Ўзбекистон Республикаси Президентининг 07.09.2001 й. ПФ-2933-сон "Шахсий ёрдамчи ва деҳқон хўжаликларини давлат йўли билан қўллаб-қувватлаш ҳамда мамлакатни озиқ-овқат билан таъминлашда уларнинг ролини кучайтириш борасидаги чора-тадбирлар тўғрисида Ўзбекистон Республикаси Президентининг 1997 йил 18 мартдаги ПФ-1737-сон Фармонига ўзгартиришлар киритиш ҳақида"ги Фармони

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

07.09.2001 й.

N ПФ-2933

ШАХСИЙ ЁРДАМЧИ ВА ДЕҲҚОН ХЎЖАЛИКЛАРИНИ

ДАВЛАТ ЙЎЛИ БИЛАН ҚЎЛЛАБ-ҚУВВАТЛАШ ҲАМДА

МАМЛАКАТНИ ОЗИҚ-ОВҚАТ БИЛАН ТАЪМИНЛАШДА

УЛАРНИНГ РОЛИНИ КУЧАЙТИРИШ БОРАСИДАГИ

ЧОРА-ТАДБИРЛАР   ТЎҒРИСИДА   ЎЗБЕКИСТОН

РЕСПУБЛИКАСИ ПРЕЗИДЕНТИНИНГ 1997 ЙИЛ

18 МАРТДАГИ ПФ-1737-СОН ФАРМОНИГА

ЎЗГАРТИРИШЛАР КИРИТИШ ҲАҚИДА

"Деҳқон хўжалиги тўғрисида", "Фермер хўжалиги тўғрисида" Ўзбекистон Республикасининг Қонунларига мувофиқ ҳамда қишлоқ хўжалиги товар ишлаб чиқарувчилари учун ягона ер солиғи жорий этилиши муносабати билан:

1. "Шахсий ёрдамчи ва деҳқон хўжаликларини давлат йўли билан қўллаб-қувватлаш ҳамда мамлакатни озиқ-овқат билан таъминлашда уларнинг ролини кучайтириш борасидаги чора-тадбирлар тўғрисида" Ўзбекистон Республикаси Президентининг 1997 йил 18 мартдаги ПФ-1737-сон Фармони 4-бандининг учинчи хатбоши қуйидаги таҳрирда баён этилсин:

"деҳқон хўжаликларидан ундириб олинадиган ер солиғи суммаси маблағларининг 5 фоизи ҳамда фермер хўжаликларидан ундириб олинадиган ягона ер солиғи суммаси маблағларининг 2,5 фоизи".

2. Ўзбекистон Республикаси Президентининг 1997 йил 18 мартдаги ПФ-1737-сон Фармонининг сарлавҳаси ва матнига иловага мувофиқ ўзгартиришлар киритилсин.

Ўзбекистон Республикаси Президенти                                         И. Каримов

Ўзбекистон Республикаси

Президентининг

2001 йил 7 сентябрдаги

ПФ-2933-сон Фармонига

ИЛОВА

Ўзбекистон Республикаси Президентининг

1997 йил 18 мартдаги ПФ-1737-сон Фармонига

киритиладиган ўзгартиришлар

1. Фармоннинг сарлавҳаси ва матнидаги "шахсий ёрдамчи ва деҳқон хўжаликлари" деган сўзлар ўрнига "деҳқон ва фермер хўжаликлари" сўзлари ёзилсин.

2. Фармоннинг 3, 4, 5 ва 6-бандларидаги "Шахсий ёрдамчи ва деҳқон хўжаликлари уюшмаси" сўзлари алмаштирилиб, "Деҳқон ва фермер хўжаликлари уюшмаси" деб ёзилсин.

3. 4 ва 7-бандларидаги "Шахсий ёрдамчи ва деҳқон хўжаликларини қўллаб-қувватлаш жамғармаси" сўзлари ўзгартирилиб, "Деҳқон ва фермер хўжаликларини қўллаб-қувватлаш жамғармаси" деб ёзилсин.