Ўзбекистон Республикаси Президентининг 11.09.2025 й. ПФ-164-сон "Ўзбекистон Республикаси Президентининг айрим ҳужжатларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида"ги Фармони

Funksiyani amalga oshirishning imkoni yo`q

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

11.09.2025 й.

N ПФ-164

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ АЙРИМ ҲУЖЖАТЛАРИГА

ЎЗГАРТИРИШЛАР КИРИТИШ, ШУНИНГДЕК,

БАЪЗИЛАРИНИ ЎЗ КУЧИНИ ЙЎҚОТГАН

ДЕБ ҲИСОБЛАШ ТЎҒРИСИДА

Ўзбекистон Республикасида фуқароларнинг виждон эркинлигини таъминлаш ва диний соҳадаги давлат сиёсати концепцияси ҳамда Ўзбекистон Республикаси Президентининг 2025 йил 21 апрелдаги "Фуқароларнинг виждон эркинлиги ҳуқуқи кафолатларини янада мустаҳкамлаш ҳамда диний-маърифий соҳадаги ислоҳотларни янги босқичга олиб чиқиш чора-тадбирлари тўғрисида"ги ПФ-68-сон Фармони билан диний-маърифий соҳадаги фаолиятни сифат жиҳатидан янги босқичга олиб чиқишнинг устувор йўналишлари белгиланди.

Фуқароларнинг виждон эркинлиги ҳуқуқи кафолатларини янада мустаҳкамлаш билан боғлиқ муносабатларни тартибга солувчи қонунчилик ҳужжатлари нормаларининг ўзаро мувофиқлигини таъминлаш мақсадида ҚАРОР ҚИЛАМАН:

1. Ўзбекистон Республикасининг Президентининг айрим ҳужжатларига 1-иловага мувофиқ қонунчилик ҳужжатлари нормаларининг амалга оширилаётган ислоҳотларга мувофиқлигини таъминлашни назарда тутувчи ўзгартиришлар киритилсин.

2. Ўзбекистон Республикаси Президентининг айрим ҳужжатлари 2-иловага мувофиқ ўз кучини йўқотган деб ҳисоблансин.

3. Фармон ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президентининг маслаҳатчиси Р.Қ. Давлетов зиммасига юклансин.

Ўзбекистон Республикаси Президенти                               Ш. Мирзиёев

Ўзбекистон Республикаси

Президентининг

2025 йил 11 сентябрдаги

ПФ-164-сон Фармонига

1-ИЛОВА

Ўзбекистон Республикаси

Президентининг айрим ҳужжатларига

киритилаётган ўзгартиришлар

1. Ўзбекистон Республикаси Президентининг 1993 йил 5 февралдаги "Ўзбекистоннинг ўқувчи ёшларини рағбатлантириш чоралари тўғрисида"ги ПФ-555-сон Фармонининг 2-бандидаги "Ўзбекистон халқаро ислом академиясида", "Ўзбекистон халқаро ислом академиясининг" сўзлари тегишинча "Ўзбекистон халқаро исломшунослик академиясида", "Ўзбекистон халқаро исломшунослик академиясининг" сўзлари билан алмаштирилсин.

2. Ўзбекистон Республикаси Президентининг 2018 йил 16 апрелдаги "Диний-маърифий соҳа фаолиятини тубдан такомиллаштириш чора-тадбирлари тўғрисида"ги ПФ-5416-сон Фармонида:

(а) 4-бандда:

(i) иккинчи ва учинчи хатбошилар қуйидаги таҳрирда баён этилсин:

"Ўзбекистон халқаро исломшунослик академияси:

Ўзбекистон Республикаси Дин ишлари бўйича қўмитаси муассислигидаги исломшунослик ва диншунослик соҳаларида мутахассисларни ҳамда ўқув дастури, қўлланма ва дарсликларни тайёрлашга ихтисослашган таянч давлат олий таълим ва илмий-тадқиқот муассасаси ҳисобланади";

