Маърифий, илмий ва маданий мазмундаги материалларни олиб кириш тўғрисидаги битимга Протокол (1976 йил 26 ноябрь)

Функция недоступна

Маърифий, илмий ва маданий мазмундаги

материалларни олиб кириш тўғрисидаги Битимга

ПРОТОКОЛ

1950 йил Флоренцияда Таълим, фан ва маданият масалалари бўйича Бирлашган Миллатлар Ташкилоти Бош конференцияси бешинчи сессиясида тасдиқланган, Маърифий, илмий ва маданий мазмундаги материалларни олиб кириш тўғрисидаги битим иштирокчилари - Аҳдлашувчи Давлатлар,

кейинчалик "Битим" деб юритиладиган Битимга асосланган принципларни яна бир бор тасдиқлаб,

ушбу Битим ғоялар ва билимлар алмашинувига бўладиган тўсиқларни, божхона тўсиқлари ва бошқа иқтисодий чеклашларни камайтиришга қаратилган самарали восита эканлигини эътиборга олиб,

Битим тасдиқланганидан сўнг чорак аср ўтиб, техникавий тараққиёт жараёнлари маълумот ва билимлар узатиш йўллари ва воситаларини ўзгартириб юборгани ҳамда бу ушбу Битимнинг асосий мақсади эканлигини эътиборга олиб,

Халқаро савдо соҳаси эволюциясининг бу даври мобайнида алмашишлар эркинлиги ўсганлигини эътиборга олиб,

Битим тасдиқланган вақтдан буён жаҳон ҳамжамияти изчил ривожланганлиги натижасида халқаро майдонда вазият тубдан ўзгаргани, хусусан, кўпгина давлатлар ўз мустақиллигини қўлга киритганлигини эътиборга олиб,

Ривожланаётган мамлакатлар эҳтиёжига ва уларга ғамхўрлик қилиш ҳақидаги фикрга эътиборни қаратиб, улар учун нисбатан енгилроқ ва унча қиммат бўлмаган таълим, фан-техника ва маданиятга кириб боришни ҳисобга олиб,

ЮНЕСКОнинг 1970 йилдаги Бош конференциясида тасдиқланган ноқонуний олиб кириш, олиб чиқиш, мулк ҳуқуқини бошқага ўтказишни тақиқлаш ва унинг олдини олишга қаратилган чоралар ҳақидаги Конвенция қоидалари, шунингдек 1972 йил Бош конференцияда тасдиқланган Умумжаҳон маданий ва табиий меросни муҳофаза қилиш тўғрисидаги конвенцияни эслатиб,

бундан ташқари, Божхона ҳамкорлиги кенгаши ёрдамида, Таълим, фан ва маданият масалалари бўйича Бирлашган Миллатлар Ташкилоти билан маслаҳатлашув асосида маърифий, илмий ва маданий мазмундаги материалларни вақтинча олиб киришга оид божхона конвенцияларини эслатиб,

янги чораларни қабул қилиш лозимлигига ва бу чоралар иқтисодий ва ижтимоий тараққиётнинг муҳим асосини ташкил этадиган таълим,

фан ва маданиятни янада самаралироқ ривожлантиришга ёрдам беришига ишонган ҳолда,

ЮНЕСКО Бош конферснциясининг ўн саккизинчи сессиясида қабул қилинган 4.112 резолюциясини эслатиб,

қуйидагилар ҳақида келишиб олдилар:

I

1. Аҳдлашувчи Давлатлар Битимнинг 1-моддаси 1-бандида кўрсатиб ўтилгани бўйича, агар бу материаллар олиб кирилаётган пайтда ва олиб чиқилаётган пайтда божхона тўловлари ва бошқа йиғимлардан озод этилган бўлса, Протоколиинг С.1, Ғ, G ва Н Иловаларида ёки бу Иловалар 16 (а)-банд бўйича эълон қилинмаган бўлса ёки умуман, А, В, D ва Е қўшимчаларда ўрнатилганидек, материаллар шартларга жавоб берса, бошқа давлатларнинг маҳ