Эркин алмаштириладиган валюта хариди учун йиғим тўлаш Тартиби (АВ томонидан 15.01.1999 й.да 594-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

15.01.1999 й.

N 594

Эркин алмаштириладиган валюта

хариди учун йиғим тўлаш

ТАРТИБИ

Мазкур Тартиб Ўзбекистон Республикаси Вазирлар Маҳкамасининг 1998 йил 31 декабрдаги 541-сон “Ўзбекистон Республикасининг 1999 йилдаги асосий макроиқтисодий кўрсаткичлари ва Давлат бюджетининг пргонози тўғрисида”ги қарорининг 8-бандига мувофиқ ишлаб чиқилган.

I. ХОРИЖИЙ ВАЛЮТАНИ ХАРИД ҚИЛИШ

УЧУН ЙИҒИМНИ ТЎЛОВЧИЛАР

1.1. Ўзбекистон Республикаси ички валюта бозорида эркин алмаштириладиган валюта ва бошқа хорижий валютани (бундан кейин - хорижий валюта) харид қилиш бўйича операцияларни амалга оширадиган юридик шахслар (шу жумладан Ўзбекистон Республикаси норезидентлари) йиғимни тўловчилар ҳисобланади.

II. ЙИҒИМ ОЛИШ ОБЪЕКТИ

2.1. Ўзбекистон Республикаси ички валюта бозорида хорижий валютани харид қилишда тўланадиган миллий валютадаги суммадан йиғим олинади.

Хорижий валютани харид қилиш бўйича қуйидаги операциялардан йиғим ундирилмайди:

бюджет маблағлари ҳисобидан;

биржадан ташқари валюта курси бўйича;

жисмоний шахслардан алмаштириш пунктларида.

III. ЙИҒИМ СТАВКАСИ

3.1. Йиғим ставкаси 5 фоиз миқдорида белгиланади.

IV. ЙИҒИМНИ ТЎЛАШ ТАРТИБИ ВА МУДДАТЛАРИ

4.1. Йиғим Ўзбекистон Республикаси валюта биржаси ҳамда валюта операцияларини амалга оширадиган ваколатли банклар томонидан хорижий валютани харид қилиш вақтида харидорлардан ушлаб қолинади.

Йиғим суммалари тўлиқ ҳажмда республика бюджетига ўтказилади (“Ўзбекистон Республикаси бюджети даромадлари ва харажатлари таснифи”да 73-хатбошининг 12-бўлими).

4.2. Ваколатли банклар мазкур Тартибга мувофиқ валюта харид қилганлик учун йиғим тўланганидан кейингина мижозлар ҳисобварақларига харид қилинган валютани ўтказади. Йиғим ҳар беш кунда бир марта республика бюджетига ўтказилади.

4.4. Хорижий валютани харид қилиш учун йиғим бўйича бюджет билан ҳисоб-китоблар бухгалтерия ҳисоби 68-“Бюджет билан ҳисоб-китоблар” ҳисобварағининг “Хорижий валютани харид қилиш учун йиғим” илова ҳисобварағи бўйича юритилади.

Бу илова ҳисобварақ кредити бўйича ҳисобланган солиқ суммаси 26-“Давр харажатлари” ҳисобварағи билан корреспонденцияда акс эттирилади.

Хорижий валютани харид қилиш учун йиғимнинг бюджет даромадига ўтказилган амалдаг суммаси бухгалтерия ҳисобида қуйидаги проводка билан акс эттирилади:

68-“Бюджет билан ҳисоб-китоблар” ҳисобварағи дебети “Хорижий валютани харид қилиш учун йиғим” илова ҳисобварағи.

51-“Ҳисоб-китоб варағи” ҳисобварағи кредити.

V. ТЎЛОВЧИЛАР ЖАВОБГАРЛИГИ

5.1. Хорижий валютани харид қилиш учун йиғимни тўловчилар Ўзбекистон Республикасининг амалдаги қонунларига мувофиқ жавобгар бўладилар.

VI. НАЗОРАТ

6.1. Йиғимни тўғри ва ўз вақтида тўлаш устидан назорат қилиш ваколатли банклар, Ўзбекистон Республикаси валюта биржаси, давлат солиқ хизмати ва молия органлари зиммасига юкланади.

6.2. Йиғимни тўлаш устидан назорат қилиш бўйича вакиллар вазифасини бажара бориб ваколатли банклар ва Ўзбекистон Республикаси валюта биржаси ойига бир марта ойнинг 1-куни ҳолатига кўра 2 иш кунидан кечиктирмай Ўзбекистон Республикаси Молия вазирлиги ва Давлат солиқ қўмитасига юридик шахслар томонидан 1-иловага мувофиқ тўланган йиғимлар суммалари ҳақида ахборот тақдим этади.

6.3. Жойларда ваколатли банкларнинг минтақавий бўлинмалари юқоридаги маълумотларни молия ва солиқ органларига тақдим этади.

6.4. Хорижий валютани харид қилган юридик шахслар ҳар ойда ҳисобот ойидан кейинги ойнинг 5-кунига қадар давлат солиқ хизматларига 3-иловага мувофиқ шакл бўйича ҳисоб-китоб топширади.

6.6. Йиғим тўлаш тартибини бузганлик учун, шунингдек назоратнинг йўқлиги учун Ўзбекистон Республикасининг амалдаги қонунларига мувофиқ жазо чоралари қўлланилади.

Тартибга

1-ИЛОВА

199 __ й.1 ____________ ҳолатига кўра

Юридик шахслар томонидан хорижий валютани

харид қилиш учун йиғимни тўлаш ҳақида

АХБОРОТ

______________________________________

(ваколатли банк номи)

хорижий валюта тури

ўлчов бирлиги, мингда

Раҳбар _____________

                            (имзо)

Тартибга

3-ИЛОВА

Идентификация рақами  олинди ______________

199 __ йил ____________________ учун

хорижий валютани харид қилганлик учун

йиғим суммаси ҳисоб-китоби

Корхона (ташкилот) раҳбари _______________          _________________

                                                                       (имзо) )                                               (сана)

Олдим  ______________

                           (имзо

Бош бухгалтер _______________   ______________

                                               (имзо)                             (сана)

“Ўзбекистон Республикаси вазирликлари, давлат қўмиталари ва

идораларининг меъёрий ҳужжатлари Ахборотномаси”, 1999 йил, 2-сон