(ii) тўртинчи хатбоши чиқариб ташлансин;

(iii) бешинчи - тўққизинчи хатбошилар тегишинча тўртинчи - саккизинчи хатбошилар деб ҳисоблансин;

(iv) олтинчи ва еттинчи хатбошилардаги "Ўзбекистон халқаро ислом академияси", "Ўзбекистон халқаро ислом академиясига" сўзлари тегишинча "Ўзбекистон халқаро исломшунослик академияси", "Ўзбекистон халқаро исломшунослик академиясига" сўзлари билан алмаштирилсин;

(б) 6 ва 11-бандлардаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин;

(в) 1-илованинг 9 ва 11-позициялари "Масъул ижрочилар" устунидаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин.

3. Ўзбекистон Республикаси Президентининг 2021 йил 1 июлдаги "2021-2026 йилларга мўлжалланган экстремизм ва терроризмга қарши курашиш бўйича Ўзбекистон Республикаси Миллий стратегиясини тасдиқлаш тўғрисида"ги ПФ-6255-сон Фармонига 1-илованинг 2-боби 1-параграфининг тўртинчи хатбошисидаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин.

4. Ўзбекистон Республикаси Президентининг 2023 йил 25 январдаги "Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида"ги ПФ-14-сон Фармонига 1-иловада:

(а) "Жами" позицияси қуйидаги таҳрирда баён этилсин:

"

";

            

(б) "20. Дин ишлари бўйича қўмита" бўлими қуйидаги таҳрирда баён этилсин:

"

".

          

5. Ўзбекистон Республикаси Президентининг 2017 йил 27 мартдаги "Ўзбекистон Республикаси Вазирлар Маҳкамаси ҳузурида Имом Бухорий халқаро илмий-тадқиқот марказини ташкил этиш чора-тадбирлари тўғрисида"ги ПҚ-2855-сон қарорига илованинг матни қуйидаги таҳрирда баён этилсин:

"Ўзбекистон Республикаси

Вазирлар Маҳкамаси ҳузуридаги Имом Бухорий

халқаро илмий-тадқиқот марказининг фаолиятини

қўллаб-қувватлаш ва мувофиқлаштириш

бўйича васийлик кенгашининг

ТАРКИБИ

       

         

Изоҳ. Васийлик кенгаши аъзолари бошқа ишга ўтган тақдирда, унинг таркибига ушбу лавозимларга янги тайинланган шахслар ёки зиммасига тегишли функцияларни бажариш юкланган шахслар киритилади".

6. Ўзбекистон Республикаси Президентининг 2017 йил 26 сентябрдаги "Олий таълим муассасаларига кириш учун номзодларни мақсадли тайёрлаш тизимини янада такомиллаштириш тўғрисида"ги ПҚ-3290-сон қарорига 2-илованинг 1-позициясидаги "Ўзбекистон Халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин.

7. Ўзбекистон Республикаси Президентининг 2018 йил 4 августдаги "Ўзбекистон Республикаси Қуролли Кучлари ҳарбий хизматчиларининг маънавий-маърифий савиясини ошириш тизимини тубдан такомиллаштириш тўғрисида"ги ПҚ-3898-сон қарорига 2-илованинг 3 ва 14-позициялари "Масъул ижрочилар" устунидаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин.

8. Ўзбекистон Республикаси Президентининг 2020 йил 11 августдаги "Имом Мотуридий халқаро илмий-тадқиқот марказини ташкил этиш чора-тадбирлари тўғрисида"ги ПҚ-4802-сон қарорида:

(а) 2-банд қуйидаги таҳрирда баён этилсин:

"2. Марказнинг асосий вазифалари этиб қуйидагилар белгилансин:

