Ўзбекистон Республикаси фуқароларини чет элда ишга жойлаштириш билан боғлиқ бўлган вазирликлар ва идоралар, шунингдек, фуқароларни ўқитиш ва уларни республикада ишга жойлаштириш бўйича пуллик хизматлар кўрсатувчи тижорат бюролари, вакилликлар ва бошқа ташкилотлар фаолиятини лицензиялаш шартлари ва тартиби тўғрисида Низом (ЎзР ВМ 13.05.1992 й. 235-сон қарорига 2-илова)

Функция недоступна

Вазирлар Маҳкамасининг

1992 йил 13 майдаги

235-сон қарорига

2-ИЛОВА

Ўзбекистон Республикаси фуқароларини чет элда ишга

жойлаштириш билан боғлиқ бўлган вазирликлар ва идоралар,

шунингдек, фуқароларни ўқитиш ва уларни республикада ишга

жойлаштириш бўйича пуллик хизматлар кўрсатувчи тижорат

бюролари, вакилликлар ва бошқа ташкилотлар фаолиятини

лицензиялаш шартлари ва тартиби тўғрисида

НИЗОМ

1. Вазирликлар ва идораларнинг* чет элда, шунингдек, фуқароларни ўқитиш, ишга жойлаштиришда пуллик хизмат кўрсатувчи тижоратчи бюролар, вакилликлар ва бошқа ташкилотларнинг** республикада фукароларни ишга жойлаштириш билан боғлиқ бўлган фаолияти уларда фақат тегишли рухсатнома (лицензия)лар бўлганда амалга оширилади.

2. Рухсатномалар:

а) воситачи ташкилотларга - Ўзбекистон Республикаси Меҳнат вазирлиги томонидан;

б) тижоратчи ташкилотларга - улар жойлашган ерларда: Қорақалпоғистон Республикаси Меҳнат вазирлиги, вилоятлар ва Тошкент шаҳар меҳнат, иш билан таъминлаш ва аҳолини ижтимоий ҳимоя қилиш бошқармаси томонидан берилади.

3. Рухсатнома бериш учун воситачи ва тижоратчи ташкилотларнинг хизмат кўрсатиш хоҳиши тўғрисидаги берган ёзма ҳолдаги мурожаати асос бўлади.

Мурожаатномага қуйидаги ҳужжатлар илова қилинади:

ташкилотнинг устав ҳужжатлари нусхаси;

маҳаллий ҳокимликнинг ушбу ташкилотни рўйхатдан ўтказганлик тўғрисидаги қарорининг нусхаси.

Мурожаатномада ташкилотнинг манзилгоҳи, телефони, раҳбарнинг фамилияси ҳамда давлат божи тўланганлиги тўғрисидаги гувоҳнома кўрсатилади.

Бундан ташқари, воситачи ташкилотлар Ўзбекистон Республикаси ташқи иқтисодий алоқалар иштирокчиси сифатида рўйхатдан ўтказилганлик тўғрисидаги гувоҳноманинг, шартномалар (контрактлар)нинг ёки чет эллик шериклар билан шу масалалар бўйича бошқа ҳужжатларнинг, тижоратчи ташкилотлар эса Ўзбекистон Республикаси Меҳнат вазирлиги томонидан берилган сертификат нусхасини тақдим этадилар.

4. Ўзбекистон Республикаси Меҳнат вазирлиги, унинг жойлардаги тузилма бўлинмалари аризачидан рухсатнома бериш тўғрисида қарор қабул қилиш учун зарур бўлган қўшимча маълумотларни сўраб олишга ҳақлидирлар.

5. Мурожаатномаларнинг натижаларига кўра бир ой муддатда рухсатнома бериш ёки бермаслик тўғрисида қарор қабул қилинади, агар рад жавоби берилса, унинг сабаби кўрсатилиб, аризачига хабар қилинади.

6. Рухсатнома, одатда, бир йилгача муддатга берилади. Аризачининг асосланган илтимосига биноан рухсатноманинг амал қилиш муддати узайтирилиши мумкин.

7. Рухсатнома бериш тўғрисидаги қарорни тайёрлаш учун комиссия тузилади, улар рухсатномалар бериш тўғрисида хулоса тайёрлайдилар, уч нусхадаги махсус формани тўлдирадилар, (воситачи ташкилотлар учун 1-илова, тижоратчи ташкилотлар учун- 2-илова). Рухсатноманинг бир нусхаси аризачига юборилади.

8. Рухсатнома бланкасига тузатишлар, ўзгартишлар, келишилмаган ва тасдиқланмаган тузатишлар киритилишига йўл қўйилмайди. Рухсатнома бошқа юридик шахсларга берилмайди.

9. Воситачи ташкилотлар томонидан меҳнат миграциясига тааллуқли масалаларда нотўғри маълумот берилган, меҳнаткашларни-мигрантларни, уларнинг оила аъзоларини қонунга хилоф равишда, шунингдек, яширинча ўтказишни ташкил этишда ёки амалга оширишда ёрдам кўрсатилган ҳолларда Ўзбекистон Республикаси Меҳнат вазирлиги берилган рухсатноманинг амалда бўлишини тўхтатиб қўйиши мумкин. Бу тартиб такроран бузилса ёки ушбу фаолиятни амалга ошириш қоидалари қўпол равишда бузилганда рухсатнома бекор килиниши мумкин.

Берилган рухсатномада кўрсатилган шартлар ташкилот томонидан бузилса, рухсатнома олиб қўйилиши ва у бекор қилиниши мумкин.

10. Агар ташкилот рухсатномани олган кундан бошлаб 6 ой мобайнида ундан фойдаланмаса ёки ўз фаолиятини тўхтатган бўлса, у ҳолда рухсатнома ўз кучини йўқотган деб ҳисобланади.

11. Воситачи ва тижоратчи ташкилотларнинг фаолиятини назорат қилиш Ўзбекистон Республикаси Меҳнат вазирлиги ва унинг жойлардаги тузилма бўлинмалари томонидан амалга оширилади.

1-ИЛОВА

4. Фаолиятнинг хусусияти (тури) ва ишлар, хизматларнинг номенклатураси

________________________________________________________________

________________________________________________________________

________________________________________________________________

5. Ушбу турдаги фаолиятни амалга оширишнинг шартлари ва қоидалари

________________________________________________________________

________________________________________________________________

________________________________________________________________

6. Фаолиятни амалга ошириш жойи

________________________________________________________________

________________________________________________________________

________________________________________________________________

7. Ҳисоб-китобларнинг номерлари ва банклар бўлимларининг номи

________________________________________________________________

________________________________________________________________

________________________________________________________________

2-ИЛОВА

-сон РУХСАТНОМА

Шу ҳақда берилдки, 199___ "____"  __________________да

_______________________________________________________________

(тижоратчи ташкилотнинг номи)

_______________________________________________________________

_______________________________________________________________

_______________________________________________________________

фаолият (хизмат) нинг қуйидаги турларини амалга ошириш ҳуқуқига эгадир:

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

Рухсатноманинг амалда бўлиш муддати _______________________________

М.Ў.                                  Масъул шахснинг имзоси __________________

_________________________ шаҳри

-------------------------

* бундан кейин "воситачи ташкилотлар" деб аталади.

** бундан кейин "тижорат ташкилотлар" деб аталади.