ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Банклар. Кредитлаш. Валютани тартибга солиш / Банклар ва бошқа кредит ташкилотлари / Халқаро молия институтлари ва хорижий банклар билан ҳамкорлик /Ўзбекистон Республикаси Вазирлар Маҳкамасининг 19.11.2007 й. 238-сон "Ўзбекистон Республикасида Корея экспорт-импорт банки ваколатхонасини очиш тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
19.11.2007 й.
N 238
ЎЗБЕКИСТОН РЕСПУБЛИКАСИДА
КОРЕЯ ЭКСПОРТ-ИМПОРТ БАНКИ
ВАКОЛАТХОНАСИНИ ОЧИШ
ТЎҒРИСИДА
Банк ва инвестиция соҳаларида ҳамкорликни кенгайтириш ва мустаҳкамлаш, шунингдек Ўзбекистон Республикаси ҳамда Корея Республикаси иқтисодиётини интеграциялаш мақсадида Вазирлар Маҳкамаси ҚАРОР ҚИЛАДИ:
1. Корея экспорт-импорт банкининг Ўзбекистон Республикаси ҳудудида ваколатхона очиш тўғрисидаги таклифи қабул қилинсин.
2. Ўзбекистон Республикаси Марказий банкига Корея экспорт-импорт банки ваколатхонасини қонун ҳужжатларида белгиланган тартибда рўйхатдан ўтказиш тавсия этилсин.
3. Белгилаб қўйилсинки, Корея экспорт-импорт банки ваколатхонаси ўз фаолиятини Ўзбекистон Республикасининг қонун ҳужжатларига ҳамда Ўзбекистон Республикаси Марказий банкининг норматив ҳужжатларига мувофиқ амалга оширади.
4. Ўзбекистон Республикаси Марказий банки ва Молия вазирлиги Корея экспорт-импорт банки билан ҳамкорликни янада кенгайтириш ва мустаҳкамлаш ҳамда банкнинг Тошкент шаҳридаги ваколатхонаси фаолиятига кўмаклашиш чора-тадбирлари амалга оширилишини таъминласинлар.
5. Тошкент шаҳар ҳокимлиги Корея экспорт-импорт банки ваколатхонасига офис учун бино бериш билан боғлиқ масалаларни ҳал этишда амалий ёрдам кўрсатсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов ҳамда Ўзбекистон Республикаси Марказий банки раиси Ф.М. Муллажонов зиммасига юклансин.
Ўзбекистон Республикасининг Бош вазири Ш. Мирзиёев