Имом Мотуридий, Абу Муин Насафий каби буюк аллома аждодларимиз қолдирган бой маънавий меросни ўрганиш, жаҳон илм-фани ривожига қўшган беқиёс ҳиссасини халқимиз, айниқса, ёшларга етказиш, улар яратган асарларнинг илмий-изоҳли таржима ва қиёсий матнларини нашр этиш, мамлакатимиз ҳудудида рўй берган Биринчи ва Иккинчи Ренессанснинг илмий-назарий асосларини тадқиқ этиш ҳамда Янги Ўзбекистон тараққиётининг маънавий пойдеворини яратишда иштирок этиш;

ислом динининг инсонпарварлик моҳияти, маърифий-маданий роли ва ривожланиш йўналишларини илмий асосда ўрганиш ва кенг оммага, жумладан, халқаро жамоатчиликка етказиш;

мамлакатда ҳамда хорижий давлатларнинг кутубхоналари ва архив фондларида сақланаётган буюк алломаларнинг калом илмига оид мероси ҳамда ислом дунёси учун муҳим илмий аҳамиятга эга бўлган қўлёзма, тошбосма асарларнинг аcл ҳамда электрон нусхаларини тўплаш ва келажак авлодга етказиш учун тизимли илмий тадқиқотларни ташкил этиш;

исломий илмлар, хусусан, калом илми тарихи ва унинг бугунги кундаги аҳамиятини илмий тадқиқ этиш соҳасидаги халқаро ҳамкорликни кучайтириш мақсадида илмий-назарий ва услубий масалаларга бағишланган анжуман, конференция, симпозиум, кўргазма, илмий маъруза, семинар-тренинг ва танловлар ҳамда бошқа маданий-маърифий тадбирларни ташкил этиш;

тадқиқот натижалари юзасидан қомуслар, каталоглар, альбомлар, илмий-оммабоп ҳужжатли фильмлар, ахборот-ресурс базасини тайёрлаш ва оммавий ахборот воситалари, хусусан, Интернет жаҳон ахборот тармоғида эълон қилишни ташкил қилиш;

ислом тарихи ва калом илми йўналишидаги янги тадқиқотлар натижаларидан илмий жамоатчиликни кенг хабардор этиш;

"жаҳолатга қарши маърифат" ғояси асосида ислом динининг илм-маърифат, маънавий поклик, тинчлик-осойишталик, тараққиёт ва бунёдкорликка чақирувчи ғояларини халққа, айниқса, ёшларга етказиш, мутаассиблик, экстремизмнинг мақсадлари, ғоявий негизлари, замонавий кўринишлари ва фаолият услубларини ўрганиш ҳамда уларга қарши курашишнинг илмий-маърифий асосларини ишлаб чиқиш ва амалиётда қўллаш учун тавсия этиш;

диний таълим муассасаларига илмий-тадқиқот ва ўқув-услубий масалаларда ҳамда педагог кадрлар ва диний ходимларнинг малакасини ошириб боришда амалий ёрдам кўрсатиш;

ижтимоий-маънавий муҳит барқарорлигини сақлаш, ёшларни ёт ғоялар таъсиридан асрашга қаратилган стратегик аҳамиятга эга лойиҳа ва ташаббусларни ишлаб чиқиш";

(б) 4-банднинг иккинчи хатбошиси қуйидаги таҳрирда баён этилсин:

"Марказ директори Ўзбекистон Республикаси Вазирлар Маҳкамаси томонидан лавозимга тайинланади ва лавозимидан озод этилади";

(в) 8-банддаги "Ўзбекистон халқаро ислом академияси ректорига" сўзлари "Марказ директорига" сўзлари билан алмаштирилсин;

(г) 9-банддаги "Ўзбекистон халқаро ислом академияси Марказ ва" сўзлари "Марказ" сўзи билан алмаштирилсин;

(д) 1-илованинг матни қуйидаги таҳрирда баён этилсин:

"Имом Мотуридий халқаро

илмий-тадқиқот марказининг фаолиятини

қўллаб-қувватлаш ва мувофиқлаштириш

бўйича васийлик кенгашининг

ТАРКИБИ

         

         

Изоҳлар:

Васийлик кенгаши аъзолари бошқа ишга ўтган тақдирда, унинг таркибига ушбу лавозимларга янги тайинланган ёки зиммасига тегишли функцияларни бажариш юкланган шахслар киритилади.

