Ўзбекистон Республикаси Вазирлар Маҳкамасининг 22.05.1998 й. 224-сон "Ўз-Самсунг Электроникс" Ўзбекистон-Корея қўшма корхонасини ташкил этиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

22.05.1998 й.

N 224

"ЎЗ-САМСУНГ ЭЛЕКТРОНИКС"

ЎЗБЕКИСТОН-КОРЕЯ ҚЎШМА

КОРХОНАСИНИ ТАШКИЛ

ЭТИШ ТЎҒРИСИДА

Ички бозорни сифатли маиший электрон аппаратлар билан тўлдириш ва уни экспортга ишлаб чиқаришни кўпайтириш учун шарт-шароитлар яратиш мақсадида Вазирлар Маҳкамаси ҚАРОР ҚИЛАДИ:

1. "Ўзэлтехсаноат" уюшмасининг "Алгоритм" очиқ турдаги акциядорлик жамияти негизида маиший электрон аппаратлар ишлаб чиқарувчи, 1 ва 2-иловаларга* мувофиқ дастлабки устав жамғармаси тузилмасига ва маҳсулот ишлаб чиқариш дастурига эга бўлган "Ўз-Самсунг Электроникс" Ўзбекистон-Корея қўшма корхонасини ташкил этиш тўғрисидаги таклифига розилик берилсин.

2. Лойиҳанинг техник-иқтисодий асосланишига мувофиқ, экспорт ҳажми 1999 йилдаги 21 фоиздан 2002 йилда 51 фоизгача етказилиши, кейинчалик экспорт қилинадиган маҳсулотлар улуши кўпайтирилиши;

маҳсулотларнинг узеллари ва деталларини тайёрлашни маҳаллийлаштириш даражаси 1999 йилдаги 27 фоиздан 2002 йилда 50 фоизгача етказилиши маълумот учун қабул қилинсин.

"Ўзэлтехсаноат" уюшмаси "Ўз-Самсунг Электроникс" қўшма корхонаси билан биргаликда қўшма корхонанинг маҳсулотларини ишлаб чиқариш ва сотиш, шу жумладан, экспортга ҳам сотиш бўйича бизнес-режа ҳар йили ишлаб чиқилишини ва тасдиқланишини таъминласин.

3. Ўзбекистон Республикаси Макроиқтисодиёт ва статистика вазирлиги "Ўз-Самсунг Электроникс" қўшма корхонасида маиший электрон аппаратлар ишлаб чиқариш лойиҳасини Ўзбекистон Республикасининг Инвестиция дастурига киритсин.

4. Қўшма корхона ишлаб чиқариш фаолияти бошланган пайтдан бошлаб 5 йил муддатга республикага олиб келинаётган материаллар, буюмлар ва асбоб-ускуналар учун бож ва қўшилган қиймат солиғи тўлашдан озод қилинсин.

5. Ўзбекистон Республикаси Меҳнат вазирлиги "Алгоритм" очиқ турдаги акциядорлик жамиятининг буюртманомалари бўйича лойиҳани амалга оширишга жалб қилинаётган қўшма корхона чет эллик ходимларининг ишлаб чиқариш фаолиятини амалга оширишлари учун зарур бўлган рухсатномаларнинг ўз вақтида берилишини таъминласин.

6. Ўзбекистон Республикаси Ташқи ишлар вазирлиги, Ички ишлар вазирлиги "Алгоритм" очиқ турдаги акциядорлик жамияти буюртманомалари бўйича, қўшма корхонанинг хизматчилари ва мутахассисларини визаларни расмийлаштирганлик ва рўйхатдан ўтказганлик учун йиғимлар тўлашдан озод қилган ҳолда, виза масалаларининг ҳал қилинишини таъминласинлар.

7. Қўшма корхона масалалари бўйича ишлаш учун келаётган чет эллик мутахассисларга яшашлари ва республика ҳудудида транспортнинг барча турларида юришлари учун Ўзбекистон Республикаси фуқоролари учун назарда тутилган тарифлар бўйича ҳақ тўлаш ҳуқуқи берилсин.

8. Маҳфий.

9. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.

Вазирлар Маҳкамасининг Раиси                                             И. Каримов

*) Иловалар рус тилидаги матнда берилган.