язык интерфейса

ЎзР Конунчилиги

ЎзР Конунчилиги/ Халқаро алоқалар/ Ўзбекистон Республикаси билан имзоланган икки томонлама шартномалар/ Давлатлар бўйича ҳужжатлар тизими/ Польша Республикаси/ Ўзбекистон Республикаси Ҳукумати билан Польша Республикаси Ҳукумати ўртасида маҳфий (ёпиқ) ахборотни ўзаро ҳимоя қилиш тўғрисида Битим (Тошкент, 2005 йил 18 январь)

Вы можете получить доступ на один день к продукту Законодательство Руз.

Ўзбекистон Республикаси Ҳукумати билан

Польша Республикаси Ҳукумати ўртасида маҳфий

(ёпиқ) ахборотни ўзаро ҳимоя қилиш тўғрисида

БИТИМ


Ўзбекистон Республикаси Ҳукумати билан Польша Республикаси Ҳукумати, бундан кейин Томонлар деб аталувчилар, Томонлар давлатларининг қонун ҳужжатларига мувофиқ маҳфий (ёпиқ) деб белгиланган ахборотни алмашиш муҳимлигини эътироф этиб, маҳфий (ёпиқ) ахборотни ўзаро алмашиш давомида ишончли ҳимоя қилиш зарурлигини инобатга олиб, қуйидагидар тўғрисида аҳдлашиб олдилар:



1-модда. Атамаларни аниқлаш


Ушбу Битим мақсадида қуйида санаб ўтилган атамалар ушбуларни англатади:


"маҳфий (ёпиқ) ахборот" - шакли ва ифодаланишидан қатъи назар, Томонлар давлатларининг қонун ҳужжатлари ҳамда ушбу Битимнинг қоидаларига биноан маҳфий (ёпиқ) деб топилган ва ҳимоя қилинадиган ахборот;


"ваколатланган орган" - Томонлар давлатларининг қонун ҳужжатлари ҳамда ушбу Битимнинг қоидаларига мувофиқ маҳфий (ёпиқ) ахборотни тақдим этиш, қабул қилиш, сақлаш, ҳимоя қилиш ва фойдаланишга ваколатланган орган;


"ваколатли орган" - маҳфий (ёпиқ) ахборотни ҳимоя қилиш соҳасида ваколатли ҳисобланган орган;


"маҳфий (ёпиқ) ахборотдан фойдаланишга ваколат" - Томонлар давлатларининг қонун ҳужжатларига мувофиқ зарур тадбирлар ўтказилгач, ваколатли орган ёхуд ваколатли субъект томонидан берилган ваколат.



2-модда. Маҳфийлик (ёпиқлик) устхати


1. Маҳфий (ёпиқ) ахборотга ҳар бир Томон давлатининг қонун ҳужжатларига мувофиқ бўлган маҳфийлик (ёпиқлик) устхати берилади, бунда бошқа Томон тақдим этган маҳфий (ёпиқ) ахборотга ушбу модданинг 2-банди қоидаларига биноан мос келадиган мақомлар берилади.


2. Томонлар қуйида кўрсатилган маҳфийлик (ёпиқлик) мақ

...