Васийлик кенгаши ишига келишилган ҳолда бошқа вазирликлар, идоралар, маҳаллий давлат ҳокимияти органлари, хўжалик жамиятлари ва фуқаролик жамияти институтлари раҳбарлари ва мутахассислари жалб қилиниши мумкин".

9. Ўзбекистон Республикаси Президентининг 2020 йил 22 июндаги "Ўзбекистон Республикасининг халқаро шартномаларидан ва халқаро ташкилотларга аъзоликдан келиб чиқадиган мажбуриятларини бажариш тартибини такомиллаштириш чора-тадбирлари тўғрисида"ги ПҚ-4756-сон қарорига 1-илованинг 36-позицияси "Тўловчилар номи" устунидаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин.

10. Ўзбекистон Республикаси Президентининг 2020 йил 3 декабрдаги "Иқтидорли ёшларни саралаб олиш тизими ва академик лицейлар фаолиятини такомиллаштириш чора-тадбирлари тўғрисида"ги ПҚ-4910-сон қарорига 2-илованинг 1-позицияси "Академик лицей номи" устунидаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин.

11. Ўзбекистон Республикаси Президентининг 2021 йил 16 июлдаги "Ўзбекистон Республикаси Вазирлар Маҳкамаси ҳузуридаги Ўзбекистондаги Ислом цивилизацияси маркази фаолиятини янада такомиллаштиришга доир қўшимча чора-тадбирлар тўғрисида"ги ПҚ-5186-сон қарорида:

(а) 12-банддаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин;

(б) 1-иловада 2, 7, 13-15, 21, 25, 27 ва 29-позицияларининг "Масъуллар" устунидаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин;

(в) 3-иловада:

(i) 3-банддаги "З. Исломов - Ўзбекистон халқаро ислом академияси илмий ишлар ва инновациялар бўйича проректори" сўзлари "И. Даминов - Ўзбекистон халқаро исломшунослик академияси илмий ишлар ва инновациялар бўйича проректори" сўзлари билан алмаштирилсин;

(ii) 7-банддаги "Д. Махсудов - Ўзбекистон халқаро ислом академияси ҳузуридаги Имом Мотуридий халқаро илмий-тадқиқот маркази директори" сўзлари "Лавозим бўйича - Вазирлар Маҳкамаси ҳузуридаги Имом Мотуридий халқаро илмий-тадқиқот маркази директори" сўзлари билан алмаштирилсин;

(iii) 9-банддаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин.

12. Ўзбекистон Республикаси Президентининг 2022 йил 10 февралдаги "Қадимий ёзма манбаларни сақлаш ва тадқиқ этиш тизимини такомиллаштиришга доир қўшимча чора-тадбирлар тўғрисида"ги ПҚ-126-сон қарорида:

(а) 3-банднинг бешинчи хатбошиси, 8-банднинг биринчи ва тўртинчи хатбошилари, 9-банднинг иккинчи хатбошиси, 10-банднинг биринчи хатбошисидаги ва 13-банддаги тегишли келишикдаги "Ўзбекистон халқаро ислом академияси" сўзлари тегишли келишикдаги "Ўзбекистон халқаро исломшунослик академияси" сўзлари билан алмаштирилсин;

(б) 6-бандда:

(i) еттинчи хатбоши чиқариб ташлансин;

(ii) саккизинчи хатбоши еттинчи хатбоши деб ҳисоблансин.

13. Ўзбекистон Республикаси Президентининг 2023 йил 26 апрелдаги "Республиканинг туризм салоҳиятини жадал ривожлантириш ҳамда маҳаллий ва хорижий туристлар сонини янада оширишга доир қўшимча чора-тадбирлар тўғрисида"ги ПҚ-135-сон қарорида:

(а) 3-банддаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин;

(б) 8-илованинг 3-позицияси "Олий таълим ташкилотлари" устунидаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин.

