Молия вазирлигининг 17-сон, Ташқи иқтисодий алоқалар агентлигининг НН-01/10-783-сон, Марказий банк Бошқарувининг 225-В-1-сон, Давлат солиқ қўмитасининг 2005-27-сон, Давлат божхона қўмитасининг 01-02/20-4-сон "Импорт истеъмол товарларини ҳисобга олиш ва сотиш тартиби тўғрисидаги низомга ўзгартиришлар киритиш ҳақида"ги 05.03.2005 й. Қарори (АВ томонидан 18.03.2005 й. 1183-1-сон билан рўйхатга олинган)

Функцияни амалга оширишнинг имкони йўқ

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

18.03.2005 й.

N 1183-1

ЎЗБЕКИСТОН РЕСПУБЛИКАСИ

ДАВЛАТ БОЖХОНА ҚЎМИТАСИНИНГ

05.03.2005 й.

N 01-02/20-4

ҚАРОРИ

Импорт истеъмол товарларини ҳисобга олиш

ва сотиш тартиби тўғрисидаги низомга

ўзгартиришлар киритиш ҳақида

(2005 йил 28 мартдан кучга киради)

Ўзбекистон Республикаси Вазирлар Маҳкамасининг 2003 йил 7 октябрдаги "Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш ҳамда айримларига ўзгартиришлар киритиш тўғрисида"ги 434-сонли қарорига (Ўзбекистон Республикаси қарорлари тўплами, 2003 йил, 10-сон, 95-модда) мувофиқ Ўзбекистон Республикаси Молия вазирлиги, Ташқи иқтисодий алоқалар агентлиги, Марказий банк Бошқаруви, Давлат солиқ қўмитаси ва Давлат божхона қўмитаси ҚАРОР ҚИЛАДИ:

1. Ўзбекистон Республикаси Молия вазирлиги, Ташқи иқтисодий алоқалар агентлиги, Марказий банки Бошқаруви, Давлат солиқ қўмитаси ва Давлат божхона қўмитасининг 2002 йил 15 октябрдаги 115, ЭГ-В-01/10-4198, 225-В, 2002-84, 01-02/8-44-сонли қарори (2002 йил 25 октябрь, рўйхат рақами 1183 - Меъёрий ҳужжатлар ахборотномаси, 2002 йил, 20-сон) билан тасдиқланган Импорт истеъмол товарларини ҳисобга олиш ва сотиш тартиби тўғрисидаги низомга ўзгартиришлар иловага мувофиқ киритилсин.

2. Мазкур қарор Ўзбекистон Республикаси Адлия вазирлигида давлат рўйхатидан ўтган кундан бошлаб 10 кундан сўнг амалга киритилсин.

Қарорга

ИЛОВА

Импорт истеъмол товарларини ҳисобга олиш ва

сотиш тартиби тўғрисидаги низомга киритилаётган

ЎЗГАРТИРИШЛАР

1. 1-банд қуйидаги таҳрирда баён этилсин:

"1. Корхона ва ташкилотлар (кейинги матнда "корхоналар" деб юритилади) товарларни сотишни улгуржи ва чакана савдонинг ўрнатилган қоидаларига риоя этган ҳолда амалга оширадилар."

2. 7-банд ўз кучини йўқотган деб ҳисоблансин.

"Ўзбекистон Республикаси қонун ҳужжатлари тўплами", 2005 йил, 10-11-сон, 85-модда.