Ўзбекистон Республикаси Президентининг 19.08.1992 й. ПФ-455-сон "Уй-жойлар хусусийлаштирилиши муносабати билан аҳолининг кам таъминланган табақаларини ижтимоий ҳимоялашга оид қўшимча тадбирлар тўғрисида"ги Фармони

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

19.08.1992 й.

N ПФ-455

УЙ-ЖОЙЛАР ХУСУСИЙЛАШТИРИЛИШИ

МУНОСАБАТИ БИЛАН АҲОЛИНИНГ

КАМ ТАЪМИНЛАНГАН ТАБАҚАЛАРИНИ

ИЖТИМОИЙ ҲИМОЯЛАШГА ОИД

ҚЎШИМЧА ТАДБИРЛАР ТЎҒРИСИДА

Бозор муносабатларига ўтиш шароитида уй-жойларни хусусийлаштириш билан боғлиқ аҳолининг кам таъминланган табақаларини ижтимоий ҳимоялашни таъминлаш мақсадида:

1. Фуқаролар яшаб турган (доимий яшаш жойи бўйича рўйхатга олинган) квартиралар (хоналар) ва алоҳида уйлар улар қайси идорага қарашли эканлигидан қатъи назар улар:

- ҳалок бўлган ҳарбий хизматчиларнинг оилаларига;

- байналминал жангчи ногиронлари бўлган оилаларга;

- I гуруҳ кўзи ожиз ногиронлари бўлган оилаларга;

- 18 ёшгача 7 ва ундан ортиқ фарзандлари бўлган кўп болали оилаларга;

- фарзанд қилиб олинган ва васийликка олинган ота-онасиз етим болаларга;

- уч ва ундан ортиқ меҳнатга яроқсиз оила аъзолари бўлган боқувчисини йўқотган оилаларга;

- ишламайдиган I ва II гуруҳ ногиронларига;

- 1930-1950 йилларда қатағон қилинган ва ҳозирги вақтда оқланган кишилари бўлган оилаларга;

- Чернобиль ҳалокати оқибатларини тугатишда иштирок этган аъзолари бўлган оилаларга бепул шахсий (ҳиссадор) мулк қилиб берилсин.

2. Ўзбекистон Республикаси Президенти ҳузуридаги Вазирлар Маҳкамаси икки ҳафта муддат ичида ушбу Фармон рўёбга чиқарилишини таъминловчи қарор қабул қилсин.

Ўзбекистон Республикасининг Президенти                            И. Каримов

"Ўзбекистон Республикаси Олий Кенгашининг Ахборотномаси", 1992 й., 10-сон, 411-модда