Ижара: солиқлар, имтиёзлар, декларациялар (СБХ, 7-сон, 2013 йил 19 февраль)

Функцияни амалга оширишнинг имкони йўқ

Жавоб газетанинг чиққан санасига ҳақиқийдир*

ИЖАРА СОЛИҚЛАР,

ИМТИЁЗЛАР ДЕКЛАРАЦИЯЛАР

Газетамиз юридик шахсларда ижарага доир даромадлар ва харажатларга солиқ солиш ва улар ҳисобини юритиш тўғрисида материалларни мунтазам бериб боради. Бироқ ижарага берувчи жисмоний шахслар учун ҳам бу мавзу долзарб аҳамиятга эга. Таҳририятга мурожаатлар шундан далолат бермоқда. "Norma Ekspert" мутахассислари солиқ тўловчи жисмоний шахслар учун қўлланма тайёрладилар, ундан сиз декларация топшириш муддатлари, солиқ тўлаш тартиби ва муддатлари, шунингдек 2013 йилги солиқ солишдаги ўзгартиришлар ҳамда ижарадан олинган даромадлар бўйича декларация тақдим этиш тартиби ҳақидаги саволларингизга жавоб топасиз.

ДСИга НИМАЛАР ТАҚДИМ ЭТИЛАДИ?

Мен жисмоний шахсга квартирани ижарага беришдан олган даромадларимни солиқ органларида декларациялаш ниятидаман. Бунинг учун ДСИга қандай ҳужжатларни тақдим этишим керак?

- ДСИга сиз ижара шартномасини ва бир ой учун ижарадан даромад суммасини кўрсатган ҳолда дастлабки декларацияни тақдим этишингиз керак. Декларация МВ ва ДСҚнинг АВ томонидан 21.01.2008 йилда 1760-сон билан рўйхатдан ўтказилган қарорига 2-иловада келтирилган шаклда тўлдирилади.

Ҳужжатларни квартира ижарага берилган ойдан кейинги ойнинг 5-кунидан кечиктирмай тақдим этиш лозим (Солиқ кодексининг 192-моддаси; МВ ва ДСҚнинг 6.02.2012 йилдаги ММ/04-01-32-14/135 ва 15/1-1670-сон тушунтириш хати).

Масалан, 28 январда сиз ижара шартномасини тузиб, нотариусда тасдиқлатдингиз. Шу куниёқ ижарачи 2 ой учун турар жойга бўнак ҳақи тўлади. Шартномага кўра квартира 2013 йил 1 февралдан ярим йил муддатга ижарага берилади. Бу ҳолда даромадлар юзага келган биринчи ой - февраль саналади. Шу сабабли дастлабки декларация 2013 йил 5 мартдан кечиктирмасдан тақдим этилиши шарт.

Мол-мулкни ижарага беришдан даромадлар олиш тўхтаганидан кейин бу ҳақда ДСИни ёзма равишда хабардор қилиш зарур. Хабарномани та