Болалар озиқ-овқат маҳсулотларини ишлаб чиқариш корхоналарига, болалар озиқ-овқат маҳсулотларининг хавфсизлигига, сақланишига ва ташилишига бўлган санитария-гигиена талабларини (0059-23-сон СанҚваН) тасдиқлаш тўғрисида"ги Қарори (ЎзР Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг 22.11.2023 й. 26-сон)

Funksiyani amalga oshirishning imkoni yo`q

СОҒЛИҚНИ САҚЛАШ ВАЗИРЛИГИ ҲУЗУРИДАГИ

САНИТАРИЯ-ЭПИДЕМИОЛОГИК ОСОЙИШТАЛИК

ВА ЖАМОАТ САЛОМАТЛИГИ ҚЎМИТАСИНИНГ

22.11.2023 й.

N 26-сон

ҚАРОРИ

Болалар озиқ-овқат маҳсулотларини ишлаб чиқариш

корхоналарига, болалар озиқ-овқат маҳсулотларининг

хавфсизлигига, сақланишига ва ташилишига

бўлган санитария-гигиена талабларини

(0059-23-сон СанҚваН)

тасдиқлаш тўғрисида

[Ўзбекистон Республикаси Адлия вазирлиги томонидан

2023 йил 22 декабрда ҳисобга олинди, ҳисоб рақами 225]

Ўзбекистон Республикаси "Аҳолининг санитария-эпидемиологик осойишталиги тўғрисида"ги Қонуни ва Ўзбекистон Республикаси Президентининг 2020 йил 25 июлдаги ПФ-6035-сон "Коронавирус пандемиясини юмшатиш, аҳолининг санитария-эпидемиологик осойишталиги ва саломатлигини сақлаш тизимини тубдан такомиллаштириш чора-тадбирлари тўғрисида" Фармонига мувофиқ, Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси ҚАРОР ҚИЛАДИ:

1. Болалар озиқ-овқат маҳсулотларини ишлаб чиқариш корхоналарига, болалар озиқ-овқат маҳсулотларининг хавфсизлигига, сақланишига ва ташилишига бўлган санитария-гигиена талаблари (0059-23-сон СанҚваН) иловага мувофиқ тасдиқлансин.

2. Ўзбекистон Республикаси Бош давлат санитария врачи томонидан 2019 йил 19 июлда тасдиқланган "Болалар озуқа маҳсулотларининг хавфсизлигига, ишлаб чиқаришга, транспортда ташилишига, сақланишига ва сотувига бўлган гигиеник талаблар" (0369-19-сонли СанҚваН) ўз кучини йўқотган деб топилсин.

3. Мазкур қарор Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Соғлиқни сақлаш вазирлиги, Қишлоқ хўжалиги вазирлиги, Инвестициялар, саноат ва савдо вазирлиги ҳузуридаги Ўзбекистон техник жиҳатдан тартибга солиш агентлиги ҳамда Савдо-саноат палатаси билан келишилган.

4. Мазкур қарор расмий эълон қилинган кундан эътиборан уч ой ўтгач кучга киради.

Санитария-эпидемиологик осойишталик ва

жамоат саломатлиги хизмати бошлиғи                                                     Б. Юсупалиев

Қонун ҳужжатлари маълумотлари миллий базаси (www.lex.uz).