаш мақсадида ўтказиладиган суддан олдин санациялаш масалаларини тартибга солади.

2. Суддан олдин санациялаш (бундан кейин - санациялаш деб аталади) банкротликнинг олдини олиш мақсадида қарздор корхона - юридик шахснинг муассислари (қатнашчилари), қарздорнинг кредиторлари ва бошқа шахслар, шу жумладан, давлат томонидан қарздор корхонанинг тўлов қобилиятини тиклаш бўйича чора-тадбирлардан иборат бўлади.

Суддан олдин санациялаш қарздор корхонанинг банкротлиги тўғрисида иш қўзгатилгунгача амалга оширилади ва қарздор корхонанинг тўлов қобилиятини, иқтисодий қувватини тиклаш ҳамда унинг келгусида самарали фаолиятни амалга ошириши учун шароитлар яратишни мақсад қилиб қўяди.

3. Давлат томонидан қўллаб-қувватланган ҳолда қ