Ўзбекистон Республикаси Ҳукумати билан Қувайт давлати ҳукумати ўртасида жиноятчиликка қарши кураш соҳасида ҳамкорлик тўғрисида Битим (Ал-Қувайт, 2004 йил 19 январь, ЎзР ВМ 19.01.2004 й. 78-сон қарори билан тасдиқланган, 2007 йил 29 августдан кучга кирган)

Функция недоступна

Ўзбекистон Республикаси Ҳукумати билан

Қувайт Давлати Ҳукумати ўртасида

жиноятчиликка қарши кураш

соҳасида ҳамкорлик тўғрисида

БИТИМ

Ўзбекистон Республикаси Ҳукумати билан Қувайт Давлати Ҳукумати, бундан кейин "Томонлар" деб аталувчилар,

ички хавфсизлик соҳасида ҳамкорликни ривожлантириш истагида,

жиноятларнинг барча кўринишларига, хусусан, терроризм, уюшган жиноятчилик ва гиёҳванд воситалар ҳамда психотроп моддаларнинг ноқонуний юргизилишига қарши курашда бир-бирлари билан тажриба алмашишга бўлган интилишларини эътироф этиб,

жиноятчиликка қарши курашда халқаро ҳамкорликнинг ўта муҳимлигини таъкидлаб,

суверенитет, тенглик ва ўзаро фойдали ҳамкорлик тамойилларидан келиб чиқиб ҳамда ўзларининг халқаро мажбуриятлари ва қонунчилигига амал қилиб,

қуйидагилар тўғрисида аҳдлашиб олдилар:

1-модда

1. Томонлар жиноятчиликка қарши курашда ушбу Битим қоидаларига мувофиқ ўзларининг ваколатли органлари орқали ҳамкорлик қиладилар.