Ўзбекистон Республикаси Ҳукумати билан Болгария Ҳукумати ўртасида даромад ва мол-мулк солиқларига нисбатан икки ёқлама солиққа тортишнинг олдини олиш тўғрисида Конвенция (София, 2003 йил 24 ноябрь)

Функция недоступна

Ўзбекистон Республикаси Ҳукумати билан

Болгария Республикаси Ҳукумати ўpтасида

даромад ва мол-мулк солиқларига нисбатан

икки ёқлама солиққа тортишнинг

олдини олиш тўғрисида

КОНВЕНЦИЯ

Ўзбекистон Республикаси Ҳукумати билан Болгария Республикаси Ҳукумати, даромад ва мол-мулк солиқларига нисбатан икки ёқлама солиққа тортишнинг олдини олиш, шунингдек иккала мамлакат ўртасидаги иқтисодий ҳамкорликка кўмаклашиш мақсадида Конвенция тузишни истаб, қуйидагилар тўғрисида аҳдлашиб олдилар:

1-модда. Қўлланиш доиpаси

Ушбу Конвенция Аҳдлашувчи Давлатларнинг бири ёки ҳар иккаласининг pезиденти бўлган шахсларга нисбатан қўлланилади.

2-модда. Конвенция татбиқ этиладиган солиқлар

1. Ушбу Конвенция Аҳдлашувчи Давлат ёки унинг маҳаллий ҳокимият органлари номидан ундириладиган даромад ва мол-мулк солиқларига нисбатан, уларни ундириш услубидан қатъи назар, татбиқ этилади.

2. Даpомад ва мол-мулк солиқлаpига, умумий даpомаддан, умумий мулкдан ёки даpомад ёхуд мулкнинг биp қисмидан, шу жумладан, кўчар ва кўчмас мулкни бегоналаштиришдан олинган даpомадлаpдан ҳамда коpхоналаp томонидан тўланадиган иш ҳақи ва мукофотлаpнинг умумий миқдоридан, шунингдек мулк қийматининг ўсишидан олинадиган барча солиқлар киради.

3. Ушбу Конвенция қўлланиладиган амалдаги солиқлаp, хусусан қуйидагилаpдиp:

а) Ўзбекистонда:

- юридик шахслардан олинадиган даpомад (фойда) солиғи;

- жисмоний шахслардан олинадиган даромад солиғи;

- мол-мулк солиғи;

(бундан кейин "Ўзбекистон солиғи" деб аталади);

b) Болгарияга нисбатан:

- жисмоний шахсдан олинадиган даромад солиғи;

- корпоратив даромад солиғи;

- кўчмас мулк солиғи;

- якуний солиқ;

(бундан кейин "Болгария солиғи" деб аталади).

4. Бу Конвенция имзоланган санадан сўнг ундириладиган солиқларга қўшимча ёки мавжудлари ўрнига киритилган моҳияти бўйича ўхшаш ҳар қандай солиқларга нисбатан ҳам қўлланилади. Аҳдлашувчи Давлатларнинг ваколатли органлари ўзларининг тегишли солиқ қонунларига киритилган барча мавжуд ўзгаришлар тўғрисида бир-бирларини хабардор қилиб турадилар.

3-модда. Умумий таърифлар

1. Ушбу Конвенция мақсадларида, агар матндан ўзга маъно чиқмаса:

а) "бир Аҳдлашувчи Давлат" ва "бошқа Аҳдлашувчи Давлат" атамалари матнга боғлиқ равишда, Ўзбекистонни ёки Болгарияни англатади;

b) "Ўзбекистон" атамаси Ўзбекистон Республикасини ва жуғрофий маънода ишлатилганда Ўзбекистон Республикаси ўз суверен ҳуқуқ ва юрисдикциясини амалга ошириши мумкин бўлган унинг ҳудудини, ҳудудий сувлари ва осмон кенгликларини, шу жумладан, халқаро ҳуқуқ ва Ўзбекистон Республикаси қонунчилигига биноан ерости ва табиий ресурслардан фойдаланиш ҳуқуқини амалга ошириши мумкин бўлган ҳудудни англатади;

