Ўзбекистон Республикаси Президентининг 10.09.2025 й. ПФ-163-сон "Маҳаллаларда ёшлар билан ишлаш тизими самарадорлигини оширишга доир чора-тадбирлар тўғрисида"ги Фармони

Funksiyani amalga oshirishning imkoni yo`q

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

10.09.2025 й.

N ПФ-163

МАҲАЛЛАЛАРДА ЁШЛАР БИЛАН

ИШЛАШ ТИЗИМИ САМАРАДОРЛИГИНИ

ОШИРИШГА ДОИР ЧОРА-ТАДБИРЛАР

ТЎҒРИСИДА

"Ўзбекистон - 2030" стратегияси ҳамда жорий йилнинг 30 июнь куни ўтказилган Ўзбекистон Республикаси Президентининг ёшлар билан учрашуви доирасида белгиланган устувор вазифаларга мувофиқ ёшлар билан ишлаш тизими, жумладан, маҳаллалардаги ёшлар етакчилари фаолияти самарадорлигини ошириш мақсадида ҚАРОР ҚИЛАМАН:

I. Мақсадлар

1. Қуйидагилар маҳаллаларда ёшлар билан ишлаш тизимини такомиллаштиришнинг асосий мақсадлари этиб белгилансин:

(а) ёшлар муаммолари билан индивидуал ва манзилли ишлаш орқали ёшлар етакчилари фаолияти самарадорлигини ошириш;

(б) ёшларнинг касбий қизиқишларини барвақт аниқлаш орқали меҳнат бозорига рақобатбардош кадр сифатида кириб боришини таъминлаш;

(в) ёшларнинг мафкуравий иммунитетини кучайтириш орқали улар онгига турли салбий таъсир кўрсатувчи ғоявий таҳдидларга маҳалла даражасида қарши курашиш;

(г) ёшларга оид маълумотларни йиғиш, таҳлил қилиш ва доимий равишда янгилаб бориш жараёнларини рақамлаштириш орқали ёшларнинг ижтимоий аҳволи ҳақидаги маълумотлар базасини шакллантиришга жалб этиладиган меҳнат ресурслари самарадорлигини ошириш.

II. Ёшлар билан ишлаш тизимининг асосий вазифалари

2. Умуммиллий ривожланиш мақсадларига эришишда ёшлар салоҳиятидан унумли фойдаланиш маҳаллаларда ёшлар билан ишлаш тизимининг устувор вазифаси этиб белгилансин.

Бунда "Улкан мақсадлар, самарали меҳнат, оқилона турмуш" ғояси асосида ёшларда улкан марраларни забт этишда ўзига бўлган ишонч ва ирода шакллантирилади, билим ва интизом билан меҳнат қилиш кўникмалари кучайтирилади, улар ўртасида соғлом турмуш тарзи ва ўз ахлоқи билан бошқаларга ўрнак бўлиш каби ҳаётий қадриятлар оммалаштирилади.

3. Қуйидагилар маҳаллалардаги ёшлар етакчиларининг асосий вазифалари этиб белгилансин:

(а) ёшларнинг ўзига бўлган ишончини ошириш, жамият учун фойдали ва умуммиллий манфаатларга хизмат қилишга қаратилган лойиҳаларни маҳалла даражасида амалга ошириш;

(б) ёшларнинг шахсий ривожланишига, уларнинг иқтидори ва истеъдодини рўёбга чиқаришга қаратилган тадбирларни ташкил этиш, "Беш ташаббус олимпиадаси"ни ёшлар ўртасида кенг тарғиб қилиш;

(в) меҳнат бозорига кириб келаётган ёшларнинг тадбиркорлик кўникмалари ва ўз тақдири учун масъулият ҳиссини кучайтириш орқали бандлигига кўмаклашиш;

(г) "Ёшлар дафтари"га киритилган ёшларга кўрсатиладиган ёрдамнинг ижтимоий ҳамкорлик тамойилига асосланишини таъминлаш.

Ушбу бандда назарда тутилган асосий вазифаларга боғлиқ бўлмаган бошқа вазифа ва топшириқларни ёшлар етакчилари зиммасига юклаш тақиқланади.

