Ирқ ва ирқий хурофотлар тўғрисидаги Декларация (Париж, 1978 йил 27 ноябрь)

Функция недоступна

Ирқ ва ирқий хурофотлар тўғрисидаги

ДЕКЛАРАЦИЯ

Таълим, фан ва маданият масалалари бўйича Бирлашган Миллатлар Ташкилоти Бош конференциясининг 1978 йил 24 октябридан 28 ноябригача Парижда бўлиб ўтган йигирманчи сессияси йиғилиб,

1945 йил 16 ноябрида қабул қилинган ЮНЕСКО Устави Муқаддимасида "яқиндагина тутаган даҳшатли Жаҳон уруши инсоният шахси қадр-қимматининг ҳурмат қилиниши, инсонларнинг тенг ҳуқуқлилиги ва ўзаро ҳурмат қилиниши каби демократия принципларидан воз кечиш оқибатида юз беради, шу билан бирга жаҳолат ва хурофот асосида инсонлар ва ирқлар тенгсизлиги ғоялари тарқалишига замин туғдирди", дейилганини ва ёдга олинган Уставнинг 1-моддасига мувофиқ ЮНЕСКО "ўз олдига адолат, қонунийлик ва инсон ҳуқуқларининг умумҳурмат қилинишини таъминлаш учун таълим, фан ва маданият соҳаларида халқлар ҳамкорлигини кенгайтириш орқали тинчлик ва хавфсизликни ҳамда барча халқлар учун ирқи, жинси, тили ва динидан қатъи назар, Бирлашган Миллатлар Ташкилоти Уставида эълон қилинган асосий эркинликларни мустаҳкамлашга кўмаклашишини мақсад қилиб қўйган"лигини эсга олган ҳолда,

ЮНЕСКО Уставида бу принциплар мустаҳкамланганлигига уч ўн йиллик муддат ўтганлигига қарамай, ҳали ҳам ўз долзарблигини йўқотмаганлигини тан олган ҳолда,

демократлаштириш жараёнида ва бошқа тарихий ўзгаришлар натижасида кўп халқлар ўз суверенитетини қайта қўлга киритганлиги ва бунинг оқибатида халқаро ҳамжамият ягона бирликка, ўзининг турли хиллиги билан универсалликка айланганлиги ва ирқчиликни йўқотиш, унинг халқаро, шунингдек миллий кўламдаги, хусусан ижтимоий ва сиёсий ҳаётнинг барча соҳаларида намоён бўладиган жирканч кўринишларини тўхтатишнинг янги имкониятлари очилганлигини англаган ҳолда,

инсониятнинг органик жиҳатдан бирлигига, шундай экан, ҳозирги кунда инсонлар ва халқларнинг асосий тенглиги фалсафа, маданият ва диннинг олий тушунчаларида ахлоқ ва фан интиладиган ўрин олганлигига ишонган ҳолда,

ўзининг плюрализмида ва инсоният умумий бойлигини ташкил этадиган ўзаро уйғунлашув шарофати билан барча халқлар ва инсонлар гуруҳлари, уларнинг таркиби ёки этник келиб чиқишидан қатъи назар, цивилизация ва маданиятнинг гуллаб-яшнашида ўзига хос ҳиссаларини