Корхоналар молия-хўжалик фаолиятининг мониторинги ва таҳлилини ўтказиш Тартиби (АВ томонидан 05.06.1998 й. 442-сон билан рўйхатга олинган ДМБДҚ томонидан тасдиқланган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

05.06.1998 й.

N 442

Мазкур Тартиб рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Корхоналар молия-хўжалик фаолиятининг

мониторинги ва таҳлилини ўтказиш

ТАРТИБИ

I. УМУМИЙ ҚОИДАЛАР

1.1. Ушбу Тартиб Ўзбекистон Республикаси Президентининг 1996 йил 11 декабрдаги "Корхоналар банкротлиги ҳақидаги қонунларни амалга оширишга доир чора-тадбирлар тўғрисида" ПФ-1658-сон Фармони, Ўзбекистон Республикаси Вазирлар Маҳкамасининг 1996 йил 28 декабрдаги "Ўзбекистон Республикаси Давлат мулки қўмитаси ҳузуридаги Корхоналарнинг иқтисодий ночорлиги тўғрисидаги ишлар бўйича қўмитасининг фаолиятини ташкил этиш тўғрисида"ги 465-сон қарори, Ўзбекистон Республикасининг бухгалтерия ҳисоби бўйича қонунларига мувофиқ ишлаб чиқилган ва Корхоналарнинг иқтисодий ночорлиги тўғрисидаги ишлар бўйича қўмита ва унинг ҳудудий бўлинмалари (матн давомида - Қўмита) томонидан корхоналар молия-хўжалик фаолиятининг мониторинги ва таҳлилини ўтказиш русум-қоидаларини белгилайди.

1.2. Ушбу Тартибни тўғри ва бир хилда қўллаш мақсадида қуйидаги тушунчалар ишлатилади:

Мониторинг - корхонанинг молия-хўжалик фаолияти тўғрисидаги ахборотни тўплаш ва умумлаштириш тизими;

Санация - корхонанинг молия-хўжалик фаолиятини соғломлаштириш бўйича тадбирлар мажмуини амалга ошириш;

Иқтисодий ночорлик - корхонанинг пул мажбуриятлари, шу жумладан иш ҳақини тўлаш бўйича талабларга доир кредиторлар талабларини қондиришга, шунингдек ўзига тегишли мол-мулк ҳисобига бюджетга ва бюджетдан ташқари фондларига мажбурий тўловларни таъминлашга қобил эмаслиги;

Банкротлик - хўжалик суди томонидан банкрот деб эълон қилинган корхонанинг иқтисодий ночорлигини белгиланган тартибда эътироф этиш;

Ихтиёрий тугатиш - Ўзбекистон Республикасининг "Банкротлик тўғрисида"ги Қонунига мувофиқ кредиторлар талабларини қондириш ва корхонанинг иқтисодий ночорлиги муносабати билан