Маҳаллаларда ёшлар билан ишлаш масалаларини мувофиқлаштириш бўйича республика комиссияси ёшлар етакчилари вазифаларига кирмайдиган ишларга жалб этилмаслигини қатъий назоратга олсин.

4. "Маҳалла еттилиги" ва таълим муассасалари ўртасида ёшлар, жумладан, умумтаълим мактабларининг битирувчи синф ўқувчиларини қўллаб-қувватлаш бўйича қуйидаги ҳамкорлик қилиш тизими жорий этилсин:

(а) мактабларнинг маънавий-маърифий ишлар бўйича директор ўринбосарлари ҳар ойда синф раҳбари ва мактаб психологи ҳамкорлигида хулқ-атворида муайян мураккабликлар кузатилган ўқувчилар ҳамда битирувчи синф ўқувчилари ўртасида қўшимча фанлар, хорижий тиллар ва касбларни ўрганиш, спорт турлари билан шуғулланиш ҳамда меҳнат фаолиятига қизиқиш билдирган ўқувчиларни аниқлайди. Ушбу ўқувчиларнинг рўйхати шакллантирилиб, белгиланган тартибда ёшлар етакчиси ва маҳалла раисига тақдим этилади;

(б) ёшлар етакчилари:

(i) мактабларнинг маънавий-маърифий ишлар бўйича директор ўринбосарлари томонидан тақдим этилган рўйхат асосида битирувчи синф ўқувчиларининг фан, хорижий тиллар, спорт турлари билан шуғулланишига ва касбларни ўрганиш истаги бўлган ўқувчиларнинг "Келажак" марказлари ҳамда хусусий ўқув марказларида таҳсил олишига кўмаклашади;

(ii) хулқ-атворида муайян мураккабликлар кузатилган ўқувчилар учун уларнинг қизиқишлари ва эҳтиёжларидан келиб чиққан ҳолда индивидуал ривожланиш йўналишларини белгилайди;

(iii) маҳалла ҳудудидаги мураббийлар, касб эгалари ва тадбиркорлар билан ҳамкорликда ўқувчилар учун устозлик тизимини йўлга қўяди;

(iv) хулқ-атворида муайян мураккабликлар кузатилган ўқувчиларни давлат ва нодавлат таълим муассасаларидаги тўгаракларга йўналтиради;

(в) ҳоким ёрдамчилари меҳнат фаолиятини олиб бориш истаги бўлган мактаб ўқувчиларини тегишли маҳалла ҳудудида жойлашган корхоналарга йўналтириб, уларнинг касб ўрганишига ва келгусида ишга жойлашишига, тадбиркорлик фаолиятини йўлга қўйиш учун зарур воситалар билан таъминлашга кўмаклашади;

(г) маҳалла раислари:

(i) хулқ-атворида муайян мураккабликлар кузатилган ўқувчиларнинг ота-оналари билан доимий мулоқот ўрнатади ҳамда уларнинг масъулиятини ошириш бўйича чора-тадбирларни амалга оширади;

(ii) ота-оналарга фарзанд тарбияси, маънавий-ахлоқий қўллаб-қувватлаш ва хулқ-атвордаги муаммоларни бартараф этиш юзасидан тавсиялар тақдим этади;

(iii) ёшлар билан доимий мулоқот ўтказиб, уларнинг касбий қизиқишини ўрганади, меҳнат бозорига рақобатбардош кадр сифатида кириб бориш жараёнида уларга йўл-йўриқ кўрсатиб боради;

(iv) ишсиз ёшларни уларнинг қизиқишидан келиб чиққан ҳолда маҳалладаги тажрибали тадбиркорларга касб-ҳунар ўрганиш учун йўналтиради, касбий ўсишини кузатиб боради ҳамда ўзининг мустақил тадбиркорлик фаолиятини бошлашига кўмаклашади;

(v) ёшларнинг фанларни ўрганиши, ахборот технологияларини ўзлаштириши, китобхонлик, спорт билан шуғулланиши учун зарур шарт-шароитларни яратиш бўйича ташаббуслар ишлаб чиқади.