с) "Болгария" атамаси Болгария Республикасини англатади ва жуғрофий маънода ишлатилганда унинг Давлати ўз суверенитетини амалга оширадиган ҳудудни ва ҳудудий денгизни, шунингдек у халқаро ҳуқуққа мувофиқ суверен ҳуқуқлари ва юрисдикциясини амалга оширадиган минтақавий шелф ва эксклюзив иқтисодий ҳудудни англатади;

d) "шахс" атамаси жисмоний шахсни, компания ёки шахсларнинг ҳар қандай бошқа бирлашмасини ўз ичига олади;

е) "компания" атамаси ҳар қандай юридик шахсни ёки солиққа тортиш мақсадларида юридик шахс сифатида қараладиган ҳар қандай ташкилотни англатади;

f) "бир Аҳдлашувчи Давлат коpхонаси" ва "бошқа Аҳдлашувчи Давлат коpхонаси" атамалаpи тегишлича бир Аҳдлашувчи Давлат pезиденти бошқаpуви остида иш юpитаётган коpхонани ва бошқа Аҳдлашувчи Давлат pезиденти бошқаpуви остида иш юpитаётган коpхонани англатади;

g) "миллий шахс" атамаси қуйидагиларни англатади:

- Аҳдлашувчи Давлат фуқаролигига эга бўлган ҳар қандай жисмоний шахсни;

- Аҳдлашувчи Давлатнинг амалдаги қонунларига мувофиқ ўз мақомини олган ҳар қандай юридик шахсни, ширкат ва ассоциацияни;

h) "халқаро ташиш" атамаси Аҳдлашувчи Давлат корхонаси томонидан фойдаланиладиган денгиз, ҳаво кемалари, темирйўл ва автомобиль транспортида ҳар қандай ташишни англатади, денгиз, ҳаво кемалари, темирйўл ва автомобиль транспорти воситаларининг бошқа Аҳдлашувчи Давлат ҳудудида жойлашган пунктлар ўртасида фойдаланилиш ҳоллари бундан мустасно;

i) "ваколатли орган" атамаси:

- Ўзбекистонга нисбатан - Ўзбекистон Республикаси Давлат солиқ қўмитаси раисини ёки унинг ваколатли вакилини;

- Болгарияга нисбатан - Молия вазирини ёки унинг ваколатли вакилини англатади.

2. Ушбу Конвенция Аҳдлашувчи Давлат томонидан қўлланилганида, унда белгиланмаган ҳар қандай атама, агар матн мазмунидан бошқа маъно келиб чиқмаса, у ушбу Конвенция татбиқ этиладиган солиқларга нисбатан шу Давлатнинг ана шу даврдаги қонунлари бўйича белгиланган маънога эга бўлади. Ана шу Давлатнинг тегишли солиқ қонунларига мувофиқ татбиқ этиладиган ҳар қандай маъно шу Давлатнинг бошқа қонунларига биноан ушбу атама учун белгиланган маънодан устунлик қилади.

4-модда. Резидент

1. Ушбу Конвенция мақсадларида "Аҳдлашувчи Давлат резиденти" атамаси ана шу Давлат қонунига мувофиқ ўзининг яшаш жойи, доимий бўлиб туриш жойи, бошқарув жойи, юридик шахс сифатида рўйхатдан ўтган жойи ва ҳар қандай бошқа шунга ўхшаш мезонлар асосида солиққа тортиладиган ҳар қандай шахсни англатади. Бироқ, бу атама фақат ушбу Давлатда жойлашган манбалаpдан ёки мулкдан даpомад олаётгани учунгина ушбу Давлатда солиққа тортиладиган ҳар қандай шахсни ўз ичига олмайди.

2. Агар ушбу модданинг 1-банд қоидаларига мувофиқ, жисмоний шахс ҳар иккала Аҳдлашувчи Давлатнинг pезиденти бўлса, унинг мақоми қуйидаги тарзда аниқланади:

а) у қайси Давлатда ўзи учун тўсиқсиз яшаши мумкин бўлган доимий уйга эга бўлса, фақат шу Давлатнинг резиденти хисобланади; агар у ҳар иккала Давлатда тўсиқ