14. Ўзбекистон Республикаси Президентининг 2024 йил 18 июлдаги "Туризм соҳасида кадрлар тайёрлаш тизимини такомиллаштириш чора-тадбирлари тўғрисида"ги ПҚ-269-сон қарорига 1-илованинг 14-позицияси "Масъул ижрочилар" устунидаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин.

15. Ўзбекистон Республикаси Президентининг 2024 йил 27 декабрдаги "Туркистон жадидлик ҳаракатининг асосчиси, атоқли адиб ва жамоат арбоби, ношир ва педагог Маҳмудхўжа Беҳбудий таваллудининг 150 йиллигини кенг нишонлаш тўғрисида"ги ПҚ-462-сон қарорига илованинг 18-бандидаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин.

16. Ўзбекистон Республикаси Президентининг 2024 йил 31 декабрдаги "Мамлакатнинг ижтимоий, сиёсий ва иқтисодий ривожланиш соҳаларидаги стратегик таҳлил ва тадқиқот қилиш фаолиятини самарали ташкил этиш чора-тадбирлари тўғрисида"ги ПҚ-467-сон қарорига 1-илованинг 29-бандидаги, 3-илованинг 5-бандидаги, 5-илованинг 4-бандидаги "Ўзбекистон халқаро ислом академияси" сўзлари "Ўзбекистон халқаро исломшунослик академияси" сўзлари билан алмаштирилсин.

         

         

Ўзбекистон Республикаси

Президентининг

2025 йил 11 сентябрдаги

ПФ-164-сон Фармонига

2-ИЛОВА

Ўзбекистон Республикаси

Президентининг ўз кучини йўқотган деб

эътироф этилаётган айрим ҳужжатлари

РЎЙХАТИ

1. Ўзбекистон Республикаси Президентининг 2017 йил 28 сентябрдаги "Ўзбекистон Республикаси Президентининг айрим ҳужжатларига ўзгартиришлар киритиш тўғрисида" (Ўзбекистон Республикаси Президентининг "Маънавий-маърифий ишлар самарадорлигини ошириш ва соҳани ривожлантиришни янги босқичга кўтариш тўғрисида" 2017 йил 28 июлдаги ПҚ-3160-сон қарори)"ги ПФ-5194-сон Фармонига илованинг 6-банди.

2. Ўзбекистон Республикаси Президентининг 2021 йил 17 мартдаги "Ўзбекистон Республикаси Президентининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида"ги ПФ-6188-сон Фармонига 1-илованинг 53-банди.

3. Ўзбекистон Республикаси Президентининг 2021 йил 9 ноябрдаги "Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида"ги ПФ-3-сон Фармонига илованинг 27-банди.

4. Ўзбекистон Республикаси Президентининг 2008 йил 7 августдаги "Ўзбекистон мусулмонлари идораси ҳузурида Муқаддас қадамжоларни сақлаш ва обод этиш хайрия жамғармасини ташкил қилиш тўғрисида"ги ПҚ-938-сон қарори.

5. Ўзбекистон Республикаси Президентининг 2017 йил 15 декабрдаги "Ўзбекистон Ислом академиясини ташкил этиш чора-тадбирлари тўғрисида"ги ПҚ-3433-сон қарори.

6. Ўзбекистон Республикаси Президентининг 2018 йил 16 апрелдаги "Дин ишлари бўйича қўмита фаолиятини такомиллаштириш чора-тадбирлари тўғрисида"ги ПҚ-3668-сон қарорининг 4-банди биринчи хатбошиси ва 2-иловаси.

7. Ўзбекистон Республикаси Президентининг 2019 йил 4 сентябрдаги "Диний-маърифий соҳа фаолиятини такомиллаштириш бўйича қўшимча чора-тадбирлар тўғрисида"ги ПҚ-4436-сон қарорининг 1-банди.

           

           

Қонун ҳужжатлари маълумотлари миллий базаси (www.lex.uz),

2025 йил 11 сентябрь