Ушбу бандда назарда тутилган чора-тадбирлар бўйича харажатлар зарур ҳолларда белгиланган тартибда "Ёшлар дафтари" жамғармалари ҳамда маҳаллий бюджетнинг қўшимча манбалари ҳисобидан амалга оширилади.

III. Маҳаллаларда ёшлар билан ишлаш жараёнини рақамлаштириш даражасини ошириш

5. Ёшлар ишлари агентлиги 2026 йил 1 февралга қадар "Ёшлар дафтари" ва "Ёшлар портали" электрон платформалари негизида қуйидаги имкониятларга эга бўлган "Ёшлар ягона электрон платформаси" ахборот тизимини (кейинги ўринларда - Ёшлар ягона электрон платформаси) яратсин:

(а) ёшларнинг демографик ва ижтимоий ҳолати, бандлиги, таълим олишига оид маълумотлар асосида "Ёшлар баланси"ни шакллантириш;

(б) ёшларга оид давлат сиёсатининг самарадорлигини баҳолаш ва унинг натижаларини аниқлаш;

(в) ёшларнинг қизиқишларини аниқлаш бўйича социологик сўровлар ўтказиш, унинг натижаларини автоматик таҳлил қилиш;

(г) ёшларга оид мавжуд имтиёзлар, преференциялар ва имкониятлар тўғрисида маълумот бериш;

(д) шахсга доир маълумотлар бўйича амалга оширилган сўровларнинг рақамли изларини сақлаш.

Ёшлар ишлари агентлиги Ёшлар ягона электрон платформаси буюртмачиси этиб белгилансин.

6. Ушбу Фармоннинг 1-иловасига мувофиқ, вазирлик ва идоралар:

(а) тегишли ахборот тизимлари ва маълумотлар базаларини Ёшлар ишлари агентлиги сўровига асосан бир ой муддатда Ёшлар ягона электрон платформасига "Электрон ҳукумат" тизимининг идоралараро платформаси орқали интеграция қилишни таъминласин;

(б) уч ой муддатда Ёшлар ягона электрон платформасига ўзларининг ахборот тизимлари ва маълумотлар базаларини интеграция қилиш учун тегишли инфратузилма яратиш ҳамда рақамлаштирилган маълумотлар базаларини шакллантириш чораларини кўрсин.

Рақамли технологиялар вазирлиги "Электрон ҳукумат" тизимининг идоралараро интеграциялашув платформаси орқали интеграция жараёнларини мувофиқлаштириб борсин ва зарур техник чоралар кўрсин.

Бунда интеграция қилинадиган ахборот тизимлари ва маълумотлар базалари орқали узатиладиган маълумотлар ушбу Фармонга 1-иловада белгиланган муддатларда янгилаб борилиши таъминлансин.

7. Белгилансинки, 2026 йил 1 февралдан бошлаб "Ёшлар дафтари" жамғармасидан кўрсатиладиган ижтимоий ёрдамлар бўйича аризаларни тақдим этиш, уларни кўриб чиқиш натижаси бўйича қарор қабул қилиш билан боғлиқ барча маъмурий тартиб-таомиллар Ягона интерактив давлат хизматлари портали ҳамда Ёшлар ягона электрон платформаси орқали амалга оширилади.

8. Ёшлар ишлари агентлиги:

(а) Адлия вазирлиги, Рақамли технологиялар вазирлиги ҳамда масъул вазирлик ва идоралар билан биргаликда уч ой муддатда мазкур Фармоннинг 7-бандидан келиб чиқиб, "Ёшлар дафтари" жамғармаси орқали ижтимоий ёрдамларни кўрсатиш тартибини ишлаб чиқсин ва Вазирлар Маҳкамасига киритсин;

(б) ёшлар етакчилари фаолиятининг энг муҳим самарадорлик кўрсаткичларини мазкур Фармоннинг 3-бандида кўрсатилган асосий вазифалар асосида қайта кўриб чиқиб, улар фаолиятининг самарадорлик кўрсаткичларини баҳолаш инсон омилисиз автоматик тарзда Ёшлар ягона электрон платформасида амалга оширилишини таъминласин;

(в) икки ой муддатда Ёшлар ягона электрон платформасидан фойдаланувчи ҳудудий, туман (шаҳар) бўлинмалари, ёшлар етакчилари ҳамда Ёшлар ишлари агентлиги тизимидаги бошқа тузилмаларнинг шахсга доир маълумотлардан фойдаланиш ҳажмлари ва чегараларини белгиласин.

9. 2026 йилдан бошлаб ҳар йили Ёшларга оид давлат сиёсатининг амалга оширилиши тўғрисидаги миллий маърузани эълон қилиш амалиёти жорий этилсин. Бунда:

(а) Ёшлар ишлари агентлиги Олий таълим, фан ва инновациялар вазирлиги, Мактабгача ва мактаб таълими вазирлиги, Соғлиқни сақлаш вазирлиги, Спорт вазирлиги билан биргаликда икки ой муддатда ёшларга оид давлат сиёсати бўйича социологик сўровлар ўтказиш дастури ва баҳолаш методологиясини ишлаб чиқсин;

(б) Ёшларга оид давлат сиёсатининг амалга оширилиши тўғрисидаги миллий маърузани тайёрлаш учун зарур статистик маълумотларни олиш ҳамда социологик сўровлар ўтказиш Ёшлар ягона электрон платформаси орқали амалга оширилсин;

(в) Ёшларга оид давлат сиёсатининг амалга оширилиши тўғрисида миллий маъруза ҳар йили 30 июнь - Ёшлар куни арафасида Ёшлар ишлари агентлиги томонидан эълон қилиб борилади.

10. 2026 йил 1 январга қадар Ёшлар ишлари агентлиги тизимида топшириқларни республикадан маҳаллагача етказиш ва назорат қилиш бўйича электрон ҳужжат айланиш тизими жорий этилсин ҳамда иш юритиш тартиби тўлиқ рақамлаштирилган ҳолда амалга оширилиши йўлга қўйилсин.

Ёшлар ишлари агентлиги Рақамли технологиялар вазирлиги билан биргаликда ушбу бандда назарда тутилган электрон тизимларнинг ўз муддатида ва сифатли ишга туширилишини таъминласин.

11. Ушбу Фармоннинг 5 ва 9-бандларида назарда тутилган чора-тадбирларни амалга ошириш харажатлари Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси маблағлари ва қонунчилик ҳужжатлари билан тақиқланмаган бошқа манбалар ҳисобидан қопланади.

12. Ўзбекистон Республикаси Президентининг айрим ҳужжатларига 2-иловага мувофиқ ўзгартиришлар киритилсин.

IV. Фармон ижросини ташкил этиш, таъминлаш ва назорат

13. Мазкур Фармон ижросини самарали ташкил қилишга масъул ва шахсий жавобгар этиб Ёшлар ишлари агентлиги директори А.З. Саъдуллаев белгилансин.

14. Фармон ижроси учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президенти                               Ш. Мирзиёев

1Ўзбекистон Республикаси

Президентининг

2025 йил 10 сентябрдаги

ПФ-163-сон Фармонига

1-ИЛОВА

Вазирлик ва идораларнинг Ёшлар ягона

электрон платформасига интеграция қилинадиган

ахборот тизимлари ва маълумотлар базалари

орқали  ўттиз  ёшдан  ошмаган  шахслар

тўғрисида узатиладиган маълумотлар

РЎЙХАТИ*

              

            

*) "Ёшлар ягона электрон платформаси" АТга интеграция қилишда давлат органлари ва ташкилотларининг маълумотлари ҳажми, шакли ва уларни бериш тартиби ўзаро келишувларга асосан амалга оширилади ҳамда Ёшлар ишлари агентлиги заруратга кўра ушбу рўйхатда назарда тутилмаган бошқа турдаги маълумотларни платформага интеграция қилиш орқали тегишли вазирлик ва идоралардан олиши мумкин.

**) Ушбу маълумотлардан ўрнатилган тартибга мувофиқ эгасизлантириш шарти билан статистик ва тадқиқот мақсадларида фойдаланилади.

***) Маъмурий ҳуқуқбузарликларнинг аниқ турлари Ёшлар ишлари агентлиги ҳамда Ички ишлар вазирлиги томонидан белгиланади.

     

         

Ўзбекистон Республикаси

Президентининг

2025 йил 10 сентябрдаги

ПФ-163-сон Фармонига

2-ИЛОВА

Ўзбекистон Республикаси

Президентининг айрим ҳужжатларига

киритилаётган ўзгартиришлар

1. Ўзбекистон Республикаси Президентининг 2023 йил 21 декабрдаги "Маҳалла институтининг жамиятдаги ролини тубдан ошириш ва унинг аҳоли муаммоларини ҳал этишда биринчи бўғин сифатида ишлашини таъминлашга қаратилган чора-тадбирлар тўғрисида"ги ПФ-209-сон Фармонига 3-илованинг матни қуйидаги таҳрирда баён этилсин:

"Ёшлар етакчисининг асосий вазифалари

1. Ёшларнинг ўзига бўлган ишончини ошириш, жамият учун фойдали ва умуммиллий манфаатларга хизмат қилишга қаратилган лойиҳаларни маҳалла даражасида амалга ошириш.

2. Ёшларнинг шахсий ривожланишига, уларнинг иқтидори ва истеъдодини рўёбга чиқаришга қаратилган тадбирларни ташкил этиш, "Беш ташаббус олимпиадаси"ни ёшлар ўртасида кенг тарғиб қилиш.

3. Меҳнат бозорига кириб келаётган ёшларнинг тадбиркорлик кўникмалари ва ўз тақдири учун масъулият ҳиссини кучайтириш орқали бандлигига кўмаклашиш.

4. "Ёшлар дафтари"га киритилган ёшларга кўрсатиладиган ёрдамнинг ижтимоий ҳамкорлик тамойилига асосланишини таъминлаш.

Изоҳ. Етакчиларни уларнинг вазифа ва фаолият йўналишлари билан боғлиқ бўлмаган йиғилиш ва бошқа тадбирларга жалб қилиш, уларнинг фаолиятига асоссиз аралашиш, тааллуқли бўлмаган вазифаларни юклаш тақиқланади".

2. Ўзбекистон Республикаси Президентининг 2022 йил 19 январдаги "Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида"ги ПҚ-92-сон қарорида:

а) 2-банд қуйидаги таҳрирда баён этилсин:

"2. Қуйидагилар маҳалладаги ёшлар етакчисининг (кейинги ўринларда - Етакчи) асосий вазифалари этиб белгилансин:

ёшларнинг ўзига бўлган ишончини ошириш, жамият учун фойдали ва умуммиллий манфаатларга хизмат қилишга қаратилган лойиҳаларни маҳалла даражасида амалга ошириш;

ёшларнинг шахсий ривожланишига, уларнинг иқтидори ва истеъдодини рўёбга чиқаришга қаратилган тадбирларни ташкил этиш, "Беш ташаббус олимпиадаси"ни ёшлар ўртасида кенг тарғиб қилиш;

меҳнат бозорига кириб келаётган ёшларнинг тадбиркорлик кўникмалари ва ўз тақдири учун масъулият ҳиссини кучайтириш орқали бандлигига кўмаклашиш;

"Ёшлар дафтари"га киритилган ёшларга кўрсатиладиган ёрдамнинг ижтимоий ҳамкорлик тамойилига асосланишини таъминлаш";

б) 2-илованинг матни қуйидаги таҳрирда баён этилсин:

"Маҳаллаларда ёшлар билан ишлаш

масалаларини мувофиқлаштириш

бўйича республика комиссияси

ТАРКИБИ

           

            

Изоҳ. Комиссия аъзолари бошқа ишга ўтган тақдирда, унинг таркибига ушбу лавозимга янгидан тайинланган ёки зиммасига тегишли функцияларни бажариш юкланган шахслар киритилади".

         

              

Қонун ҳужжатлари маълумотлари миллий базаси (www.lex.uz),

2025 йил 11 сентябрь